Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Matatizo ya wakulima hayatamalizwa na wataalam wa ugani peke yao.

Discussion in 'Habari na Hoja mchanganyiko' started by Tikerra, Nov 28, 2008.

  1. T

    Tikerra JF-Expert Member

    #1
    Nov 28, 2008
    Joined: Sep 3, 2008
    Messages: 1,702
    Likes Received: 3
    Trophy Points: 0
    Nimesikliza matamshi ya viongozi wa serikali wengi kuhusiana na kilimo.Wengi kama sio wote wanaelekea aidha kutoelewa matatizo yanayoikumba sekta ya kilimo au kuyafumbia macho makusudi kwa maslahi yao binafsi au maslahi ya NWO(New World Order).Niseme wazi kwamba kudhani matatizo ya sekta ya kilimo yatamalizwa kwa maafisa ugani kupeleka mbinu bora za kilimo kwa wakulima hata kama wangekuwa na uwezo huo na mbinu hizo zingekuwepo ni kichekesho.Sina haja sana ya kuongelea kwa kirefu matatizo yanayoikumba wizara ya kilimo.Itoshe kuyataja tu kama ifuatavyo na kusema kwamba kama serikali haitachukua hatua za makusudi kabisa za kuyatatua isitegemee kabisa kilimo kuboreka hata kama ingeajiri maafisa ugani milioni kumi!

    *Sera kubadilika mara kwa mara inasababisha kukosa "continuity" katika
    utendaji mzima wa Wizara ya Kilimo.

    *Serikali yenyewe kutothamini kilimo huwafanya watendaji wa sekta
    hiyo kukosa "morale" ya kujituma.

    *Miundombinu hasa barabara za vijijini ambazo ndizo zinazotumika
    kusafirishia mazao kupeleka kwenye masoko bado, ni kitendawili.Kujenga
    masoko tu kama mazao hayawezi kufika huko sio suluhu."This is a very
    cosmetic gesture."

    *Bei za mazao kwa wakulima bado ni ndogo sana ikilinganishwa na kile
    wafanyibiashara wanachopata.Kuna wizi wa kutisha anaofanyiwa
    mkulima,wizi ambao unamfanya mkulima aendelee kuwa maskini.Katika
    hali hii mkulima anashindwa kabisa ku-reinvest back to the land.Serikali
    isimamie vizuri eneo hili ili wakulima wapate stahili yao.

    *Maslahi ya wafanyakazi wa sekta ya kilimo na wafanyakazi wote kwa
    ujumla ni duni mno.Mpaka hapo serikali itakapo kuwa 'serious' na
    kuliangalia swala hili kwa undani zaidi,isitegemee mchango wa wataalam wa
    kilimo kuwa mkubwa.

    *Mazingira ya kufanyia kazi ni mabovu mno na vitendea kazi hakuna
    kabisa.Serikali isitegemee afisa ugani aliyetoka kwenye nyumba ya
    manyasi awe na "output" ya maana,wala isitegemee afisa ugani mwenye
    baiskeli atembelee wakulima kwa moyo hasa ukizingatia ubovu wa
    barabara zetu na umbali unaohusika. Kama serikali inataka maendeleo
    ya kilimo kweli ni lazima iboreshe mazingira ya kufanyia kazi na maslahi
    ya wafanyakazi wake.Vinginevyo kitakachoendelea ni ngonjera tu.

    *Serikali imesahau kabisa kitengo cha utafiti wa kilimo.Tumesahau kabisa
    kwamba utafiti ndio moyo wa taifa lolote.Taifa lisilofanya utafiti wake
    lenyewe limekufa.Katika miaka ya hivi karibuni tumeshuhudia maamuzi
    ya kushangaza kabisa ya serikali yetu.Kwamba sasa serikali
    itegemee wafadhili katika utafiti wa kilimo.Napenda niweke wazi kwamba
    yeyote anayekupa pesa yake ni lazima apate maslahi fulani,na katika hili
    naomba kusiwe na ubishi.Maslahi haya yamekuwa kilio kwetu.Miaka
    nenda miaka rudi mikakati ipo lakini kilimo kinazidi kudidimia.Naiomba
    serikali isitegemee wafanzili katika suala la utafiti wa kilimo."Let us fund
    our own agricultural research." Uwezo tunao!Watu hawa wana ajenda za
    siri.

    *Utendaji wa watendaji wakuu katika sehemu mbali mbali za kazi
    umekuwa mbovu mno.Wengi wamekuwa wafujaji wa mali za uma,
    kwa hiyo kazi zilizokusudiwa hazifanyiki,kwa vile fedha hutumika katika
    malengo ambayo hayakupangwa.Matokeo ni kwamba
    wale wafanyakazi wanaokubaliana nao katika uovu wao ndio
    wanaosogezwa karibu, na wasiokubaliana nao husogezwa mbali na
    kuchukiwa kabisa. Niseme wazi kwamba wale wafanyakazi wanaopenda
    'favours" ndio wabovu na wasiokuwa na uwezo kikazi kabisa.Sasa hali hii
    hukatisha tamaa wafanyakazi wazuri,na hivyo utendaji kwa ujumla
    kuzorota.Kama serikali halitadhibiti utendaji mbovu wa wawatendaji
    wake wakuu katika sehemu mbalimbali za kazi,isitegemee miujiza kabisa.


    *Pembejeo za kilimo na vitendea kazi kama matrekta vimekuwa ni ghali
    mno.Hivi tunategemea mkulima gani wa kawaida aweze kununua mfuko
    mmoja wa mbolea ya DAP.( Sh.100,000,Lushoto), Urea(Sh.50,000,
    Morogoro) au mbegu ya mahindi Sh.1,200?Naishauri serikali katika hili
    itoe ruzuku ya kutosha katika mbolea, mbegu na hata matrekta,ili
    kumuwezesha mkulima kumudu gharama za uzalishaji.

    *Mvua nazo katika siku hizi za karibuni zimekuwa haziaminiki kabisa.
    Serikali haionekani kama iko makini katika suala la uanzishwaji wa miradi
    ya umwagiliaji.Ni vema serikali ikalipa suala hili uzito unaostahili ili
    kuongeza uzalishaji na hivyo kupunguza umaskini wa wanachi wake
    uliokithiri.

    NAWAKILISHA.
     
Loading...