Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Mbunge mmoja amwita Spika Sitta 'Madam'

Discussion in 'Habari na Hoja mchanganyiko' started by kilimasera, Feb 11, 2010.

  1. kilimasera

    kilimasera JF-Expert Member

    #1
    Feb 11, 2010
    Joined: Dec 2, 2009
    Messages: 3,072
    Likes Received: 9
    Trophy Points: 135
    KATIKA kile kilichoelezwa kuwa ni homa ya uchaguzi mmoja wa wabunge jana alimwandikia ujumbe Spika wa Bunge Samuel Sitta, ukiwa na anuani 'Madam Spika'.

    Tukio hilo la aina yake lililoibua hisia tofauti na kuwafanya wabunge waangue vicheko, lilitangazwa na Spika wa Bunge mwenyewe muda mfupi baada ya kumalizika kwa kipindi cha maswali na majibu kabla ya kufanyika kwa uchaguzi wa wajumbe wa bodi mbalimbali za vyuo vikuu.

    "Naona wabunge wana homa ya uchaguzi, nalisema hili kwani naona dalili. Kwa mfano mheshimiwa mmoja ameniita Madam Spika," alisema Spika Sitta na kuwafanya wabunge waangue vicheko.

    Lakini Spika pamoja na maelezo hayo aliwaasa wabunge kutokuwa na homa ya uchaguzi kwa kuwa Mungu ndiye anayempangia kila mwanadamu bahati yake ambayo haiwezi kubadilishwa na mwanadamu mwingine.

    "Tusiwe na homa ya uchaguzi, hii yote ni homa tu, Mungu amekupangia maisha yako, hata watu wabaya wakufanyeje hawawezi kukuharibia," alisema Spika na baada ya hapo kuendelea na matangazo mengine kabla ya uchaguzi wa wajumbe hao.

    Katika uchaguzi huo wajumbe wawili wa bodi ya Chuo kikuu cha Dar es Salaam (Udsm) walipita bila kupingwa baada ya kukosa wapinzani ambao ni Profesa Feetham Banyikwa (Mb) na Ruth Msafiri.

    Katika bodi ya Chuo Kikuu cha Biashara Stadi, Daniel Nsanzugwako (Mb) alichaguliwa kuwa mjumbe na Pindi Chana alichaguliwa kuwa mjumbe wa bodi ya Chuo cha Kumbukumbu ya Mwalimu Nyerere, wote hawakuwa na wapinzani.

    Hata hivyo nafasi moja ya ujumbe wa Bodi ya Tume ya Vyuo Vikuu ilikuwa na ushindani ambapo Mbunge wa Kisesa, Johnson Mpina alichuana na Mbunge wa Muyuni, Dk Haji Mwita Haji.

    Katika uchaguzi huo Mpina alimshinda Dk Haji kwa kupata kura 117 kati ya kura 197 zilizopigwa huku mpinzani wake akipata kura 70 na kura tano ziliharibika.
     
  2. B

    Bulesi JF-Expert Member

    #2
    Feb 11, 2010
    Joined: May 14, 2008
    Messages: 6,270
    Likes Received: 250
    Trophy Points: 160
    Huyu mbunge aliyemuandikia ujumbe Spika na kumuita MADAM alifanya makusudi wala sio homa ya uchaguzi!! Huyu bwana lazima anatoka kundi la Lowassa na wanajaribu kumpelekea ujumbe Sitta kuwa wamekwisha muandaa Spika wa kumbadili katika bunge lijalo naye atakuwa MWANAMKE!! Sio coincidence kuwa hata magazeti ya mafisadi siku hiyo hiyo yalikuwa yanagawiwa bure bungeni!!
     
  3. Kiranga

    Kiranga JF-Expert Member

    #3
    Feb 11, 2010
    Joined: Jan 29, 2009
    Messages: 34,583
    Likes Received: 5,626
    Trophy Points: 280
    Wabunge wanampiga madongo kwamba anaendekeza za kisista du.
     
  4. M

    Mapinduzi JF-Expert Member

    #4
    Feb 11, 2010
    Joined: Aug 23, 2008
    Messages: 2,427
    Likes Received: 8
    Trophy Points: 0

    Spika Sita kama Sofia Simba, kwenye mipasho yumo.

    By the way, what is the 'eligibility' ya kuwa board member kwenye vyuo vikuu?
     
Loading...