Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Mpasuko Wainyemelea KKKT

Discussion in 'Habari na Hoja mchanganyiko' started by X-PASTER, Nov 27, 2010.

  1. X-PASTER

    X-PASTER Moderator

    #1
    Nov 27, 2010
    Joined: Feb 12, 2007
    Messages: 11,651
    Likes Received: 75
    Trophy Points: 145
    *Askofu Malasusa atakiwa kujiuzulu
    *Waumini wengine walikimbia kanisa

    Wakizungumza na gazeti hili, baadhi ya waumini wa makanisa mbalimbali yaliyo chini ya kanisa hilo wamesema hivi sasa kanisa hilo limeingiwa na shetani aliyesababisha mgawanyiko wa makundi mawili, jambo ambalo halimpendezi Mungu na ni hatari katika maadili ya kiroho.

    “Kiongozi mzuri hapaswi kulalamikiwa kama maandiko matakatifu yanayosema. 1 Timotheo 3:2-7 inamuelekeza askofu mkuu anavyotakiwa kuwa," amedai muumini mmoja ambaye hakutaka kutaja jina lake.

    Muumini huyo amesema hivi sasa waumini katika sharika mbalimbali wamekuwa wakimlalamikia Malasusa kutokana na utendaji wake mbaya hali ambayo imewafanya wengi wao kukimbilia kwenye madhehebu mengine.

    “Tuna idadi kamili ya waumini waliohamia madhehebu mbalimbali ambao wote wanadai kuwa hawaridhiki na utendaji wa Malasusa kutokana na mapungufu yake,” amedai muumini huyo.

    Ameongeza kuwa kitendo cha Askofu Malasusa kumfukuza mchungaji Enock Mlyuka na Mtheologia wa Kibiti kukataa kubarikiwa na askofu huyo kuwa mchungaji ni dhahiri kuwa anajua mengi juu ya Malasusa ambayo yanamkwaza na kumfanya aone kuwa hapaswi kumuongoza kwenye njia ipasayo.

    Ameendelea kudai kuwa katika Usharika wa Azania Front kumekuwa na malalamiko ya watumishi juu ya ucheleweshaji wa mishahara, huku kukiwa na matumizi mabaya ya fedha na watumishi wengine wakijilipa mishahara mikubwa kila mwezi.

    “Kitendo cha matumizi mabaya ya fedha kinaweza kuchangia kanisa kuingia kwenye machafuko wakati wahitaji wengi kama yatima wakiendelea kuteseka kwa kukosa misaada inayotolewa na wafadhili wetu,” amesema muumini huyo.

    Kutokana na malalamiko hayo, waumini hao wamemuomba Askofu Malasusa kukaa kando ili uchunguzi ufanyike na kupata kiini cha matatizo ndani ya kanisa hilo.

    Katika waraka wao ambao gazeti hili limeupata, wamemuomba Naibu Katibu Mkuu wa KKKT Dayosisi ya Mashariki na Pwani (DMP), Ernest Kadiva, kulionea huruma kanisa hilo huku wakizingatia kuwa mishahara wanayojilipa ni sadaka kwa wajane, wazee, watoto na wengi wasio na uwezo.

    Akizungumza na gazeti hili kuhusu malalamiko hayo, Msaidizi wa Askofu, Mchungaji George Fupe, amesema ni kweli kuna malalamiko kutoka kwa waumini na tayari yameanza kufanyiwa kazi.

    Askofu huyo amesema si jambo la busara kwa waumini hao kukimbilia kwenye vyombo vya habari kutoa malalamiko yao na badala yake amewaomba kufika Makao Makuu ya kanisa hilo.

    Hata hivyo, mchungaji huyo ameahidi kutoa taarifa kamili kuhusu malalamiko hayo.

    Hata hivyo, wakati gazeti hili linakwenda mitamboni kulikuwa na taarifa ambazo si rasmi kuwa wachungaji wa kanisa hilo wamepewa waraka wa taarifa mbalimbali zinazolikumba kanisa hilo na kutakiwa kuwaelimisha waumini kuhusu askofu huyo.


    DarLeo
     
  2. M

    Mokoyo JF-Expert Member

    #2
    Nov 27, 2010
    Joined: Mar 2, 2010
    Messages: 13,436
    Likes Received: 822
    Trophy Points: 280
    haya masakata ya ubadhirifu katika makanisa ni ya kuangaliwa kwa umakini vinginevyo yatakatisha tamaa waumini.
     
  3. Limbani

    Limbani JF-Expert Member

    #3
    Nov 27, 2010
    Joined: Apr 24, 2008
    Messages: 1,393
    Likes Received: 30
    Trophy Points: 145
    Fedha ndio inasababisha yote haya!
     
  4. M

    Mountainmover Member

    #4
    Nov 27, 2010
    Joined: Nov 9, 2010
    Messages: 46
    Likes Received: 5
    Trophy Points: 15
    Malasusa na Kadiva jueni ya kwamba KKKT si kampuni bali ni kanisa la Mungu. Pamoja na mambo mengine yalichochea kuchepuka kwa kanisa la kilutheri kutoka kanisa la kirumi ni ubadhirifu wa fedha uliofanywa na mapapa wa enzi hizo. Iweje leo msaliti misingi ya muasisi wenu Martin Luther? Tunaomba mjirekebishe.
     
  5. K

    Kimambo Member

    #5
    Nov 27, 2010
    Joined: Mar 31, 2008
    Messages: 76
    Likes Received: 2
    Trophy Points: 15
    Lisemwalo lipo this needs immediate action, wnahitajika kukaa makini kuona kama kuna jambo la kutengeza, kila siku malalamiko kibao and by/the way this is a dioces with everthing but not better for any thing, diocs haina benki wamashindwa hata na kilimanjaro hakuna shule xa maana, hakuna shospitali za maan what ismalasusa is failure
     
  6. Ngisibara

    Ngisibara JF-Expert Member

    #6
    Nov 27, 2010
    Joined: Jan 2, 2009
    Messages: 2,063
    Likes Received: 381
    Trophy Points: 180
    Malasusa angalia fedha ya CCM inavyokuharibia kanisa lako, watu wamepewa kidogo kitu ili tu wakuharibie kwani ulipiga vita sana ya mafisadi yasichaguliwe katika uchaguzi sasa wanakuundia zengwe chinichini wakiwa na nia ya kukumaliza...kaa chonjo kwani wana mbinu nyingi na zote ni chafu
     
  7. Kishongo

    Kishongo JF-Expert Member

    #7
    Nov 27, 2010
    Joined: May 4, 2010
    Messages: 932
    Likes Received: 2
    Trophy Points: 0
    Malasusa anavuna alichopanda kutokana na kumpigia debe Dr Slaa.

    Alijionesha waziwazi kumshabikia Slaa na hata kumwita 'Jiwe Kuuu la Pembeni"

    Ukivuna dhambi utavuna dhambi, huwezi kukataa chaguo la mungu JK.

    Sasa inakula kwake.
     
  8. Simba Mangu

    Simba Mangu JF-Expert Member

    #8
    Nov 27, 2010
    Joined: Nov 24, 2010
    Messages: 350
    Likes Received: 14
    Trophy Points: 35
    Kishogo ala samahani kishongo jk hawazi kamwe kuwa chaguo la mungu kwani chaguo la mungu huwa halijikwezi hivyo tafakari na utubie kumshirikisha mungu ktk upuuzi
     
  9. Mzito Kabwela

    Mzito Kabwela JF-Expert Member

    #9
    Apr 17, 2016
    Joined: Nov 28, 2009
    Messages: 17,169
    Likes Received: 1,328
    Trophy Points: 280
    Mlyuka amefukuzwa KKKT??? Huyu Mchungaji anasifika na anatambulika kwa misimamo mikali isiyoyumba. Alinibariki (kipaimara) usharika wa Bagamoyo. Ni brain chache sana ambazo KKKT DMP waliwahi kuwa Nazo. Nimeambiwa sasa hivi ni Dokta(PhD). Daah makanisa yetu yana mambo! Ndo maana Mimi sitoi sadaka kanisani
     
  10. Recae

    Recae JF-Expert Member

    #10
    Apr 17, 2016
    Joined: Jul 9, 2015
    Messages: 201
    Likes Received: 101
    Trophy Points: 60
    Post ya zaman tangu 2010
     
  11. P

    Pohamba JF-Expert Member

    #11
    Apr 17, 2016
    Joined: Jun 2, 2015
    Messages: 6,432
    Likes Received: 6,216
    Trophy Points: 280
    Mwacheni Malasusa acheni chokochoko!
     
  12. k

    kabombe JF-Expert Member

    #12
    Apr 17, 2016
    Joined: Feb 11, 2011
    Messages: 7,505
    Likes Received: 2,752
    Trophy Points: 280
    DMP kuna matatizo ya ukabila hasa naeneo ya uzaramo
    Kuna wachaga wanaona kama wao ndio wenye hati miliki ya kanisa kwa ukaskazini wao.
    Tatizo hili liliwahi kutokea miaka ya nyuma askofu na msaidizi wake kama sikosei mchungaji kombo wakawekwa pembeni watu wa mungu,leo yamerudi tena
     
  13. All TRUTH

    All TRUTH JF-Expert Member

    #13
    Apr 17, 2016
    Joined: Nov 20, 2011
    Messages: 2,441
    Likes Received: 405
    Trophy Points: 180
    Dhambi ya ubaguzi huwa haiachani na mbaguzi
     
  14. All TRUTH

    All TRUTH JF-Expert Member

    #14
    Apr 17, 2016
    Joined: Nov 20, 2011
    Messages: 2,441
    Likes Received: 405
    Trophy Points: 180
    Wewe wivu ndo unakumaliza kwani Dr slaa ni kiongozi shujaa Sana
     
  15. C

    Chief wa kibena JF-Expert Member

    #15
    Apr 17, 2016
    Joined: Mar 13, 2016
    Messages: 578
    Likes Received: 321
    Trophy Points: 80
    sasa mgogoro umehamia dayosis ya kusini, dayosis hii cjui inaelekea wapi? wajuv wa pande hizo tuambien tatizo nini?? me niko mbal na home?
     
Loading...