Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Mke (60) amshitaki mume mwenye miaka 30

Discussion in 'Mahusiano, mapenzi, urafiki' started by Jakubumba, Nov 9, 2011.

  1. Jakubumba

    Jakubumba JF-Expert Member

    #1
    Nov 9, 2011
    Joined: Mar 5, 2011
    Messages: 1,627
    Likes Received: 5
    Trophy Points: 135
    MWANAMKE mwenye umri wa miaka 60, mkazi wa Kibaoni mjini hapa, amewavunja mbavu wasikilizaji wa kesi katika Mahakama ya Mwanzo Ipembe, baada ya kumjibu Hakimu kuwa kijana aliyemfikisha mahakamani hapo si mwanawe bali mumewe.

    Katika kesi hiyo, mwanamke huyo Asha Abdallah anamshitaki mumewe, Kiemi Itambu (30), kwa kumwibia Sh 30,000 alizokuwa ameficha chini ya godoro.

    Wawili hao wakiwa kizimbani jana, Hakimu Hosea Mkude alimwuliza mke: “Kwa nini wewe bibi unaolewa na kijana ambaye ana umri wa mwanao, huoni aibu?

    Asha alijibu: “Mheshimiwa, huyu ni mtoto kwa mama yake aliyemzaa, kwangu ni mume wangu halali ambaye ananitimizia mahitaji yangu yote muhimu.”

    Kama vile jibu hilo halikutosha, Asha aliendelea ‘kumpasha’ hakimu: “Kwanza kwa taarifa yako, wako wanawake wengi tu hapa mjini walioolewa na vijana, tena wengine wana vijana wenye umri unaofanana na wa wajukuu zao. Sembuse miye?”

    Majibu hayo yalisababisha watu waliojazana kwenye chumba hicho cha Mahakama, washindwe kujizuia na kuangua vicheko.

    Ilidaiwa mahakamani hapo, kuwa mshitakiwa Kiemi alitenda kosa hilo Novemba 3, saa mbili asubuhi Kibaoni mjini hapa.

    Asha alidai mahakamani hapo kuwa mumewe amekuwa na tabia ya kumwibia Sh 100, 200 na 500, lakini safari hii alivuka mpaka kwa kuiba Sh 30,000 ndiyo maana akaamua kumfikisha mahakamani.

    Mshitakiwa alikana mashitaka na yuko nje baada ya kujidhamini mwenyewe kwa ahadi ya kutoa Sh 50,000 hadi Novemba 15 kesi hiyo itakapotajwa.

    source. Habari leo
     
  2. Evarm

    Evarm JF-Expert Member

    #2
    Nov 9, 2011
    Joined: Aug 30, 2010
    Messages: 1,404
    Likes Received: 70
    Trophy Points: 145
    Umedesa, huoni mwenzio keshatoa hii habari? Hebu angalia post ya Fidel80.
     
  3. HorsePower

    HorsePower JF-Expert Member

    #3
    Nov 9, 2011
    Joined: Aug 22, 2008
    Messages: 3,617
    Likes Received: 28
    Trophy Points: 145
    Ukistaajabu ya Musa, utaona ya firauni! No comments
     
  4. Masikini_Jeuri

    Masikini_Jeuri JF-Expert Member

    #4
    Nov 9, 2011
    Joined: Jan 19, 2010
    Messages: 6,819
    Likes Received: 339
    Trophy Points: 180
    mods ziunganisheni hizi sredi zimejirudia
     
  5. Shine

    Shine JF-Expert Member

    #5
    Nov 9, 2011
    Joined: Feb 5, 2011
    Messages: 11,516
    Likes Received: 8
    Trophy Points: 0
    Mabibi wa leo wanawafundisha nini watoto na wajukuu wao kama hali yenyewe ndo ivo mtu anajinadi bila wasiwasi
     
  6. BornTown

    BornTown JF-Expert Member

    #6
    Nov 9, 2011
    Joined: May 7, 2008
    Messages: 1,702
    Likes Received: 89
    Trophy Points: 145
    "Mheshimiwa, huyu ni mtoto kwa mama yake aliyemzaa, kwangu ni mume wangu halali ambaye ananitimizia mahitaji yangu yote muhimu."
    eh! makubwa haya mie napita njia tu!!!!!
     
  7. tembeleh2

    tembeleh2 JF-Expert Member

    #7
    Nov 9, 2011
    Joined: Jul 27, 2010
    Messages: 768
    Likes Received: 1
    Trophy Points: 35
    Hizi kesi nyingine ni noma??? Mwanaume angekuwa na umri wa miaka 60 na mwanamke 30, mwanaume angebambikiwa na kesi ya kubaka, uongo au kweli????
     
Loading...