Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Msafara wa mh. Nahodha Wapigwa Mawe Tunduma-Mbeya

Discussion in 'Jukwaa la Siasa' started by wikolo, Feb 4, 2012.

  1. w

    wikolo JF-Expert Member

    #1
    Feb 4, 2012
    Joined: Oct 19, 2010
    Messages: 801
    Likes Received: 3
    Trophy Points: 35
    Kwa mujibu wa gazeti la mwananchi la leo, msafara wa waziri wa mambo ya ndani mh. Nahodha umepigwa mawe na vijana wa huko tunduma. Kisa ni kwamba vijana hawakufuruhishwa na kitendo cha kumuona waziri akitumia magari ya serikali akiwa katika shughuli za kuimarisha chama chake huko Mbeya. Vijana wanahoji kwa nini rasimali hizo zisitumike kusaidia wananchi wengine kama vile wagonjwa walioko hospitalini? Hivi ndivyo nchi yetu inavyokwenda kwa sasa.

    Source: Mwananchi
     
  2. NGULI

    NGULI JF-Expert Member

    #2
    Feb 4, 2012
    Joined: Mar 31, 2008
    Messages: 4,819
    Likes Received: 17
    Trophy Points: 135
    Kumekucha Tanzania-mikoani. Dar es laaam sijui kula matende na halua ndio kunafanya vijana kuwa legelege?
     
  3. jogi

    jogi JF-Expert Member

    #3
    Feb 4, 2012
    Joined: Sep 25, 2010
    Messages: 11,106
    Likes Received: 3,652
    Trophy Points: 280
    Ni habari nzuri kwa wapigania ukombozi wa nchi yetu.
     
  4. rosemarie

    rosemarie JF-Expert Member

    #4
    Feb 4, 2012
    Joined: Mar 22, 2011
    Messages: 6,679
    Likes Received: 277
    Trophy Points: 180
    aisee!nasikia wameikimbia tunduma'wangemuuliza kikwete yaliyomkuta pale wakati wa kampeni
     
  5. kingxvi

    kingxvi JF-Expert Member

    #5
    Feb 4, 2012
    Joined: Feb 11, 2011
    Messages: 883
    Likes Received: 0
    Trophy Points: 0
    gazeti la mwananchi limeshakuwa sawa na kiu tu
     
  6. m

    mchachai Member

    #6
    Feb 4, 2012
    Joined: Sep 18, 2011
    Messages: 5
    Likes Received: 0
    Trophy Points: 0
    safi mby ndo 2nataka mikoa yote iwe ivo.ht leo huko mwanza magamba yatakuwa meng pelekeni lori la kokoto
     
  7. m

    mashambani kwao JF-Expert Member

    #7
    Feb 4, 2012
    Joined: Dec 5, 2011
    Messages: 371
    Likes Received: 0
    Trophy Points: 0
    Hata mimi nashangaa jiji la dar mbona mmelala?
     
  8. j

    jigoku JF-Expert Member

    #8
    Feb 4, 2012
    Joined: Sep 9, 2011
    Messages: 2,302
    Likes Received: 61
    Trophy Points: 145
    Nawashukuru sana hao walioamua kuupopoa mawe msafara huo baada ya kusikia uchungu wa matumizi mabaya ya rasilimali za taifa,anaenda kwenye mambo ya CCM iweje atumie gari la serikali?na hata hivyo hawa watu wameshakinahi,na for sure days are numbered.
     
  9. Smartboy

    Smartboy JF-Expert Member

    #9
    Feb 4, 2012
    Joined: Nov 12, 2010
    Messages: 1,110
    Likes Received: 2
    Trophy Points: 135
    Haa! Haaa! Nimekumbuka mch. Mtikira alivyo popolewa mawe kule tarime, hivi ccm na serikali wanapata picha gani hapo. Nadhani arobaini ya ccm imetimia.
     
  10. Mwanakili90

    Mwanakili90 JF-Expert Member

    #10
    Feb 4, 2012
    Joined: Nov 24, 2010
    Messages: 1,568
    Likes Received: 1
    Trophy Points: 135
    Waziri wa Mambo ya Ndani ya Nchi,Shamsi Vuai Nahodha Send JComments Waziri Nahodha apigwa
    mawe Mbeya Saturday, 04 February 2012
    08:08 ALIKUWA KATIKA ZIARA YA
    CHAMA MBEYA, ASHANGAA
    VIJANA KUMPIGA, AAGIZA
    POLISI WAWASHUGHULIKIE Stephano Simbeye, Tunduma.
    WAZIRI wa Mambo ya Ndani
    ya Nchi, Shamsi Vuai Nahodha,
    jana alionja 'joto ya jiwe'
    baada ya msafara wake
    kupigwa mawe alipokuwa kwenye ziara ya kuimarisha
    Chama Cha Mapinduzi (CCM)
    mkoani Mbeya.Tukio hilo la
    tatu kwa viongozi wa Serikali
    kushambuliwa mkoani Mbeya,
    lilitokea eneo la Soko la Tunduma (Kisimani), wilayani
    Tunduma. Habari zilieleza kuwa tukio
    hillo lilitokea wakati Waziri
    huyo na msafara wake
    walikuwa wanapita kuelekea
    ofisi za CCM Kata ya Tunduma
    ambako alitakiwa kufanya mkutano wa hadhara. Ilikuaje? Dalili za machafuko zilianza
    wakati msafara huo unapita
    kwa baadhi ya vijana
    wanaofanya biashara ya
    kubadilisha fedha sokoni hapo
    kuanza kujipanga barabarani wakizomea na kupiga miluzi. Wengi wa vijana hao
    walisikika wakilaumu kitendo
    cha Waziri huyo wa Mambo ya
    Ndani kutumia magari ya
    Serikali katika msafari wake
    wa kichama. "Haya ni matumizi mabaya ya
    mali za umma," alisikika
    akisema mmoja wa vijana
    hao. Vijana hao walianza
    kumzomea waziri huyo huku
    baadhi wakirusha mawe kabla
    ya kudhibitiwa na polisi
    waliokuwa wanasaidiana na
    walinzi wa CCM maarufu kwa jina la Green Guard. Katika sekeseke hilo vijana
    wawili walikamatwa na
    kukabidhiwa katika Kituo cha
    Polisi cha Tunduma. Hata hivyo, Mkuu wa kituo
    hicho ambaye hakutaka
    kutajwa gazetini kwa kile
    alichoeleza kuwa yeye sio
    msemaji wa polisi, alikiri
    kuwapokea vijana hao na kueleza kuwa wanaendelea
    kuwafanyia mahojiano. Mmoja wa vijana hao
    aliyejitambulisha kwa jina la
    Yusuf Haonga alisema
    wamechukua hatua hiyo kwa
    vile Waziri huyo
    aliwachanganya kwa kutumia magari ya Serikali akiwa
    kwenye ziara ya chama. “Hawa wanatuchanganya,
    inakuwaje wanatumia
    rasilimali za nchi kwa kazi za
    chama. Pesa hizo si
    zingetumika kuhudumia
    wagonjwa waliolala mahosipitalini badala yake
    wanazitumia wao,”alisema
    Haonga. Haonga alisema kuwa kitendo
    cha Waziri akiwa mtumishi
    wa umma kufanya ziara ya
    kichama kwa magari ya
    Serikali, kiliwakera na
    waliamua kumtupia mawe ili kutoa onyo kwa viongozi
    wengine wa Seriakali. Hata hivyo, habari zingine
    zilieleza kuwa vijana
    waliomrushia mawe Waziri
    huyo ni wafuasi wa Chadema. Gazeti hili lilishuhudia baadhi
    ya vijana wakiwa na bendera
    za chama hicho cha upinzani
    ambao pia walikuwapo
    kwenye msafara huo
    uliomalizikia kwenye mkutano huo wa hadhara. Katibu Mkuu wa Chadema, Dk
    Willibrod Slaa alipopulizwa
    kuhusu tukio hilo alihoji
    "Unataka niseme nini? Mimi
    niko Dar es Salaam na tukio
    hilo limefanyika Mbeya." Aliendelea, "Ndio kwanza
    unaniambia (mwandishi).
    Inabidi nijue nini kilitokea na
    kama kweli ni vijana wa
    Chadema nijue walikasirishwa
    na nini." Katibu wa Itikadi na Uenezi
    wa CCM, Nape Nnauye
    alipoulizwa kuhusu suala hilo
    alijibu," Sina taarifa." Mkuu wa Mkoa wa Mbeya
    ambaye pia ni mwenyekiti wa
    Kamati ya Ulinzi na Usalama
    mkoani humo, Abbas Kandoro
    jana alishindwa kuzungumzia
    tukio hilo kwa kile alichoeleza kuwa yuko kwenye safari ya
    kikazi jijini Dar es Salaam. Akizungumza wakati wa
    ufunguzi wa mkutano huo
    uliohutubiwa na Nahodha,
    mwenyekiti wa CCM Kata ya
    Tunduma, Daniel Mwashiuya
    alisema kuna kikundi cha watu ambacho kimeanza
    kupoteza amani ya mji wa
    Tunduma kutekeleza
    matakwa yao ya kisiasa. Alisema “mazingira
    tunayokwenda nayo kwa sasa
    si mazuri kwa ustawi wa mji
    wetu hivyo Wanatunduma
    tujiepushe na kuvunja amani
    tuliyoizoea ili isije ikapotea,” alisema Kauli ya Waziri Nahodha Akihutubia mamia ya watu
    waliohudhuria mkutano huo,
    Waziri Nahodha alisema
    hajapendezwa tukio hilo na
    kuhoji, "Kama limefanyika
    kwangu hali ikoje kwa watu wengine?" Alisema kamwe hawezi
    kuacha hali hiyo ya uvunjifu
    wa amani iendelee na
    kuiagiza polisi mkoani Mbeya
    kuchukua hatua haraka dhidi
    ya kikundi hicho cha watu aliowaita wahuni. Waziri Nahodha pia amepiga
    marufuku biashara haramu ya
    kubadilisha fedha katika eneo
    hilo. Alisema mtu anayetaka
    kuendelea kufanya kazi hiyo
    itabidi afuate taratibu
    zinazotakiwa ili aweze
    kuihalalisha biashara yake. “Sokoni pana biashara za aina
    mbalimbali zilizo halali na
    haramu, lakini nawaagiza
    polisi chini ya Kamanda wenu
    wa Mkoa, mkae muangalie
    namna ya kurejesha amani mahali hapo. Sasa likizo basi,”
    alisema Nahodha. Waziri Nahodha alisikitishwa
    na taarifa za kuendelea
    kuvunjika kwa amani katika
    mji wa Tunduma ambapo
    aliwataka wananchi wa mji
    huu kuthamini amani iliyojengeka kwa muda mrefu. Aliwataka wasidhani kwamba
    amani iliyopo imeshuka
    kutoka Mbunguni na kwa
    sababu hiyo wao wenyewe
    wailinde na kuidumisha kwa
    kushirikiana na polisi kwa njia ya ulinzi shirikishi. Historia ya matukio Hili ni tukio la tatu kwa
    viongozi wa kitaifa
    kuzomewa katika mji wa
    Tunduma ambapo mwaka
    2010, mke wa Rais, Mama
    Salma Kikwete, alizomewa katika eneo hilo alipokuwa
    akipita kutokea mkoani
    Rukwa katika ziara za
    kampeni za uchaguzi. Mwaka 2009, Mwenge wa
    Uhuru ulilazimika kubadili njia
    ghafla kufuatia dalilili za
    uvunjifu wa amani. Tukio jingine ilikuwa ni
    Oktoba, 2008, ambapo
    msafara wa Rais Jakaya
    Kikwete kushambuliwa kwa
    mawe kwenye kijiji cha
    Kanga, wilayani Chunya. Tukio hilo lilitokea katika Kijiji
    hicho wakati msafara wa Rais
    ukiwa njiani kuelekea Mbeya
    mjini ukitokea mji wa
    Mwakwajuni wilayani Chunya
    ambako alikuwa amefanya ziara.
    Kwa mujibu wa habari hizo
    magari sita yaliyokuwa
    kwenye msafara huo
    yalishambuliwa kwa mawe na
    baadaye vijana kadhaa walikamatwa. Ilidaiwa kuwa waliofanya
    tukio walikuwa wamejipanga
    pembeni mwa barabara na
    baada ya magari manne ya
    mwanzo kupita, likiwamo la
    Rais Kikwete, ndipo mawe yalianza kuvurumishwa. Hata hivyo, ilidaiwa kuwa
    wananchi hao walikasirishwa
    na kitendo cha kushindwa
    kumwona Rais Kikwete baada
    ya kumsubiri kwa muda mrefu
    ili awahutubia na kusikiliza kero zao.
     
  11. G

    Gagnija JF-Expert Member

    #11
    Feb 4, 2012
    Joined: Apr 28, 2006
    Messages: 5,548
    Likes Received: 57
    Trophy Points: 145
    Kama wananchi wanaweza kuhoji rasilimali za serikali kutumiwa na CCM basi ukombozi umekaribia.
     
  12. Ta Muganyizi

    Ta Muganyizi JF Gold Member

    #12
    Feb 4, 2012
    Joined: Oct 19, 2010
    Messages: 4,890
    Likes Received: 154
    Trophy Points: 160
    Akili zako ndo zinavyokutuma sasa unakataaa nini wakati mawe yamerushwa.......mie naona una funza kichwani.......na utazaaa mtoto wa kijani.........mpuuzi wewe.
     
  13. F

    FJM JF-Expert Member

    #13
    Feb 4, 2012
    Joined: Apr 11, 2011
    Messages: 8,091
    Likes Received: 76
    Trophy Points: 145
    Ni wana-ccm wachache sana wanaokubalika Mbeya kwa sasa, hasa baada ya saga ya Mwakyembe na afya yake. Sijui kama Mh Nahodha anafahamu hili. Pia kitendo cha waziri kusema watu washughulikiwe ni uchokozi. Waziri anakumbuka fujo za mwaka jana? sio polisi, JKT au JWTZ waliweza kuwatuliza. Kama hakutokeza Sugu leo hii tungekuwa tunaongelea mambo mengine.
     
  14. L

    LAT JF-Expert Member

    #14
    Feb 4, 2012
    Joined: Nov 20, 2010
    Messages: 4,524
    Likes Received: 41
    Trophy Points: 0

    if mwakyembe sympathy exceeds they may also stone him
     
  15. B

    Baba Collins JF-Expert Member

    #15
    Feb 4, 2012
    Joined: Sep 24, 2011
    Messages: 492
    Likes Received: 2
    Trophy Points: 0
    Vijana wa mjini na usharobaro wa kijinga,maneno mengi vitendo sifuri.
     
  16. mwaJ

    mwaJ Tanzanite Member

    #16
    Feb 4, 2012
    Joined: Sep 27, 2007
    Messages: 4,077
    Likes Received: 4
    Trophy Points: 135
    Taratibu jamani, kokoto hazitasaidia zaidi ya kujeruhi na wananchi wasio na kosa. People's power haitakiwi kuwa expressed kwa kokoto.
     
  17. TUMBIRI

    TUMBIRI JF-Expert Member

    #17
    Feb 4, 2012
    Joined: May 7, 2011
    Messages: 1,934
    Likes Received: 4
    Trophy Points: 0
    Na wewe umeshakuwa gazeti la IJUMAA!
     
  18. K

    Kalila JF-Expert Member

    #18
    Feb 4, 2012
    Joined: Sep 10, 2010
    Messages: 247
    Likes Received: 0
    Trophy Points: 0
    alijua yuko unguja kule hakuna urojo watu wanakula dona
     
  19. D

    DOMA JF-Expert Member

    #19
    Feb 4, 2012
    Joined: Mar 17, 2011
    Messages: 935
    Likes Received: 15
    Trophy Points: 35
    Hahaa yaani alikwenda mbeya bila mwandosya na mwakyembe? Ilikuwa lazima yamkute tu.
     
  20. Duble Chris

    Duble Chris JF-Expert Member

    #20
    Feb 4, 2012
    Joined: May 28, 2011
    Messages: 3,488
    Likes Received: 3
    Trophy Points: 135
    anatafuta nini Mbeya wenzake wako Dodoma na Mwanza

    Watu wanasema Dar vijana wengi si wakazi wa huko chocho za kukimbilia hawazifahamu wengi wao walienda na mbio za mwenge au malori
     
Loading...