Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Mbunge wa CUF aangua kilio!

Discussion in 'Jukwaa la Siasa' started by Rutashubanyuma, Dec 13, 2010.

  1. Rutashubanyuma

    Rutashubanyuma JF-Expert Member

    #1
    Dec 13, 2010
    Joined: Sep 24, 2010
    Messages: 61,428
    Likes Received: 492
    Trophy Points: 180
    na Neema Kishebuka, Tanga

    MBUNGE wa Viti Maalumu, Amina Mwindau (CUF), amemwaga machozi, baada ya kuelezwa changamoto zinazowakabili watoto yatima wanaolelewa katika kituo cha Ansaar Muslim Youth Center kilichoko Makorora, jijini hapa.

    Mbunge huyo aliyeambatana na viongozi mbalimbali wa chama hicho, alitoa machozi hayo jana baada ya kusomewa historia fupi na changamoto zinazowakabili yatima hao wapatao 65 ambao wana umri chini ya miaka 15.

    Akisoma taarifa ya watoto hao, Sheikh Hassan Waziri ambaye ndiye mlezi wao, alisema wanakabiliwa na uhaba wa chakula kwani wahisani wengi wamejitoa na kuwaacha watoto hao wakitegemea msaada pekee toka kwa mtu mmoja wa hapa jijini na wachache kama wageni wanaofika kituoni hapa mara moja moja.

    “Hata ninapotaka kurudi kwetu kutokana na taasisi kulegalega, lakini najifikiria nitafanya nini na ninabaki na kidonda rohoni nitawaacha na nani watoto hawa hapa?” alisema mlezi huo ambaye kabla hajamaliza alianza kulia kwa uchungu huku akifuatiwa na watoto hao.

    Kilio hicho ndicho kilichosababisha Mwindau naye kuangua kilio huku akifuatiwa na wanachama wenzake alioongozana nao.

    Awali akisoma taarifa ya kituo hicho, Sheik Hassan alisema watu wengi wamewafanya watoto yatima kama miradi na pia wengine wanawachukua watoto wa mitaani na kusema kuwa ni yatima huku wakipatiwa misaada wakati yatima wa kweli wakibaki wanateseka.

    Alisema watoto hao ambao wengi wanasoma wanakabiliwa na ukosefu wa chakula, ada za shule pamoja na sare za shule na kuwataka watu waliojaaliwa kujitoa kuwasaidia watoto hao.

    Kwa upande wake, mbunge huyo wa CUF aliiomba jamii kujenga utamaduni wa kuwatembelea watoto yatima hasa katika nyakati za sikukuu ili na wao wajione kama watoto wengine wasijisikie upweke.
     
  2. zomba

    zomba JF-Expert Member

    #2
    Dec 13, 2010
    Joined: Nov 27, 2007
    Messages: 17,082
    Likes Received: 9
    Trophy Points: 0
    Neema Kishebuka wa Tanga, kama unaingia humu JF, naomba unipatie anuani za hiyo tasisi niwasiliane na viongozi wake, wanipe japo wawili, mimi nnahamu ya kulea, wanangu washa kuwa wakubwa na wanajitegemea.

    Au mwengine yeyote mwenye anuani yao anipatie.
     
  3. PhD

    PhD JF-Expert Member

    #3
    Dec 13, 2010
    Joined: Jul 15, 2009
    Messages: 3,798
    Likes Received: 746
    Trophy Points: 280
    usisubiri kupewa anuani, kama kweli umeguswa na hali hiyo safiri nenda Tanga katoe msaada kwa watoto hao acha kujipa umaarufu hapa
     
  4. Biera

    Biera JF-Expert Member

    #4
    Dec 13, 2010
    Joined: Dec 7, 2010
    Messages: 437
    Likes Received: 0
    Trophy Points: 33
    Wewe PHD kama unayo hiyo anwani si umpe..acha longolongo
     
  5. zomba

    zomba JF-Expert Member

    #5
    Dec 13, 2010
    Joined: Nov 27, 2007
    Messages: 17,082
    Likes Received: 9
    Trophy Points: 0
    Wazo zuri, naelekea Tanga leo hii. Ningetaka umaarufu ningekuja na jina langu kamili humu JF.
     
  6. Ndibalema

    Ndibalema JF-Expert Member

    #6
    Dec 13, 2010
    Joined: Apr 26, 2008
    Messages: 10,858
    Likes Received: 30
    Trophy Points: 145
    Tanga mbona mbali, kama yupo Dar apite tu barabara yeyote ile atakutana na watoto wenye hali ngumu ya kimaisha awachukue awalelee.
     
  7. zomba

    zomba JF-Expert Member

    #7
    Dec 13, 2010
    Joined: Nov 27, 2007
    Messages: 17,082
    Likes Received: 9
    Trophy Points: 0
    Dar nimeshachukuwa wawili wakiwa mmoja ana mwaka mmoja na nusu na mwingine miaka 10.

    Wale unaowaona barabarani wakiomba omba, ukitazama vizuri pembeni utaona wazee wao wapo hapo, wanawatumia tu hawa watoto kama chambo cha kujiongezea kipato.
     
  8. Ndibalema

    Ndibalema JF-Expert Member

    #8
    Dec 13, 2010
    Joined: Apr 26, 2008
    Messages: 10,858
    Likes Received: 30
    Trophy Points: 145
    Aisee kumbe wanatumika kama mtaji tu.
    Kuanzia leo ntakuwa najifikiria mara mbili mbili kuwasaidia wale watoto.
     
  9. TUKUTUKU

    TUKUTUKU JF-Expert Member

    #9
    Dec 13, 2010
    Joined: Sep 14, 2010
    Messages: 11,849
    Likes Received: 34
    Trophy Points: 145
    Mkuu mbona tatizo hili lipo hapa nchini kwetu miaka mingi sana!wewe ulikuwa ulijui?au ndiyo limekugusa sana baada ya huyu mbunge wa CUF kuangua kilio?
     
  10. Mbaha

    Mbaha JF-Expert Member

    #10
    Dec 13, 2010
    Joined: Nov 26, 2010
    Messages: 692
    Likes Received: 0
    Trophy Points: 33
    "Kwa upande wake, mbunge huyo wa CUF aliiomba jamii kujenga utamaduni wa kuwatembelea watoto yatima hasa katika nyakati za sikukuu ili na wao wajione kama watoto wengine wasijisikie upweke."

    Hivi kwanini kuwasaidia yatima "haswa nyakati za sikukuu"????!! Hizo siku nyingine kweli huwa hawajisikii upweke???... "Silaha ya mnafiki..... ni machozi yake mweneyewe...."
     
Loading...