Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Mtoto afariki baada ya kukeketwa

Discussion in 'Habari na Hoja mchanganyiko' started by MziziMkavu, Dec 29, 2011.

  1. MziziMkavu

    MziziMkavu JF-Expert Member

    #1
    Dec 29, 2011
    Joined: Feb 3, 2009
    Messages: 38,560
    Likes Received: 2,852
    Trophy Points: 280
    Ngariba wa miaka 70, mkazi wa kijiji cha Irienyi Kinesi, wilayani Rorya, mkoa wa Mara, Nyaisanga Marwa, amekamatwa na Polisi na anatarajia kufikishwa mahakamni kujibu mashitaka ya kumkeketa mwanafunzi wa darasa la pili wa Shule ya Msingi Irienyi (jina tunalihifadhi) na kumsababishia kifo, baada ya kutokwa na damu nyingi kwenye sehemu aliyokatwa.

    Kamanda wa Polisi wa Kanda ya Tarime/Rorya, Justus Kamugisha, jana alisema kuwa, tukio hilo lilitokea Desemba 19, mwaka huu, katika kijiji cha Irienyi Kinesi, wilaya ya Rorya na kwamba baada ya mtoto huyo kukeketwa, alitokwa damu nyingi iliyoendelea kutoka bila msaada wowote kwa matumaini kuwa atapona kwa miti shamba.

    Kamanda huyo alisema, Desemba 23, mwaka huu, mtoto huyo (9) alipoteza maisha na kwamba Jeshi la Polisi kwa kushirikiana na ndugu wa marehemu walimkamata ngariba huyo kabla hajatoroka na hadi sasa yupo mikononi mwa Polisi na wanatarajia kumfikisha mahakamani wakati wowote kujibu shitaka la kukeketa na kusababisha kifo.

    MTOTO ANUSURIKA KUOZWA

    Katika tukio lingine, mtoto wa darasa la nne katika shule moja ya msingi jijini Dar es Salaam ambaye ni yatima, amenusurika kuozwa kwa nguvu na baba zake wakubwa, ili zipatikane ng’ombe za kumwezesha kaka yake kuoa.
    Tukio hilo llitokea hivi karibuni baada ya mwanafunzi huyo kwenda na mlezi wake kwenye msiba wa mama yake katika kitongoji cha

    Nyamoko, kijiji cha Mahanga, kata Mihingo, Tarafa ya Chamriho, wilayani Bunda, mkoa wa Mara.
    Mkuu wa Wilaya ya Bunda, Francis Isack, amethibitisha kuwepo kwa tukio hilo na kusema kuwa mwanafunzi huyo (jina limehifadhiwa) alinusurika kuozwa na baba zake wakubwa baada ya mlezi wake kutoa taarifa kwake kuhusiana na mpango huo.

    Isack alisema kuwa, mama mzazi wa mtoto huyo alifariki Desemba 10, mwaka huu na kufanyiwa mazishi kijijini hapo na kuongeza kuwa mtoto huyo alifuatana na mlezi wake, Noela Haruni Chacha, mkazi wa jijini Dar es Salaam.
    Mkuu huyo wa wilaya alifafanua kuwa mtoto huyo alinusurika kuozwa kwa nguvu, baada ya mlezi wake kutoa taarifa ofisini kwake.

    Alisema baba zake wakubwa wanataka kumuoza kwa mwanaume kijijini hapo ili zipatikane ng’ombe za kumwezesha kaka yake kuoa, kwani hadi sasa hajaoa kutokana kukosekana kwa ng’ombe.

    Aliongeza: “Kufuatia hali hiyo, nilimwagiza Kaimu Katibu Tarafa wa tarafa hiyo kufuatilia tukio hilo.”
    Hata hivyo, Isack, alisema kwa sasa hawezi kuchukua hatua dhidi ya watu hao, kwa sababu hakuna ushahidi wa kutosha wa kuwapeleka mahakamani, lakini alisema lazima wafike ofisini kwake ili waohojiwe kutoa maelezo.

    Kwa upande wake, Kaimu Afisa Tarafa ya Chamriho, Juma Mkami, alisema baada ya kufuatilia aligundua kilichoelezwa ni kweli, kwani baba zake wakubwa walimkatalia asirejee jijini Dar es Salaam kuendelea na masomo yake.
    Alisema wazazi hao walisema kuwa, wameshamwandalia mwanaume wa kumuoa kwa lengo la kupata mahari ili imwezeshe kaka yake kuoa.

    “Watuhumiwa walitaka kumkatalia mtoto huyo asirudi Dar es Salaam, nilitumia sauti ya serikali ya ukali kidogo ndipo wakanipatia na leo hii (jana) nimempeleka kwa DC ambaye amesema kesho asubuhi mlezi wake aende akamchukue,” alisema.

    Mkami aliongeza: “Na nimewaita hao baba zake wakubwa nao waje ili watoe maelezo kwa DC.”
    Alisema kuwa tayari jana alimkabidhi mtoto huyo kwa DC na kwamba mlezi wa mtoto huyo leo asubuhi ataitwa kukabidhiwa mtoto huyo ili arejee naye Dar es Salaam kuendelea na masomo.

    Aliongeza kuwa watuhumiwa hao pia wametakiwa leo asubuhi wafike ofisini kwa mkuu wa wilaya.
    Kwa mjibu wa Mkami, wakati wakimhoji mtoto huyo, alisema anataka shule na si kuolewa kama ndugu zake wanavyotaka na kwamba kwenye darasa lao lenye watoto zaidi ya 100, amekuwa akishika nafasi ya kwanza, ya pili na ya tatu kwenye mitihani.

    CHANZO: NIPASHE
     
  2. Nyani Ngabu

    Nyani Ngabu Platinum Member

    #2
    Dec 29, 2011
    Joined: May 15, 2006
    Messages: 65,222
    Likes Received: 16,229
    Trophy Points: 280
    Why, why, why?

    Why mutilate poor little innocent girls? Have you no heart?

    SMH in disgust.
     
  3. Candid Scope

    Candid Scope JF-Expert Member

    #3
    Dec 29, 2011
    Joined: Nov 8, 2010
    Messages: 11,892
    Likes Received: 50
    Trophy Points: 145
    Tuna kazi ya ziada kuwanusuru watoto kutokana na mwendelezo wa mila zinazoendeleza biashara ya binadamu hata bila kujali umri wao. Huyo mwanaume wanayetaka kumwoza bila ridhaa yake na kabisa wakati huu angali mdogo hajui nini maana ya maisha ya mume na mke, inanishangaza kidogo, ingawa ndivyo mambo yanavyoendelea sehemu nyingi nchini kwenye mila na makabila mbalimbali ya jamii za wakulima na wafugaji.

    Nimeshuhudia watu wengi huwakimbizia na kuwaficha watoto wao mijini wakifanya kazi za nyumbani, na kisha huwaita waende kuwasalimia ikiwa ni hadaa ya kuwaita wakabidhiwe mabwana wakati mahari zilishalipwa. Watoto hawa hawana nyuma wala mbele, na nchi yetu haina sheria na mfumo wa kuwafunda watoto wapatwapo na mikasa kama hiyo kuwajulisha polisi na vyombo vingine vya kutetea haki zao. Kwa vyo vyote tunahitaji kujenga dhamira ya kuwafunza watoto hazi zao za msingi hadi wanapofikia umri wa ukubwa kisheria kuamua wanavyopenda badala ya kuamuliwa mume au mke wa kuishi naye wakati wangali wadogo na hawajakomaa kuweza kuhimili maisha ya ndoa.
     
  4. Mshume Kiyate

    Mshume Kiyate JF-Expert Member

    #4
    Dec 29, 2011
    Joined: Feb 27, 2011
    Messages: 6,774
    Likes Received: 19
    Trophy Points: 135
    Nimemuona yule bibi wa miaka 70 akisindikizwa na polisi hata kiswahili hafahamu..
     
  5. Jeji

    Jeji JF-Expert Member

    #5
    Dec 29, 2011
    Joined: Jun 28, 2011
    Messages: 1,981
    Likes Received: 2
    Trophy Points: 135
    inasikitisha sana kwa kweli. bibi apewe adhabu kali iwe fundisho kwa wengine.
     
  6. LiverpoolFC

    LiverpoolFC JF-Expert Member

    #6
    Dec 29, 2011
    Joined: Apr 12, 2011
    Messages: 10,956
    Likes Received: 78
    Trophy Points: 145
    Mkubwa!.

    Ungemwekea mdhamana jamani Bibi wa miaka 70.
     
  7. s

    sugi JF-Expert Member

    #7
    Dec 30, 2011
    Joined: Feb 12, 2011
    Messages: 1,248
    Likes Received: 35
    Trophy Points: 145
    wakeketaji wa siku hizi bwana..!hawana utaalamu wa kutosha,wanatakiwa waende shule
     
  8. Dr.Chichi

    Dr.Chichi JF-Expert Member

    #8
    Dec 30, 2011
    Joined: Apr 30, 2008
    Messages: 2,305
    Likes Received: 12
    Trophy Points: 135
    hii ishu ya ukeketaji bado inatokea sana...too sad katoto ka watu kanapoteza maisha for a choice tat is not hers.....bibi itakuwa alikutana na mtoto mwenye haemophilia,hata huku hospital tukikutana nazo ni mbinde kustop hiyo bleeding
     
  9. Gaijin

    Gaijin JF-Expert Member

    #9
    Dec 30, 2011
    Joined: Aug 21, 2007
    Messages: 11,849
    Likes Received: 17
    Trophy Points: 0
    Mambo mengine hayaingii akilini. Ni ukatili uliopitiliza...
     
  10. Angel Msoffe

    Angel Msoffe JF-Expert Member

    #10
    Dec 30, 2011
    Joined: Jun 21, 2011
    Messages: 6,800
    Likes Received: 63
    Trophy Points: 145
    huyo bibi na hao ndugu waliompa idhini ya kumkeketa huyo mtoto wote wafungwe kifungo cha maisha.
     
  11. Ehud

    Ehud JF-Expert Member

    #11
    Dec 30, 2011
    Joined: Feb 12, 2008
    Messages: 2,697
    Likes Received: 9
    Trophy Points: 0

    Kama wanamfunga watakuwa wanamwonea tu. Hizi mila zipo tangu wakoloni hawajaja na baadhi walikuwa wanakufa na wengine wanasalimika. Waelewane nae aache hiyo kazi then wamwachie.
     
Loading...