Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Mgodi huu unaanzishwa kwa mkataba upi?

Discussion in 'Habari na Hoja mchanganyiko' started by BAK, May 12, 2011.

  1. BAK

    BAK JF-Expert Member

    #1
    May 12, 2011
    Joined: Feb 11, 2007
    Messages: 50,091
    Likes Received: 9,790
    Trophy Points: 280
    Barrick kuanzisha mgodi mpya Mwakitolyo Wednesday, 11 May 2011 20:13

    Zulfa Mfinanga,
    Shinyanga

    Mwananchi

    KAMPUNI ya African Barrick Gold Mine, ina mpango wa kuanzisha mgodi mwingine wa dhahabu katika Kata ya Mwakitolyo, mkoani Shinyanga mapema mwakani.


    Mgodi huo utakajulikana kwa jina la Golden Ridge Project.Akizungumza na madiwani wa Halmashauri ya Wilaya ya Shinyanga juzi, Meneja wa Uhusiano wa kampuni hiyo, Philbert Rweyemamu, alisema utafiti uliofanyika katika eneo hilo, umethibitisha kuwapo kwa dhahabu ya kutosha kuanzishwa kwa mgodi.

    Alisema kwa sasa, kampuni inafanya tathmini kuhusu athari kimazingira na jamii na kwamba hatua hiyo inawashirikisha wananchi watakaohamishwa ili kupisha mradi huo.Alisema ushirikishwaji wa wananchi hao, unafanyika kupitia katika kamati mbadala inayongozwa na Mkurugenzi mtendaji wa halmashauri ya wilaya hiyo.

    Kwa mujibu wa Rweyemamu, kamati hiyo pia inajumuisha wawakilishi wa wananchi wa eneo hilo, wawakilishi wa kampuni na wakuu wa idara mbalimbali za serikali.

    "Kama utaratibu huu utasimamiwa na kutekelezwa vizuri, nina imani kikubwa kuwa utaondoa malalamiko ya wananchi kuhusu fidia, kwa sababu wananchi watashirikishwa ipaswavyo katika kila hatua,"alisema Rweyemamu
    Akizungumza kwa niaba ya madiwani, Mwenyekiti wa Halmashauri ya Wilaya ya Shinyanga, Amos Mshandete, alisema ziara hiyo itawasaidia kujifunza mambo mazuri yaliyofanywa katika uanzishaji wa mgodi wa Buzwagi.

    Alisema kitendo hicho kitawasaidia madiwani kupata uelewa wa shughuli za mgodi na hatimaye kushiriki kikamilifu katika kusimamia uanzishwaji wa mgodi huo mpya, jambo ambalo litapunguza kero za wananchi.

    "Kwa kweli tumepata picha nzuri itakayotusaidia katika kuanzishwa kwa mgodi wa Mwakitolyo utakaoanza kazi hivi karibuni," alisema Mshandete.Mgodi wa Mwakitolyo, upo umbali wa kilometa 100 Kusini mwa Jiji la Mwanza na kilometa 30 kusini Mashariki mwa mgodi wa Bulyanhulu.
     
  2. Gama

    Gama JF-Expert Member

    #2
    May 12, 2011
    Joined: Jan 9, 2010
    Messages: 6,918
    Likes Received: 271
    Trophy Points: 180
    Umetoa maelezo mazuri, lakini taito yako no chaotic. Tafadhari irejelee.
     
  3. BAK

    BAK JF-Expert Member

    #3
    May 12, 2011
    Joined: Feb 11, 2007
    Messages: 50,091
    Likes Received: 9,790
    Trophy Points: 280
    Gama, huu ni mgodi mpya. Swali langu (kichwa cha habari) linalenga katika kujua kama umesainiwa katika taratibu zile zile za mikataba ya uchimbaji wa dhahabu yetu iliyosainiwa na Mkapa ambapo Tanzania tunambulia mrahaba wa 3% kitu ambacho kimepigiwa kelele miaka chingu nzima na hata Kikwete katika kampeni zake za 2005 aliahidi kubadilisha mikataba ile ili Watanzania tunufaike na rasilimali zetu au kwa mkataba mpya ambapo labda mrahaba huo umeongezwa na pia kuondoa tax exemptions ambazo hawa Barrick wamapewa tangu waanze kuchimma shahabu yetu miaka 11 iliyopita.
     
  4. mwanapolo

    mwanapolo Senior Member

    #4
    May 12, 2011
    Joined: Mar 29, 2011
    Messages: 194
    Likes Received: 1
    Trophy Points: 35
    Serikali ya Tanzania inauwezo mkubwa wa kuchimba Dhahabu na ikawanufaisha watanzania wote bila shaka yoyote. shida ni kuwa wasimamizi wetu wako kwa ajili ya maslahi binafsi. Tanzania ina wataalam wengi sana wa kuchimba Gold waliosomeshwa kwa hela ya serikali, lakini cha ajabu wametelekezwa hovyo tu. Hao wataalam kwa sasa ndio wanajiriwa na hayo makampuni binafsi na migodi ya nje.
    China wanachimba Gold wenyewe, miradi yao Gold inafanywa na Serikali yao kwa usimamizi wa jeshi na mapato yote yanakwenda hazina.
    Hapa kwetu tunaweza tukawa na uchumi unaotegemea gold tu bila makusanyo ya kodi na tukaishi vizuri kabisa. Mfano mgodi mmoja tu unazalisha vitofali 40 vyenye kilo 17 mpaka kilo 20 kwa wiki, kwahiyo kwa wastani kwa wiki wanazalisha kama kilo 130 kwa wiki!! Hapo ni kama Ounce 4,624, na bei ya leo ya soko la dunia ni $1,460.00 kwa ounce. Kwa wiki mgodi mmoja unaingiza kama $6,752,500.00 na kwa Hela yetu ni Sh 10.3bn! Hapo weka kwa mwezi kwa migodi yote ni zaidi ya makusanyo ya TRA.
    Watanzania tutakuja kustuka thamani ya madini yetu wakati tunamashimo tu.
    Alafu tunamlaumu mungu kwanini sisi ni maskini!!!!
     
Loading...