Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Mkakati wasukwa NCCR kumng’oa Mbatia

Discussion in 'Jukwaa la Siasa' started by nngu007, Aug 20, 2011.

  1. nngu007

    nngu007 JF-Expert Member

    #1
    Aug 20, 2011
    Joined: Aug 2, 2010
    Messages: 15,874
    Likes Received: 28
    Trophy Points: 145



    Mwandishi Wetu
    17 Aug 2011
    Toleo na 199


    [​IMG]


    WAKATI Chama Cha Mapinduzi (CCM) kikiendeleza mchakato wa kujivua gamba na Chama cha Demokrasia na Maendeleo (CHADEMA) kikiwafukuza madiwani wake watano wa mkoani Arusha, hali si shwari ndani ya NCCR-Mageuzi ambako kuna shinikizo la kumtaka Mwenyekiti wa chama hicho, James Mbatia, ‘kujivua' gamba.

    Hali hiyo ndani ya vyama hivyo vya siasa inaendelea katika wakati ambao kipyenga cha uchaguzi mdogo wa ubunge jimboni Igunga, Tabora kimekwishakupulizwa na NCCR kimetangaza hakitashiriki.

    NCCR-Mageuzi kimetangza kutokushiriki uchaguzi huo na badala yake kitamuunga mkono mgombea wa chama kingine chochote ambacho hakijatajwa japo matarajio ya wengi ni kuwa hakitamuunga mkono mgombea wa CCM.

    Taarifa za uhakika zinabainisha kuwa tayari vimekwishafanyika vikao viwili mjini Bagamoyo, mkoani Pwani, kumshinikiza Mwenyekiti wa NCCR-Mageuzi, chama kilichopata kuwa na nguvu kubwa katika Uchaguzi Mkuu wa mwaka 1995, Mbatia, kujiuzulu nafasi hiyo.
    Mbatia anashinikizwa kujiuzulu kwa madai kuwa ameshindwa kukiongezea nguvu chama hicho na ushahidi wa kushindwa kwake kinyang'anyiro cha ubunge Jimbo la Kawe, Dar es Salaam ni kati ya sababu zinazotumika kuthibitisha ya kuwa hana tena mvuto, ingawa yeye mwenyewe Mbatia anadai hiyo si sababu ya msingi.

    Kwa mujibu wa taarifa za uhakika, kimoja cha vikao vya shinikizo kwa Mbatia kilifanyika Agosti 13, mwaka huu, ofisini kwa mwanachama wa cha chama hicho, Dk. Seng'odo Mvungi, kikiwa kimetanguliwa na kikao kingine wiki mbili zilizopita.
    Kikao hicho cha pili (Agosti 13) kinatajwa kufanyika ikiwa ni mwendelezo wa kikao cha kwanza ambacho Mbatia anadaiwa kukwepa shutuma zilizoelekezwa kwake na timu maalumu ya wazee wa chama hicho.

    Mbatia anatajwa kukwepa shutuma kwamba amekipotezea mvuto NCCR-Mageuzi na kumsukumia shutuma hizo, Katibu Mkuu wa chama hicho, Sam Ruhuza.

    "Kikao kilifanyika ofisini kwa Dk. Mvungi Chuo Kikuu cha Bagamoyo, walikuwapo baadhi ya viongozi wakuu, lengo lilikuwa kumshawishi Mbatia ajiuzulu. Na ushawishi huo ulifanywa na timu ya wazee wa NCCR-Mageuzi ambao wamewakilisha maoni ya wanachama wetu wengi mikoani.

    "Huko site watu wamepoteza imani na uongozi wa juu wa chama chetu. Wazee walimweleza namna anavyozidi kukosa sifa za kuendelea kuwa mwenyekiti, ikiwa ni pamoja na yeye binafsi tofauti na wenyeviti wenzake kupoteza ubunge si kwa CCM bali kwa chama kingine cha upinzani.

    "Kushindwa chaguzi ni suala la kawaida lakini mazingira ya kushindwa huko ni suala muhimu sana kuzingatiwa kwa mustakabali wa chama kinachopaswa kujiongezea uhai. Mwenyekiti anaposhindwa ubunge kwa chama kingine cha upinzani na si CCM, maana yake hakubaliki na hiyo ni hatari kwa chama.

    "Lakini pia wajumbe mikoani na wajumbe wengi wa kamati kuu wameridhika kuwa uongozi, hasa mwenyekiti, hana mawasiliano mazuri na viongozi wa mikoa. Yapo mengi ambayo hatutaki kuyazungumza hadharani kwa sababu wakati wake haujawadia.
    "Kwa hiyo, katika kikao cha kwanza, Mbatia alikwepa shutuma hizo kwa maelezo kuwa huo ni udhaifu wa katibu mkuu na kwa bahati mbaya katibu mkuu hakuwapo na hivyo kikao kiliahirishwa hadi kikao kingine ambako katibu mkuu atakuwapo kujibu shutuma hizo.

    "Kikao cha pili kilifanyika Agosti 13 na kwa kweli hakikufika mwisho kutokana na kuibuka vurugu alizoanzisha mwenyekiti baada ya kubanwa na wajumbe ajiuzulu," alisema mmoja wa wajumbe walioshiriki kikao hicho.

    Kiongozi mmoja ambaye ni mjumbe wa halmashauri kuu ya NCCR anaeleza; "Mwenyekiti katika hali ya kawaida ni presidential material (mwenye sifa za kuwa rais) na hivyo kukosa ubunge ni doa kubwa, maana yake wananchi hawakukubali.

    "Wenyeviti wengine, Freeman Mbowe, John Cheyo na Augustine Mrema wameshinda ubunge, wa kwetu amefeli tena kwa upinzani na kwa kura nyingi zaidi ya 30,000, mikoani chama kinakosa ushirikiano unaostahili kutoka kwa mwenyekiti hali hii haivumiliki ni lazima tuirekebishe mapema.

    Taarifa zaidi zinaeleza kuwa katika kikao hicho Mbatia, akiungwa mkono na Dk. Mvungi anatajwa kujitetea akisema kushindwa ubunge si sababu kwake kujiuzulu uenyekiti akirejea mifano ya viongozi walioshindwa katika chaguzi mbalimbali, akiwamo Dk. Mvungi aliyepata kugombea urais na kushindwa.

    Hata hivyo, licha ya utetezi huo wa Mbatia inaelezwa kuwa kuna shinikizo ni kubwa la kumtaka ajiuzulu kutoka ndani ya Halmashauri Kuu ya chama hicho na wajumbe wengine kutoka mikoa kadhaa.

    Inadaiwa kuwa shinikizo hilo la Halmashauri Kuu ndiyo chanzo cha uongozi wa chama hicho kuahirisha mara kwa mara kikao cha Halmashauri hiyo Kuu ambacho kinatarajiwa kufanyika kuanzia mwezi ujao.

    Taarifa hizo zinaeleza kuwa uongozi wa chama hicho makao makuu jijini Dar es Salaam umegawanyika na baadhi ya viongozi waandamizi wanaunga mkono uamuzi wa kumtaka Mbatia kujiuzulu.

    Hali hiyo inatajwa na wachambuzi wa mambo kuwa ni mwendelezo wa upepo wa kujivua gamba ili kuviongezea mvuto vyama husika vya siasa. CCM kilianza mchakato huo baada ya uamuzi wa Halmashauri Kuu (NEC) kuwa viongozi wanaodaiwa wanakipunguzia haiba chama wajiuzulu, na tayari Rostam Aziz amefanya hivyo.

    Wengine katika mkumbo huo Mbunge wa Monduli, Edward Lowassa na Mbunge wa Monduli na Mbunge wa Bariadi Magharibi, Andrew Chenge, huku viongozi wengine katika chama hicho wakizidi kuchambuana hadharani na safari hii mchuano wa kuumbuana ukiwa ni kati ya Meya wa Jiji la Dar es Salaam, Dk. Didas Masaburi dhidi ya wabunge wa mkoa huo, Iddi Azan wa Kinondoni na Musa Azzan Zungu wa Ilala na Abbas Mtemvu wa Temeke.

    Dk. Masaburi amekwishawatuhumu wabunge hao kufumbia macho ufisadi katika baadhi ya miradi ya Halmashauri ya Jiji la Dar es Salaam zikiwamo mali za DDC na jengo la Machinga Complex.
     
  2. Mwita25

    Mwita25 JF-Expert Member

    #2
    Aug 20, 2011
    Joined: Apr 15, 2011
    Messages: 3,840
    Likes Received: 4
    Trophy Points: 0
    Upinzani mkiwa na migogoro ndiyo furaha ya CCM
     
  3. VIKWAZO

    VIKWAZO JF-Expert Member

    #3
    Aug 20, 2011
    Joined: Apr 9, 2011
    Messages: 1,891
    Likes Received: 27
    Trophy Points: 145
    nani kakuambia NCCR ni upinzani na CCM ? kumbe unashabikia lichama usililijua, muulize Nape sisi ina matawi mangapi?
    jumlishana na haya matawi MREMA RYATONGA, CHEYO JOHN, SHIBUDA NA MBATI JAMES
     
  4. Mwita25

    Mwita25 JF-Expert Member

    #4
    Aug 20, 2011
    Joined: Apr 15, 2011
    Messages: 3,840
    Likes Received: 4
    Trophy Points: 0
    Sasa wewe sijui umekurupuka usingizini, ni wapi kwenye post yangu nilipoonyesha kuwa nashabikia CCM?
     
  5. Lyimo

    Lyimo JF-Expert Member

    #5
    Aug 20, 2011
    Joined: Mar 7, 2006
    Messages: 3,809
    Likes Received: 7
    Trophy Points: 135
    Hivi ile kesi ya kushtaki kutoridhika na matokeo ya Ubunge kawe imekuwaje. Naona kama wazee washauri wa NCCR wameyakubali. Mpaka wanayatumia kama kigezo. Kweli Tanzania kisiasa bado wachanga.
     
  6. The Boss

    The Boss JF-Expert Member

    #6
    Aug 20, 2011
    Joined: Aug 18, 2009
    Messages: 36,150
    Likes Received: 14,573
    Trophy Points: 280
    Nilijua itafika hii siku...
    Nccr wana wabunge wawili so watapata mgao wa ruzuku
    karibu mil. 100 kwa mwaka.....

    As usual penye riziki hapakosi fitina....

    Mbatia kazi anayo lol
     
  7. C

    Consultant JF-Expert Member

    #7
    Aug 20, 2011
    Joined: Jun 15, 2008
    Messages: 2,982
    Likes Received: 823
    Trophy Points: 280
    Hivi Mbatia amekuwa mwenyekiti wa NCCR Mageuzi tangu mwaka gani?
     
  8. Job K

    Job K JF-Expert Member

    #8
    Aug 21, 2011
    Joined: Oct 4, 2010
    Messages: 5,604
    Likes Received: 1,316
    Trophy Points: 280
    Kumbu kumbu zako ziko tenge!!

    Kwa taarifa yako NCCR wana wabunge wanne (4) wote kutoka Kigoma: Kafulila, Machali, Buyogera na Mkosamali. Kwa hiyo mshiko upo wa kutosha acha watoane macho!!
     
  9. Mungi

    Mungi JF Gold Member

    #9
    Aug 21, 2011
    Joined: Sep 23, 2010
    Messages: 16,944
    Likes Received: 352
    Trophy Points: 180
    Mbatia siyo mpinzani, akikataa kujiuzulu afukuzwe chamani, aende kwa wajinga wenzake wa ccm
     
  10. G

    Gagnija JF-Expert Member

    #10
    Aug 21, 2011
    Joined: Apr 28, 2006
    Messages: 5,548
    Likes Received: 57
    Trophy Points: 145
    Hakika Mbatia kama mwenyekiti wa chama ameshindwa, na kuna kila sababu ya kumng'oa. Lakini kutumia kigezo cha kushindwa ubunge na mgombea wa chama kingine cha upinzani si kumtendea haki.
     
  11. menyidyo

    menyidyo JF-Expert Member

    #11
    Aug 21, 2011
    Joined: Oct 9, 2010
    Messages: 1,341
    Likes Received: 13
    Trophy Points: 135
    kuna tatizo alilonallo mbatia. nccr inazidi kupoteza mvuto.
     
  12. figganigga

    figganigga JF-Expert Member

    #12
    Aug 21, 2011
    Joined: Oct 17, 2010
    Messages: 13,567
    Likes Received: 2,030
    Trophy Points: 280
    nccr mwenyekiti awe Samwel Ruhuza a.k.a Mr.SAM.mbatia kashachemsha.baada ya kushindwa ubunge akataka kuwaaminisha watu kwamba uchaguzi wa kawe haukuwa wa haki eti mwenye haki ya kushinda ni yeye.namshangaa sana.mbata stepdown my dear.mia
     
  13. only83

    only83 JF-Expert Member

    #13
    Aug 21, 2011
    Joined: Oct 15, 2010
    Messages: 5,020
    Likes Received: 59
    Trophy Points: 145
    .................Mzimu wa CCM huo..kwishneeey Mbatia....wape chama vijana kama Mkosamali nk
     
  14. o

    oldonyo JF-Expert Member

    #14
    Aug 21, 2011
    Joined: Aug 11, 2011
    Messages: 554
    Likes Received: 1
    Trophy Points: 35
    usipotoshe umma nccr ina wabunge wanne na wote ni kutoka kigoma.
     
  15. E

    Eddie JF-Expert Member

    #15
    Aug 21, 2011
    Joined: Nov 28, 2008
    Messages: 516
    Likes Received: 0
    Trophy Points: 0
    Im sorry to say, hawa jamaa zetu Kigoma wakiwa wengi tu mahala wanataka wao ndio wawe viongozi. Chokochoko yote hii ni kwa kuwa NCCR ina wabunge 4 na wote ni kutoka Kigoma
     
  16. REBEL

    REBEL Senior Member

    #16
    Aug 21, 2011
    Joined: Dec 15, 2010
    Messages: 163
    Likes Received: 8
    Trophy Points: 35
    mwenyekiti awe machali,kafulila au mkosamali ndio wana mvuto.mbatia anaboa na hata leo akigombea udiwani au ubalozi wa nyumba kumi kumi atashindwa.habari ndio hiyo.
     
  17. Mwendabure

    Mwendabure JF-Expert Member

    #17
    Aug 21, 2011
    Joined: Mar 10, 2011
    Messages: 1,893
    Likes Received: 60
    Trophy Points: 145
    Hivi huyu Baba kwanini hakugombea K/ndoni jamani? Badala'ke akagombea jimbo la Kawe!?
    Mwenye kujua zaidi atujuze.
     
  18. ismathew

    ismathew JF-Expert Member

    #18
    Aug 21, 2011
    Joined: May 18, 2011
    Messages: 254
    Likes Received: 0
    Trophy Points: 0
    Siasa ieshimike kwani ni kiungo thabiti cha kuwaongoza wananchi. Na kiongozi wowote wa juu wa chama namaanisha Mwenyekiti ikiwa
    atashindwa uchaguzi wa rais au ubunge jibu lake liko wazi ni kujiuzulu mara moja nafasi ya uwenyekiti. Kung'ang'ania uongozi baada
    ya hapo ni kuonyesha itikadi za udikteta, na hiyo si picha nzuri kwa wananchi unaowasimamia. Na kushindwa katika uchaguzi imemaanisha
    kwamba mvuto wako kisiasa wa kuwashawishi wananchi kimaendeleo ulikuwa hafifu na haukuwaridhisha wapiga kura. Onyesha
    ujasiri wako nao ni kujiuzulu wadhifa wako, kwani tutakupongeza kwa hilo. Watanzania tupige mwendo.
     
  19. sulphadoxine

    sulphadoxine JF-Expert Member

    #19
    Sep 5, 2011
    Joined: Nov 1, 2010
    Messages: 2,265
    Likes Received: 4
    Trophy Points: 135
    MPANGO mkakati wa kumng’oa madarakani Mwenyekiti wa Chama NCCR-Mageuzi, James Mbatia, umeshika kasi lakini mwenyekiti huyo ameibuka na kusema hawezi kuwajibu makada wa chama hicho wanaotaka kutekeleza mkakati huo, kwa sababu chama kinaongozwa kwa mujibu wa katiba.

    NCCR-Mageuzi, tayari ilishakumbwa na jinamizi la mapinduzi liliovuruga ufanisi wa chama hicho na kuacha makovu makubwa yanayokifanya kiende kwa mwendo wa pole katika duru za kisiasa nchini.

    Hata hivyo, Mbatia ambaye katika uchaguzi mkuu wa mwaka 2010 aligombea ubunge katika Jimbo la Kawe, alisema kuwajibu makada hao ni sawa na kuibua malumbano yaliyowahi kutokea ndani ya chama hicho miaka ya tisini na kukifanya kuporomoke kisiasa.

    Akizungumza na Mwananchi jana, Mbatia alisema katika uchaguzi mkuu wa mwaka 1995 chama hicho kilipata wabunge 16 na aliyekuwa mgombea wake wa kiti cha urais, Augustine Mrema, alipata asilimia 28 ya kura zote za urais, lakini kuendekeza malumbano katika vyombo vya habari kulikiporomoa vibaya katika uchaguzi mkuu wa mwaka 2000.

    “Uchaguzi wa mwaka 2000 wabunge wote walioshinda katika uchaguzi wa mwaka 1995 hawakurudi bungeni, chama kiliambulia mbunge mmoja tu, tena si kati ya wale walioshinda mwaka 1995,” alisema Mbatia.

    Mbatia alisema NCCR inaendeshwa kwa kufuata katiba yake na kwamba mambo yanahokihusu, yatazungumzwa ndani ya chama.

    Alipoulizwa atawachukulia hatua gani makada hao alisema, “ mimi siwezi kulizungumzia hilo kiundani, ndio maana nikakueleza uzungumze na katibu wa chama (Ruhuza), yeye ndio anaweza kuzungumza kila kitu kuhusu shughuli zote za chama,”.

    Baadhi ya makada wa chama hicho wanadaiwa kuunda mpango wa kumng'oa Mbatia kwa madai kuwa ni pandikizi la CCM.Makada hao waliozungumza na gazeti hili kwa masharti ya kutotajwa, walisema Mbatia amekosa mvuto wa kisiasa na amekuwa akitofautiana na wanamageuzi wenzake katika mambo ya msingi yanayokihusu chama hicho kitaifa.

    “Tathmini ya uchaguzi mkuuwa mwaa 2010 iliyofanywa na chama, ilibaini kuwa ingawa tulifanikiwa kupata wabunge wanne, chama kinaonekana kukosa mvuto na kimekuwa kikihusishwa na ushirika na CCM” alisema mmoja wa makada hao.

    Aliongeza, “Kwanza katika uchaguzi wa ubunge Jimbo la Kawe, Mbatia alishindwa na Halima Mdee (Chadema), kilichotushangaza ni yeye kwenda kufungua kesi kupinga ushindi wa Mdee wakati ni wazi kuwa unaongeza idadi ya wabunge wa upinzani bungeni,”.

    Habari zaidi zilieleza kuwa Mbatia alishawahi kukutana na makada hao katika kikao kilichofanyika jijini Da es Salaam mwezi uliopita na kumtaka aachie ngazi, habari ambazo Katibu Mkuu wa Chama hicho, Samwel Ruhuza amezikanusha
     
Loading...