Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Matumizi ya Mitandao Jamii Kwenye Chaguzi

Discussion in 'Tech, Gadgets & Science Forum' started by Shy, Jun 17, 2010.

  1. Shy

    Shy JF-Expert Member

    #1
    Jun 17, 2010
    Joined: Nov 2, 2006
    Messages: 4,238
    Likes Received: 17
    Trophy Points: 0
    Wakati ambapo Uchaguzi mkuu unakaribia Wanateknohama wanashauku ya
    kujua mambo mbalimbali kwa njia ya mtandao kuanzia kupashana habari ,
    majadiliano motomoto na masuala mengine mengi sana yanayohusiana na
    Uchaguzi mijadala hiyo itakuwa kuanzia Kwenye majukwaa ya wazi ambapo
    watu hudumia majina halisi kama www.wanabidii.net mpaka kwenye blogu
    mbalimbali nchini tembelea www.afrigator.com chagua nchi ya Tanzania
    huo ni mtandao unaoweza kutumia kufuatilia blogu mbalimbali za afrika
    lakini zilizosajiliwa kwenye mtandao huo tu .
    Unaweza kujiuliza jinsi teknohama haswa mitandao jamii inavyoleta
    mabadiliko kwenye jamii nyingi duniani haswa wakati wa uchaguzi mkuu
    kuanzia kukusanya taarifa za wanachama kwa njia ya mtandao mpaka pale
    wanachama hao wanapo changa hela kwa ajili ya wagombea wao kwa njia ya
    mtandao na hata pale watu wanapotuma matokeo ya uchaguzi kwa njia ya
    mtandao hizi zote ni hatua kubwa katika maendeleo .

    Nchi mbalimbali duniani zimeweza kutumia teknohama kwenye shuguli zao
    mbalimbali zinazohusisha uchaguzi kwa mafanikio makubwa sana hata kama
    chaguzi hizo zilileta vurugu na manunguniko kwa wale walioshindwa ,
    kuanzia kuanzisha tovuti za vyama mbalimbali vya siasa au hata blogu
    za mwanachama mmoja mmoja na kurasa zingine nyingi sana za mitandao .

    Fikiria chama kinavyotaka kupanga kampeni Fulani kwa sasa si lazima
    wote kukutana sehemu moja ambapo wanatumia gharama na muda mwingi
    kuandaa mkutano wanaweza kutumia huduma za sms kuwasiliana kwa kutumia
    namba walizozihifadhi za mwanachama wao kuwasiliana na sasa idadi ya
    wamiliki wa simu imeongezeka na watu wengi wamesajili namba zao za
    simu ni rahisi zaidi .

    Hata pale ambapo kumetokea tishio la wizi wa kura na kero zingine
    zozote watu wanaweza kutumia simu zao wa mikononi kwa ajili ya
    kupashana habari taarifa na huduma zingine haswa kwa vijana mfano
    wanaosimamia vituo vya kupiga kura .

    Na pale ambapo watu wako vijijini kabisa ambapo ni ngumu kufika kwa
    sababu kadhaa jamii hizo zinaweza kutumia simu zao za mikono kwa ajili
    ya kupashana habari na taarifa zingine moto moto .

    Tanzania ni moja ya nchi ambayo imewahi kuonja utamu wa matumizi ya
    teknohama kwenye shuguli za uchaguzi zaidi kuanzia mwaka 2005 ambapo
    vyama vya siasa viliwasiliana na wanachama wao kutumia mtandao na hata
    baadhi ya wagombea kuanzisha blogu na huduma zingine kwenye mtandao .

    Mwaka huu tunaingia kwenye uchaguzi tena baada ya miaka zaidi ya 4
    ambapo kumetokea maendeleo makubwa kwenye sekta ya teknohama kwa
    ujumla kuanzia matumizi ya simu za mkono zenye uwezo mkubwa mpaka
    kuanzishwa kwa mitandao jamii ambapo watu wanaweza kuwasiliana na
    wananchi wao moja kwa moja .

    Mitandao jamii ndio haswa imechukuwa nafasi kubwa kwenye chaguzi
    mbalimbali kwa siku za karibuni kuanzia pale raisi wa marekani
    alivyokuwa anatumia mtandao wa youtube kuwasiliana na mashabiki wake
    mpaka serikali ya iran ilivyojaribu kufunga baadhi ya mitandao jamii
    isiweze kutembelewa na raia wananchi hiyo waliokuwa ndani ya nchi .

    Kilichotokea nchini iran sio harakati mpya tu kwa njia ya mtandao pia
    ni funzo kwa jamii zingine duniani sasa kuwekeza zaidi kwenye masuala
    ya ulinzi kwenye teknohama pamoja kuwa na wafanyakazi bora kwenye
    ulingo huu wa teknohama .

    Muda unazidi kwenda sana watu wanazidi kupata maendeleo sasa hivi
    inakadiriwa zaidi ya nusu ya watu wote duniani wanamiliki simu za
    mikononi na mitandao ya jamii inazidi kuchipukia kila kukicha pamoja
    na program mbalimbali za kutumia kwenye mitandao hiyo huku watu zaidi
    wakiunganishwa kwenye mtandao au huduma zingine za mawasiliano .

    Kwa mwendo huu wa kasi katika ukuaji wa teknohama ina maanisha huko
    mbeleni ujumbe unaweza kusambaa dunia nzima kwa sekunde tu au unaweza
    kusambazwa ujumbe kwenda kwa kundi Fulani la watu kwa sekunde tu
    serikali za sehemu hizo lazima zijue wajibu wake endapo chochote
    kitatokea .

    Utumiaji wa Teknohama haswa mitandao jamii inatofautiana haswa
    kutegemeana na vifaa vinavyotumika kwenye tovuti au anuani za mitandao
    mbalimbali mfano kwenye uchaguzi wa marekani mgombea uraisi wa
    marekani aliweka matangazo kwenye mtandao wa michezo ya kompyuta kwa
    ajili ya wachezaji wa michezo hiyo ,akaanzisha chaneli kwenye mtandao
    wa youtube .

    Hapa kwetu chama kinaweza kuanzisha channel yake kwenye mtandao wa
    youtube , inaweza kuanzisha blogu za wagombea wake kupitia tovuti ya
    chama husika na wagombea hao wanaweza kuanzisha kurasa zingine kupitia
    mitandao mingine kama facebook kwa ajili ya kuwasiliana na watu au
    twitter na mashabiki au wapenzi wao wanaweza kuwafuatilia moja kwa
    moja kutumia barua pepe au simu zao za mikono .

    Matumizi haya pia yanaweza kuleta changamoto kwa kampuni zinazozalisha
    magazeti au vyombo vingine vya habari vinavyotumia karatasi kwa ajili
    ya kuwasilisha taarifa zao kwa sababu wengi watakuwa wanafuatilia
    habari na matukio kutumia mitandao jamii ni vizuri kampuni za habari
    haswa magazeti kufungua kurasa zao za mitandao jamii ili kuweza kwenda
    sambamba na mabadiliko ya sasa .

    Kwa kumalizia naona kizazi kipya cha viongozi ambao hawashindi chaguzi
    kwa Wizi wa Kura au kutumia njia chafu bali kwa matumizi bora ya
    Teknohama haswa mitandao ya jamii ambayo wanaitumia kuwaunganisha na
    wapenzi na mashabiki wao wengine mifano iko wazi kuanzia kwenye
    uchaguzi wa marekani mpaka huu wa uingereza mwaka huu na hata raisi wa
    Venezuela anavyohangaika kwenye mtandao wa Twitter mpaka kuajiri
    wafanyakazi maalumu wa kuwasiliana na wananchi .

    Hata kama viongozi wengi hawapendi au hawana muda wa kujiunganisha
    kwenye mitandao jamii lakini wanaweza kuajiri watu kama Kiongozi wa
    Venezuela alivyofanya kuandika na kutoa huduma zingine kwenye blogu
    zao au kurasa zao za mitandao

    Kama unapenda kuingia kwenye Ulimwengu wa Mitandao jamii hizi ndio
    faida zake .

    1 - Watu wa Teknohama wanatumia muda mwingi kwenye Mtandao kuliko
    Televisheni na Radio kwahiyo una uhakika wa kunyanyuka .

    2- Huduma zake nyingi ni bure au zina unafuu na haziharibu kama
    mazingira kama mtu akiamua kubandika matangazo njiani na kutupa
    karatasi hovyo .

    3 – Huduma za Mawasiliano kwa sasa zimeshuka kutokana na sababu kadhaa
    na huduma hizo pia sasa zimekuwa na kasi kubwa pamoja na huduma hizo
    kupanuka maeneo mengi sana nchini .
    4 – Picha zinaongea zinaongea kuliko chochote unachoweza kufikiria
    wewe haswa ukipata mpiga picha mzuri na ziwekwe vizuri kwenye mtandao
    wako

    Unaweza kutembelea Anuani zifuatazo kwa uone jinsi unavyoweza
    kuzitumia kwenye shuguli zako za uchaguzi mwaka huu wa 2010

    www.youtube.com
    www.orkut.com
    www.ning.com
    www.twitter.com
    www.facebook.com
    www.blogger.com
    www.mozes.com
    www.ourmedia.com
    www.mybloglog.com
    www.othersonline.com
    www.presidentialquest.com
    www.NewsAssignment.net
    www.groups.yahoo.com
    www.groups.google.com
    www.Linkedin.com
     
Loading...