Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Mgomo wa Madaktari: Kigwangalla asema 'Sihusiki!', kuchukua hatua za kisheria dhidi ya media

Discussion in 'Jukwaa la Siasa' started by chikakatata, Mar 8, 2012.

  1. c

    chikakatata JF-Expert Member

    #1
    Mar 8, 2012
    Joined: Feb 27, 2012
    Messages: 220
    Likes Received: 0
    Trophy Points: 0
    Taarifa Kwa Vyombo vya Habari: Dkt. Hamisi Kigwangalla Akanusha Kuutaka Uwaziri


    Thursday, March 8, 2012

    OFISI YA MBUNGE, JIMBO LA NZEGA


    Mhe. Dkt. Hamisi A. Kigwangalla (MB)



    TAARIFA KWA VYOMBO VYA HABARI

    Tunapenda kuutarifu umma kwamba Mhe. Mbunge wa Jimbo la Nzega, Dkt. Hamisi Kigwangalla amesikitishwa sana kupata taarifa kutoka baadhi ya vyombo vya habari kuwa anatajwa kuchochea mgomo wa madaktari. Hata siku moja hajawahi kuwa mchochezi wa mgomo huu na yeye binafsi siku zote amekuwa mstari wa mbele kusema ukweli na kuweka hadharani msimamo wake na wala siyo kuchochea kwa kificho chini kwa chini.

    Pia kuna gazeti moja la kila wiki limeandika jana stori (kwenye ukurasa wake wa mbele) kuwa Mhe. Dkt. Hamisi Kigwangalla ‘anatajwa kuchochea mgomo huo kwa malengo ya kuutaka uwaziri.' Vyombo vingi vya habari vikivutiwa na kichwa hiki cha habari vimekuwa vikimpigia simu Mhe. Mbunge kumtaka atoe ufafanuzi. Mhe. Mbunge amesikitishwa sana na taarifa zilizoandikwa kwenye gazeti hili na tayari Mwanasheria wake ameanza kujipanga kuchukua hatua za kisheria ikiwa ni pamoja na kulitaka gazeti hili limsafishe kwenye jamii kwa kuchapisha habari ya kumsafisha ama lipelekwe mahakamani.

    Kwa taarifa hii tunakanusha ushiriki wa aina yoyote ile unaotajwa kumhusisha Mbunge wa Nzega kwenye uchochezi ama wa namna yoyote ile inayofikirika zaidi ya msimamo ambao Mhe. Mbunge Dkt. Kigwangalla amewahi kuuweka wazi siku za nyuma kwenye mikutano ya wazi ya madaktari au kwenye vyombo vya habari.

    Pia ifahamike kuwa kwa kuweka wazi msimamo wake kwamba madaktari wana madai ya msingi na hivyo wasikilizwe (ambayo kwa sasa serikali ilishakiri na kuyakubali madai yao na kutamka hadharani kuwa inayafanyia kazi) haimaanishi kuwa ni uchochezi bali ni matumizi ya haki za msingi za binadamu kama zilivyoainishwa kwenye Kati ba ya Jamhuri ya Muungano wa Tanzania na kwenye mikataba mbali mbali ya kimataifa ya haki za binadam.


    Na pia tunapenda kuwataarifu wanahabari kuwa Dkt. Hamisi Kigwangalla hajahudhuria mkutano wowote ule wa madaktari uliopelekea madaktari kuazimia kugoma tena na hivyo kumhusisha na ushawishi ama uchochezi ni kupotosha umma na kuvunja sheria.

    Na zaidi kufikiria kuwa madaktari nchi nzima wanaweza kugoma kwa kumsikiliza mtu mmoja tu ni kuwatukana na kuwadhalilisha kwa kuwaona hawana uwezo wa kufikiri na kufanya maamuzi yao, ilhali hawa ni watu makini, wenye elimu na ujuzi wa hali ya juu na wengi wao wanamshinda elimu, ujuzi na uzoefu kwa mbali sana Mhe. Mbunge Dkt. Kigwangalla.

    Hali kadhalika, Mhe. Dkt. Kigwangalla aliomba Ubunge na hakutarajia kuwa angepewa Uwaziri na ni wazo la kitoto kufikiria kwamba mtu mwenye busara zake na hadhi yake kama yeye angeweza kupanga mkakati wa kumn'goa Waziri yeyote Yule ili awekwe yeye, maana kwanza hana muamana na mamlaka ya uteuzi, ambayo kimsingi ndiyo yenye uamuzi wa kumteua nani na kumuondoa nani, na pia haiyumkiniki kuwa eti ‘uwe mstari wa mbele kuvumbua maovu na mapungufu ya kiutendaji ya mtu ambaye unataka atolewe kwenye nafasi ili wewe uwekwe hapo!'

    Kwa namna yoyote ile kama Dkt. Kigwangalla angekuwa anaitaka nafasi ya Uwaziri asingeunga mkono madai ya madaktari. Na kwamba kama kuna mtu ana Taarifa zozote zile zinazoweza kuthibitisha kuwa amekuwa akipanga mikakati ya kutafuta Uwaziri basi aziweke wazi na Mhe. Mbunge atakuwa tayari kujivua nafasi zake zote za uongozi alizonazo.


    Mhe. Mbunge anawashauri waandishi wa habari kuwa waandike taarifa ambazo wana uhakika nazo tu na wasikubali kutumiwa na makundi ya wana siasa wenye malengo ya kuchafua wenzao.

    Mwisho, mara zote toka mgogoro huu baina ya madaktari na serikali uanze, Mhe. Dkt. Hamisi Kigwangalla (MB) amekuwa akishauri pande zote mbili zikutane, zijadiliane na kutafuta suluhu ya matatizo yaliyopo, na leo hii tena bado anasisitiza kuwa njia pekee sahihi na sawia ya kutafuta suluhu ya kudumu ya mgogoro huu ni kuzungumza na kuelewana kwenye mambo ya msingi. Hii ndiyo njia pekee itakayoepusha adha kwa wananchi wanaohitaji huduma za afya, ambao wao ni waathirika wasio na hatia.


    Imetolewa Leo Tar 8/Machi/2012 na Ofisi ya Mbunge wa Jimbo la Nzega.
    a

     
  2. l

    lukatony JF-Expert Member

    #2
    Mar 8, 2012
    Joined: Mar 25, 2011
    Messages: 419
    Likes Received: 5
    Trophy Points: 0
    Mh!!!!hamis andrea!!!!!!haya bwana!!!!!!pengine kwa sababu kizazi kinachoendesha mambo yote haya ni kizazi chenu cha muhimbili kilichomaliza undergraduate 2000-2005,na hata kama hauutaki nina hakika ndoto hizo unazo!!from shy bush to muhas,to nzega mp,ni mtu uliye na ndoto za kupanda juu siku zote!!!!
     
  3. c

    chikakatata JF-Expert Member

    #3
    Mar 8, 2012
    Joined: Feb 27, 2012
    Messages: 220
    Likes Received: 0
    Trophy Points: 0
  4. F

    FJM JF-Expert Member

    #4
    Mar 8, 2012
    Joined: Apr 11, 2011
    Messages: 8,091
    Likes Received: 76
    Trophy Points: 145
    Mwanzo ilikuwa bwana (Dr.) Ulimboka, sasa naona wanarukia kwa Dr Kingwangalla kuwa ndio anachochea mgomo wa madaktari! Ni lini wataacha kutafuta visingizio?

    Dr. Kingwangalla wala usipoteze muda wako kuchukua hatua za kisheria, umeshatoa hii press release inatosha kabisa. Hakuna mtu mwenye akili timamu atakayemaini eti mgomo wa madaktrari umechochewa na mtu mmoja!
     
  5. jino kwa jino

    jino kwa jino JF-Expert Member

    #5
    Mar 8, 2012
    Joined: Nov 3, 2010
    Messages: 769
    Likes Received: 3
    Trophy Points: 0
    ulimboka mbona hasikiki tena au knye mgomo wa sasa hayupo
     
  6. Saint Ivuga

    Saint Ivuga JF-Expert Member

    #6
    Mar 8, 2012
    Joined: Aug 21, 2008
    Messages: 31,177
    Likes Received: 5,716
    Trophy Points: 280
    ingekuwa ni mimi JK nampa uwaziri
     
  7. c

    chikakatata JF-Expert Member

    #7
    Mar 8, 2012
    Joined: Feb 27, 2012
    Messages: 220
    Likes Received: 0
    Trophy Points: 0
    Jana Ulimboka, leo Kigwangala, kesho nani?
     
  8. NYENJENKURU

    NYENJENKURU JF-Expert Member

    #8
    Mar 8, 2012
    Joined: Feb 11, 2011
    Messages: 1,007
    Likes Received: 7
    Trophy Points: 135
    Dr.Mkopi,Dr.Hussein Mwinyi TETETEH
     
  9. Z

    Zulqarnayn Senior Member

    #9
    Mar 8, 2012
    Joined: Oct 17, 2011
    Messages: 107
    Likes Received: 0
    Trophy Points: 0
    Nimeiona hiyo Story kwenye SAUTI HURU nikasema dah..
     
  10. D

    DALLAI LAMA JF-Expert Member

    #10
    Mar 8, 2012
    Joined: Jan 31, 2012
    Messages: 8,491
    Likes Received: 222
    Trophy Points: 160
    Ulimboka amehojiwa leo magic,yupo mafichoni.bwana kigwa kwa hili huchomoki coz ulikuwa ukisuport ule wa kwanza mpaka coucus ya chama chako ikakupiga mkwara.HAPA USI2ZINGUE BW SAIDI BAGAILE.nadhani bashe anakupa homa izi
     
  11. satellite

    satellite JF-Expert Member

    #11
    Mar 8, 2012
    Joined: Nov 18, 2010
    Messages: 596
    Likes Received: 0
    Trophy Points: 33
    kwa kuchafua watu pumbafu zenu nyie,mlishindwa kwa ulimboka ss mmehamia kwingine ili kupooza soo
     
  12. P

    Pax JF-Expert Member

    #12
    Mar 8, 2012
    Joined: May 3, 2009
    Messages: 269
    Likes Received: 0
    Trophy Points: 33
    No offense lakini, Unamfahamu huyu jamaa vizuri au unamsikia tu! Nisiseme zaidi
     
  13. Z

    Zulqarnayn Senior Member

    #13
    Mar 8, 2012
    Joined: Oct 17, 2011
    Messages: 107
    Likes Received: 0
    Trophy Points: 0
    Mkuu tuhabarishe basi
     
  14. DOUGLAS SALLU

    DOUGLAS SALLU JF-Expert Member

    #14
    Mar 8, 2012
    Joined: Nov 13, 2009
    Messages: 7,235
    Likes Received: 1,225
    Trophy Points: 280
    Kwani huyo Bagaile a.k.a Hamis Kigwangala yuko Chadema? Maana wakubwa wanasema Chadema ndiyo wanaochochea huu mgomo.Ama kweli mfa maji haishi kutapatapa, yaani Serikali ya CCM inatafuta mchawi kila uchao.
     
  15. P

    Pax JF-Expert Member

    #15
    Mar 8, 2012
    Joined: May 3, 2009
    Messages: 269
    Likes Received: 0
    Trophy Points: 33
    Imenenwa mtawajua kwa matendo yao maana watakuja wamevaa mavazi ya kondoo lakini...........!
     
  16. Kigogo

    Kigogo JF-Expert Member

    #16
    Mar 8, 2012
    Joined: Dec 14, 2007
    Messages: 19,245
    Likes Received: 33
    Trophy Points: 145
    said kagaile aka hamisi kingwangala ..hahaaaaaa
     
  17. mayoscissors

    mayoscissors JF-Expert Member

    #17
    Mar 8, 2012
    Joined: Nov 24, 2009
    Messages: 758
    Likes Received: 13
    Trophy Points: 35
    acha wivu
     
  18. B

    Bulesi JF-Expert Member

    #18
    Mar 8, 2012
    Joined: May 14, 2008
    Messages: 6,273
    Likes Received: 252
    Trophy Points: 180
    Dr. Hamis hawezi kuona ajabu ya maneno haya kwani yanatoka kwa msomali Bashe a. k.a. Al shabaab!!
     
  19. w

    winner forever JF-Expert Member

    #19
    Mar 8, 2012
    Joined: Mar 6, 2012
    Messages: 1,093
    Likes Received: 7
    Trophy Points: 135
    "ifahamike kuwa kwa kuweka wazi msimamo wake kwamba madaktari wana madai ya msingi na hivyo wasikilizwe (ambayo kwa sasa serikali ilishakiri na kuyakubali madai yao na kutamka hadharani kuwa inayafanyia kazi) haimaanishi kuwa ni uchochezi bali ni matumizi ya haki za msingi za binadamu kama zilivyoainishwa kwenye Kati ba ya Jamhuri ya Muungano wa Tanzania na kwenye mikataba mbali mbali ya kimataifa ya haki za binadam. "
     
  20. 1800

    1800 JF-Expert Member

    #20
    Mar 8, 2012
    Joined: Dec 27, 2010
    Messages: 2,217
    Likes Received: 5
    Trophy Points: 135
    Mkuu hv kwanini mnamuita Said Bagaille
     
Loading...