Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Mgeni Wangu Uzee

Discussion in 'Jukwaa la Lugha' started by Mzee Mwanakijiji, Jun 30, 2010.

  1. Mzee Mwanakijiji

    Mzee Mwanakijiji Platinum Member

    #1
    Jun 30, 2010
    Joined: Mar 10, 2006
    Messages: 30,391
    Likes Received: 2,452
    Trophy Points: 280
    Uzee kitu adhimu, huo ninauingia
    Ujana sasa adimu, Shabani aliusia
    Maungoni mwangu humu, uzee unanijia,
    Na miye nakusalimu, mgeni wangu uzee!

    Mbali ninamuachia, rafiki yangu ujana,
    Miaka inakimbia, ya leo siyo ya jana,
    Nabaki nakumbukia, nilipokuwa kijana
    Na miye nakusalimu, mgeni wangu uzee!

    Shabani aliandika, kaulilia ujana,
    Ni vipi unamtoka, kashindwa kuung’ang’ana,
    Meno yalimdondoka, na nguvu tena hamna,
    Na miye nakusalimu, mgeni wangu uzee!

    Taratibu waingia, uzee wabisha hodi,
    Siwezi kuukimbia, hata niwe mkaidi
    Hata nikitukania, ndivyo napigwa baridi,
    Na miye nakusalimu, mgeni wangu uzee

    Mvi sasa zanijia, nimejaribu kung’oa
    Kidevu zasalimia, na miye nazichomoa,
    Nikitoa zazidia, nami nazidi kutoa!
    Na miye nakusalimu, mgeni wangu uzee!

    Mapensi nayaachia, na macheni ya shingoni,
    Hereni nilivalia, kwenye sikio jamani,
    Mwendo nilibadilia, nilivyonesa njiani,
    Na miye nakusalimu, mgeni wangu uzee!

    Niliwapata mademu, tena wengine kwa zamu,
    Nikaitwa mtaalamu, wa mambo yale matamu
    Sasa yanitoka hamu, nanyimwa hata salamu!
    Na miye nakusalimu, mgeni wangu uzee!

    Nilenda nilipotaka, wasiponitaka nilenda,
    Sikuwa na hata shaka, ati mtu kunidunda,
    Leo naogopa paka, ninavutwa kama punda,
    Na miye nakusalimu, mgeni wangu uzee!

    Mwendo wa kudemadema, nikishika natetema,
    Uso umenikunjama, natembea nikihema,
    Magoti nayo yauma, uzee si lele mama!
    Na miye nakusalimu, mgeni wangu uzee!

    Kumbe maisha ni hivi, uzee haukwepeki,
    Ninazikubali mvi, hata kama sizitaki,
    Uzee siyo ugomvi, ujana haushikiki,
    Na miye nakusalimu, mgeni wangu uzee!

    Kweli nilifurahia, enzi zile za ujana,
    Kamwe sintoyarudia, yalopita naagana,
    Uzee nakumbatia, kwani lingine hakuna,
    Na miye nakusalimu, mgeni wangu uzee!

    Nasubiri wajukuu, nione na vitukuu,
    Nakunja miguu juu, na mshukuru Mkuu
    Kuona umri huu, enzi hizi ni nafuu,
    Na miye nakusalimu, mgeni wangu uzee!

    Na. M. M. Mwanakijiji (Sauti ya Kijiji a.k.a Vuvuzela Matata)
     
  2. Ndahani

    Ndahani JF-Expert Member

    #2
    Jun 30, 2010
    Joined: Jun 3, 2008
    Messages: 11,552
    Likes Received: 133
    Trophy Points: 160
    Mzee, tunakuombea kheri kichwani uendelee kuwa kijana. Maana wazee wa soku hizi ndio vinara wa kuharibu mambo.
     
  3. FirstLady1

    FirstLady1 JF-Expert Member

    #3
    Jul 1, 2010
    Joined: Jul 29, 2009
    Messages: 16,200
    Likes Received: 104
    Trophy Points: 160
    Asante sana Mzee Mwanakijiji kuna mambo hapa duniani hayakwepeki lazima kuyapitia ..ni kujiandaa tu na hii fainali ua uzeeni
     
  4. Mom

    Mom JF-Expert Member

    #4
    Jul 1, 2010
    Joined: Oct 13, 2009
    Messages: 708
    Likes Received: 1
    Trophy Points: 0
    nakuombea uzee wenye neema mwanakijiji
     
  5. kaburunye

    kaburunye JF-Expert Member

    #5
    Jul 1, 2010
    Joined: May 12, 2010
    Messages: 675
    Likes Received: 4
    Trophy Points: 0
    Ujana maji ya moto, wahenga walishasema
    Una mambo ya kitoto, wajua baba na mama
    Iko pia mikong'oto, ujana si lelemama
    Uzee kaukwepeki, ukabili kwa busara

    Uwe ni mzee mwema , utushauri vijana
    Tena tafuta hekima, kwako tuje kuzivuna
    Uepuke kulalama, kama mzee mhina
    Kila la heri mzee, na usitoke kijijini.
     
  6. A

    AmaniGK JF-Expert Member

    #6
    Jul 1, 2010
    Joined: Jan 10, 2008
    Messages: 1,100
    Likes Received: 17
    Trophy Points: 135
    Mwanakijiji utenzi mzuri sana huu.. Ntajaribu kuja angalau na beti mbili
     
  7. Mentor

    Mentor JF-Expert Member

    #7
    Jul 2, 2010
    Joined: Oct 14, 2008
    Messages: 16,580
    Likes Received: 3,819
    Trophy Points: 280
    Uzee unaupenda, hilo nimeling'amua
    ujana hukuupenda, hilo utalijutia
    mgongo ukijipinda, mkojo ukikujia
    ukatae nakuasa, kamwe usiukubali!

    tangu enzi ulisema, uzee marhamu ya moyo
    na kwa nguvu ukahema, kakataa ulonayo
    kukimbilia hekima, japokuwa kibogoyo
    ukatae nakuasa, kamwe usiukubali!

    sikubali kuzeeka, hata we miaka mia
    ujana sije ucheka, twakutaka Tanzania
    chonde nakuomba kaka, badilisha dhahania
    ukatae nakuasa, kamwe usiukubali!
     
  8. kaburunye

    kaburunye JF-Expert Member

    #8
    Jul 2, 2010
    Joined: May 12, 2010
    Messages: 675
    Likes Received: 4
    Trophy Points: 0
    Hata akiukataa, uzee aukwepeki
    Na hata akikomaa, uzee haupingiki
    lazima ataukwaa, aonje yake mikiki
    Kubali tu yaishe, mzee mwanakijiji.
     
  9. B

    Bawa mwamba JF-Expert Member

    #9
    Jul 2, 2010
    Joined: Mar 19, 2010
    Messages: 352
    Likes Received: 2
    Trophy Points: 0
    Yesterday 05:10 PM
    Topic: Uzee wanijia

    by kasimba123

    Replies 2 Views 49

    [​IMG] Uzee wanijia

    Uzee kitu adhimu, huo ninauingia
    Ujana sasa adimu, Shabani aliusia
    Maungoni mwangu humu, uzee unanijia,
    Na miye nakusalimu, mgeni wangu uzee!

    Mbali ninamuachia, rafiki yangu ujana,
    Miaka...
    JANA KATIKA KUZUNGUKA HUMU JF,.HILI SHAIRI NILIANZA KULIONA HUMU,.LILIKUWA POSTED NA MZEE MKJJ,. baadaye nikaliona shairi hilo hilo jukwaa la michezo POSTED by KASIMBA
    SASA WHO PLAGIARISED watunzi mtusaidie ,.lakini shairi ni zuri.,

     
  10. Mentor

    Mentor JF-Expert Member

    #10
    Jul 3, 2010
    Joined: Oct 14, 2008
    Messages: 16,580
    Likes Received: 3,819
    Trophy Points: 280
    double IDs!
     
  11. Tausi Mzalendo

    Tausi Mzalendo JF-Expert Member

    #11
    Jul 3, 2010
    Joined: May 23, 2010
    Messages: 1,475
    Likes Received: 6
    Trophy Points: 0
    Fainali uzeeni, asikuambie mtu!...........
    MHHH..mistari haipandi nisiivamie fani.
    Hongera mzee..Mwanakijiji!
     
Loading...