Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Mbuzi isokuna nazi

Discussion in 'Jukwaa la Lugha' started by Mzee Mwanakijiji, Apr 1, 2008.

  1. Mzee Mwanakijiji

    Mzee Mwanakijiji Platinum Member

    #1
    Apr 1, 2008
    Joined: Mar 10, 2006
    Messages: 30,383
    Likes Received: 2,443
    Trophy Points: 280
    MBUZI ISOKUNA NAZI?
    Macho puu yanitoka, nimepigwa na butwaa,
    Na taya limedondoka, nimebaki kushangaa,
    Moyo umenishituka, pumzi imenipaa,
    Mbuzi isokuna nazi, ni bora kuiachiya!

    Jikoni mumeiweka, hiyo mbuzi inangÂ’aa,
    Kwenye ghala mwatundika, eti hiyo yawafaa,
    Kukuna kunapofika, mbuzi mnaiandaa,
    Mbuzi isokuna nazi, bora mbali kutupiya!

    Eti mbuzi ya hakika, sifa mnazitangaa,
    Mwajivuna mwadundika, mbona mwaleta balaa,
    Mbuzi hiyo imechoka, acheni wenu unaa,
    Mbuzi isokuna nazi, haifahi kukuniya!

    Mbuzi zenu zavunjika, ya kwangu miye ayeyaa,
    Tena inaazimika, ikakuna kwa staa,
    Na nazi ikakunika, mapishi yakakufaa,
    Mbuzi isokuna nazi, ni mbuzi yao vichaa!

    Nimechoka kuandika, kalamu yanidondokaa,
    Ukweli huu hakika, hadharani wazagaa,
    Mbuzi iloharibika, kukuna haitafaa,
    Mbuzi isokuna nazi, kwanini mwaikalia?
     
  2. D

    DAR si LAMU JF-Expert Member

    #2
    Apr 2, 2008
    Joined: Mar 31, 2007
    Messages: 2,917
    Likes Received: 261
    Trophy Points: 180
    ..mbuzi ya kukunia nazi ina matumizi mengi.

    ..na kama haikuni,basi ilobaki ni kukaliwa!
     
  3. J

    Jafar JF-Expert Member

    #3
    Apr 2, 2008
    Joined: Nov 3, 2006
    Messages: 1,138
    Likes Received: 3
    Trophy Points: 0
    Good Literature though
     
  4. Sanda Matuta

    Sanda Matuta JF-Expert Member

    #4
    Apr 2, 2008
    Joined: May 9, 2007
    Messages: 953
    Likes Received: 8
    Trophy Points: 0
    MBUZI ISOKUNA NAZI.....

    Salam na watolea,enyi wakubwa wakazi.
    Vilingeni na vijiweni,huko mkijinafasi.
    Ulaya,Asia na Marekani,Bongo mie sina wasi.
    HIli jambo pembenuzi,mbona mna tupa kazi?.
    Fumbo fumbia mjinga,mbuzi isokuna nazi....

    Sikuzote mwaipamba,ile mbuzi chapa kazi.
    Ushauri mikitoa,wala sisingizi ni iwazi.
    Hata mimi kadhalika,sifa nilizitoa kwa mbuzi.
    Mbuzi ile funga kazi,subirini tuone kazi.
    Fumbo fumbia mjinga,mbuzi isokuna nazi.....

    Kitazama rembo hasa,iking'a wazi wazi.
    Majuu na Afirika,mbuzi inaenda kasi.
    Majirani wa azima,migogoro kwisha kazi.
    Mwana kijiji unadhima,mbona husemi wazi.
    Fumbo fumbia mjinga,mbuzi isokuna nazi.....

    Umeleta mgogoro,jaa umeilea mbuzi.
    Si yakuka walakukunia,kazi haina mbuzi.
    Jina lake maridhia,MBUZI midomo wazi.
    Majilani wakunia hizo nazi,zanyumbani vipi MBUZI.
    Fumbo fumbia mjinga,mbuzi isokuna nazi.....
     
  5. Domo Kaya

    Domo Kaya JF-Expert Member

    #5
    Apr 2, 2008
    Joined: May 29, 2007
    Messages: 530
    Likes Received: 3
    Trophy Points: 0
    Sanda kumbe na wewe umo katika hii fani ya mashairi. Hongera ndugu.
     
  6. C

    Choveki JF-Expert Member

    #6
    Apr 2, 2008
    Joined: Apr 16, 2006
    Messages: 448
    Likes Received: 8
    Trophy Points: 35
    Ni mbuzi ama ni buzi, ambalo halichuniki?
    Nauliza wazi wazi, naomba uni hakiki
    Useme kama ni buzi, ambalo halichuniki
    Ambacho hakikuniki, ni mbuzi ama ni nazi?

    Nahisi kama ni nazi, ambayo haikuniki
    Lawama ati ni mbuzi, na tena unahamaki
    Punguza pia unazi, si mbuzi isoshiriki
    Ambacho hakikuniki, ni mbuzi ama ni nazi?

    Si koroma wala nazi, ni dafu ukilicheki
    Ni dafu la wazi wazi, na kamwe halikuniki!
    Mbuzi itaweza kazi, kwa nazi kwake riziki!
    Ambacho hakikuniki, ni mbuzi ama ni nazi?
     
  7. Sanda Matuta

    Sanda Matuta JF-Expert Member

    #7
    Apr 3, 2008
    Joined: May 9, 2007
    Messages: 953
    Likes Received: 8
    Trophy Points: 0
    Choveki nakusifia,bado wapamba yako mbuzi.
    Inataka ushujaa,endelea kuitetea ile mbuzi.
    Mbuzi ile omenoa,sikunyingi imekoa hili ulimaizi.
    Nazi,dafu nazitoa,tatizo ile yako mbuzi.
    Usanii yazidisha,longo longo wazi wazi.
    Agenda umeiweka,utu pemwelekeo Gwiji wewe kijijini.
     
  8. Obe

    Obe JF-Expert Member

    #8
    Apr 3, 2008
    Joined: Dec 31, 2007
    Messages: 1,682
    Likes Received: 8
    Trophy Points: 135
    Nimependa ujumbe wa washairi
     
  9. Domo Kaya

    Domo Kaya JF-Expert Member

    #9
    Apr 3, 2008
    Joined: May 29, 2007
    Messages: 530
    Likes Received: 3
    Trophy Points: 0
    Ndugu yangu nakujibu, ni mbuzi haikuni.
    Nazi inakunika, ila Lijibuzi ndio halikuni.
    Tumeinoa mpaka tumechoka, lijibuzi bado halikuni.
    Mbuzi isiyokuna nazi, bora kulipilia mbali.

    Tumechoka kusubili, mbuzi isiyokuna nazi.
    Kilichobaki kwa sasa, bora kulitupilia mbali.
    Nazi zimechoka kusubiri, sasa zalalamika waziwazi.
    Mbuzi isiyokuna nazi, bora kulipilia mbali.
     
  10. Mtu wa Pwani

    Mtu wa Pwani JF-Expert Member

    #10
    Apr 3, 2008
    Joined: Dec 26, 2006
    Messages: 4,085
    Likes Received: 11
    Trophy Points: 135

    nnasemaje
    hio mbuzi inakuna na kama hamuamini ptisha mkono kama hutochurizika damu.

    unafanya mchezo hapa eeh.

    hio mbuzi ya shamba si kukunia tu bali hata kufua nazi inafua, wengine huiita kifulio
     
  11. Mzee Mwanakijiji

    Mzee Mwanakijiji Platinum Member

    #11
    Apr 4, 2008
    Joined: Mar 10, 2006
    Messages: 30,383
    Likes Received: 2,443
    Trophy Points: 280
    Labda ni mbuzi butu, hiyo isokuna nazi,
    Labda ni yenye kutu, yashindwa kufanya kazi,
    Labda ni ile iso kwatu, jukumu hailiwezi,
    Nazi mbona zimevunjwa, na maji yamemwagika?

    Uzuri wa mbuzi kazi, si rangi wala uzuri,
    Uzuri ni kwenye pozi, watu wafunga safari,
    Watu wamwaga machozi, ikikuna bila shari,
    Nazi mbona zi tayari, tatizo la mbuzi nini?
     
  12. Sanda Matuta

    Sanda Matuta JF-Expert Member

    #12
    Apr 4, 2008
    Joined: May 9, 2007
    Messages: 953
    Likes Received: 8
    Trophy Points: 0
    Niliiomba agenda,kwenda nnje sikutamani.
    Sasa nimepata kenda,humo nataka barizi.
    Fasihi umeiweka,kilaumu yako mbuzi.
    Jamaa wanashaa,kichungua za nyumbani.
    Mke aniuliza,je ile ile yake mbuzi.
    Jikoni iking'aa,ama ile andamizi.
    Mbona ile inafaa,anijibu la aziz.
    Au yule twamfuga,hofu hana kwenye zizi.
    Linanipiga butwaa,akiri majibu yayamaizi.
    Kigano amekitwaa, anenaye huyu mbuzi.
    Mifano nimeitoa,amjue wako mbuzi.
    Akili imempaa,mke wangu bumbuwazi.
    Anasema hili jaa,haifai hii mbuzi.
    Aongeza ni balaa,kote bara na visiwani.
    Wasi sina nimekaa,azisema hizi mbuzi.
     
  13. C

    Choveki JF-Expert Member

    #13
    Apr 5, 2008
    Joined: Apr 16, 2006
    Messages: 448
    Likes Received: 8
    Trophy Points: 35

    Mkono kipimo tosha, wa Pwani amebaini
    Tajua mumechemsha, kwa mbuzi mtabaini
    Makali yake yatosha, kujua mbuzi ni nani
    Mkono kipimo tosha, makali yake kujua!

    Nasema pokea tano, wa kwetu mtu wa pwani
    Nakupa huo mkono, umeshinda kilaini!
    Kipimo bora mkono, makali kujuliani!
    Mkono kipimo tosha, wabishi mkitumie!

    Msilaumu ndoano, kutovua baharini
    Wale samaki wa pono, wanaingia mitini
    Kwani hutonoa tono!, waviziapo chamboni!
    Mkono kipimo bora, makali yake kujua!
     
  14. BiMkubwa

    BiMkubwa JF-Expert Member

    #14
    Apr 5, 2008
    Joined: Jan 9, 2007
    Messages: 530
    Likes Received: 5
    Trophy Points: 35
    Pole mwanakwetu, kwa yako maswahibu
    Kama ni hiyo kutu, isugue kutoa aibu
    na kama ni ukurutu, hapo sina jawabu
    iweje isikune nazi, na hali ni kazi ya mbuzi?

    Usiseme kwa sauti, mbuzi haikuni nazi
    iweje isikune nazi, na hali ni kazi ya mbuzi?
    Ni ngumu kuamini, ukweli huu utaleta simanzi
    Iweje isikune nazi, na hali ni kazi ya mbuzi?

    Raha ya mbuzi, ni kukuna nazi
    raha ya nazi, ni kukunwa na mbuzi
    hata kwa wingi wa nazi, hii ni moja jukumu la mbuzi
    iweje isikune nazi, na hali ni kazi ya mbuzi?


    Nina wasiwasi na yako mbuzi, yangu haina ajizi
    labda ni wako ujuzi, ndio maana haikuni nazi
    chelea chelea wapagazi, watabeba na yako mbuzi
    mbuzi hunolewa kwa mapenzi, hakika itafanya kazi
     
  15. Steve Dii

    Steve Dii JF-Expert Member

    #15
    Apr 5, 2008
    Joined: Jun 25, 2007
    Messages: 6,414
    Likes Received: 40
    Trophy Points: 145
    Bimkubwa napenda kujua,ukubwani nimewadia,
    wapi ulipotelea, utamu leo watufunulia,
    foramu kupotelea, wenyeji mkatukachia,
    mazoea nayataka, kwako leo kunifafanulia

    Rubani nilipotea, ubinafsi maswali mbele,
    kundini natembelea, mbuzi kafungwa kengere,
    Stivini kalowea, ufundi mbelembele,
    mbuzi itanolewa, maridadi kama Pele

    Ubeti naongeza, mbuzi n'sha ijulia,
    kuketi kunadoda, mjuzi napalilia,
    cheti nimeopoa, upembuzi wanukilia,
    mengi yaningoja, mbuzi kuitunukia

    SteveD. (Mwangwi wa Handaki)
     
  16. Quemu

    Quemu JF-Expert Member

    #16
    Apr 5, 2008
    Joined: Jun 27, 2007
    Messages: 985
    Likes Received: 56
    Trophy Points: 145
    wajuaje kuwa haikuni, wakati haijawahi kukuna naziyo
    unasimanga mbuzi bure, bila ya kuuliza kwa wenzio
    ningekushauri uliza, kwa waliowahi tumia mbuzi hiyo,
    mbuzi hii ni safi kabisa, tena yakuna mbio mbio

    kwa nini usilete naziyo, uone jinsi mbuzi ikunavyo
    hakika utaridhika, nazi yako itakunika ipasavyo
    tui la naziyo litachujika, litatoka utakavyo
    mbuzi hii ni safi kabisa, tena yakuna vilivyo

    mengi sisemi, mbuzi sitaki isifia
    wewe leta naziyo, siku ukijisikia
    itakunwa ikunwavyo, hakika utafurahia
    mbuzi hii ni safi kabisa, kombe imejishindia
     
  17. Steve Dii

    Steve Dii JF-Expert Member

    #17
    Apr 5, 2008
    Joined: Jun 25, 2007
    Messages: 6,414
    Likes Received: 40
    Trophy Points: 145
    Mbuzi mwaisifia, kupalilia iliyo uchwara,
    maridadi kujitambia, ileteni kwangu kipara,
    somo nitaipatia, itambue mimi wa bara,
    mbuzi naiulizia, niinoe kibarabara

    Mbuzi nitaichoma, kuichuna utamu ndafu
    makeke kujinoma, kuipekecha nyama dafu,
    wa-pwani kuikoma, wa-bara tu-marudufu,
    mbuzi naiulizia, niinoe kibarabara

    SteveD. (Mwangwi wa Handaki)
     
  18. Washawasha

    Washawasha JF-Expert Member

    #18
    Dec 23, 2015
    Joined: Aug 7, 2006
    Messages: 8,368
    Likes Received: 146
    Trophy Points: 160
    Malenga wetu
    Nalog off
     
  19. Carbondioxide

    Carbondioxide JF-Expert Member

    #19
    Dec 26, 2015
    Joined: Nov 17, 2014
    Messages: 598
    Likes Received: 71
    Trophy Points: 45
    nimecheka mbavu cna ful mashairi.ama kweli @JF.
     
Loading...