Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Mkono akubali kufukuzwa CCM!

Discussion in 'Jukwaa la Siasa' started by Mwitongo, Jun 5, 2012.

  1. Mwitongo

    Mwitongo JF-Expert Member

    #1
    Jun 5, 2012
    Joined: Jan 30, 2009
    Messages: 311
    Likes Received: 49
    Trophy Points: 0
    Wana JF, nimekutana na hii katika Gazeti Jamhuri la leo katika website yao. Inaonekana Mkono anajiandaa kuvaa Gwanda!!!! Peopleeeeeeeeees!!!!


    Mkono akubali kufukuzwa CCM

    *Apata wasiwasi kuwa Nyerere aliuawa wakubwa waharibu mambo
    *Filikunjombe asema wabunge ni wanafiki, yuko tayari kufukuzwa
    *Nape asema vikao vipo, NEC yawatwisha mzigo wabunge wa CCM

    Na Waandishi Wetu

    Hali ya mambo ndani ya Chama Cha Mapinduzi (CCM) inazidi kuwa mbaya, baada ya mmoja wa makada na wafadhili wake maarufu, Nimrod Mkono, kusema yupo tayari kufukuzwa uanachama.

    Hatua hiyo ya Mkono imekuja baada ya kuwapo tetesi kwamba wabunge watatu wa CCM - Mkono (Musoma Vijijini), Deo Filikunjombe (Ludewa) na Alphaxard Lugola (Mwibara), kuweka saini kwenye fomu yenye kusudio la kutaka kumng'oa Waziri Mkuu Mizengo Pinda.

    Mkono ambaye pia ni Mjumbe wa Halmashauri Kuu ya CCM, ameiambia JAMHURI kwamba yupo tayari kwa lolote, ikiwa ni pamoja na kuvuliwa gamba kama itaonekana kuwa uamuzi wake wa kusaini ulikiuka misingi.

    "Siwezi kubadili msimamo, heri nife kuliko kuunga mkono Serikali inayoiba, maana pale katika Mgodi wa Buhemba iliyoiba ni Serikali… imeondoa kila kitu na kuacha mashimo," alisema kwa hisia kali na kuongeza:

    "Kwangu mimi haina faida kuwa mbunge kama kuna mambo ya kuwaumiza wananchi. Mimi ni mbunge wa wananchi wa Musoma Vijijini, natetea masilahi yao, sasa kama wanataka kunifukuza kwa kuwatetea wananchi, wanifukuze, nipo tayari. Chochote waamue, nipo tayari kabisa."

    Amesema yeye na wabunge wenzake waliosaini fomu ya kumng'oa Waziri Mkuu walifanya hivyo kwa nia njema ya kuleta uwajibikaji serikalini, na kwamba huo ndiyo uliokuwa msimamo wa wabunge wengi kwenye kikao cha Wabunge wa Chama Cha Mapinduzi (party caucus).

    "Watuvue magamba, mimi nipo tayari kuvuliwa gamba, hatuwezi kwenda hivyo. Katika party caucus tulikubaliana tuiwajibishe serikali. Mimi kila mahali naongea Buhemba, Buhemba, Buhemba. Kwenye vikao vya chama nazungumzia Buhemba, Kyarano, lakini hawasikii. Sasa kama hawanisaidii kumaliza hizi kero za wananchi, nikae kwenye chama kinisaidie nini?" Amehoji.

    Kyarano ni bwawa lililochimbwa kwa maelekezo ya Baba wa Taifa, Mwalimu Julius Kambarage Nyerere, mwanzoni mwa miaka ya 1980 kwa ajili ya shughuli za kilimo cha umwagiliaji. Lipo katika mpaka wa vijiji vya Butiama, Bisarye na Rwamkoma.

    Mkono amesema; "Kila mara nazungumzia Buhemba kuwa dhahabu imechukuliwa, majengo na mitambo vimeibwa kwa usimamizi wa polisi na maofisa wa serikali. Kyarano imekufa. Vitu vya Mwalimu vimeharibiwa, nina faida gani?"

    Mbunge huyo amekwenda mbali zaidi kwa kusema huenda ikawa kweli kwamba Mwalimu aliuawa kama alivyodai Mbunge wa Musoma Mjini, Vincent Nyerere, kwa sababu mambo mengi aliyoyasimamia Mwalimu yameachwa yafe.

    "Nawaeleza hawaendi Buhemba, hawaendi Kyarano, maji Butiama hakuna, hawaendi…ndiyo kauli yangu hiyo kwamba kama wanataka kunifukuza, basi wanifukuze. Mimi ni mbunge, nimeyazungumza haya mara zote kama mbunge na si kama mhuni. Huo ndiyo msimamo wangu na sijawahi kuyumba. Kama wanataka kunifukuza, sawa!" amesema.

    Kauli ya Nape kuhusu Mkono

    Kauli ya Mkono ya kutamka wazi kwamba yupo tayari kufukuzwa kutoka CCM imemshitua Katibu wa Itikadi na Uenezi CCM, Nape Nnauye.

    Alipoulizwa kama chama hicho kipo tayari kumpoteza mwanachama na mfadhili mahiri kama Mkono, Nape alianza kwa kukosoa taarifa zilizoandikwa na baadhi ya vyombo vya habari akisema zinalenga kuibua mjadala usiokuwapo.

    "Nani kasema watahojiwa? Hoja hii ni kweli iliibuliwa kwenye kikao cha NEC kwa baadhi ya wajumbe kuhoji kwamba ilikuwaje wabunge wa CCM wakasaini kumng'oa madarakani Waziri Mkuu! Lakini tukaona kuwa hii ni hoja ya bungeni, na huko kuna party caucus. Uongozi wa Kamati ya Wabunge wa CCM upo, na haujatupatia taarifa rasmi kama kuna watu wamevunja kanuni.

    "Tukasema kama wanaona kuna uvunjaji kanuni watujulishe. Nasema hii hoja inatengenezwa makusudi. Kama kulikuwa na tatizo, basi party caucus watatujulisha, lakini hadi sasa hatujapata taarifa rasmi. Wale wana kanuni zao za wabunge, kama wanaona kuna jambo linahitaji kufikishwa ngazi za juu wanalileta," amesema.

    Alipoulizwa kama chama kinaweza kumwadhibu Mkono na wenzake, alisema, "Sipendi kuzungumzia mtu, hapa tunajadili kanuni na sheria. Tunaendesha chama kwa kanuni, sheria na taratibu, kama sheria zinasema Nape kakosea pamoja na umuhimu wake, sheria zitafuatwa. Nakuhakikishia katika hili hatujapata taarifa."

    Nape: Maige si saizi yangu

    Katika siku za karibuni, Mbunge wa Msalala, Ezekiel Maige (CCM), amenukuliwa akisema kwamba Nape ni gamba ndani ya CCM na anapaswa kuwajibishwa. Kwa upande wake, Nape amejibu mapigo kwa kusema, "Maige si saizi yangu, ni mbunge, atajibiwa na (CCM) wilaya yake. Nadhani wameshaanza kumjibu."


    Filikunjombe: Wabunge hawafai

    Kwa upande wake, Filikunjombe alipowasiliana na JAMHURI alisema yeye yuko tayari kufukuzwa kutoka CCM kama chama hicho kitamhukumu kuwa alifanya kosa kwa kutia saini azimio la kumg'oa Waziri Mkuu Mizengo Pinda, ila akasema uamuzi wa aina hiyo utamshangaza mno na unathibitisha unafiki wa wabunge wa CCM.

    "Nimesikia walijadili suala hili kwenye NEC na Rais Kikwete akasema vikao vipo vingi, suala hili lipelekeni kwenye vikao husika kama party caucus bungeni.
    "Mimi nasema sijutii uamuzi wangu. Tena nasema kama wapo wa kufukuzwa kutoka CCM ni wale waliokataa kusaini ndiyo waadhibiwe, kwa sababu huo ndiyo uliokuwa msimamo wa chama. Asilimia 90 au 95 ya wabunge walikuwa wanalalamika na tukakubaliana hivyo.

    "Ajabu; ilipofika wakati wa kusaini daftari wengine wakawa wanalipita kama hawalioni. Wabunge wengi ni wanafiki sana. Ndiyo; tunapaswa kuwa na nidhamu lakini nidhamu ya woga haifai. Dhamira yangu iko safi kabisa, kwa hili nipo tayari kufukuzwa katika chama.

    "Pamoja na kwamba ninaheshimu uamuzi wa vikao, ukweli utabaki pale pale kwamba nitasema kweli daima fitina kwangu mwiko.

    "Hawa waliokataa kusaini ndiyo wa kufukuzwa maana walikuwa wanataka chama kianguke na serikali yake. Sasa itakuwa ajabu sisi tulioitetea serikali isiangushwe - tena serikali ya chama chetu - ndiyo tufukuzwe sitaelewa ila nipo tayari hata leo," amesema Filikunjombe.

    Wabunge hao watatu waliungana na wabunge wa vyama vya upinzani vya Chadema, CUF, TLP na UDP kusaini azimio la kupiga kura ya kutokuwa na imani na Waziri Mkuu Mizengo Pinda, lililoandaliwa na Mbunge wa Kigoma Kaskazini, Zitto Kabwe.

    Baada ya hatua hiyo, Serikali ililazimika kufanya mabadiliko makubwa kwenye Baraza la Mawaziri na mawaziri wanane na manaibu wawili kutupwa nje ya ulingo.
     
  2. Saint Ivuga

    Saint Ivuga JF-Expert Member

    #2
    Jun 5, 2012
    Joined: Aug 21, 2008
    Messages: 31,197
    Likes Received: 5,726
    Trophy Points: 280
    Mkapa anayo kesi ya kujibu kuhusu kifo cha mwalimu
     
  3. Lokissa

    Lokissa JF-Expert Member

    #3
    Jun 5, 2012
    Joined: Nov 20, 2010
    Messages: 6,981
    Likes Received: 77
    Trophy Points: 145
    movie bado linaendelea
    mda sio mrefu yataibuka mengi yatakayopelekea wabunge wa CCM kupigana hadharani live
    na kuanika uozo wa kila mmoja wao.
     
  4. B

    Baba Collins JF-Expert Member

    #4
    Jun 5, 2012
    Joined: Sep 24, 2011
    Messages: 492
    Likes Received: 2
    Trophy Points: 0
    Mpaka 2015 tutakuwa tumeshudia mengi makubwa,lets wait and see!
     
  5. T

    Topetope JF-Expert Member

    #5
    Jun 5, 2012
    Joined: Aug 1, 2011
    Messages: 261
    Likes Received: 11
    Trophy Points: 35
    Tulisema nyerere ali thulumiwa nafsi watu wapo walio husika
     
  6. Bumpkin Billionare

    Bumpkin Billionare JF-Expert Member

    #6
    Jun 5, 2012
    Joined: Jan 5, 2012
    Messages: 1,336
    Likes Received: 6
    Trophy Points: 0
    Unajua ukitaka kuwagombanisha wanafiki, basi mwonjeshe mmoja wao utamu wa ukweli. Awamu hii haitapita kabla utabiri wako haujatimia
     
  7. POMPO

    POMPO JF-Expert Member

    #7
    Jun 5, 2012
    Joined: Mar 12, 2011
    Messages: 6,694
    Likes Received: 8
    Trophy Points: 135
    Serikali itoe tamko juu ya kifo cha mwalim kama ambavyo mh. Vicent alivyosema kwa niaba ya familia ya mwalimu... utata umezidi kutanda Pro Mwakyusa anaweza kutusaidia juu ya hili
     
  8. Njowepo

    Njowepo JF-Expert Member

    #8
    Jun 5, 2012
    Joined: Feb 26, 2008
    Messages: 9,171
    Likes Received: 292
    Trophy Points: 180
    Sasa kama walianya makosa kusign mbona JK alifanya reshuffle ya cabinet?
    Huu ni unafiki wa wabunge wa CCM kama 90% walisupport kimoyo moyo bila kusign si ndo unafiki na woga wa kitoto.
    Big up Mkono na Deo aluta continuaaaaaaaaaaaaa
     
  9. c

    cicy Member

    #9
    Jun 5, 2012
    Joined: Mar 5, 2011
    Messages: 21
    Likes Received: 0
    Trophy Points: 0
    watu wa musoma wameamuka sasa wanataka kujua nini kimemua nyerere mhhhh
     
  10. TaiJike

    TaiJike JF-Expert Member

    #10
    Jun 5, 2012
    Joined: Dec 14, 2011
    Messages: 1,462
    Likes Received: 168
    Trophy Points: 160
    Mwitongo taarifa yako ni nzuri, asante. Umesema Mb. Mkono anajindaa kuvaa gwanda binafsi sijaona ni wapi amesema kuvaa gwanda zaidi yakusema yuko tayari kufuzwa ama kuvua gamba. Hii ni siasa mpaka 2015 tutashuhudia na kusikia mengi.
     
    Last edited by a moderator: Jan 4, 2016
  11. samstevie

    samstevie JF-Expert Member

    #11
    Jun 5, 2012
    Joined: Nov 11, 2011
    Messages: 203
    Likes Received: 0
    Trophy Points: 0
    "Nani kasema watahojiwa? Hoja hii ni kweli iliibuliwa kwenye kikao cha NEC kwa baadhi ya wajumbe kuhoji kwamba ilikuwaje wabunge wa CCM wakasaini kumng'oa madarakani Waziri Mkuu! Lakini tukaona kuwa hii ni hoja ya bungeni, na huko kuna party caucus. Uongozi wa Kamati ya Wabunge wa CCM upo, na haujatupatia taarifa rasmi kama kuna watu wamevunja kanuni.


    Kumbe wabunge wa CCM huwa na maamuzi na msimamo wa pamoja hata kwa taratibu zinazoangamiza nchi. wanapaswa kuwajibishwa wote BTW Filikunjombe, Mkono na Lugola wameona mahali penye mwangaza bora wa kisiasa (si CCM) mbele ya maisha yao.
     
  12. manuu

    manuu JF-Expert Member

    #12
    Jun 5, 2012
    Joined: Apr 23, 2009
    Messages: 3,878
    Likes Received: 8,882
    Trophy Points: 280
    Wafa maji hawaachi kutapatapa.
     
  13. Nyakageni

    Nyakageni JF-Expert Member

    #13
    Jun 5, 2012
    Joined: Feb 1, 2011
    Messages: 13,046
    Likes Received: 381
    Trophy Points: 180
    Mkwapa kaua
     
  14. Kaa la Moto

    Kaa la Moto JF-Expert Member

    #14
    Jun 5, 2012
    Joined: Apr 24, 2008
    Messages: 7,536
    Likes Received: 74
    Trophy Points: 145
    Tumewasikia na tunasubiri kama kweli wana nia njema basi na waipige ccm chini
     
  15. Babuu Rogger

    Babuu Rogger JF-Expert Member

    #15
    Jun 5, 2012
    Joined: Nov 16, 2011
    Messages: 663
    Likes Received: 17
    Trophy Points: 35
    Kaaazi kwelikweli.
     
  16. Mwitongo

    Mwitongo JF-Expert Member

    #16
    Jun 5, 2012
    Joined: Jan 30, 2009
    Messages: 311
    Likes Received: 49
    Trophy Points: 0
    Wewe unadhani mwana ccm akivuliwa gamba kuna sare gani inayomfaa zaidi ya gwanda? kumbuka ilishasemwa kwamba Mkono alimsaidi Vincent Nyerere kuitwaa Musoma kutoka kwa Manyinyi!!!
     
    Last edited by a moderator: Jan 4, 2016
  17. M

    MZALAMO JF-Expert Member

    #17
    Jun 5, 2012
    Joined: Jul 6, 2009
    Messages: 352
    Likes Received: 14
    Trophy Points: 35

    Huwa mwepesi wa kujibu tuhuma zinazoelekezwa kwake lakini katika hili la kifo cha mwalimu sijasikia kauli yake tunamuomba sasa ajibu hizi tuhuma. Waandishi wa habari tusaidieni kumuuliza mheshimiwa sisi wananchi tuko njia panda.
     
  18. TaiJike

    TaiJike JF-Expert Member

    #18
    Jun 5, 2012
    Joined: Dec 14, 2011
    Messages: 1,462
    Likes Received: 168
    Trophy Points: 160
    Siwezi kuzungumza/andika kwa kudhani Mkono ama yeyote wa siasa si lazima atoke chama kimoja kwenda kingine mwingine aweza kuamua kufanya shughuli zake binafsi, maadamu hajasema kuvaa gwanda basi tusimlishe maneno kwa taarifa za ukanjanja.
     
  19. Shardcole

    Shardcole JF-Expert Member

    #19
    Jun 5, 2012
    Joined: Jan 15, 2012
    Messages: 10,536
    Likes Received: 345
    Trophy Points: 180
    " ugomvi ni dhahabu ktk nyumba ya wapumbavu"
     
  20. Masaningala

    Masaningala JF-Expert Member

    #20
    Jun 5, 2012
    Joined: Nov 19, 2010
    Messages: 518
    Likes Received: 65
    Trophy Points: 45
    Wito kwa wabunge wa CCM wanao ambao wamechosgwa na mfumo mbovu wa CCM. Muda wa kuondoka kishujaa ni sasa. Msingoje 2015. Ninaamini kabisa uchaguzi ukirudiwa mtachaguliwa kupitia chama makini cha upinzani. Ninajua kuna gharama ya uchaguzi lakini tujue kila kilicho kizuri kina gharama zake. Badala ya kungojea ufukuzwe ni bora kujiuzulu.
     
Loading...