Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Mrema: CCJ ni matokeo ya kongamano la kina Butiku

Discussion in 'Jukwaa la Siasa' started by Junius, Feb 2, 2010.

  1. Junius

    Junius JF-Expert Member

    #1
    Feb 2, 2010
    Joined: Mar 11, 2009
    Messages: 3,183
    Likes Received: 8
    Trophy Points: 133
    Na Waandishi Wetu

    MWENYEKITI wa TLP, Augustine Mrema amesema Chama Cha Jamii (CCJ) kimeanzishwa ikiwa ni matokeo ya kongamano lililoandaliwa na Taasisi ya Mwalimu Nyerere inayoongozwa na Joseph Butiku, ambaye ameyaelezea madai hayo kuwa "upuuzi".

    Akizungumza na waandishi wa habari ofisini kwake jana, Mrema alisema vigogo wa CCM waliozungumza kwenye kongamano hilo na kutamka wazi kuwa Rais Jakaya Kikwete ameshindwa kufanya maamuzi magumu, ndiyo waanzilishi wa CCJ.

    CCJ ni chama kipya cha kisiasa ambacho kuanzishwa kwake kunahusishwa na mkakati wa vigogo na baadhi ya wabunge wa CCM ambao hata hivyo hadi leo hawajajitokeza hadharani.

    Mrema, ambaye alikuwa Waziri wa Mambo ya Ndani kabla ya kutofautiana na mawaziri wenzake mwaka 1995 na kujiunga na chama pinzani cha NCCR Mageuzi, alidai kuwa ametumia mbinu zake za usalama wa taifa kuwatambua vigogo hao.

    Bila kuwataja kwa majina, Mrema alisema vigogo hao wanatumia mwamvuli wa Taasisi ya Mwalimu Nyerere kuandaa makongamano kwa nia ya ya kumtukana na kumhujumu Rais Kikwete.

    "Wanatumia mwavuli huo kumtukana rais kwamba anazungukwa na wezi na kwamba hana maamuzi magumu wakati wenyewe hawana maamuzi hayo," alisema Mrema.

    "Ni aibu kwa vigogo hao wa CCM tena wanaojifanya kuwa wapo chini ya mwamvuli wa Tasisi ya Baba wa Taifa kuandaa makongamano ya kumtukana rais wetu hadharani wakati wenyewe pia hawana mamuzi magumu na kama wanayo basi wajitangaze hadharani kuwa wao ndiyo CCJ," alisema Mrema.

    Mrema, ambaye alikuwa nchini India kwa matibabu na ambaye alikanusha kuwa safari yake ilidhaminiwa na Kikwete, alisema: "Kumwambia rais maneno makali kama hayo tena hadharani ni kutaka wananchi wamdharau na kumwona mwizi pia na kimsingi huu ni uhaini.

    "Nimetumia uzoefu wa taaluma yangu ya Usalama wa Taifa na kubaini machafu yanayofanywa na vigogo... simtetei Kikwete bali natetea rais yeyote wa taifa hili siyo Kikwete tu kama wanavyosema nipo kwenye mtandao wa Kikwete na wengine kudai kuwa nimenunuliwa.

    "Kikwete hawezi kuninunua; mimi ni mtu wa gharama sinunuliki, ila kwenye ukweli panastahili kuzungumzwa; natumia taaluma yangu kutetea taifa, siwezi kuona taifa linayumba halafu nikae kimya; mimi na mkurugenzi mstaafu wa Usalama wa Taifa bwana."

    Hata hivyo, hakueleza alikuwa mkurugenzi wa kitengo gani cha Usalama wa Taifa.

    Mrema aliongeza kusema: "Siingii jikoni kupika, lakini nina utaalamu wa kupika. Ninataka wale vigogo wanaomhujumu rais kwa maneno ya kijeli, kama wana uwezo na kujiamini wajitokeze hadharani wasema wao ndiyo wenye CCJ."

    Hata hivyo mwenyekiti wa taasisi hiyo, Joseph Butiku alipuuza madai hayo ya Mrema akisema hawezi kuzungumzia upuuzi.

    "Sitaki kuulizwa maswali yasiyo na maana; nenda kamuulize aliyekwambia upuuzi huo," alisema Butiku.

    Katika hatua nyingine wakati Mrema akitoa tuhuma hizo nzito, CCJ imeanza mapambano kupigania usajili wake kwa kumhoji Msajili wa Vyama vya Siasa, John Tendwa sababu za kushindwa kuwapa usajili wa muda.

    Tamko hilo la CCJ kwa Tendwa limekuja katika kipindi ambacho Msajili amekuwa akisisitiza kuwa uwezekano wa chama hicho kushiriki uchaguzi mkuu wa Oktoba 25 haupo kwa sababu muda hautoshi kwa chama hicho kukamilisha taratibu zote ili kipate usajili wa kudumu.

    Usajili wa muda, ambao unahusisha chama kipya kitafuta angalau wanachama 200 kutoka mikoa 10 au zaidi, huchukua miezi sita ambayo hufuatiwa na uhakiki unaofanywa na Msajili kabla ya kupata usajili wa kudumu.

    Tendwa alisema hata kama chama kipya kitakamilisha sharti hilo la kwanza katika muda mfupi, sheria ya miezi sita inabakia kama ilivyo.

    Ndani ya kipindi hicho cha usajili wa muda na uhakiki, Tume ya Uchaguzi itakuwa imeshaanza taratibu za uchaguzi kwa kuruhusu wagombea waliopitishwa na vyama vyao kuanza kuchukua fomu.

    Lakini uvumilivu uliwashinda CCJ ambao jana walimshukia Tendwa wakidai kuwa anadhofiisha mipango hiyo ya kukipa chama usajili wa muda kwa malengo anayojua mwenyewe.

    Renatus Muabhi, ambaye ni katibu mkuu wa CCJ, alitoa tamko linalosema: "Hali iliyopo sasa imesababisha viongozi pamoja na wanachama watarajiwa wa CCJ kuwa katika hali ya utata na kuhofia mustakabali mzima wa upatikanaji wa usajili wa muda wa CCJ.

    "Tunapata taarifa za maelezo ya msajili wa vyama vya siasa nchini yanayokinzana na wajibu wake kupitia vyombo vya habari pasipo sisi kuwa na taarifa yoyote inayoonyesha hatua ipi imefikiwa juu ya usajili wa CCJ.

    "Kwa mfano, tarehe 26/01/2010 siku ya Jumanne gazeti la Daily News lilichapisha maneno ya msajili ambayo kwetu sisi yanatuingiza katika utata na hofu juu ya usajili wa chama chetu."

    Tamko hilo linaendelea kueleza kuwa Tendwa anakwenda kinyume na taratibu pamoja na dhamana aliyopewa na kuhakikisha kwa vitendo ya kwamba nchi ya Tanzania ni ya kidemokrasia na inayofuata mfumo wa vyama vingi, badala ya kuwa mstari wa mbele kuhamasisha watu kuunda na kujiunga katika vyama vya siasa ili kuleta demokrasia ya kweli.

    Linamtuhumu Tendwa kuwa anakatisha tamaa na kuwavunja moyo Watanzania kuhusu tafsiri ya kuanzishwa kwa CCJ hasa pale anaposema chama hicho ni sawa na vyama vingine vilivyopo.

    Habari hii imeandaliwa na Ramadhan Semtawa, Mussa Mkama na Minael Msuya.

    SOURCE: Mwananchi
     
  2. Junius

    Junius JF-Expert Member

    #2
    Feb 2, 2010
    Joined: Mar 11, 2009
    Messages: 3,183
    Likes Received: 8
    Trophy Points: 133
    Na bado mpaka Chiligati afe kwa presha au kisukari
     
  3. Saint Ivuga

    Saint Ivuga JF-Expert Member

    #3
    Feb 2, 2010
    Joined: Aug 21, 2008
    Messages: 31,253
    Likes Received: 5,815
    Trophy Points: 280
    Mrema kesharudi tena.
     
  4. ELNIN0

    ELNIN0 JF-Expert Member

    #4
    Feb 2, 2010
    Joined: Nov 26, 2009
    Messages: 3,619
    Likes Received: 68
    Trophy Points: 145
    Jamaa anazeeka vibaya.... kwa hiyo taifa linayumba kwa sababu ya kongamano la Taasisi ya mwalimu nyerere na ujio wa CCJ? huyu mzee vp?

    Naona jibu la Butiku ni zuri sana - big up.
     
  5. Next Level

    Next Level JF-Expert Member

    #5
    Feb 2, 2010
    Joined: Nov 17, 2008
    Messages: 3,160
    Likes Received: 13
    Trophy Points: 135
    ....Mmmmmmmh huu upinzani wa Mrema ni very questionable???
     
  6. K

    KAPONGO JF-Expert Member

    #6
    Feb 2, 2010
    Joined: May 29, 2009
    Messages: 1,281
    Likes Received: 106
    Trophy Points: 160
    Tangu lini Mrema akawa mpinzani...sasa anajiibua mwenyewe kuwa ni pandikizi na boya la kuwaraghai watanzania. Hatujasahau kuwa enzi za utawala wa Mobutu kule Zaire alipandikiza makumi ya vyama feki vya upinzania!!!
     
  7. Ngambo Ngali

    Ngambo Ngali JF-Expert Member

    #7
    Feb 2, 2010
    Joined: Apr 17, 2009
    Messages: 3,123
    Likes Received: 55
    Trophy Points: 145
    Msameheni mrema hajui Kiswahili taifa linayumba, wengine wanaona huo ndio mwelekeo unaotakiwa.
     
  8. Safari_ni_Safari

    Safari_ni_Safari JF-Expert Member

    #8
    Feb 2, 2010
    Joined: Oct 5, 2007
    Messages: 19,766
    Likes Received: 1,875
    Trophy Points: 280
    Dr Nguza Karl-I-Bond ndio alikuwa 'Mrema' wake Mobutu
     
  9. Che Guevara

    Che Guevara JF-Expert Member

    #9
    Feb 2, 2010
    Joined: May 22, 2009
    Messages: 1,177
    Likes Received: 19
    Trophy Points: 135
    Mrema as a person is not credible at all.

    Hapa ametumiwa kujaribu kuwadanganya watanzania.

    Inafahamika kuwa Mrema anatumiwa na wanamtandao ili kuwasema vibaya wote wale ambao wana wasiwasi na utendaji wa Serikali ya Kikwete tangu iingie madarakani.

    Kila binadamu, akiwemo Rais anaweza kukosolewa. Rais si malaika asikosee, na katiba inatoa uhuru wa kusema. Na wananchi wanatakiwa kuendelea kuyasema mazuri na mabaya pia.

    Eti Mrema naye alitaka kuwa Rais!.. Duh!

    Chama chochote kinapoanziswa kinahitaji kupata wanachama wengi iwezekanavyo, hivyo kinatakiwa kijitangaze na pia kutangaza viongozi waanzilishi wake, na kama wapo wanaofahamika zaidi basi inakuwa rahisi zaidi kupata wanachama wa kusaidia kufikiwa kwa idadi ya wanachama wanaotakiwa ili kuweza kukifanya kipate usajili wa kudumu.

    Kuna sources zinasema kuwa CCJ ni creation ya Rostam, ni 'red herring' ili kuwafanya watanzania kuacha kufuatilia mambo muhimu yaliyopo kwa sasa kama Utekelezaji wa maazimio ya Bunge kuhusu mkataba wa kifisadi wa Richmond.
     
  10. Triplets

    Triplets JF-Expert Member

    #10
    Feb 2, 2010
    Joined: Sep 27, 2007
    Messages: 1,015
    Likes Received: 21
    Trophy Points: 135
    ndio zao hizo. huwa wanaibuka sana mida hii, kuanzia Dec baada ya uchaguzi ni longolongo tu hadi Jan 2015
     
  11. Luteni

    Luteni JF-Expert Member

    #11
    Feb 2, 2010
    Joined: Jan 9, 2010
    Messages: 2,275
    Likes Received: 7
    Trophy Points: 0

    I dont think so
     
  12. mujusi

    mujusi JF-Expert Member

    #12
    Feb 2, 2010
    Joined: Jan 22, 2010
    Messages: 237
    Likes Received: 0
    Trophy Points: 33
    Watanzania hatuhitaji kujua nani mwenye kuanzisha chama gani.Tunachohitaji uongozi bora utakaowapeleka watanzania kwenye maisha bora ya kugawana rasilimali za nchi kwa pamoja badala ya kuongeza gap ya tajiri na masikini. aje yeyote na Chama chochote lakini atupeleke tunakotaka kufika.
     
  13. TANMO

    TANMO JF-Expert Member

    #13
    Feb 2, 2010
    Joined: Apr 12, 2008
    Messages: 8,767
    Likes Received: 70
    Trophy Points: 145
    Maskini JK, yaani wenzake wamemchoka kiasi hiki hadi kumlazimu kuwatumia akina Mrema na Yahya kumsafisha?

    Poor Mr. President..!
     
  14. Utingo

    Utingo JF-Expert Member

    #14
    Feb 2, 2010
    Joined: Dec 15, 2009
    Messages: 6,992
    Likes Received: 29
    Trophy Points: 145
    Ama kweli nyani haoni kundule, yeye Mrema alipokuwa anamtukana Mkapa aliona ni sawa tu au Mkapa hakuwa rais wa nchi?

    Kama kuna watu wanaoongoza kwa kuwatukana viongozi hasa rais hapa TZ, mrema is among the top.
     
  15. Pape

    Pape JF-Expert Member

    #15
    Feb 2, 2010
    Joined: Dec 11, 2008
    Messages: 5,536
    Likes Received: 13
    Trophy Points: 0
    siasa za bongo hazina kichwa wala miguu
     
  16. 911

    911 JF-Expert Member

    #16
    Feb 2, 2010
    Joined: Aug 22, 2008
    Messages: 662
    Likes Received: 62
    Trophy Points: 45
    Ukistaajabu ya sheikh Yahya.....
     
  17. BAK

    BAK JF-Expert Member

    #17
    Feb 2, 2010
    Joined: Feb 11, 2007
    Messages: 50,100
    Likes Received: 9,806
    Trophy Points: 280
    Ikifikia kiongozi wa nchi kusafishwa na watu bogus kama Mrema na yule mpiga ramli Yahya basi ni dalili tosha kwamba Kiongozi huyo hafai kuwa madarakani.
     
  18. K

    Kituko JF-Expert Member

    #18
    Feb 2, 2010
    Joined: Jan 12, 2009
    Messages: 5,973
    Likes Received: 1,113
    Trophy Points: 280
    karudi kutoka india alikopelekwa na JK lini?
    naoana analipa fadhira wakati bado wa motomoto,
     
  19. Ben Saanane

    Ben Saanane Verified User

    #19
    Feb 2, 2010
    Joined: Jan 18, 2007
    Messages: 14,605
    Likes Received: 3,509
    Trophy Points: 280
    Mrema kama kweli kasema hivyo bila unafiki ana uhuru wa kutoa maoni yake

    Lakini kama analipa fadhila atakua ametukosea watanzania,hatuhitaji wema wa namna hiyo.Kwani CCJ ikianzishwa na vigogo wa CCM ni kosa?kuamua kujitokeza leo au baadae ni uamuzi wao,kila chama/kundi lina mkakati wake.kelele za nini? i like the way Butiku alivyojibu
     
  20. Mgeninani

    Mgeninani Senior Member

    #20
    Feb 2, 2010
    Joined: Jan 3, 2010
    Messages: 191
    Likes Received: 0
    Trophy Points: 0
    Tanzania ni huru na kila mtu yu huru mradi havunji sheria na katiba, mbona CCJ ni kitu ya kawaida tu na mkisikia ni chama cha bwana mkubwa mwenyewe anataka fanya ya mutharika mtasemaje?
     
Loading...