Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Mgomo wa madaktari rasmi kuanzia kesho!!!

Discussion in 'Jukwaa la Siasa' started by OSOKONI, Jun 22, 2012.

  1. OSOKONI

    OSOKONI JF-Expert Member

    #1
    Jun 22, 2012
    Joined: Oct 20, 2011
    Messages: 7,168
    Likes Received: 1,418
    Trophy Points: 280
    JUMUIYA ya Madaktari imetangaza rasmi kuanza kwa mgomo usio na kikomo kuanzia kesho, huku ikidai Serikali imekataa kutekeleza madai yao yote yaliyowasilishwa katika kamati ya majadiliano iliyoundwa na Waziri Mkuu, Mizengo Pinda.Wakati madaktari hao wakitangaza kurejea rasmi katika mgomo huo uliositishwa miezi mitatu iliyopita, Pinda aliliambia Bunge jana wakati akijibu Maswali ya Papo kwa Papo, kuwa mgomo huo ni batili na haukubaliki.
    Saa chache baada ya Pinda kutoa onyo hilo lililorushwa moja kwa moja na vituo vya televisheni na redio kutoka Dodoma, madaktari hao wakiwa jijini Dares Salaam walitangaza mgomo huo wenye lengo la kushinikiza Serikali kutekeleza madai yao.
    Mgomo huo ulitangazwa kwa waandishi wa habari na Dk Stephen Ulimboka, muda mfupi baada ya kukamilika kwa mkutano wa ndani wa madaktari, uliofanyika katika Ukumbi wa Mikutano wa Jengo la Utamaduni la Watu wa Urusi.
    Dk Ulimboka alisema mgomo huo usio na kikomo utawahusu madaktari wa kada zote nchini, na unatarajiwa kuanza kesho, baada ya wiki mbili walizotoa kwa Serikali kumalizika bila ya makubaliano yoyote.

    “Madaktari kwa ujumla wao wamekubaliana kuwa watarejea katika mgomo usio na kikomo, hii ni kutokana na kugundua kuwa hakuna dhamira ya dhati ya Serikali, kumaliza mgogoro kati yetu na Serikali, uliodumu kwa muda mrefu sasa,” alisema Dk Ulimboka na kuongeza,
    “Serikali imetupilia mbali madai yote yaliyofikishwa katika meza ya majadiliano baina ya wawakilishi wa Serikali na madaktari na taarifa iliyotolewa bungeni na Waziri wa Afya na Ustawi wa Jamii, Dk Hussein Mwinyi na pia majibu ya Waziri Mkuu leo, yamepotosha kila kilichomo katika taarifa tuliyonayo sisi.”
    Alifafanua kwamba Serikali imetupilia mbali madai yote ambayo kabla ya kukubali kurudi katika meza ya majadiliano yalionekana kuelekea kupata mwafaka.
    Dk Ulimboka alisema kuwa kauli iliyotolewa na Pinda bungeni, kwamba walikubaliana, si ya kweli na hata posho zilizotajwa kwenye taarifa za kamati hiyo ni za dharura kabla ya kuanza kwa vikao vya majadiliano.
    Alisema msimamo wao ni kuanzisha mgomo usio na kikomo na hakuna njia ya mkato ya kuuzuia, njia pekee ni Serikali kurudi katika meza ya majadiliano.

    Kuhusu ushauri uliotolewa na Pinda kuwataka waende mahakamani, Dk Ulimboka alisema jumuiya yao haiko tayari kwenda na kwamba itaendelea na utaratibu wake wa kushinikiza madai hayo kwa njia ya mgomo.
    “Sisi hatuendi mahakamani na hakuna njia yoyote ya kuuzima mgomo zaidi ya kurudi kwenye meza ya majadiliano yenye lengo la kufikia mwafaka wa yale tunayotaka kukubaliana," alisisitiza.
    Alisema katika madai yao ya msingi waliyotoa serikalini, hadi sasa limetekelezwa moja tu, huku wakishangazwa na Serikali kuongeza posho ya uchunguzi wa maiti kutoka Sh10,000 za awali hadi Sh100,000 kwa madai kuwa posho hiyo haikuwa miongoni mwa madai yao.
    “Sisi katika madai yetu hatukuliweka dai hili la posho ya uchunguzi wa maiti, kwa sababu hilo siyo dai letu la msingi. Kazi ya uchunguzi wa maiti siyo ya kila wakati, hufanywa tu pale watu wanapokuwa na mashaka na kifo cha mtu husika, lakini pia haifanywi na madaktari wote,” alisema Dk Ulimboka.

    REJEA MWANANCHI
     
  2. LiverpoolFC

    LiverpoolFC JF-Expert Member

    #2
    Jun 22, 2012
    Joined: Apr 12, 2011
    Messages: 10,956
    Likes Received: 78
    Trophy Points: 145
    Hongera Dk Ulimboka!

    Nafuu hata nyie Madktari mmeona UDHAIFU wa serikali yetu!

    Jk & Pinda na wabunge wao wote wa chichiem ni JANGA kwa Taifa letu!

    Hawakubalikiiiiii!!
     
  3. P

    Precise Pangolin JF-Expert Member

    #3
    Jun 22, 2012
    Joined: Jan 4, 2012
    Messages: 11,319
    Likes Received: 417
    Trophy Points: 180
    [FONT=Tahoma, Calibri, Verdana, Geneva, sans-serif]Awaite wazee wa jiji la dar es salaam awaeleze. Huku bunge linawaka moto madaktari nao wanagoma Namshauri Dhaifu asafiri aende Jamaica akabembee na marasta[/FONT]
     
  4. BAK

    BAK JF-Expert Member

    #4
    Jun 22, 2012
    Joined: Feb 11, 2007
    Messages: 50,099
    Likes Received: 9,805
    Trophy Points: 280
    Wache wagome wanastahili kabisa kugoma maana Serikali haiwathamini kabisa kwa sababu hao wa ndani ya Serikali fisadi wanajua wataenda kutibiwa SA, India na hata nchi za magharibi basi hawaoni umuhimu wowote wa kuboresha ujira wa madaktari, manesi na hata hospitali zetu ambazo ziko katika hali ya kusikitisha sana kuanzia majengo, usafi na ukosefu wa vifaa mbali mbali vyenye umuhimu mkubwa mahospitalini.
     
  5. Lyimo

    Lyimo JF-Expert Member

    #5
    Jun 22, 2012
    Joined: Mar 7, 2006
    Messages: 3,809
    Likes Received: 7
    Trophy Points: 135
    Kama Kweli Raisi wetu si dhaifu, basi atalishughulikia jambo hili maramoja Kwa ukamilifu.
     
  6. M

    McMuga Member

    #6
    Jun 22, 2012
    Joined: Apr 20, 2012
    Messages: 11
    Likes Received: 0
    Trophy Points: 0
    Go go go doctors!,,mmeishika serikali dhaifu pabaya,wamezoe kujibu ujinga tu na kutegemea yataisha kama upepo upitao! ,SASA KAZENI KAMBA!
     
  7. A

    Andre02150 JF-Expert Member

    #7
    Jun 22, 2012
    Joined: Feb 2, 2010
    Messages: 210
    Likes Received: 10
    Trophy Points: 35
    duh! serikali iko makini. ni imani yangu suala hili litashughulikiwa ipasavyo once and for all. may be it's about time mkulima atoswe manake hasomeki na ahadi hewa zake
     
  8. m

    mamabaraka Member

    #8
    Jun 22, 2012
    Joined: Oct 18, 2011
    Messages: 92
    Likes Received: 1
    Trophy Points: 0
    kama kweli hospital zetu zinahuduma nzuri raisi atangaze rasmi viongozi wope pamoja na yeye mwenyewe watimiwe amana, temeke, mwananyamala na muhimbili. Kila kitu dhaifu, dhaifu, dhaifu.
     
  9. Angel Msoffe

    Angel Msoffe JF-Expert Member

    #9
    Jun 22, 2012
    Joined: Jun 21, 2011
    Messages: 6,800
    Likes Received: 63
    Trophy Points: 145
    hivi jeshi la Tz linasubiri nini kuipindua hii serikali goigoi?....... Au na jeshi lenyewe ni goigoi?
     
  10. dosama

    dosama JF-Expert Member

    #10
    Jun 22, 2012
    Joined: Dec 25, 2010
    Messages: 786
    Likes Received: 7
    Trophy Points: 35
    Rais ni Dhaifu na waziri mkuu wake na wizara ya Afya, wabunge ni Wazembe na CCM ni Wapuuziiiii. Nasimamia msimamo wangu mkitaka ushahidi nitawaletea
     
  11. Kimbunga

    Kimbunga Platinum Member

    #11
    Jun 22, 2012
    Joined: Oct 4, 2007
    Messages: 12,349
    Likes Received: 1,038
    Trophy Points: 280
    Angel Msoffe tupige siasa tu hapa!
     
    Last edited by a moderator: Jan 4, 2016
  12. Kimbunga

    Kimbunga Platinum Member

    #12
    Jun 22, 2012
    Joined: Oct 4, 2007
    Messages: 12,349
    Likes Received: 1,038
    Trophy Points: 280
    Duh Dr. Stephen Ulimboka tena?
     
  13. Az 89

    Az 89 JF-Expert Member

    #13
    Jun 22, 2012
    Joined: Nov 20, 2011
    Messages: 1,551
    Likes Received: 34
    Trophy Points: 145
    Mamaa madaktari tenaa? Hawa jamaa nawapenda wakigoma wanakaa tu home we ndo utawafata!
     
  14. TIQO

    TIQO JF-Expert Member

    #14
    Jun 22, 2012
    Joined: Jan 8, 2011
    Messages: 13,842
    Likes Received: 29
    Trophy Points: 0
    Dawa hapa nikuwanyolosa wananchi walio iweka madarakani serikali dhaifu
     
  15. s

    sugi JF-Expert Member

    #15
    Jun 22, 2012
    Joined: Feb 12, 2011
    Messages: 1,248
    Likes Received: 35
    Trophy Points: 145
    Ngoma inogile,mpaka tugawane sawa na hawa mafisi-adi hiki kilichobaki kwenye inji hii,nyambaaaaf
     
  16. wiseboy

    wiseboy JF-Expert Member

    #16
    Jun 22, 2012
    Joined: Mar 22, 2011
    Messages: 2,024
    Likes Received: 626
    Trophy Points: 280
    hivi hatuna watalaam wa mambo ya jamii hapa Tz? mbona mm na kadegree kangu uchwara nimewahi kufundishwa history and impact ya vitu kama hivi ktk jamii...serikali haion kwamba kutokutatua migogoro kwa wakati hupelekea msisimko mpya wa mawazo (evolutionary ideas) ndani ya jamii...mdhalau mwiba....
     
  17. OSOKONI

    OSOKONI JF-Expert Member

    #17
    Jun 22, 2012
    Joined: Oct 20, 2011
    Messages: 7,168
    Likes Received: 1,418
    Trophy Points: 280
    you are going too far!!!
     
  18. mysteryman

    mysteryman JF-Expert Member

    #18
    Jun 22, 2012
    Joined: Aug 4, 2011
    Messages: 987
    Likes Received: 1
    Trophy Points: 0
    ndo na yenyewe majeda yamekua magoigoi tu full vitambi na wezi wakubwa......
     
  19. mysteryman

    mysteryman JF-Expert Member

    #19
    Jun 22, 2012
    Joined: Aug 4, 2011
    Messages: 987
    Likes Received: 1
    Trophy Points: 0
    hahaha kijana futa kauli yako ama la tutamwita bi kiroboto asome kile kifungu chetu.....
     
  20. DAWA YA SIKIO

    DAWA YA SIKIO JF-Expert Member

    #20
    Jun 22, 2012
    Joined: Dec 8, 2011
    Messages: 985
    Likes Received: 6
    Trophy Points: 35
    Wananchi dhaifu wataichagua serikali hii hii dhaifu 2015 !... Watanganyika tumerogwa ????!
     
Loading...