Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Mfumo wa elimu ya sekondari unahitaji mageuzi makubwa

Discussion in 'Jukwaa la Elimu (Education Forum)' started by Rutashubanyuma, Feb 10, 2011.

  1. Rutashubanyuma

    Rutashubanyuma JF-Expert Member

    #1
    Feb 10, 2011
    Joined: Sep 24, 2010
    Messages: 61,428
    Likes Received: 492
    Trophy Points: 180
    Alhamisi Februari 10, 2011 Makala

    Mfumo wa elimu ya sekondari unahitaji mageuzi makubwa
    Imeandikwa na Neophitius Kyaruzi; Tarehe: 9th February 2011 @ 23:45 Imesomwa na watu: 22; Jumla ya maoni: 0


    [​IMG]
    Wanafunzi wakijisomea chini ya miti.
    Habari Zaidi:



    MATOKEO ya kidato cha nne yaliyotangazwa hivi karibuni, yameacha maswali mengi kuhusu mustakabali wa elimu hapa nchini.

    Pamoja na nia njema ya serikali ya kuhakikisha kwamba kila mtoto, anapata fursa ya kupata elimu ya sekondari kupitia mpango wa ujenzi wa shule za sekondari katika kila Kata, mkakati huo umeonekana kutozaa matunda; ambapo kiwango cha elimu kimeonekana kuporomoka kwa kasi.

    Shule za serikali sasa hazitoi matumaini, kwamba zinaweza kufanya vizuri katika siku za karibuni kama zilivyo shule binafsi, kama hakutakuwapo na mkakati wa makusudi wa kuzinusuru, ikiwamo kuhakikisha zinapata walimu wa kutosha na wenye uwezo mkubwa wa kufundisha, kuzipatia nyenzo muhimu kama vile maabara na vitabu vya kutosha.

    Matokeo ya mwaka huu ya shule za serikali, yanakatisha tamaa kwani shule za serikali zimeachwa mbali na shule binafsi, jambo linaloashiria kwamba kuna tatizo kubwa katika mfumo na Sera, zinazotoa mwongozo wa elimu kwa ujumla.

    Kadri miaka inavyoendelea mambo yanaonekana kuharibika kwani hata shule kongwe ambazo zilikuwa zikisifika kuwa ndio za wanafunzi wenye vipaji maalumu pia hazikufanya vizuri ikilinganishwa na miaka ya nyuma.

    Tunapojadili suala hili tunapaswa kwenda mbali zaidi kutazama mfumo wa elimu yetu kwa ujumla kuanzia maendeleo ya shule za msingi, sekondari na vyuo vya ufundi katika kipindi cha miaka 20 iliyopita.

    Tukifanya hivyo tutabaini kama elimu inayotolewa inaweza kubadili maisha ya wanafunzi hapo baadaye au tunahitaji kuwa na taifa linasifika kwa kuwa na idadi kubwa ya wanafunzi shuleni.

    Kinachoonekana sasa ni kwamba mamlaka zinazosimamia shule zinaonyesha kushindwa
    kuasisi mifumo endelevu ya kuinua elimu inayoendana na mahitaji ya sasa.

    Kwa mfano, kutokana kukosekana ubunifu wa sera madhubuti, serikali ilidhani kuwa inatosha tu kuzipa kuongeza idadi ya shule za sekondari na kudahili idadi kubwa huku kukiwa hakuna mambo mengine ambayo yalipaswa kwenda sambamba na mpango huo.

    Ili kuondokana na hali hiyo ya shule za Serikali kusuasua, lazima serikali ikubali kwamba kuna tatizo ili iweze kuchukua hatua haraka iwezekanavyo. Ukweli ni kwamba kunahitajika mapinduzi makubwa katika sekta ya elimu la sivyo nchi yetuinaelekea kuwa taifa la wajinga.

    Mamlaka husika zinapawa kufanya utafiti jinsi nchi nyingine zilivyofanikiwa kuendeleza elimu ambayo imeziwezesha kuzalisha wataalamu wa kutosha katika fani mbalimbali badala ya kuwa na idadi kubwa ya watu waliohudhuria shule badala ya kuelimika.

    Kwa mfano, China ni taifa ambalo limepiga hatua takriban kila nyanja kutokana na kuwa mfumo bora wa elimu unaolenga kuzalisha wataalamu. Tukiangalia mfumo wa elimu ya sekondari nchini humo tunaona kuwa elimu hiyo imegawanyika katika sehemu kuu mbili ambazo ni elimu ya sekondari ya juu na elimu ya sekondari ya awali.

    Elimu ya sekondari ya juu inayotolewa baada ya kumaliza elimu ya sekondari ya chini. Pia kuna sekondari ya kawaida, sekondari ya ufundi na shule ya kozi maalumu. Elimu ya sekondari ya juu si ya lazima, hivyo wanafunzi wanatakiwa kulipa ada ili kuipata.

    Ada hutofautiana kutokana na hali ya kiuchumi ya sehemu mbalimbali. Elimu ya sekondari ya juu nchini China huchukua miaka mitatu, ina masomo ya Kichina, hisabati, lugha za kigeni, fizikia, kemia, biolojia, upashanaji habari na kadhalika.

    Sekondari nyingi za juu huendeshwa na serikali, lakini katika miaka ya hivi karibuni kumekuwa na sekondari za watu binafsi. China, wanafunzi wanatakiwa kufanya mtihani wa kujiunga na sekondari ya juu, na kwa mujibu wa matokeo ya mtihani na mapendekezo yao wanapokelewa na shule.

    Mtihani wa kujiunga na sekondari ya juu hutolewa na idara za elimu za sehemu mbalimbali.
    Kwa mujibu wa takwimu zilizotolewa hivi karibuni, China ina sekondari za juu zaidi ya elfu 30 zenye wanafunzi milioni 30, ambao wanachukua asilimia 40 ya watoto wa rika moja.

    Katika miaka ya hivi karibuni, idara za elimu za China zinajitahidi kukuza elimu ya sekondari ya juu ili kutosheleza mahitaji ya wanafunzi kujipatia elimu zaidi. Huu ni mfano mmoja tu unaoonyesha jinsi nchi hiyo ilivyo makini katika suala la elimu huku ikiwa na nia thabiti ya kuzalisha wataalamu wengi katika siku za baadaye.

    Tukirejea katika matokeo ya mwaka huu ambayo zaidi ya asilimia 80 hawana vigezo vya kujiunga na kidato cha tano bna idadi kubwa kati ya hao hawana vigezo vya kuendelea na masomo kutokana na kuambulia daraja sifuri.

    Hiyo inamaanisha kwamba idadi kubwa ya wanafunzi ambao wametumia miaka mine wakiwa shuleni sasa wanalazimika kubaki mitaani kutokana na mfumo wa sasa wa elimu ambao hauwapi fursa na kuendelea na masomo.

    Mfumo wa elimu uliopo sasa unawahukumu wanafunzi kwa mitihani mbadala ya kuangalia mbinu ya kuwasaidia kuwajengea utaalamu unaoweza kuwanufaisha wao na taifa kwa ujumla.



     
  2. Kapo Jr

    Kapo Jr JF-Expert Member

    #2
    Feb 11, 2011
    Joined: Jan 31, 2011
    Messages: 824
    Likes Received: 63
    Trophy Points: 45
    Ni kweli mfumo wa elimu tanzania unatakiwa uboreshwe ili kuendana na dunia ya sasa ya utandawazi,liundwe jopo la wanazuoni na wataalam wa elimu kupanga mikakati ya kunusuru sekta ya elimu. Sababu mojawapo ni viongozi kusomesha watoto wao nje kwa sababu miundo mbinu mibovu waliopanga wao,pia mfumo wa kusahihisha unahitaji kuboreshwa watahiniwa zaidi ya laki tatu muda uliotumika miezi miwili kusahihisha na kujumlisha alama za watahiniwa hautoshi hili ni tatizo linahitaji kutolewa ufafanuzi na vigezo gani walivyotumia Serikali iepushe lundo la vijana mitaani kwa kuruhusu usahishaji na ujumlishaji upya wa alama za watahiniwa vinginevyo itegemee 'bomu' kuwalipukia
     
  3. nkyandwale

    nkyandwale Member

    #3
    Feb 12, 2011
    Joined: Feb 8, 2011
    Messages: 54
    Likes Received: 9
    Trophy Points: 15
    Umbumbu na ufisadi vimetutawala watanzania, hoja ya elimu tumeiweka kando kivitendo, tumejawa na porojo katika mambo muhimu.

    Uliskia wapi mtaalaamu wa kutibu watu, anasomeya kozi ya kupasuwa vichwa miezi miwili!
    Si hivyo tu, wasomawo kozi ya uwalimu, ni wale waliopata daraja la chini kwa mantiki ya kufuliya, kwanini usiwe na mabumbu na wenye mbinu za kifisadi?

    Elimu ni bishara rafiki yangu, ndiyo maana wenye nazo husomeya huko kwenye shule na akina yahe chini miti na kukalia magogo, mawe na magoti yawo ndiyo madawati.

    Ningekuwa miye mwenye mamlaka, wote waliopata daraja la kwanza katika mitihani yawo katika kiwango kidato cha n'ne na sita wangeenda kozi ya uwalimu, niwone kama ni wazima kweli? Kuboresha mazingira na maslahi yao yangekuwa na uzito wake. Yapo mengi ! INASIKITISHA:sad:


     
Loading...