Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Mgombea ubunge Busega afa kifo cha utata

Discussion in 'Uchaguzi Tanzania' started by Zak Malang, May 13, 2010.

  1. Zak Malang

    Zak Malang JF-Expert Member

    #1
    May 13, 2010
    Joined: Dec 30, 2008
    Messages: 5,410
    Likes Received: 13
    Trophy Points: 0
    • Yadaiwa ni mkono wa mtu
    • Aliugua gonjwa la ajabu
    • Alikataa kubadili nia hiyo
    • Jiji la Mwanza lazizima

    Mwanamke aliyekuwa ametangaza nia ya kuomba uteuzi wa kugombea ubunge katika jimbo la Busega kupitia Chama Cha Mapinduzi (CCM) wilayani Magu, Mkoa wa Mwanza katika uchaguzi mkuu wa Oktoba 31, mwaka huu, Nsega Aloyce Ntobi, amefariki dunia katika mazingira ya kutatanisha.

    Kifo cha Nsega kimezua mjadala katika Jiji la Mwanza huku baadhi ya wakazi wakikihusisha na nia yake ya kutaka kugombea wadhifa huo wa kisiasa.

    Habari zinasema kuwa Nsega alifariki usiku wa kuamkia juzi jijini Mwanza, wakati akiendelea kupatiwa matibabu katika Hospitali ya Rufaa ya Bugando baada ya kuugua ugonjwa wa kupoteza kumbukumbu.

    Kifo hicho kimeghubikwa na utata huku baadhi ya wananchi wakidai kuwa kuna mkono wa wanasiasa kadhaa.

    “Taarifa mpya inasema kuwa mgombea ubunge wa Busega, Nsega amepata ugonjwa huo siku mbili tu baada ya kukutana na (mwanasiasa ambaye jina tunalihifadhi) akiombwa ajitoe kwenye mchakato na yeye kukataa,” kilidai chanzo kimoja cha habari.

    Habari zinadai kuwa saa chache kabla ya kuugua, Nsega alikutana na mwanasiasa mmoja aliyekuwa na nia ya kugombea ubunge katika jimbo hilo kwa ajili ya mazungumzo yaliyohusu mchakato wa kugombea ubunge katika Jimbo la Busega.

    Inadaiwa kuwa Nsega ambaye ni mkazi wa Pasiansi jijini Mwanza, alikimbizwa Bugando kwa ajili ya matibabu Aprili 28, mwaka huu.

    “Kabla ya kukukutana na mwanasiasa huyo, aliwahi kumtumia ‘message’(ujumbe mfupi wa maneno) akimsihi ajiondoe kwenye kinyang’anyiro cha kugombea ubunge katika jimbo la Busega. Hata hivyo, Nsega alikataa,” kilidai chanzo kingine cha habari kwa njia ya simu jana.

    Chanzo hicho kilifafanua kada huyo wa CCM aliendelea kufanya mawasiliano na marehemu na kwamba baadaye walikutana kwa ajili ya mazungumzo zaidi.

    Kwa mujibu wa habari hizo, Nsega alivyorudi nyumbani alijifungia chumbani kwake na hakuwa na uwezo wa kuzungumza. Hata hivyo, haijafahamika Nsega alikutana wapi na mwanasiasa huyo.

    Hata hivyo, mmoja wa ndugu wa marehemu huyo (jina tunalo), jana alithibitisha kwamba Nsega amefariki dunia na kuongeza kuwa marehemu ameacha watoto kadhaa.

    Alisema kuwa mwili wa marehemu bado umehifadhiwa Bugando ukisubiri kusafirishwa kwenda katika kijiji cha Nsora wilayani Magu kwa mazishi, ambayo yamepangwa kufanyika Jumamosi.

    “Mwili utaondolewa Bugando keshokutwa (kesho) hadi nyumbani kwa marehemu, Pasiansi kwa ajili ya kuagwa na baadaye kusafirishwa kwenda Nsora-Magu kwa ajili ya mazishi siku ya Jumamosi,” alisema ndugu huyo.

    Mwenyekiti wa CCM mkoani Mwanza, Clement Mabina, alithibitisha kwa njia ya simu kutokea kwa kifo hicho.

    Mabina ambaye ni Diwani wa Kata ya Kisesa wilayani Magu, alizungumza jana na Nipashe baada ya Katibu wa CCM mkoani Mwanza, Rajabu Kundya, kutopatikana ofisini na simu yake ya kiganjani kuita bila kupokelewa. “Ndiyo, hata mimi nimesikia hivyo. Nilipigiwa simu na ndugu yake mmoja jana (juzi) kwamba Nsega amefariki na kwamba aliugua ugonjwa wa kuvua nguo na kubaki uchi,” alisema Mabina.

    Mabina pia alithibitisha kuwa kabla ya mauti, Nsega alikuwa amejitambulisha kwake kuwa alikuwa na nia ya kugombea ubunge katika Jimbo la Busega katika uchaguzi mkuu wa Oktoba mwaka huu.

    “Alishafika hata kwangu kunieleza kuwa atagombea, kwa hiyo ninaamini hata ofisi ya Katibu wa CCM mkoa ina taarifa kama hizo,” alisema Mabina.

    Mwandishi wa habari hizi alifika nyumbani kwa marehemu Iloganzala ambako alikuta umati wa waombolezaji wakiwemo wana-CCM.

    “Kwa kweli tumeupokea msiba huu kwa masikitiko makubwa. Hadi mauti, Nsega alikuwa mjumbe wa Halmashauri Kuu ya CCM Wilaya ya Ilemela.

    “Aidha, alikuwa katibu wa tawi la CCM Pasiansi Magharibi,” alisema Katibu Mwenezi wa CCM tawi la Iloganzala Magharibi, Emmanuel Magoti, na kuongeza kwamba:

    “Ni kweli alikuwa ametangaza nia ya kugombea ubunge katika jimbo la Busega. Ni juzi tu walikuja wazee ambao ni wana-CCM wakihitaji picha yake kwa ajili ya kutengeneza vipeperushi.” Magoti alisema kuwa jina la Nsega ni chimbuko la jina na Jimbo la Busega.

    Magoti alithibitisha kuwa mazishi yatafanyika Jumamosi katika kijiji cha Nsora wilayani Magu, baada ya shughuli za maombi kufanyika nyumbani kwa marehemu.


    CHANZO:
    NIPASHE
     
  2. PakaJimmy

    PakaJimmy JF-Expert Member

    #2
    May 13, 2010
    Joined: Apr 29, 2009
    Messages: 16,234
    Likes Received: 101
    Trophy Points: 145
    Vituko hivi...
    Anyway, hata natural death kipindi hiki itaenda likizo kidogo, akifa mgombea itaonekana mkono wa mtu!
     
  3. Johnsecond

    Johnsecond JF-Expert Member

    #3
    May 13, 2010
    Joined: May 4, 2010
    Messages: 1,077
    Likes Received: 4
    Trophy Points: 0
    rip
     
  4. Oxlade-Chamberlain

    Oxlade-Chamberlain JF-Expert Member

    #4
    May 13, 2010
    Joined: May 26, 2009
    Messages: 7,868
    Likes Received: 30
    Trophy Points: 145
    kwanini hii huwa inatokea mara kwa mara?
     
  5. MziziMkavu

    MziziMkavu JF-Expert Member

    #5
    May 14, 2010
    Joined: Feb 3, 2009
    Messages: 38,502
    Likes Received: 2,772
    Trophy Points: 280
    [​IMG] Yadaiwa ni mkono wa mtu
    [​IMG] Akaugua gonjwa la ajabu
    [​IMG] Alikataa kubadili nia hiyo
    [​IMG] Jiji la Mwanza lazizima



    [​IMG]
    Chama Cha Mapinduzi (CCM)



    Mwanamke aliyekuwa ametangaza nia ya kuomba uteuzi wa kugombea ubunge katika jimbo la Busega kupitia Chama Cha Mapinduzi (CCM) wilayani Magu, Mkoa wa Mwanza katika uchaguzi mkuu wa Oktoba 31, mwaka huu, Nsega Aloyce Ntobi, amefariki dunia katika mazingira ya kutatanisha.
    Kifo cha Nsega kimezua mjadala katika Jiji la Mwanza huku baadhi ya wakazi wakikihusisha na nia yake ya kutaka kugombea wadhifa huo wa kisiasa.
    Habari zinasema kuwa Nsega alifariki usiku wa kuamkia juzi jijini Mwanza, wakati akiendelea kupatiwa matibabu katika Hospitali ya Rufaa ya Bugando baada ya kuugua ugonjwa wa kupoteza kumbukumbu.
    Kifo hicho kimeghubikwa na utata huku baadhi ya wananchi wakidai kuwa kuna mkono wa wanasiasa kadhaa.
    “Taarifa mpya inasema kuwa mgombea ubunge wa Busega, Nsega amepata ugonjwa huo siku mbili tu baada ya kukutana na (mwanasiasa ambaye jina tunalihifadhi) akiombwa ajitoe kwenye mchakato na yeye kukataa,” kilidai chanzo kimoja cha habari.
    Habari zinadai kuwa saa chache kabla ya kuugua, Nsega alikutana na mwanasiasa mmoja aliyekuwa na nia ya kugombea ubunge katika jimbo hilo kwa ajili ya mazungumzo yaliyohusu mchakato wa kugombea ubunge katika Jimbo la Busega.
    Inadaiwa kuwa Nsega ambaye ni mkazi wa Pasiansi jijini Mwanza, alikimbizwa Bugando kwa ajili ya matibabu Aprili 28, mwaka huu.
    “Kabla ya kukukutana na mwanasiasa huyo, aliwahi kumtumia ‘message’(ujumbe mfupi wa maneno) akimsihi ajiondoe kwenye kinyang’anyiro cha kugombea ubunge katika jimbo la Busega. Hata hivyo, Nsega alikataa,” kilidai chanzo kingine cha habari kwa njia ya simu jana.
    Chanzo hicho kilifafanua kada huyo wa CCM aliendelea kufanya mawasiliano na marehemu na kwamba baadaye walikutana kwa ajili ya mazungumzo zaidi.
    Kwa mujibu wa habari hizo, Nsega alivyorudi nyumbani alijifungia chumbani kwake na hakuwa na uwezo wa kuzungumza. Hata hivyo, haijafahamika Nsega alikutana wapi na mwanasiasa huyo.
    Hata hivyo, mmoja wa ndugu wa marehemu huyo (jina tunalo), jana alithibitisha kwamba Nsega amefariki dunia na kuongeza kuwa marehemu ameacha watoto kadhaa.
    Alisema kuwa mwili wa marehemu bado umehifadhiwa Bugando ukisubiri kusafirishwa kwenda katika kijiji cha Nsora wilayani Magu kwa mazishi, ambayo yamepangwa kufanyika Jumamosi.
    “Mwili utaondolewa Bugando keshokutwa (kesho) hadi nyumbani kwa marehemu, Pasiansi kwa ajili ya kuagwa na baadaye kusafirishwa kwenda Nsora-Magu kwa ajili ya mazishi siku ya Jumamosi,” alisema ndugu huyo.
    Mwenyekiti wa CCM mkoani Mwanza, Clement Mabina, alithibitisha kwa njia ya simu kutokea kwa kifo hicho.
    Mabina ambaye ni Diwani wa Kata ya Kisesa wilayani Magu, alizungumza jana na Nipashe baada ya Katibu wa CCM mkoani Mwanza, Rajabu Kundya, kutopatikana ofisini na simu yake ya kiganjani kuita bila kupokelewa. “Ndiyo, hata mimi nimesikia hivyo. Nilipigiwa simu na ndugu yake mmoja jana (juzi) kwamba Nsega amefariki na kwamba aliugua ugonjwa wa kuvua nguo na kubaki uchi,” alisema Mabina.
    Mabina pia alithibitisha kuwa kabla ya mauti, Nsega alikuwa amejitambulisha kwake kuwa alikuwa na nia ya kugombea ubunge katika Jimbo la Busega katika uchaguzi mkuu wa Oktoba mwaka huu.
    “Alishafika hata kwangu kunieleza kuwa atagombea, kwa hiyo ninaamini hata ofisi ya Katibu wa CCM mkoa ina taarifa kama hizo,” alisema Mabina.
    Mwandishi wa habari hizi alifika nyumbani kwa marehemu Iloganzala ambako alikuta umati wa waombolezaji wakiwemo wana-CCM.
    “Kwa kweli tumeupokea msiba huu kwa masikitiko makubwa. Hadi mauti, Nsega alikuwa mjumbe wa Halmashauri Kuu ya CCM Wilaya ya Ilemela.
    “Aidha, alikuwa katibu wa tawi la CCM Pasiansi Magharibi,” alisema Katibu Mwenezi wa CCM tawi la Iloganzala Magharibi, Emmanuel Magoti, na kuongeza kwamba:
    “Ni kweli alikuwa ametangaza nia ya kugombea ubunge katika jimbo la Busega. Ni juzi tu walikuja wazee ambao ni wana-CCM wakihitaji picha yake kwa ajili ya kutengeneza vipeperushi.” Magoti alisema kuwa jina la Nsega ni chimbuko la jina na Jimbo la Busega.
    Magoti alithibitisha kuwa mazishi yatafanyika Jumamosi katika kijiji cha Nsora wilayani Magu, baada ya shughuli za maombi kufanyika nyumbani kwa marehemu.




    CHANZO: NIPASHE
     
  6. Nyambala

    Nyambala JF-Expert Member

    #6
    May 14, 2010
    Joined: Oct 10, 2007
    Messages: 4,468
    Likes Received: 10
    Trophy Points: 135
    Kwani Busega pia ilitabiriwa na Sheikh Yahya???????????????

    Haya tena imani za kishirikina in the making. Anywayz ni lini watanzania tutabadilika? Jmani this is 2010. Ok if the death of this lady is in any how of criminal in nature why not bringing the suspects forward to face justice? C'moon! Tutaendelea na hizi imani za kipumbavu mpaka lini????? What the fcuk is this mkono wa mtu?????
     
  7. K

    Kituko JF-Expert Member

    #7
    May 14, 2010
    Joined: Jan 12, 2009
    Messages: 5,924
    Likes Received: 1,072
    Trophy Points: 280
    sio ya kuamini sana na sio ya kupuuza kabisa kwa sababu haya mambo yapo mkuu, sasa inategemea na imani tu, kama una imani ya dini (ya kumuamini Mungu ), basi lazima ujue kuna mpinzani wa Mungu na anafanya kazi
     
  8. Nyambala

    Nyambala JF-Expert Member

    #8
    May 14, 2010
    Joined: Oct 10, 2007
    Messages: 4,468
    Likes Received: 10
    Trophy Points: 135
    Mkuu whilst simaanishi kudhoofisha hoja yako lakini kuna mambo ya kujiuliza. Kwa nini uwepo wa mambo haya uwepo hapo kwetu tu ina maana mtu kuugua ghafla na kufariki imeanza leo??? Na kama tuna wataalamu wa namna hiyo kwa nini basi wasituondolee mafisadi, majambazi, wauwaji etc.?????? Sijawahi kusikia katika nchi zilizoendelea hii masuala ya mkono wa mtu.
     
  9. K

    Kituko JF-Expert Member

    #9
    May 14, 2010
    Joined: Jan 12, 2009
    Messages: 5,924
    Likes Received: 1,072
    Trophy Points: 280
    Haya mambo hayapo kwetu tu ni dunia nzima, isipokuwa nitakukubalia kitu kimoja tu ukiniambia wewe hujasikia, Hivi mtu wa MArekani anaeamini kuwa Michael Jackson Ghost ilionekana na mpaka CNN wakaweka Hewani na Video clip wewe hiyo imani unaiona ndogo?
     
  10. Nyambala

    Nyambala JF-Expert Member

    #10
    May 14, 2010
    Joined: Oct 10, 2007
    Messages: 4,468
    Likes Received: 10
    Trophy Points: 135
    Ok but was there anyone portraying, indicating or suspecting kifo cha Michael kina mkono wa mtu????? Na kumbuka hii ya Michael ni juzi tu lakini hizi habari bongo ni toka enzi na enzi. Cha ajabu the so thought or imagined to have all those powers na wenyewe wanakufa, wanafiwa, wanaugua.

    Pia naomba msaada ndugu nini tofauti ya kifo cha kawaida na hiki chenye mkono wa mtu, maybe hapa ndiyo napomiss the point.
     
  11. b

    bwanashamba Senior Member

    #11
    May 14, 2010
    Joined: Mar 29, 2010
    Messages: 193
    Likes Received: 0
    Trophy Points: 0
    Mungu muweza wa yote na ailaze roho ya marehemu
    Mama yetu mpendwa Nsega mahali pema peponi
    lakini kama ni mkono wa mtu,kwa maana ya kwamba
    alihusika mtu ktk kifo hicho basi na yeye pia ipo siku
    atafariki na yeye pia kamwe hataishi milele
    .
     
  12. Masikini_Jeuri

    Masikini_Jeuri JF-Expert Member

    #12
    May 14, 2010
    Joined: Jan 19, 2010
    Messages: 6,819
    Likes Received: 339
    Trophy Points: 180
    Na hii ni karne ya ngapi vile.......... nikumbusheni tafadhali! :yuck::yuck::yuck::yuck::yuck:
     
  13. Mongoiwe

    Mongoiwe JF-Expert Member

    #13
    May 14, 2010
    Joined: Feb 26, 2008
    Messages: 514
    Likes Received: 8
    Trophy Points: 35
    Msemaji wa Familia ambaye ni kaka wa Marehemu Leornad Bugomola amekanusha kifo cha ndugu yake kuhusishwa na Imani za kishirikina. Amesema kuwa ndugu yao alikuwa na matatizo ya kiafya, alikuwa ni Mgonjwa wa Kichaa na hili familia nzima wanalijua.
    Alisema wamesikitishwa na kifo cha Ndugu yao kuhusishwa na siasa.
     
  14. kaburunye

    kaburunye JF-Expert Member

    #14
    May 14, 2010
    Joined: May 12, 2010
    Messages: 675
    Likes Received: 4
    Trophy Points: 0
    Nadhani unamaanisha alikuwa kichaa au mgonjwa wa akili. Kama hili ni kweli basi ni hatari tupu kwa kichaa kutangaza nia ya kugombea ubunge. Kulingana na CV ya marehemu kama ilivyoelezewa kwenye habari, napata ugumu kuamini huyu mtu alikuwa kichaa. Hata mwenyekiti wa CCM mkoa wa Mwanza anasema alijua huyu ametangaza nia ya kugombea ubunge. Huyo anayejiita ndugu wa marehemu isijeikawa ndiye kigagula mwenye mzigo.

    Ni kweli watu huwa wanakufa lakini ni ukweli pia kuwa si vifo vyote ni vya ukweli. Vingine ni vya kutengenezwa. Unadhani mtu kafa kumbe kachukuliwa msukule. Hili jambo lipo kabisa hata kama tukijidai hatutaki kulikubali. Uchawi upo na wachawi wapo, hili halijalishi tumeendelea kivipi. As long as the devil exist, his servants (socerers/witch doctors) will continue to exist. Wapigweeeeeeeeeeeeeeeeeeeeeeeee
     
  15. m

    mageuzi1992 JF-Expert Member

    #15
    May 14, 2010
    Joined: Apr 9, 2010
    Messages: 2,513
    Likes Received: 2
    Trophy Points: 0
    Mapepo Shi--shiiindwa ---shiiindwa Kwajina la Yesu, Majini to-tooka tokaa kwa jina la Yesu......Nawaamuru wa chawi wote mteketee kwa Moto wa Mbinguni. Malaika wa Mungu Makerubi na Maserafi wawashughulikie..........

    Mungu ailaze roho ya mama huyu Pema Peponi Amina...Amina....Amina
     
  16. N

    Nasolwa JF-Expert Member

    #16
    May 14, 2010
    Joined: Jun 12, 2008
    Messages: 1,776
    Likes Received: 16
    Trophy Points: 135
    Mungu ailaze pema roho ya marehemu Nsega Aloyce Ntobi .AMEN
     
  17. M

    Mkono JF-Expert Member

    #17
    May 16, 2010
    Joined: May 7, 2010
    Messages: 569
    Likes Received: 0
    Trophy Points: 33
    Kwa kuwa njia yetu ni moja mi nafikiri tumuombee marehemu mwenyezi Mungu aipumzishe roho ya maremu mahala pema peponi.AMINA
     
  18. Junius

    Junius JF-Expert Member

    #18
    May 16, 2010
    Joined: Mar 11, 2009
    Messages: 3,183
    Likes Received: 8
    Trophy Points: 133
    Katibu CCM auawa kwa kisu ofisini


    [​IMG]Saturday, 15 May 2010 09:08
    Na Daud Magesa,Mwanza

    KATIBU wa Chama Cha Mapinduzi (CCM) Kata ya Isamilo, Wilaya ya Nyamagana jijini Mwanza, Bi.Bahati Stephano (49) ameuawa kwa kuchomwa kisu baada ya kuvamiwa ofisini kwake jana mchana.

    Habari zilizopatikana kutoka katika eneo la tukio na kutihibitishwa na Jeshi la
    Polisi mkoani Mwanza, zimesema kuwa marehemu Stepheno alifariki wakati akikimbizwa katika Hospitali Bugando kwa matibabu.

    Kwa mujibu wa watu walioshuhudia tukio hilo Bi. Stephano aliuawa na Bw.Jumanne Oscar (30) kwa kuchomwa kisu baada ya kuzozana wakati wakiwa katika ofisi ya marehemu.

    “Kijana huyo alitokea ghafla na kuingia ofisini na mara tukaona wakizozana kabla ya kumchoma kisu juu ya titi la kushoto na tumboni,” alisema mmoja watu walioshuhudia tukio hilo ambaye hakutaka kujitambulisha jina lake.

    Alisema, baada ya kumchoma, alitimua mbio huku na akimuacha Bi. Stephano akilia na kupiga kelele za kuomba msaada kwa watu waliokuwa jirani na eneo hilo. Alisema kijana huyo alikamatwa kandokando ya Ziwa Victoria kwa ushirikiano wa wananchi na polisi. “Tulimzingira akafanikiwa kukimbilia katika ufukwe wa ziwa jirani na eneo hilo kisha akajitosa majini lakini tukafanikiwa kumkamata kwa kushirikiana na polisi,” alisema.

    Kamanda wa polisi mkoani Mwanza, Bw. Simon Sirro amethibitisha kutokea kwa tukio hilo ambapo alisema kuwa Bi. Stephano alifariki wakati akikimbizwa katika Hospitali ya Rufaa ya Bugando kwa matibabu na mtuhumiwa anashikiliwa polisi kwa mahojiano.

    source: Majira


     
  19. Junius

    Junius JF-Expert Member

    #19
    May 16, 2010
    Joined: Mar 11, 2009
    Messages: 3,183
    Likes Received: 8
    Trophy Points: 133
    Mungu yupo jamani lakini na hujuma nazo...!
     
Loading...