Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Mgawanyo wa mali za Mwanza uko kisheria’

Discussion in 'Jukwaa la Siasa' started by sir.JAPHET, Sep 8, 2012.

  1. sir.JAPHET

    sir.JAPHET JF-Expert Member

    #1
    Sep 8, 2012
    Joined: May 18, 2012
    Messages: 700
    Likes Received: 0
    Trophy Points: 33
    [h=2][/h] Jumamosi, Septemba 08, 2012 08:26 Na John Maduhu, Mwanza

    MKURUGENZI wa Halmashauri ya Jiji la Mwanza, Wilson Kabwe, amesema suala la mgawanyo wa mali zilizokuwa za Halmashauri hiyo liko kisheria na haliwezi kufanywa kutokana na matakwa au hisia za mtu mmoja kama anavyotaka.
    Ufafanuzi huo ameutoa katika kikao cha Baraza la Madiwani wa Halmashauri cha kujadili namna ya kugawa mali za Halmashauri ya Jiji la Mwanza katika kutekeleza uamuzi wa kuligawa na kuzaliwa kwa Halmashauri ya Manispaa ya Ilemela.

    Alisema kwa mujibu wa sheria, suala la kugawanywa kwa mali limeelezwa kisheria na mwenye uamuzi wa mwisho juu ya suala hilo ni waziri mwenye dhamana.

    “Madiwani na wabunge mnapaswa mjiepushe na upotoshaji juu ya ugawanyaji wa mali za jiji, suala hili liko kisheria kwa kuwa kuna mambo muhimu ya kuzingatiwa ikiwa pamoja na madeni, rasilimali na huwezi muda huu kutamka kuwa tugawane kila kilichopo na kuanza maisha mapya.

    “Kuna mali nyingi ambazo Halmashauri ya Jiji iliingia mkataba na wawekezaji mbalimbali pamoja na taasisi za fedha, huwezi kukurupuka na kusema kuanzia leo mali hizi ni za Ilemela, hapana, lazima utaratibu pamoja na sheria zifuatwe kuepusha mgongano usio na tija,” alisema Kabwe.

    Alisema baada ya vikao kupitisha mapendekezo ya watalaamu, Baraza la Madiwani kwa upande linatakiwa kujadili juu ya mapendekezo kisha suala hilo kupelekwa kwa waziri kwa ajili ya hatua zaidi.

    “Madiwani na wabunge mnapaswa msome sheria zilizopo, suala hili si kwamba limeanza leo kwa halmashauri kugawanywa, limeishawahi kufanyika sehemu nyinginezo hivyo Serikali ina uzoefu,” alisema Kabwe.

    [h=4]Toa Maoni yako kwa habari hii[/h]
     
Loading...