Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Mbunge aishukia CCM

Discussion in 'Jukwaa la Siasa' started by nngu007, Nov 21, 2011.

  1. nngu007

    nngu007 JF-Expert Member

    #1
    Nov 21, 2011
    Joined: Aug 2, 2010
    Messages: 15,874
    Likes Received: 28
    Trophy Points: 145
    [h=3][/h]

    *Asema muswada waliopitisha unawagawa Watanzania
    *Ahoji uhalali wa NEC kusimamia kura za maoni
    *Askofu aonya wanaopotosha kuhusu mchakato huo


    Na Mwandishi Wetu

    SIKU chache baada ya Bunge kupitisha Muswada wa Sheria ya Mabadiliko ya Katiba 2011, Mbunge wa Kigoma Kusini, Bw. David Kafulila (NCCR-Mageuzi), amesema
    Chama Cha Mapinduzi (CCM) na Serikali yake, hakina dhamira ya kushirikisha Watanzania wote ili watoe maoni yao juu ya katiba wanayoitaka.
    Akizungumza na Majira Dar es Salaam jana, Bw. Kafulila alisema kinachopingwa na vyama vya upinzani pamoja na asasi za kiraia si wazo au dhana ya katiba mpya.

    Alisema wanachopinga ni mchakato unaotumika kupata katiba mpya ambapo Aprili mwaka huu, muswada huo ulipelekwa Bungeni ukiwa katika lugha ya Kingereza pamoja na kasoro nyingine hivyo walishauri ukafanyiwe marekebisho na kutafsiriwa kwa Kiswahili.

    Aliongeza kuwa, kilichotokea baada ya muswada huo kufanyiwa marekebisho na kurudishwa bungeni, walitegemea kuona muswada huo utasomwa kwa mara ya kwanza ili umma upate nafasi ya kuujadili na kutoa maoni yao.

    “Kwa mujibu wa kanuni, muswada ukisomwa kwa mara ya kwanza, umma utapata nafasi ya kuujadili na kutoa maoni yao lakini ukisomwa kwa mara ya pili, wananchi hawawezi kupata fursa ya kutoa maoni yao, ndicho kilichotokea,” alisema Bw. Kafulila.

    Alisema Watanzania wanapaswa kushirikishwa kuunda muswada huo tangu mwanzo ili kufikia katiba wanayoitaka sasa kama wameshindwa kushirikishwa katika msingi, upo uwezekano wa kujenga nyumba mbovu.
    Bw. Kafulila alisema hoja ya kutaka muswada huo usomwe kwa mara ya kwanza ni kutoa fursa kwa umma ili uweze kutoa maoni yao.

    “Rais Jakaya Kikwete angepoteza nini kama muswada huu ungesomwa kwa mara ya kwanza? nini alichopata baada ya muswada huu kupitishwa na wabunge wa CCM, muswada huu ulipaswa kupitishwa kwa masikilizano bila kujali itikadi.
    “Kama viongozi tunashindwa kusikilizana katika katiba upo uwezekano wa Taifa kupasuka, muswada huu una kasoro nyingi, Rais Kikwete anaonekana kuwa na nguvu kuliko Bunge la Katiba kwa kurekebisha maudhui ambayo anadhani yanafaa, Tume ya Uchaguzi ambayo inapewa jukumu la kusimamia kura za maoni, imepoteza imani kwa umma.
    “Taasisi za dini, jumuiya za kiraia na Vyuo Vikuu vitateuliwa na Rais kuingia katika Bunge la Katiba badala ya kuteuliwa na taasisi zao, kimsingi CCM na Serikali yake wameteka mchakato huu na watakuwa kwenye nafasi ya kuamua wanachotaka,” alisema.

    Aliongeza kuwa, katika muswada huo sehemu kubwa imezingatia muafaka kati ya watawala wa Serikali ya Zanzibar na Muungano badala ya kuzingatia muafaka kati ya walawala na watawaliwa.
    Alisema msingi wa katiba sio kwa ajili ya watawala wa nchi hizo ili waweze kuelewana jambo ambalo ni hatari kwa mustakabali wa Taifa kwani CCM na serikali yake imeamua kubeba mchakato huo peke yao.
    Bw. Kafulila alisema ni jambo hatari kuweka rehani mchakato wa

    katiba mpya mikononi mwa chama kimoja kwani katiba hiyo ni kwa ajili ya Watanzania wote.
    Alisema watu wote waliopo katika vyama vya siasa hawazidi asilimia 10 ya Watanzania wote sasa mchakato wa katiba unapoamuliwa na chama kimoja ni jambo hatari sana.

    Aliongeza kuwa, kama Rais Kikwete atasaini muswada huo, NCCR-Mageuzi itawashauri wadau wa demokrasia waliopo katika vyama na wasio wanasiasa, waunganishe nguvu ili kutengeneza katiba wanayoitaka Watanzania.
    “Kama tutatekeleza mkakati huo, mwisho wa siku tutapata katiba tunayoitaka, kama mchakato wa Serikali hautakuja na katiba ya namna hii, tutawashawishi Watanzania wapige kura ya kuikataa,” alisema.
    N
    aye Heckton Chuwa kutoka Moshi anaripoti kuwa, Askofu wa Jimbo Katoliki la Moshi mkoani Kilimanjaro, Muhashamu Isaack Amani, amewaonya wanaopotosha umma kuhusu mchakato wa Katiba Mpya kuwa watakuwa wanajihukumu wenyewe iwapo malengo ya mchakato huo hayataenda kwa matakwa ya wananchi wote.
    Askofu Amani alitoa onyo hilo jana wakati wa Ibada maalum ya maadhimisho ya Sikukuu ya Kristu Mfalme yaliyoenda sambamba na Ibada maalum ya kumshukuru Mungu kwa maadhimisho ya miaka 50 ya uhuru wa Tanzania Bara.
    Ibada hiyo ilishirikisha majimbo Katoliki yote manne ya Kanda ya Kaskazini ya Same, Mbulu, Jimbo Kuu la Arusha na wenyeji jimbo la Moshi.

    “Mungu ametupa nafasi ili tushiriki zoezi hili muhimu na la kihistoria, kwa yeyote awe ni kiongozi wa serikali, vyama vya siasa au ngazi yoyote ya uongozi ambaye atapotosha dhana halisi ya mchakato huu atakuwa anajihukumu mwenyewe, zoezi hili ni muhimu na ndilo litaamua hatma ya nchi yetu kwa miaka 50 ijayo”, alisema Askofu Amani.
    Alitoa wito kwa waumini na wananchi wote kwa ujumla kushiriki kikamilifu katika mchakato huo badala ya kukaa pembeni na kuweka wazi kuwa kufanya hivyo ni udhaifu ambao utakuja kuwa majuto ya baadaye.
    Alitoa wito kwa watanzania kutumia maadhimisho ya miaka 50 ya uhuru wa Tanzania Bara kutathmini yote yaliyofanyika na kujifunza kutokana na makosa yaliyofanyika katika kipindi hicho ili kuepuka kuyarudia katika kipindi cha miaka 50 ijayo.

    “Kwa sisi tulio hai leo hii tunapoadhimisha miaka 50 ya uhuru wetu hatuna budi kujenga tabia ya uadilifu ili kufungua njia kwa vijana wetu ambao ni wadogo na wale watakaozaliwa kwa ajili ya Tanzania bora ya miaka 50 ijayo” alisema. Aliwataka viongozi walafi na wenye uchu wa madaraka kuacha tabia hizo zinazowakandamiza wanyonge wasioweza kujitetea hata wakionewa na kutaka uhuru wa miaka 50 uliopo usiwe wa bendera badala yake uwe wa kweli unaowanufaisha wananchi wote badala ya watu wachache.

    “Ulafi si kwenye chakula na vinywaji tu bali kwenye uongozi haya pia yapo, wako viongozi ambao wanaendekeza ulafi na ufisadi mambo yanayowanyima wananchi haki zao za msingi,” alisema.
    Askofu Amani aliwataka viongozi kumuiga Mwokozi wa Ulimwengu Yesu Kristu aliwajali wanyonge na kuwatafuta walikokuwa ili awape kheri na matumaini katika maisha yao mapya.
     
  2. kweleakwelea

    kweleakwelea JF-Expert Member

    #2
    Nov 21, 2011
    Joined: Nov 29, 2010
    Messages: 2,142
    Likes Received: 285
    Trophy Points: 180
    safiiiiiiiiiiiiiiiiiiiiiiiiiii!
     
  3. M

    Mbopo JF-Expert Member

    #3
    Nov 21, 2011
    Joined: Jan 29, 2008
    Messages: 2,532
    Likes Received: 3
    Trophy Points: 0
    Na wewe hizo nukuu zako za magazeti zilizopitwa na wakati tumezichoka sana. Kwani mjadala huu si tayari umeshatendewa haki humu jamvini? Usituletee broken records zako hapa!
     
  4. U

    Uwezo Tunao JF-Expert Member

    #4
    Nov 21, 2011
    Joined: Nov 14, 2010
    Messages: 6,948
    Likes Received: 8
    Trophy Points: 0
    Haya sasa; kama CCM walidhani swala la katiba linaweza tu kuchezewa chumbani kihivyo basi ndio kama hivo watalazimika kuushika chuma na moto wake tangu sasa kadiri wadau muhimu wanavyoendelea kujitokeza na na kudai nafasi zao stahiki katika JUKWAA LA KATIBA MPYA ya nchi yetu.
     
Loading...