Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Mbowe atoa tamko: CHADEMA kuisimamisha nchi Machi 25, 2013

Discussion in 'Jukwaa la Siasa' started by Tumaini Makene, Mar 11, 2013.

  1. Tumaini Makene

    Tumaini Makene Verified User

    #1
    Mar 11, 2013
    Joined: Jan 6, 2012
    Messages: 2,589
    Likes Received: 97
    Trophy Points: 48
    Muda mfupi uliopita hapa katika Viwanja vya Shule ya Msingi Mkendo, Mwenyekiti wa CHADEMA Taifa, Freeman Mbowe, ametoa tamko la Musoma, likiwataka Watanzania wote wapenda nchi yao, kujiandaa kwa maandamano makubwa na mgomo wa wananchi yatakayofanyika Machi 25, 2013, nchi nzima, kushinikiza uwajibikaji (kujiuzulu au kufukuzwa kazi) kwa Waziri wa Elimu na Mafunzo ya Ufundi Shukuru Kawambwa na Naibu wake, Phillip Mulugo, kutokana na matokeo mabaya ya kidato cha nne.

    "Yatakuwa maandamano makubwa ya kuisimamisha nchi...tunataka siku hiyo mama ntilie wawe barabarani, watoto waliofeli na wazazi wao wawe barabarani, bodaboda wawe barabarani, wamachinga wawe barabarani, walimu wawe barabarani, wanafunzi walioko shuleni na vyuoni wawe barabarani, askari watuunge mkono.

    "Wazalendo wote watuunge mkono, Machi 25, 2013, Watanzania wawaoneshe watawala kuwa sauti ya wananchi ni kubwa na muhimu kuliko waziri mmoja na naibu wake...tunataka kitu kidogo tu, waziri na naibu wake wajiuzulu, tunataka wawajibike kwa matokeo mabaya ambayo yametuingiza kwenye kitabu cha maajabu ya dunia..., wanaume na wanawake siku hiyo hakuna mtu kubaki ndani.

    "Tutaisimamisha nchi katika majiji manne, Dar es Salaam, Mbeya, Mwanza na Arusha...nanyi wa Musoma mnataka kulianzisha hapa? Haya Mbunge Nyerere wananchi wako nao wamesema watalianzisha hapa hapa, hawataki kuja Mwanza, kwa hiyo wa Butiama watashuka Musoma, wa Tarime watashuka hapa, wa Serengeti, Bunda na Mwibara, watashuka hapa, yataanzia wapi na kuelekea wapi, mtaambiwa hatua za baadae. Wananchi mjiandae Machi 25, maandamano na mgomo mkubwa," alisema Mbowe.


    2. Wawakilishi wa wananchi Vs the so called Kamati ya Ngwilizi


    Mwenyekiti Mbowe pia ametoa kauli na msimamo wa CHADEMA juu ya kuwepo kwa wito wa kile kinachoitwa kuwa ni Kamati ya Kudumu ya Kinga, Haki na Maadili ya Bunge chini ya uenyekiti wa Brigedia Jenerali Hassan Ngwilizi (Kamati ya Ngwilizi) kuwaita wabunge wa CHADEMA kutokana na kile kinachodaiwa kuwa vurugu zilizotokea bungeni siku ya Februari 4, 2013.


    Msimamo wa CHADEMA ni kwamba, wawakilishi hao wa wananchi hawatakwenda kuhojiwa kwenye hiyo Kamati ya Ngwilizi, kwa sababu za msingi zifuatazo; kamati hiyo haipo, kwa sababu kwa mujibu wa kanuni za bunge, kamati zote za bunge zilimaliza muda wake siku bunge lilipoahirishwa, Februari 8, 2013, baada ya mkutano wa 10 ambao ni nusu ya uhai wa bunge.



    "Kwa mujibu wa kanuni ya bunge 113 kifungu kidogo cha 7 kinazungumzia ukomo wa uhai wa kamati za bunge ambao ni wakati wa Mkutano wa 10 wa bunge, yaani nusu ya uhai wa bunge. Hivyo kamati zote, ikiwemo hii ya Ngwilizi, zilishamaliza muda wake. Kanuni ya 113 kifungu cha 10, kinazungumzia position ya Mwenyekiti wa kamati na ukomo wake, Ngwilizi hana mamlaka tena, maana uenyekiti wake ulikwisha kuanzia Februari 8, 2010..."


    "Hivyo wawakilishi hao wa wananchi walioitwa, hawatakwenda, kuhojiwa, kama wanataka kutufukuza ubunge kwa maslahi ya CCM wajaribu waone...hawa ni wawakilishi wa watu, si suala la wabunge wa CHADEMA! Kama inafikia hatua wao wanaweza kufanyiwa vyovyote tu watu wanavyotaka, je mwananchi wa kawaida atapata wapi ya kuzungumza," amesema Mbowe.


    Mwenyekiti Mbowe amesisitiza kuwa CHADEMA inashangaa kuona wabunge wake leo wanaitwa kuhojiwa na Kamati ya Ngwilizi, kwa suala la vurugu za bungeni, Februari 4, 2013, wakati kamati hiyo hiyo ilishalishughulikia suala hilo hilo na ikatoa hukumu bila kuwasikiliza.


    "Leo ndiyo wamekumbuka kuhahalisha utaratibu mbovu na haramu waliotumia kushughulikia suala hilo...walitunga tuhuma, wakaendesha mashtaka, wakatoa hukumu na wakataja hata wakosaji kuwa ni Lissu, Mnyika, Gekul na Nassar, wakaitangazia dunia nzima, watanzania wote na nchi nzima ikaambiwa kuwa hawa ndiyo wakosaji...wakafanya hivyo bila kuwaita na kuwasikiliza hata siku moja, sasa ndiyo wameona umuhimu wa kuwaita, kwa utaratibu upi? Wanataka kusikiliza kitu gani wakati walishaamua na wakosaji wanajulikana?


    "Wanasahau kuwa kamati hiyo ni sawa na mahakama ya bunge, inapokaa ni sawa na mahakama, sasa kwa taratibu za mahakama, ikishashughulikia suala moja, haiwezi tena kukaa kushughulikia suala hilo hilo ambalo tayari imeshalitolea uamuzi. Tatu wito huu unakiuka katiba ya nchi na sheria...," alisema Mbowe mbele ya mkutano huo wa hadhara uliohudhuria na maelfu ya wananchi wa Musoma na vitongoji vyake.


    Mbunge Vincent Nyerere azuiwa kwenda Kamati ya Bunge


    Wananchi wa Musoma waliohudhuria mkutano huo wa hadhara kwa kauli moja wamemzuia Mbunge wao Vincent Nyerere kuitikia wito wa kuhojiwa na kile kinachoitwa kuwa ni Kamati ya Ngwilizi, wakisema kuwa hiyo ni kinyume na misingi ya demokraia na uendeshaji wa shughuli za bunge.


    Wananchi hao walifikia uamuzi huo baada ya kuhojiwa na Mwenyekiti Mbowe, iwapo katika mazingira hayo (aliyoyaelezea mapema) iwapo wako tayari mbunge wao aitikie wito huo ambao umefikishwa kwake kwa barua ya kipolisi kupitia kwa Kamanda wa Polisi Mkoa wa Mara, nao wakasema 'asiende asiende...hatutaki aende...'





    More updates to come...
     

    Attached Files:

  2. M

    MALI MISANGO Senior Member

    #2
    Mar 11, 2013
    Joined: Sep 17, 2012
    Messages: 33
    Likes Received: 0
    Trophy Points: 0
    Du,kwani kuandamana ndo suluhu,kimsingi hiyo haitasaidia,kitakachokuja ni raia kuswekwa rumande,je atakaye wapa dhamana ni nani ?Poleni mtakaoandamana mie naaona rundu la dola liko nyuma yao.
     
  3. Ruttashobolwa

    Ruttashobolwa JF-Expert Member

    #3
    Mar 11, 2013
    Joined: Feb 22, 2012
    Messages: 34,306
    Likes Received: 1,593
    Trophy Points: 113
    Bora tuisimamishe tuu hii nchi maana jk kashindwa kuiongoza yeye anachofanya ni kusafiri tuu!
     
  4. m

    majebere JF-Expert Member

    #4
    Mar 11, 2013
    Joined: Apr 2, 2012
    Messages: 3,992
    Likes Received: 106
    Trophy Points: 63
    Siasa za matukio, hawa kwisha kazi yao.hamna sera tena, la ufisadi limevunda sasa wamebaki kusubiri matukio ndio wawike.Lissu amebuma Dar,Mnyika amebuma UK,Slaa kaingia mitini,lema amebaki kufoka foka kama muimba rap. M4C wamekosa usafiri baada ya mikweche yao kukwama kenya. Naona mtoa roho anazunguka anga za CDM
     
  5. Kaunga

    Kaunga JF-Expert Member

    #5
    Mar 11, 2013
    Joined: Nov 28, 2010
    Messages: 12,367
    Likes Received: 382
    Trophy Points: 83
    Roger that!
     
  6. Yegoo

    Yegoo JF-Expert Member

    #6
    Mar 11, 2013
    Joined: Nov 14, 2012
    Messages: 1,301
    Likes Received: 1
    Trophy Points: 38
    Eeen kimenuka tena!
     
  7. Kapwila Matulu

    Kapwila Matulu JF-Expert Member

    #7
    Mar 11, 2013
    Joined: Mar 26, 2009
    Messages: 8,747
    Likes Received: 772
    Trophy Points: 113
    Asije akaongea mengi akawatisha polisi, halafu wakatafuta sababu za kunyima kibali.
     
  8. w

    wa hapahapa JF-Expert Member

    #8
    Mar 11, 2013
    Joined: Aug 22, 2012
    Messages: 3,542
    Likes Received: 144
    Trophy Points: 63
    SI MCHEZO... .
    serikali v/s sauti ya umma
     
  9. Ngalikihinja

    Ngalikihinja JF-Expert Member

    #9
    Mar 11, 2013
    Joined: Sep 1, 2009
    Messages: 12,804
    Likes Received: 369
    Trophy Points: 83
    Kuna siku watataka jambo gumu toka kwako, na kwa kuogopa 'rundu' la dola utawapa maana watakuwa nyuma yako
     
  10. m

    majebere JF-Expert Member

    #10
    Mar 11, 2013
    Joined: Apr 2, 2012
    Messages: 3,992
    Likes Received: 106
    Trophy Points: 63
    Waunganishe na yale maandamano ya mnyika.
     
  11. m

    majebere JF-Expert Member

    #11
    Mar 11, 2013
    Joined: Apr 2, 2012
    Messages: 3,992
    Likes Received: 106
    Trophy Points: 63
    hilo tamko angetolea Dar kwenye ile nyomi ya lissu
     
  12. Kaunga

    Kaunga JF-Expert Member

    #12
    Mar 11, 2013
    Joined: Nov 28, 2010
    Messages: 12,367
    Likes Received: 382
    Trophy Points: 83
    Itakuwa jumatatu, waajiriwa watapatikana?
     
  13. Zogwale

    Zogwale JF-Expert Member

    #13
    Mar 11, 2013
    Joined: Jul 10, 2008
    Messages: 10,981
    Likes Received: 47
    Trophy Points: 48
    Hakika hebu kweli watoto siku hizi wanafeli kiasi hicho? Huduma mbovu kila siku, mashuleni!! Mtoto hana msingi mzuri wa elimu toka shule ya awali amekuwa akisoma kwa mateso kukaa kwenye vumbi na chakula hakuna!! Mwishowe akimaliza shule anapata average ya alama D unampeleka shule ya kata hakuna mwalimu!!! Je huyu atafaulu kwa muujiza au ni vipi?
     
  14. M

    Mboko JF-Expert Member

    #14
    Mar 11, 2013
    Joined: Oct 8, 2010
    Messages: 1,060
    Likes Received: 1
    Trophy Points: 38
    Wewe Gamba huna lolote na huna ujualo zaidi ya kupalilia ajira yako uliyopata kwa kujuana,kumbuka maandamano ni sehemu kubwa sana tena sana ya kufikisha ujumbe,Juzi hapa Irak waliandamana waziri akajiuzulu so kwa nini unamtetea Kawambwa na wenzake who are you by the way let them go out
     
  15. Tony Gwanco

    Tony Gwanco JF-Expert Member

    #15
    Mar 11, 2013
    Joined: Jan 22, 2013
    Messages: 5,927
    Likes Received: 1
    Trophy Points: 0
    umejuaje elimu kwanza we msukuma gani mwoga kama mbwa wa kijijini wasukuma wapo ngangali acha umaruhani
     
  16. m

    majebere JF-Expert Member

    #16
    Mar 11, 2013
    Joined: Apr 2, 2012
    Messages: 3,992
    Likes Received: 106
    Trophy Points: 63
    wewe unafikiri alikua anajua itakua jumatatu,mtu mwenyewe alikua amekolea lager.yeye ni kuropoka tu
     
  17. B

    BUMIJA MOSSES Senior Member

    #17
    Mar 11, 2013
    Joined: Dec 5, 2012
    Messages: 65
    Likes Received: 16
    Trophy Points: 8
    Tupo pamoja, tunasubiri kwa hamu hayo maandamano.

    "Hakuna Kulala Mpaka Kieleweke"
     
  18. m

    majebere JF-Expert Member

    #18
    Mar 11, 2013
    Joined: Apr 2, 2012
    Messages: 3,992
    Likes Received: 106
    Trophy Points: 63
    acha hasira kijana
     
  19. U

    Uwezo Tunao JF-Expert Member

    #19
    Mar 11, 2013
    Joined: Nov 14, 2010
    Messages: 6,953
    Likes Received: 6
    Trophy Points: 0
    Katika ulimwengu wa watu waliostaarabika kama hapa nchini Tanzania, Dr Kawambwa na msaidizi wake wala hawakuhitaji kusubiri mpaka wasukumwe nje ya ofisi kwa maandamano ya nguvu ya umma.
     
  20. K

    Kidzude JF-Expert Member

    #20
    Mar 11, 2013
    Joined: Jul 14, 2011
    Messages: 1,695
    Likes Received: 0
    Trophy Points: 0
    Wazazi wasiotomiza wajibu wao pia wajiuzuru. Na tunahitaji SERA ya CDM ya elimu ndio kiwe ni kigezo muhimu cha kuhitaji attention ya wanachi wote wa Tanzani. Waseme ni mfumo gani wa elimu wanaupendekeza utumike na kama ikishika dola tatizo hili watalitatuaje maana tunahitaji miaka kumi turudi kwenye mstari. Kumbukeni watoto wengi wapo sekondari hawajui kusoma na kuandika na ni ngumu kuwarejesha nyumbani watakosa kura na misaada.
     

Share This Page