Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

matibabu bure

Discussion in 'JF Doctor' started by Isaac, Dec 5, 2010.

  1. Isaac

    Isaac JF-Expert Member

    #1
    Dec 5, 2010
    Joined: Jan 4, 2009
    Messages: 531
    Likes Received: 12
    Trophy Points: 35
    Hospitali Dar es Salaam
    kuchunguza saratani
    bila malipo Imeandikwa na Mwandishi
    Wetu; Tarehe: 4th
    December 2010 @ 22:45
    Imesomwa na watu: 18;
    Jumla ya maoni: 0 HOSPITALI ya Regency
    kwa kushirikiana na
    wataalamu wa saratani
    kutoka India, kesho
    (Jumatatu) wanaendesha
    kambi ya bure ya uchunguzi wa maradhi ya
    saratani. Kambi hiyo ya siku mbili
    itaendeshwa katika
    hospitali ya Regency jijini
    Dar es Salaam na bingwa
    wa maradhi ya saratani
    kutoka India Dk Sridhar P S kutoka HCG group mji
    wa Bangarole, India. Mwenyekiti wa hospitali
    hiyo, Dk. Rajni Kanabar,
    alisema jana kuwa
    uchunguzi huo utafanywa
    kwa kushirikiana na
    wataalamu kutoka taasisi ya Health Care Global
    Group
    ya Bangalore. Dk. Kanabar alisema
    taasisi hiyo ni kubwa
    katika kutibu maradhi ya
    saratani kusini na
    mashariki mwa bara la
    Asia. Alisema wagonjwa
    watakaokutwa na
    matatizo watapewa
    ushauri wa kitaalamu kwa
    saratani za mapafu,
    mifupa, saratani ya tezi na ile ya damu. “Watakaokuwa na matatizo makubwa
    watapelekwa taasisi ya
    saratani ya Ocean Road,
    lakini wenye matatizo
    madogo madogo
    watatibiwa hapa hapa Regency, uchunguzi huu
    utakuwa na manufaa
    makubwa kwa wagonjwa
    wa saratani kwa kupata
    ushauri wa kitaalamu kwa
    mtaalamu bingwa kutoka India,” alisema Dk. Kanabar. “Wale watakaokuwa na matatizo makubwa sana
    ambao hawataweza
    kutibiwa hapa Tanzania
    watapelekwa hospitali ya
    HCG Group ya mji wa
    Bangalore kwa gharama ndogo sana kama
    tulivyokubaliana kati ya
    Regency na wao, ” alisema. Alisema ushirikiano baina
    ya hospitali hizo
    unatarajia kufanikisha
    kujengwa kwa kituo cha
    aina yake cha utafiti wa
    saratani jijini Dar es Salaam. Alisema chini ya
    ushirikiano huo,
    wataalamu wa saratani
    kutoka Marekani, India na
    Afrika Kusini watakuwa
    wakija nchini kwa makubaliano maalum na
    kutibu wagonjwa hapa
    nchini kwa gharama
    nafuu. Alisema utaratibu huo
    utaiwezesha Tanzania
    kuwa na uwezo wa kutibia
    wagonjwa wa nchini hapa
    ambao wana matatizo
    makubwa ya saratani na kusaidia kuokoa fedha
    nyingi za kigeni kwenda
    kutibu wagonjwa nje ya
    nchi.


    Source:Habari Leo
     
  2. G

    Gad ONEYA JF-Expert Member

    #2
    Dec 5, 2010
    Joined: Oct 26, 2010
    Messages: 2,641
    Likes Received: 3
    Trophy Points: 135
    Good!
     
Loading...