Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Miaka mitano tu kwa Dr. Slaa

Discussion in 'Uchaguzi Tanzania' started by BWAXY, Sep 8, 2010.

  1. B

    BWAXY Member

    #1
    Sep 8, 2010
    Joined: Sep 1, 2010
    Messages: 31
    Likes Received: 0
    Trophy Points: 13
    Mtanzania yeyote Mzalendo wa kweli, mwenye akili timamu, asiye na
    mtindio wa ubongo, wala mtumwa wa hila chafu, wala udumavu wa kiakili,
    tena asiye na utando wa buibui wala tongotongo za ufisadi machoni,
    wala asiye mzembe wa kufikiri, anaalikwa asome kwa uangalifu na
    azingatie makala hii na awashirikishe ndugu, jamaa na marafiki zake
    popote pale walipo..

    Dr Slaa yes we can! Huyu ni mtanzania wa pili baada ya Nyerere
    kuchukia ufisadi kwa vitendo. Ni mtanzania wa pili kuchukia umaskini
    wa watanzania kwa vitendo. Ni Dr. Slaa aliyesimama na kutaja majina ya
    wala rushwa na mafisadi. Akataka wale wanaopinga wampeleke mahakamani.
    Hakuna aliyethubutu kujitokeza kumpeleka mahakamani.

    Ni Dr. Slaa aliyesimama bungeni kuomba posho za wabunge kupunguzwa
    kuzielekeza zaidi kwa watanzania maskini. Ni Dr Slaa aliyesimama bila
    woga kunyosha vidole kwa matumizi mabaya ya ofisi za umma. Ni Dr Slaa
    amekuwa mtanzania baada ya Nyerere kutoa hoja za nguvu zinazomlenga
    kumkomboa mtanzania maskini. Maisha bora kwa kila mtanzania yako wapi?
    Ajira milioni moja ziko wapi? Hebu mwenye mbavu za kujibu swali hili
    ajibu bila unafiki!

    Ni Dr Slaa anayeweza kudhibiti matumizi mabaya ya ofisi za umma. Ni Dr
    Slaa anayeweza kuwapa elimu ya bure watoto wetu pale mlimani. Achana
    na longolongo za CCM kuwatoza ushuru watoto. Waulizeni majukwaani wao
    Nyerere aliwatoza ada? Kama si kutaka watanzania waendelee kuwa
    mambumbumbu ni nini? kama si kutaka watanzania tuendeleee kuwa watumwa
    ni nini?

    Ni Dr. Slaa anayeongelea treni ya umeme kwenda Kigoma, Dodoma, Tabora,
    na Mwanza. Waulize mpango wao CCM kama si kuwapa wahindi wanaoleta
    mabehewa ambayo mababu zetu walitumia wakati wa ukoloni. Sasa wahindi
    wanabaki kutudanganya na bajaji wakati vyuma chakavu vya reli sasa
    vinatumika kujenga vyoo. Hawa hawatutakii mema. Hawana tofauti na
    akina Carl Peters.

    Ni Dr Slaa anayeongelea mfumko wa bei -nani hajajua dola leo hii ni
    sawa na tsh 1500. Uchumi unadidimia kwa kasi. Ahadi nyingine za uongo
    lukuki zinatolewa tena, wakati zile tulizoahidiwa mwaka 2005, hata
    moja haijatekelezwa. Watanzania walio wengi na hasa wa vijijini,
    wamelala usingizi. Wanafumbuliwa macho, lakini wamesinzia bado!
    Wanatabasamu, wanachekelea na kuridhika na vitisheti vya kijani na
    vikofia za njano. Wamekwishazoea shida kiasi kwamba wanadhani ni
    sehemu ya maisha yao. Ee mwenyezi Mungu, tunusuru na hili balaa..

    Ni Dr.Slaa anaweza kuzuia wizi wa matrilion ya pesa kutoka migodi yetu
    ya Buzwagi, Geita, Bulyankulu, Buhemba, Nyamongo, Tulawaka, Nzega na
    Tanzanite. CCM wameshindwa kwa sababu ni washirka wakubwa na
    wameruhusu wizi huo. Ni Dr Slaa anaeweza kuwalipa wafanyakazi zaidi ya
    shilingi 350.000 achana na CCM ambayo imeshindwa kusimamia maliasili
    ambazo zingeliwapa wafanyakazi kima cha chini kinachokidhi mahitaji
    yao.

    Ni Dr.Slaa anayeweza kusimamia Mashirika ya umma kuleta tija na
    kutumia hela za wanachama kwa mafufaa ya wanachama, achana na CCM
    wanaofyonza michango yetu kule, kwani haya mashirika yameshindwa nini
    kuwajengea nyumba wanachama wake, mifano michache ni wizi wa mchana wa
    kujenga uzio wa stendi ya mabasi Morogoro kwa shilingi milioni 800, na
    serikali inafumba macho? Mbona kwingine yameweza? Ni Dr.Slaa anayeweza
    kuongoza nchi bila woga, kwa utawala wa kweli wa sheria bila kuwaonea
    watu wala bila kulipiza visasi.

    Ni Dr. Slaa ambaye amepanga kubadili katiba ili Rais afuate matakwa ya
    walio mwajiri ambao ni wananchi. Waulize CCM hata kama mtu kaiba
    anapewa mda arudishe pesa. Hivi inaingia akilini kweli? Utawala wa
    sheria uko wapi? Naomba niwape heko ITV kwa kuturejeshe kwenye hotuba
    za mwalimu. Katika hotuba yake moja alisema waziri mmoja kule
    uingereza aliandikwa kidogo tu gazetini juu ya kashfa, yule waziri
    alijiuzulu na waziri mkuu hata hakumjibu bali aliteua mtu mwingine.

    CCM hawawezi hayo? Eti wanataka ushahidi. Nani kawambia rushwa tule
    wawili harafu tutoe vielelezo? Tunaiona rushwa kwa matokeo yake.
    Matengenezo ya barabara ya bilion 200, baada ya siku mbili
    imeharibika. Kwanini usimfukuze waziri na katibu wake wa wizara
    kwanza? CCM hawawezi! eti wanataka vielelezo!

    Ni Dr Slaa anayeweza kufanya hayo. Si tumeona mnazi mmoja alivyowataja
    mafisadi wote! hapo akiwa ni mbunge tu! Je akiwa rais si watakimbia
    nchi? Jamani nawambia tumpe miaka mitano tu awakurupushe muone moto
    utakavyowaka.. Tutapata dawa, tutapata shule za bure, tutapata
    madawati. Jamani hivi kweli karne ya leo watoto wanasoma wamekaa
    chini? we must be serious! Hivi kweli dunia ya leo watu wanavuliwa
    nguo njiani kwenda Mwanza, Shinyanaga, Tabora, Kigoma, Mbeya, Lindi na
    Mtwara kwa sababu ya usafiri wa malori?

    Nani asiye jua madaktari wetu wengi bingwa wapo Botswana kwa sababu ya
    maisha duni Tanzania na hivi kwenda kutafuta maisha bora wakati hapa
    kwetu wananchi maskini wanakufa bila madawa? Nani asiyejua matatizo ya
    umeme, maji, makazi, maradhi, yanavyotutesa? Nani asiyejua wakulima
    wetu wasivyokuwa na masoko ya mazao yao? Nani asiejua asilimia 85 ya
    watanzania wanatumia vibatari au makoroboi kama mwanga? nani asiejua
    tunavyonyonywa na hawa wakoloni waliokuja kuchukua kila kitu??

    Jamani wafanyakazi, wakulima, na wanafunzi, kwa nini mnalala usingizi?
    Kwa nini mnapiga miayo ya njaa wakati maghala yetu yamejaa nafaka? Ni
    akili gani hii? Nchi yetu inazo raslimali za kututosha, lakini
    wanaozifaidi ni vibaka wachache. Mtalala hadi lini?

    Ni Dr Slaa mzalendo wa kweli, na sio kwa ajili ya sifa, anaweza
    kutuvusha tulipo. Nchi hii ni maskini na umaskini wenyewe ni wa
    kujitakia. Tanzania ni tajiri tuna kila kitu - mito, maziwa, national
    parks, migodi, mazao ya misitu, na kila aina ya utajiri. Lakini tuko
    maskini wa kutupwa! Naona huruma na umaskini wa kifikra wa watanzania.

    Hivi kuna mtu hajui mapolisi wanalala kwenye vibanda vya mabati? Hivi
    kuna ambao hawajui mapolisi watendaji wanalipwa laki moja? Wamekosa
    nini hawa? Ni ajabu! pamoja na laki yao moja utakuta bado wanatumika
    kuwanyanyasa watetezi wao. Hata maaskari amkeni hiyo laki moja yenu
    haina tija hadi mrubuniwe kuwanyanyasa wapinzani ambao kimsingi
    wanawatetea ninyi! Hivi maaskari mnayo macho ya kuona? Jamani tuache
    woga inawezekana! Mbona Kenya wameweza? Mbona malawi wameweza?Mbona
    zimbabwe wameweza? Mbona Ghana wameweza? Kufanya mabadiliko sahihi,
    inawezakana na nafasi ni hii tuitumie.

    Tumtume Dr Slaa atukurupushie wezi wote na atuwekee katiba sawa. Huo
    ndio msingi wa yote. Ni Dr. Slaa asiyeogopa kuwepo na mgombea binafsi.
    CCM hili hawaliwezi. Wamelipinga hadi mahakamani. Wanataka wao tu ndio
    waendelee kututawala na kutunyonya.

    Jamani 2010 hakuna kudanganyika! enough is enough. Acheni
    kudanganyika. Wakati ndio huu. Watanzania msipoamua sasa, mtamlaumu
    nani tena? Nawatamani watu wa kule Mara -hakuna kura inaibiwa. Zote
    zinasimamiwa. Tukibadilika inawezekana, tena ni rahisi. Peleke ujumbe
    huu kwa marafiki, ndugu, jamaa, babu na bibi yako kule kijiji ambako
    wanadhani bado Nyerere ndiye rais wa nchi hii. Peleka ujumbe huu
    haraka kwa simu kama ipo, au kwa njia ya posta, mradi tu wale jamaa
    waliochoka kuishi wasiikwapue barua wakidhani ni hela..
     
  2. j

    john wayson Member

    #2
    Sep 8, 2010
    Joined: Sep 8, 2010
    Messages: 8
    Likes Received: 0
    Trophy Points: 0
    watanzania tunakila sababu ya kufanya mabadiliko, kwani yote anayosema Dr Slaa yanawezekana, wakati Tanzania ilipopata uhuru kutoka mikono ya wakoloni, haikuwa na kitu, lakini haya yaliwezekana, mwl nyerere aliiongoza nchi hii, maskini, lakini kwakipindi hicho elimu kilitolewa bure, si kufundishwa tu ndo bure no, nikuanzia kalamu, daftari, nauli ya kutoka nyumbani kwenu hadi shule, unapewa kitu inaitwa warrant ya kusafiria kwa wanafunzi, leo hii tupo kwenye technologia, rasilimali nyingi zimegunduliwa,lakini hali ya nchi inazidi kuwa mbaya.

    Elimu imekuwa ghali kupita maelezo,matibabu ndo usiseme, ujenzi, ni juzi tu tumefanya uchaguzi 2005, kilo ya sukari ilikuwa tsh 600/= leo nenda kanunue mimi sikwambii, huenda wengine wanakula kwa mama hawajui haya ndo maana tunashabikia siasa mapenzi, kumpeleka mtoto chuo kikuu kwa sasa si chini ya milion 10/= kwa mwaka. labda kasoma miaka mitano, hivi wewe mkulima wa mtama ma mahindi unandoto za kumsomesha mwanao! kama unabisha haya nenda kaulize Imtu wasoma kwa bei gani, H. kairuki wanasoma kwa bei gani, kcmcollege, hizi vyuo viko Tanzania siyo ulaya.

    Halafu haohao wanafunzi wakihitimu mshahara wanalipwa shilingi ngapi kwa mwezi waulize, si bado tunacheka! tunashabikia siasa za wake za watu, tujiulize je huo wizi wa mke wa mtu umeathiri uchumi wa Tanzania kwa kiasi gani, ukilinganisha richmond na epa! mikataba, mibovu.

    Hivi watanzania hapo tunajifunza nini! umaskini huuhuu unatufanya tuchague viongozi wasio na sifa kwa sababu tu wametoa chochote, miahadi,ya uongo,just imagine mtu anaamua kununua toleo nzima la gazeti isambazwe bure kisa tu inahabari kumchafua mgombea fulani jina, jamani huu ukarimu uko wapi katika kudhamini shughuli za maendeleo! HIVI HUU NI UTU KWELI.

    Kuna yatima wangapi,watoto wanaoishi ktk mazingira magumu wengine hawana hata kitu cha kula jamani si ingekuwa bora hata ukawanunulia hao chakula wakakushukuru! Tunapoongelea haya hatumainishi tunatafuta umaarufu la hasha, tunamzungumzia mtanzania wa kawaida yule wa kijijini kipato chake, afya yake, elimu yake, elimu inayotolewa kwenye shule za kata, ya mwl moja kufundisha mikondo minne, si bora isiwepo kabisa hii shule! dispensary ina medical attendat, maana yake yule mhudumu anayefanya usafi, ndo daktari, ndo nurse, phamasist, ndo lab technologist, unataka kusema Tanzania haina vyuo vya kusomesha watu hao,vipo na wanahitimu kila mwaka wengi tu kwanini wasifike huku kwetu kijijini kufanya kazi!

    Akina mama wanakufa na uzazi, watoto wankufa malaria,pneumonia, diarrhoea, lakini watu wanashabikia siasa za mapenzi, huko mijini wanasahau vijijini kukoje, fika uone, labda ni ulize, hivi tangia uhuru mpaka leo wangapi, wamesha wahi kuona mtoto wa kigogo wa serikali,si sungumzii balozi wa nyumba kumi, wala afisa mtendaji wa kijiji, wala siongelei uongozi ngazi ya wilaya, nadhani umenielewa na lenga nini, anafanya kazi kwenye ofisi ya mtu kama mhudumu wa ofisi, au mwl ngazi za chini, chekechea, nurse attendat,vihi wewe unafikiri mungu aliwapendelea akili sana, no nimazingira tu, anasoma shule nzuri, yenye waalimu wakutosha, mazingira mazuri ya kujifunzia,vitendea kazi ya kufundishia na kujifunzia vyakutosha.

    kwa sababu uwezo upo, nafasi inaruhusu, au kama huamini aje huku kwetu kwenye shule za kata za mwlalimu moja, madarasa 4 halafu uone atapata division ngapi! matibabu wenzetu klinic ya mtoto tu kupata chanjo nairobi, south afrika, uk, usa. shida ninini! pesa ipo, kupimwa tu uzito wa mwili,hadi uswis kitu ambacho hata mchuuzi wa magunia ya mazao angeweza kufanya pale sokoni.

    Ok si lalamiki kwa sababu sina no, ni kwa sababu na sisi huku kijijini tunapiga kura, tuchague viongozi wenye vision ya maendeleo wanaolenga kuweka usawa kati ya mwenye nazo na asiye nazo, kwasababu kitakacho tokea baada ya mda ujao hata sisi tunaorubuniwa kwa visenti na kuchagua viongozi wasio na sifa, vitatuathiri, viongozi wasiofanya utafiti kabla ya kuamua kutenda jambo ambalo litaiweka nchi yetu katika hali mbaya, kiuchumi, kimaendeleo, kielimu, viongozi wetu wana copy na ku pest vitu kutoka nje bila kuangalia madhara yatakayo jitokeza baadaye, kwa mfano,

    vijana wetu wengi wanao soma shule za kata wengi wao wanaishia division 4 akijitahidi point 30 amesoma lakini hajaelewa kitu kwa sababu hakufundishwa vizuri, anarudi kijijni, sasa hivi kuna mgambo kila mahali, anakwenda mgambo anajifunza silaha na mbinu nyingine za kijeshi. anarudi kijijini hana kazi, what do you think, he/she is going to be! kama si kuja kukuwinda wewe unayeshabikia siasa za vijiweni, badala ya kufikiria mustakabali wa nchi yetu.

    Haya ni mawazo yangu tu, ila fanya uamuzi wa busara kuchagua kiongozi unayeona ataleta maendeleo, dont consider ushabiki, urafiki, uanachama, coz if wount cost me it will cost you, if not you your unt, uncle,ect please look out of box.
     
  3. c

    chama JF-Expert Member

    #3
    Sep 8, 2010
    Joined: Aug 6, 2010
    Messages: 8,006
    Likes Received: 8
    Trophy Points: 0
    ni Dr. Slaa tu aliyeasi kanisa Katoliki, kuongea si kutenda
     
  4. Augustine Moshi

    Augustine Moshi JF-Expert Member

    #4
    Sep 9, 2010
    Joined: Apr 22, 2006
    Messages: 2,081
    Likes Received: 150
    Trophy Points: 160
    Acha kudanganya. Dr. Slaa hakuasi Kanisa Katoliki. Ameacha kazi za Kipadri, lakini bado ni Mkatoliki. Kuasi Kanisa Katoliki ni kuacha kuwa Mkatoliki. Hakufanya hivyo. Na hata angekuwa ameacha Ukatoliki hicho hakingekuwa kigezo sahihi cha kumfanya asiwe kiongozi mzuri. Hapo Magogoni ni kwa Kaisari, sio Kanisani.

    Naanza kujiuliza kama CCM ikibadilisha matokeo ya kura tena itakuwaje? Maana wakati wa kesi ya kupinga Dr. Slaa kushinda ubunge, tulisikia ushahidi mahakamani jinsi CCM inavyobadilisha matokeo ya kura (Kama kuna mtu mwenye proceedings za lile kesi naomba aziposti hapa. Zina masomo maalumu).

    Kulishatokea madai hapa kwamba kumekuweko na mkutano wa watu wa TAMISEMI ambapo mama mmoja alipewa kazi ya kusimamia uchapishaji wa karatasi za kura za pembeni. Dalili mbaya, inafaa tuanze kuwa macho sana.

    CCM haitaweza kushinda kihalali. Wananchi wameichoka sana. Na wamepata kiongozi wa kuwafaa sasa, yaani Dr. Slaa.

    Binafsi nina hakika 100% kwamba Tanzania itazidi kudidimia na kudharauliwa kama itairudisha CCM madarakani. Kwa upande mwingine, imagine mwanzo mpya, with Dr. Slaa as President, and a bold and competent man like Tundu Lissu as AG. It would be so nice!
     
  5. j

    john wayson Member

    #5
    Sep 9, 2010
    Joined: Sep 8, 2010
    Messages: 8
    Likes Received: 0
    Trophy Points: 0
    kila nikilala nakumbuka maneno fulani kwenye biblia Mungu alisema watu wangu wanaangamia kwakukosa maarifa! mimi naona kunabaadhi ya watanzania hata paka wa nyumbani anawazidi akili, kwa sababu paka akijisaidia atahakikisha ameficha, kama hakuna mchanga basi hata kwenye unga kama ukiwa wazi, kulala atalala mahala pazuri, kitandani kwenye nyasi nzuri ect,

    lakini mtanzania mwenzangu, kwanza amepigika over 37 years hatambui hilo, pili, haangalii kesho, tatu hajali mwenzake, nne yuko tayari kuuza hata uhai wake au wa ndugu yake kisa tu kaahidiwa kitu kidogo tu, Tumepata mkombuzi wakutusaidia kurejesha heshima ya nchi yetu, tunampiga vita, ingekuwa afadhali hataakipigwa vita na hao mafisadi maana unga unakaribia kumwagika, laajabu, anayeongea sana na kusemasema maneno machafu ni haohao waungua jua wenzetu,

    embu niambie wewe unayetetea sana ccm, kwenye epa ulipewa bei gani! kwenye richmond ulipata % ngapi! kwenye mikataba ya migodi ulipata ngapi!, jamani hizo vijisenti vya kampeni ambazo mwisho wake tarehe 31 then nikupigika kwa miaka 5. hivi nikwanini hata hata hatushtuki, mpka nchi wahisani wamepunduza mchango wao kwenye budget ya serikali kisa ufisadi, jamani tunafunguliwa macho lakini hatutaki kutazama, mabalozi wa nje nchini tanzania wame appriciate kuwa Dr Slaa ndo angefaa kuwa rais wa hii nchi tangia 2005, sasa sisi wenyenchi wala hatushangai kwanini wamesema hivyo,

    Angalia marekani na nchi zingine zenye watu wanao tumia akili wanavyo fanya, awamu hii wakichukua chama hiki awamu nyingine chama kingine, wana compare utendaji kazi, hawadanganyiki ovyo, wanapima mambo, hizi njaa kama hazitatuua mungu asaidie, Tumefika hatua ya kutukanwa na wagombea, akawaambia wananchi hata msipo nichagua nitashinda tu, nakweli akatangaswa mshindi,usishangae ni wapi huko, ndani ya Tanzania hii hii. amekuwa mbuge over 25yrs, hilo jimbo barabara mbovu mpaka basi, hospitali ndo usiseme, shule ndo basi,

    sasa kuna sababu gani ya kuendelea kuburuzwa! kipi ngumu mbona twa badilisha chakula, nguo, njia za kupita, magari ya kusafiria, tunashindwa nini wa Tanzania, au uelewa ndogo! lakini hapana nakataa,tunaelewa,ila... yeboyebo, na kofia tutazimiss kwani tumeshazoea kuwa vibao vya matangazo, kila mahali pamechorwa picha na maandishi, unaonaje hapo zinatutosha kweli! kwanini basi usipewe walau blanket shuka sare za wanao kwendea shule, walau upunguze budget home, na kuimbishwa nyimbo za ajabuajabu, watoto wao wako shule huko uk. wa kwetu shule za kata na teacher mojo.

    Jamani hii serikali natamani dunia iishe tu, sasa hivi wamekuja na sera ya kiswahili iwe lugha ya kufundishia kuanzia primary hadi university, lakini watoto wao wanasoma nje kwa kiingereza ili waje kuwa viongozi baadaye, kwani inafaa kuwa rais wanchi wakati hujua kiingereza, marekani wanaongea kiswahili, china je, japan, uk, sasautawezaje kwenda nje kuomba misaada bwana, je wawekezaji wakija utaongeaje nao tayari kigezo tosha ya kukunyima uongozi na shule yako ya kata, chuo kikuuchako cha kiswahili, chali! unalakusema,

    hakuna kuuza vinyago, wala tingatinga barabarani kwa wazungu watakuja kuuza wakenya, sisi tudumishe lugha, kama si upungufu wa akili nini! kunanchi gani duniani ambayo uchumi wake umekuzwa kwa uimara wa lugha? eti wanatoa mifano ya china,japan, ufaransa, unafikiri siri iko kwenye lugha! nenda marekani kanunue kitu kimeandikwa made in china, nenda ujerumani wanatunia kijerumani lakini bidhaa nyingi sokoni vimeandikwa made in china nenda ufaransa, wanatumia lugha yao lakini bidhaa made in china, kunafaida ya lugha tuache mambo ya kutengeneza hoja ambazo hazitusaidii, leo tuende kubadilisha taarifa za vitabu mbalimbali viwe kiswahili, hizo garama si tungejenga maabara kwenye shule za sekondari na vyuo.

    wale watu wanafundisha wanao technologia tangia wakiwa primary tena kwa vitendo, na shule zina waalimu wa kutosha na maabara za kutosha,
    huku kwetu mwanafunzi anapigishwa theory nyingi ambazo hazina hatamsaada, anaambiwa microscope inatumika kuangalia vitu vidogo vionekane vikubwa, hapo ni shule ya msingi, hajaona microscope, secondary, anaendelea nayo microscope is an instrument or device which is used to magnify smallest things to be seen larger, form four hapo, atakwenda form five and six, bado hajaona microscope kwa sababu shule haina vifaa wala maabara ya kufundishia ataona wapi, akienda chuo kikuu tena cha afya au labda ya kilimo na mifugo ndo atakuja kukiona, anaanza kushangaa kumbe kitu nilichokuwa nakisoma ndicho hichi bwana, sasa mpaka ajue matumizi yake parts zake miaka yake ya kozi tayari. anaondoka, wewe unategemea atakuja kufanya ugunduzi gani? halafu tunasingizia lugha, siyo lugha ni siasa chafu ambayo imewafunga watu wasione mbele,

    Watanzania tutabakia kucopy na ku pest vitu vya wazungu tusipo badilika,
    mwl nyerere alisema maendeleo ya nchi huletwa kwa siasa safi, elimu bora, bidii, na afya bora, sasa siasa ndo hii tena ya ving'ang'anizi utadhani hii nchi wamepewa urithi na mungu, elimu ndo hii imechakachuliwa hadi basi, mitaala inabadilishwa kila kukicha mpaka waalimu wenyewe wanashindwa kufundisha, afya ndio usiseme,msd imekuwa kituo cha upatu. sasa tutawezaje kupona tusipojali sera nzuri namna hii alioleta Dr Slaa. ya elimu bure, matibabu bure, treni ya umeme, vinawezekana kwa kuwa hakutakuwa naufisadi

    mungu akupe nini! wala usiumize sana akili ni rahisi, tarehe 31 mwombe muumba wako, nenda kwenye kitu cha karibu nawe, ili usichelewe kwenda kanisani, kama umeswali ijumaa usichelewe kwenye utafutaji wako wanao wakalala njaa, kama umesali jumamosi fanya vivyo hivyo, chukua kitambulisho chako, maana na amini wewe ni njanja hujakiuza, angalia picha za viongozi wako, tafakari kampeni zao, weka alama ya vema pale ambapo unaona vizazi vyako vitapona. hapo sikuamulii ila agalia mbali, make changes. mbarikiwe wapendwa.
     
  6. Butola

    Butola JF-Expert Member

    #6
    Sep 9, 2010
    Joined: Jan 19, 2010
    Messages: 2,140
    Likes Received: 0
    Trophy Points: 0
    Hivi huu uhakika uwa mnaupata kutokana na data gani? unapoona chama cha upinzani hakina mikoa ambayo kina uhakika wa kushinda fahamu muda bado haujafika, na kwa ninachokiona on ground usijeshangaa Dr. Slaa asiposhinda ata kwenye wilaya mmoja.
     
Loading...