Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Marubani Watwangana Ngumi Mbele ya Abiria

Discussion in 'Habari na Hoja mchanganyiko' started by Pdidy, Oct 11, 2009.

  1. Pdidy

    Pdidy JF-Expert Member

    #1
    Oct 11, 2009
    Joined: Nov 22, 2007
    Messages: 25,536
    Likes Received: 1,600
    Trophy Points: 280
    Shirika la ndege la India, Air India linachunguza tuhuma za marubani wake wawili na mfanyakazi mwanamke wa ndani ya ndege kurushiana makonde mbele ya abiria ambao walibaki wameduwaa hawaamini macho yao.

    Gazeti la The Times la India liliripoti kwamba marubani hao na mwanamke huyo walirushiana ngumi huku wakitukanana mbele ya abiria 100 waliokuwemo kwenye ndege hiyo wakati huo ndege hiyo ikiwa angani zaidi ya futi 30,000 toka ardhini.

    Ndege hiyo ilikuwa ikitokea Sharjah, falme za kiarabu kuelekea Delhi, India.

    Ugomvi huo ulianza baada ya mwanamke huyo kuingia chumba cha marubani na kutoka akiwalaumu marubani hao kwamba wamemnyanyasa kijinsia.

    Marubani hao kwa hasira waliiacha ndege hiyo ijiongoze yenyewe na kumfuata mfanyakazi mwenzao huyo wa kike na kuanza kumchangia kwa kumshushia kipigo mbele ya abiria.

    Ilikuwa ni patashika nguo kuchanika, mwanamke huyo naye alijibu mapigo kwa kurushiana ngumi na marubani hao.

    Mwanamke huyo mwenye umri wa miaka 24 pamoja na rubani msaidizi wote walipata majeraha katika kasheshe hilo.

    Mmoja wa marubani wa ndege hiyo aina ya Airbus A-320 alitishia kuigeuza ndege hiyo na kuipeleka Pakistan badala ya India.

    Polisi wa India wamewafungulia kesi marubani hao wawili kwa kumpiga hadharani mwanamke.

    Taarifa iliyotolewa baadae na shirika hilo la ndege ilisema kwamba imeamua kuwasimamisha kazi marubani hao na wafanyakazi wengine wawili wa ndani ya ndege hiyo.
     
  2. The Boss

    The Boss JF-Expert Member

    #2
    Oct 11, 2009
    Joined: Aug 18, 2009
    Messages: 36,065
    Likes Received: 14,310
    Trophy Points: 280
    Usafiri kafiri..........
     
Loading...