Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Msikilizeni JK Jamani, Eti Anasema Viongozi Afrika wawe Wabunifu!

Discussion in 'JF Chit-Chat' started by Mtoboasiri, May 19, 2011.

  1. Mtoboasiri

    Mtoboasiri JF-Expert Member

    #1
    May 19, 2011
    Joined: Aug 6, 2009
    Messages: 5,107
    Likes Received: 10
    Trophy Points: 0
    Kikwete-Viongozi Afrika wawe wabunifu

    RAIS Jakaya Kikwete amesema Bara la Afrika lipo hatarini kuwa masikini wa kutupwa kuliko mabara yote duniani ikiwa viongozi wake hawatapata mbinu mpya za kiuongozi za kukabiliana na matatizo.

    Baadhi ya changamoto alizozitaja Rais Kikwete ni mabadiliko ya hali ya hewa, umasikini, kasi ya ongezeko la watu, baadhi ya viongozi kutowajibika, uwazi na mabadiliko ya teknolojia; akisema mambo hayo yatalifikisha Bara hili pabaya yasipofanyiwa kazi.

    Rais Kikwete alikuwa akifungua Mkutano wa Kwanza wa Bodi ya Taasisi ya Uongozi (Uongozi Institute) jijini Dar es Salaam jana ulioratibiwa na Executive Solution na kuitaka taasisi hiyo kuwa kitovu cha mafunzo ya kuwanoa viongozi wa umma katika suala zima la uwajibikaji.

    Ametoa ushauri kwa taasisi hiyo kuwasaidia viongozi kujifunza kutokana na uzoefu wa uongozi imara kwa Bara la Amerika na Ulaya na kuiga mbinu za kiuchumi kwa nchi zilizofanikiwa katika kama China, India, Brazil, Korea Kusini, Singapore na sasa Afrika Kusini.

    “Ni matumaini yangu kuwa, mafunzo yatakayotolewa na taasisi hii, yatawahusu pia viongozi wa nje ya Tanzania. Natoa wito kwa viongozi wote wa Afrika, kuimarisha uongozi wao kwa kupata utaalamu mpya kuimarisha uongozi bora kwa umma,” amesema Rais Kikwete.

    Katika kuonesha kuwa Serikali imedhamiria viongozi wake na wa mataifa mengine kufaidi matunda ya taasisi hiyo, alisemaSerikali imetoa ekari 400 kuwezesha ujenzi wa taasisi hiyo mapema iwezekanavyo.

    Kuhusu ongezeko la watu, Kikwete amesema, licha ya maendeleo yanayoonekana kwa kuwa na amani, utawala wa sheria na haki za binadamu, ongezeko la watu linakodiriwa kufikia bilioni 1.7 mwaka 2050 kutoka bilioni moja hivi sasa, liwe sababu ya maendeleo na si umasikini.

    Amesema, taasisi hiyo kupitia Bodi ya Wakurugenzi, ina kazi ya kuhakikisha viongozi wa umma na sekta binafsi wanapata mafunzo madhubuti na Tanzania inakuwa kiini cha mafanikio yake na ya Afrika katika kuzalisha viongozi watakaosimamia ipasavyo ukuaji wa uchumi, huduma za jamii na kutimiza malengo ya millennia.

    Awali kabla ya kumkaribisha Rais Kikwete, Mwenyekiti wa Bodi, Ritva Koukku-Ronde kutoka Wizara ya Mambo ya Nje ya Finland, alisema lengo la taasisi hiyo ni kuwajengea uwezo viongozi wa Afrika katika suala la uwajibikaji ili kuleta maendeleo yenye tija yanayotokana na sera madhubuti.

    Koukku-Ronde amesema, Malengo ya Maendeleo ya Milenia hayawezi kufikiwa bila uongozi imara na kuongeza kuwa programu za mafunzo zitakazotolewa zitazingatia masuala ya utawala wa sheria, uwazi, uwajibikaji, mgawanyo wa madaraka na rasilimali, ushiriki wa sekta binafsi kama chachu ya maendeleo kwa wananchi ambayo ni msingi wa uongozi bora.

    Ofisa Mtendaji Mkuu wa taasisi hiyo, Profesa Joseph Semboja alisema imeshaanza kutoa mafunzo kwa viongozi kuanzia ngazi ya wakurugenzi tangu mwaka jana, lakini mpaka kufikia mwaka 2013, watakuwa wamekamilisha ujenzi wa majengo katika eneo la ekari 400 walilopewa na Serikali mjini Bagamoyo.

    Kuanzishwa kwa taasisi hiyo kwa ushirikiano wa Serikali ya Tanzania na Finland kumekuja baada ya mabadiliko ya Chuo cha Uongozi IDM-Mzumbe cha Serikali mkoani Morogoro kuwa Chuo Kikuu na hivyo Serikali kutokuwa na taasisi kama hiyo nchini.
     
  2. U

    Ulimakafu JF-Expert Member

    #2
    May 19, 2011
    Joined: Mar 18, 2011
    Messages: 16,534
    Likes Received: 250
    Trophy Points: 180
    Sawa,yeye kabuni nini kwa taifa lake?Porojo.
     
  3. PakaJimmy

    PakaJimmy JF-Expert Member

    #3
    May 19, 2011
    Joined: Apr 29, 2009
    Messages: 16,234
    Likes Received: 101
    Trophy Points: 145
    Code:
     
    Baadhi ya changamoto alizozitaja Rais Kikwete ni mabadiliko ya hali ya hewa, umasikini, kasi ya ongezeko la watu, baadhi ya viongozi kutowajibika, uwazi na mabadiliko ya teknolojia; akisema mambo hayo yatalifikisha Bara hili pabaya yasipofanyiwa kazi. 
    
    
    
    Sasa rais anaposema hayo, si anawakatisha watu tamaa?
    Kutaja matatizo tu siyo ujanja!...Changamoto bila mikakati ni bure wee ******!
     
  4. THINKINGBEING

    THINKINGBEING JF-Expert Member

    #4
    May 19, 2011
    Joined: Aug 9, 2010
    Messages: 2,322
    Likes Received: 578
    Trophy Points: 280
    Hivi yeye ameonesha ubunifu upi vile?
     
  5. MJINI CHAI

    MJINI CHAI JF-Expert Member

    #5
    May 19, 2011
    Joined: Dec 12, 2010
    Messages: 1,083
    Likes Received: 54
    Trophy Points: 145
    Wewe ulitaka aseme nini?.... kama kiongozi ulitaka anyamaze tu?...........Vitu vingine bana havina mashiko.......kwa waelewa wa mambo ni maneno mazuri ambayo viongozi wanatakiwa kuyafanyia kazi.............USIKURUPUKE
     
  6. Mzalendo80

    Mzalendo80 JF-Expert Member

    #6
    May 19, 2011
    Joined: Oct 30, 2010
    Messages: 2,339
    Likes Received: 1
    Trophy Points: 0
    Hopeless Kikwete, Poor Kikwete sio wakuonewa huruma hajui kuwa katika hao Criminal wanaoibia wananchi wao Africa kuwa na yeye ni mmoja wao?
     
  7. luckyperc

    luckyperc JF-Expert Member

    #7
    May 19, 2011
    Joined: Jan 17, 2011
    Messages: 496
    Likes Received: 5
    Trophy Points: 35
    kwanini asikurupuke wewe...!!!!
     
  8. Henge

    Henge JF-Expert Member

    #8
    May 19, 2011
    Joined: May 14, 2009
    Messages: 6,687
    Likes Received: 22
    Trophy Points: 135
    Viongozi wepi? yeye naye si kiongozi! lazima atoe suluhisho! naye anaongea kama wananchi wakawaida huo ni ujinga na wewe unasaport!
     
  9. pascaldaudi

    pascaldaudi JF-Expert Member

    #9
    May 19, 2011
    Joined: Mar 25, 2009
    Messages: 534
    Likes Received: 2
    Trophy Points: 0
    Point! Wakati mwingine Great Thinkers wanajisahau, JK anao uhuru wa kusema kilichopo moyoni, kwani hayo ndiyo yanayoisumbua Africa na Tanzania, bravo JK!
     
  10. Manyanza

    Manyanza JF-Expert Member

    #10
    May 19, 2011
    Joined: Nov 4, 2010
    Messages: 4,447
    Likes Received: 12
    Trophy Points: 135
    Bora angenyamaza hakuna cha msingi alichoongea ni unafiki mtupu....
    JK, JK, JK... Be sincere; be brief; be seated.
     
  11. Ehud

    Ehud JF-Expert Member

    #11
    May 19, 2011
    Joined: Feb 12, 2008
    Messages: 2,697
    Likes Received: 9
    Trophy Points: 0
    Hata yeye ni mbunifu jamani. Hamuoni semina elekezi zikiendelea pamoja na migao ya umeme? Ndio ubunifu anaouongelea huo
     
Loading...