Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Mpendazoe akamatwa...

Discussion in 'Jukwaa la Siasa' started by Sokomoko, Nov 26, 2010.

  1. Sokomoko

    Sokomoko JF-Expert Member

    #1
    Nov 26, 2010
    Joined: Mar 29, 2008
    Messages: 1,909
    Likes Received: 7
    Trophy Points: 0
    Sadick Mtulya
    ALIYEKUWA mgombea ubunge wa Jimbo la Segerea kwa tiketi ya Chadema, Fred Mpendazoe janaalipatwa na msukosuko wakati alipokamatwa na askari wa Jeshi la Polisi ambao walidai kuwa alikuwa anamiliki na kutumia gari la wizi, tukio ambalo amelielezea kuwa lilipangwa kwa lengo la kumchafua.

    Mpendazoe, ambaye alishindwa kwenye uchaguzi huo wa ubunge kwa njia ambayo ameielezea kuwa ilijaa ukiukwaji wa sheria, alihojiwa na polisi kwenye kituo cha Buguruni kwa takriban saa mbili kabla ya kuachiwa bila ya masharti.Mpendazoe, mmoja wa wabunge waliokuwa mstari wa mbele kwenye vita dhidi ya ufisadi, alikamatwa jana majira ya saa 3:30 asubuhi eneo la Uwanja Ndege wa Mwalimu Julius Nyerere akiwa na diwani wa Chadema wa Kata ya Segerea, Azuri Mwamboji pamoja na Buhari Mgonyezi ambaye aligombea udiwani wa Kata ya Kinyerezi.
    Hata hivyo, Mpendazoe, ambaye alihama CCM mapema mwaka huu wakati akiwa mbunge wa Jimbo la Kishapu na kujiunga katika Chama cha Jamii (CCJ) na baadaye Chadema, aliachiwa majira ya saa 5:44 asubuhi na maafisa upelelezi wakamueleza kuwa wataendelea na uchunguzi.

    "Kwa kuwa namba zako za simu umetuachia, wewe nenda. Sisi tutatimiza wajibu wetu wa kuendelea na uchunguzi. Hatua tutakayofikia tutakufahamisha,'' alisema afisa upelelezi mmoja.
    Mpendazoe amefungua kesi Mahakama Kuu kupinga matokeo ya ushindi wa Dk Makongoro Mahanga kwenye Jimbo la Segerea, baada ya zoezi la kuhesabu kura kuingiwa na dosari kubwa zilizocheleweshwa kutangazwa kwa matokeo.
    Hata hivyo, Dk Makongoro ameshateuliwa na Rais Jakaya Kikwete kuwa Naibu Waziri wa Kazi na Ajira.
    Mpendazoe anatuhumiwa kumiliki na kutumia gari la wizi aina ya Toyota Corona, lenye rangi nyeupe ambalo inadaiwa liliripotiwa kuibwa tangu Juni mosi, 2010.
    Lakini mbunge huyo wa zamani wa Kishapu aliiambia Mwananchi jana kuwa tuhuma hizo zimelenga kumchafua na kwamba ni hujuma.

    "Askari walinikamata kwa nguvu kubwa, hadi kufikia hatua ya kutishia kutumia silaha endapo ningeendelea na msimamo wangu wa kutaka kujieleza... sisi ni raia na katika mazingira haya inabidi tusaidiwe,'' alisema Mpendazoe ambaye aliruhusiwa kuondoka na gari hilo.
    Alifafanua kuwa tukio hilo lilipangwa kwa makusudi na kusisitiza kuwa gari hilo ni lake na amekuwa akilimiliki tangu mwaka 2007.

    "Hadi sasa polisi hawajaniambia ni mtu gani aliyefungua mashtaka haya (ya kudai kuibiwa gari hilo). Hii ni hujuma kutoka kwa watu ambao hawanitakii mema pamoja na dola kuendelea kunikandamiza. Gari nimelitumia katika kipindi chote cha kampeni zilizopita za uchaguzi mkuu,'' alisema.
    "Jana (juzi) tu, nilikuwa nalo kituo cha polisi cha Sitakishari, Ukonga nilipokuwa nimekwenda kuomba kibali cha kufanya mkutano wa harambee ili kuwaomba wananchi kunichangia fedha kwa ajili ya kuendeshea kesi niliyofungua kupinga matokeo yaliyompa ushindi Dk Makongoro.''
    Hata hivyo, Mpendazoe alisema kuwa polisi walimnyima kibali hicho na kulalama kuwa eneo alilokuwa amekusudia kufanya mkutano ndilo aliloruhisiwa Dk Mahanga wiki iliyopita kufanya mkutano wa kuwashukuru wakazi wa Segerea kwa kumchagua.

    Mpendazoe pia alidai kuwa wiki iliyopita alitumia gari hilo kwenda kituo kikuu cha kati cha polisi kuomba kibali cha kufanya mkutano wa hadhara.
    "Ajabu nyingine gari hili hili, wiki iliyopita nilikuwa nalo... mbona hawakunikamata,'' alihoji Mpendazoe.
    Alikwenda mbali na kusema: " Kulingana na mazingira haya, hisia zangu ni kwamba hizi ni hujuma na demokrasia inaaza kukandamizwa.''

    Kamanda wa Polisi Ilala, Faustine Shilogile hakutaka kuzunghumzia suala hilo kwa maelezo kuwa hakuwa ofisini.
    "Nitafute baadaye; kwa sasa sina taarifa kamili na muda huu ( saa 6:30 mchana) nipo njiani natoka uwanja wa ndege.... naenda hapo kituoni,'' alisema.
    Alipopigiwa simu baadaye, hakupokea.
     
  2. sulphadoxine

    sulphadoxine JF-Expert Member

    #2
    Nov 26, 2010
    Joined: Nov 1, 2010
    Messages: 2,265
    Likes Received: 4
    Trophy Points: 135
    CCM Wameanza kazi yao ya kipuuzi ili kumvunja nguvu mpiganaji mpendazoe,hiiii nchi ina watu wa ajabu sana,wakiwemo polisi,ambao awafuati maadili ya kazi yao.
     
  3. Elli

    Elli JF-Expert Member

    #3
    Nov 26, 2010
    Joined: Mar 17, 2008
    Messages: 23,754
    Likes Received: 4,499
    Trophy Points: 280
    Baado hawataweza daima!! sasa anaogopa nini kupokea simu?
     
  4. sulphadoxine

    sulphadoxine JF-Expert Member

    #4
    Nov 26, 2010
    Joined: Nov 1, 2010
    Messages: 2,265
    Likes Received: 4
    Trophy Points: 135
    Nadhani atakuwa amejua kuwa ni zengwe ndio maana ataki kupokea simu,ila waache mambo ya ajabu hawa watu ccm na askari wao ambao awafuati sheria na taratibu za jeshi la polisi,Tatizo polisi wa bongo awaoni kazi kumpachikia mtu kesi.
     
  5. Nyunyu

    Nyunyu JF-Expert Member

    #5
    Nov 26, 2010
    Joined: Mar 9, 2009
    Messages: 4,292
    Likes Received: 50
    Trophy Points: 145
    Kama wa polisi Faustin ni mtu ninayemjua, ni msomi na muelewa; ni hatari kusikia kuwa na yeye anatumiwa na wakubwa kutimiza haja zao!!!
     
  6. t

    tumpale JF-Expert Member

    #6
    Nov 26, 2010
    Joined: Nov 20, 2010
    Messages: 201
    Likes Received: 1
    Trophy Points: 0
    kuna haja ya kuangalia sheria upya maana hawa wanaobambikia kesi raia wema wao wanafanywa nini baada yakubainika kuwa wamewabambikia watu kwa makusudi,tuwe na utaratibu wa kuwashitaki kwa kubambikia watu kesi, kwa stahili hii mchezo huu utakwisha, wanabambikia watu kesi afu wanajisifu and nothing is done to them, what a hell is that.
     
  7. m

    mpingomkavu Member

    #7
    Nov 26, 2010
    Joined: Nov 26, 2010
    Messages: 97
    Likes Received: 0
    Trophy Points: 0
    :party:Mi binafsi siwalaamu polisi wetu nalaumu mfumo, kwani mwanasiasa akisema kama fulani basi hawa jamaa ni kama mbwa kukimbia na kukamata tu,ukienda kinyume wewe utapelekwa makao makuu kusoma magazeti, angalieni vizuri uhamisho wa makamanda wa polisi wa hivi akaribuni mtapata jibu
    :whoo::whoo::whoo:
     
  8. Somoche

    Somoche JF-Expert Member

    #8
    Nov 26, 2010
    Joined: Oct 6, 2010
    Messages: 3,227
    Likes Received: 367
    Trophy Points: 180
    shame on you polisi njaa. majambazi na vibaka yanawatoa jasho kila siku na hamyawezi. eti gari la wizi baadae mnaliachia xibit mahakamani kiktakua nini?!!! wajinga sana polisi njaa nyie mnatumiwa na makongoro.
     
  9. Njowepo

    Njowepo JF-Expert Member

    #9
    Nov 26, 2010
    Joined: Feb 26, 2008
    Messages: 9,174
    Likes Received: 294
    Trophy Points: 180
    Sasa mtu ana gari toka 2007 alafu manakuja sema gari imeibiwa mwaka 2010 sasa kabla ya uchaguzi why wasingemkamata?
     
Loading...