Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Mawkili wanapojichukulia sheri mikononi

Discussion in 'Habari na Hoja mchanganyiko' started by Ngekewa, Mar 29, 2009.

  1. N

    Ngekewa JF-Expert Member

    #1
    Mar 29, 2009
    Joined: Jul 8, 2008
    Messages: 7,730
    Likes Received: 15
    Trophy Points: 135
    Mwanasheria TAKUKURU amjeruhi shahidi



    na Jumbe Ismailly, Iramba




    SHAHIDI katika kesi ya kuomba na kupokea rushwa ya sh 600,000 inayomkabili Ofisa Mtendaji wa Kijiji cha Mbelekese, wilayani Iramba, Singida, Iddi Mughenyi, juzi alipata kipigo kutoka kwa mwanasheria wa Taasisi ya Kuzuia na Kupambana na Rushwa (TAKUKURU) kwenye viwanja vya Mahakama ya Wilaya ya Iramba, kwa madai kuwa alimgeuka katika ushahidi alioutoa mahakamani hapo.

    Mtuhumiwa alipata kipigo kutoka kwa mwanasheria huyo aliyetambulika kwa jina moja la Mchumi, kwa madai kwamba alimgeuka katika ushahidi aliuotoa mahakamani hapo.

    Tukio hilo la aina yake limedaiwa kutokea muda mfupi baada ya Mughenyi kutoa ushahidi katika kesi namba 14/2009 inayomkabili ofisa mtendaji huyo.

    Akizungumza kwa njia za simu kutoka Iramba, mmoja wa watumishi wa mahakama hiyo ambaye hakutaka kutajwa jina, alisema kuwa kuna kila dalili kuwa ushahidi uliotolewa na shahidi huyo haukumridhisha mwanasheria Mchumi, kwa madai kwamba ulikuwa kinyume cha walivyokubaliana.

    “Idd Mughenyi ni shahidi wa upande wa TAKUKURU kwenye kesi hiyo ambayo Ofisa Mtendaji wa Kijiji cha Mbelekese anatuhumiwa kuomba na kupokea rushwa, lakini juzi aliposimama kizimbani aliikana taasisi hiyo, kitendo ambacho kinawezekana kilimuudhi mwanasheria huyo ambaye ndiye alikuwa mwendesha mashtaka katika kesi hiyo,” alifafanua mtumishi huyo wa mahakama.

    Aidha, mtumishi huyo alisema baada ya kesi hiyo kuahirishwa na kutoka nje ya mahakama, ndipo Mchumi alipomweka chini ya ulinzi shahidi huyo na kumtaka apande kwenye gari ili waende ofisi za TAKUKURU Wilaya ya Iramba.

    Alisema kutokana na shahidi huyo kugoma kupanda gari kwa madai ya kutofahamu kosa, ndipo mwanasheria huyo alipoanza kumpiga makofi hadi kumuumiza kwenye jicho la upande wa kushoto na kumchania shati.

    Alibainisha tukio hilo lilishuhudiwa na baadhi ya mahakimu, na kuongeza kuwa waliwaamru askari kwenda kuamua ugomvi huo, kisha kuwapeleka kituo cha polisi.
     
  2. G

    Gozigumu JF-Expert Member

    #2
    Mar 29, 2009
    Joined: Mar 12, 2009
    Messages: 254
    Likes Received: 1
    Trophy Points: 0
    Pengine shahidi alichukuwa chochote kwa mshitakiwa akaamuwa kuwatosa TAKUKURU. Bongo hii hata mkulima anahitaji posho na itakapotoka ndiko atakapoegemea.
     
  3. N

    Ngekewa JF-Expert Member

    #3
    Mar 29, 2009
    Joined: Jul 8, 2008
    Messages: 7,730
    Likes Received: 15
    Trophy Points: 135
    Bila shaka hilo ndilo lililotokea Bongo hii manufaa mbele.
     
  4. M

    Mfumwa JF-Expert Member

    #4
    Mar 29, 2009
    Joined: Aug 29, 2008
    Messages: 1,456
    Likes Received: 2
    Trophy Points: 133
    Hii ndio inaonesha jinsi maadili yalivyoshuka kwa jamii. Yani kila mtu katika eneo lake anashindwa kutumia busara na sheria bali nguvu. Sasa huyu
    Wakili naye anatakiwa ashitakiwe.
     
  5. G

    Gozigumu JF-Expert Member

    #5
    Mar 29, 2009
    Joined: Mar 12, 2009
    Messages: 254
    Likes Received: 1
    Trophy Points: 0

    Bado TAKUKURU atapeta kwa hali yetu ilivyo.
     
  6. N

    Ngekewa JF-Expert Member

    #6
    Mar 29, 2009
    Joined: Jul 8, 2008
    Messages: 7,730
    Likes Received: 15
    Trophy Points: 135

    Maadili na njaa ndugu yangu hayapo kuanzia mkulima hadi Wabunge.
     
Loading...