Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Marmo: Katiba inakwamisha kupambana na ufisadi

Discussion in 'Jukwaa la Siasa' started by BAK, Oct 2, 2009.

  1. BAK

    BAK JF-Expert Member

    #1
    Oct 2, 2009
    Joined: Feb 11, 2007
    Messages: 49,916
    Likes Received: 9,474
    Trophy Points: 280
    Salim Said
    Mwananchi
    October 2, 2009


    Mkuu anayeshughulikia Sera na Bunge Philip Marmo, amesema Katiba ya Jamhuri ya Muungano inakwamisha utekelezaji wa mapendekezo ya Kamati teule ya Bunge kuhusu uchunguzi wa mkataba tata katika kampuni ya Richmond.

    Kamati teule ya Bunge iliyoongozwa na Mbunge wa Kyela Dk Harrison Mwakyembe ilifanya uchunguzi kuhusu zabuni ya kufua umeme wa dharura na kugundua kuwepo kwa ukiukwaji wa sheria na taratibu za manunuzi.

    Baada ya kamati hiyo, kubaini kuwepo kwa kasoro hizo, mawaziri watatu wa serikali, akiwemo aliyekuwa Waziri Mkuu, Edward Lowassa, walijiuzulu.

    Kamati hiyo, ilipendekeza mambo mbalimbali ya msingi yatekelezwe ili kukomesha ukiukwaji wa manunuzi.

    Moja ya mambo yaliopendekezwa ni kuwaajibisha baadhi ya watendaji wakuu wa taasisi za Serikali.

    Akizungumza katika mahojiano maalum na Shirika la Utangazaji (TBC1) Mjini Arusha jana Marmo aliweka hadharani kwamba katiba inakwamisha utekelezaji wa mapendekezo ya kamati ya Dk Mwakyembe.

    "Kama serikali tunaona tuna mapungufu katika katiba, ndio maana hata utekelezaji wa mapendekezo ya Kamati teule ya bunge kuhusu uchunguzi wa Richmond yanachelewa.

    "Hii ni kwa sababu mapendekezo yale ni nguvu kutoka bungeni na yameletwa serikalini, ambayo nayo ina taratibu na sheria zake na watendaji wa umma nao wana taratibu zao za kushughulikiwa, tofauti na bunge ambavyo imetaka iwe,"alisema Waziri Marmo.

    Marmo alisema kwamba matatizo hayo, mwanzo wake ni katiba ya mwaka 1961 ambayo alidai ni katiba chotara, iliyokopa sehemu kubwa kutoka Marekani, Ufaransa na Uingereza.

    "Kwa upande wa utendaji wa vyombo vya serikali tumekopa kutoka Uingereza, katika utendaji wa bunge, tumekopa kutoka Ufaransa na Uingereza kidogo, kwa hiyo haya yote yanafanya utendaji wa kila siku wa serikali yetu kuwa mgumu, moja wapo ni hili la utekelezaji wa mapendekezo ya kamati teule ya Bunge kuhusu Richmond," alisema Marmo.

    Alisema, kwa mujibu wa katiba ya Jamhuri, hata kama bunge litapendekeza jambo, lakini mapendekezo hayo, lazima yatekelezwe na serikali, jambo ambalo ni gumu wakati mwingine.

    "Katiba hii imegawa madaraka katika misingi ambayo inakuwa ni vigumu kwa serikali kutekeleza kwa haraka mapendekezo ya bunge hata kama yanahusu mambo mazito ya nchi.

    "Hivyo basi unaweza kusema kwamba nguvu na uwezo mkubwa wa bunge uanakumbana na vikwazo, vizingiti na masharti magumu kutoka serikalini," alisema Marmo.

    Alifafanua kwamba, mgongano wa kimaamuzi kati ya serikali na bunge ni ya kwaida na mara nyingi huwa yanajenga na kutoa changamoto kwa pande zote mbili za serikali na bunge. "Hii ndiyo maana vyombo hivi vimepewa majukumu tofauti, lakini kwa upande wa serikali yetu haya ni mambo mazuri, yanayojenga na kuleta afya ya serikali katika nchi, ili serikali isionekane kwamba muda wote imelala,"alisema.
     
  2. m

    mwanamasala JF-Expert Member

    #2
    Oct 2, 2009
    Joined: Jun 20, 2009
    Messages: 248
    Likes Received: 0
    Trophy Points: 0
    Marmo ni sell out!Mnakumba wale wabunge walitaka serikali 3,Tanganyika ,Zanzibar na Muungano!Tangu wakati huo CCM wamuweka chini,sio mtu wa msimamo tena
     
  3. K

    Kwame Nkrumah JF-Expert Member

    #3
    Oct 2, 2009
    Joined: Dec 2, 2008
    Messages: 884
    Likes Received: 1
    Trophy Points: 35
    Marmo muongo, katiba hairuhusu watu kufanya ufisadi, kikwazo kipo wapi !!
    Anavyoongea ni kana kwamba katiba imesema "nendeni mkafanye ufisadi."
     
  4. Kigogo

    Kigogo JF-Expert Member

    #4
    Oct 3, 2009
    Joined: Dec 14, 2007
    Messages: 19,245
    Likes Received: 32
    Trophy Points: 145
    mwaka huu lazima tupate wendawazimu kwa kauli hizi za hao mawaziri wa JK
     
  5. MpigaFilimbi

    MpigaFilimbi JF-Expert Member

    #5
    Oct 3, 2009
    Joined: Apr 30, 2008
    Messages: 1,171
    Likes Received: 0
    Trophy Points: 133
    Ukweli kuwa katiba yetu inahitaji mabadiliko makubwa kulingana na mahitaji ya sasa hauwezi kupingwa, lakini inawezekana tunayotaka yabadilike kwenye katiba siyo anawayowaza Marmo na jokers wenzake. Wakati wananchi tunapodai katiba mpya, inayoweka tume huru ya uchaguzi, kupunguza madaraka ya viongozi kama raisi na mengineyo, wako busy kusuppress, kwa kuwa wamebanwa kutekeleza maamuzi wanadai katiba ni kikwazo, toka lini waligundua lini? For some reasons, this guy must be insane and sick upstairs.
     
  6. Ngisibara

    Ngisibara JF-Expert Member

    #6
    Oct 3, 2009
    Joined: Jan 2, 2009
    Messages: 2,065
    Likes Received: 382
    Trophy Points: 180

    Umenena 100%...Na ukiona hivyo basi soon ataleta mswaada unaotaka marekebisho /kiraka kingine kinachoendana na ufisadi ndani ya katiba iliyochoka, kwanini asiseme wazi kuwa katiba yetu kwa ujumla irekebishwe? watu tunataka katiba itakayodumu, itakayoongoza bila kujali chama gani nani, kabila gani, dini gani iko madarakani, katiba itakayotatua mgogoro wa Pemba na CCM, katiba itakayotatua mgogoro wa muungano, katiba itakayo tatua kinibu cha mafuta ya Zanzibar etc...
     
  7. Kevo

    Kevo JF-Expert Member

    #7
    Oct 3, 2009
    Joined: Jun 12, 2008
    Messages: 1,333
    Likes Received: 10
    Trophy Points: 0
    Wakitaka hoja za mgombea binafsi wazizue wanabadilisha katiba haraka in one night.Wakitaka kujitengenezea mazingira mazuri ya kushinda kwa wizi wanabadilisha katiba over night.
    kupingana na ufisadi wameshindwa nini kubadilisha hiyo katiba overnight kama ilivyojaa viraka hivi sasa???
    Marmo aache upuuzi tena mara moja.Tumechoka ujinga.
     
  8. Pdidy

    Pdidy JF-Expert Member

    #8
    Oct 3, 2009
    Joined: Nov 22, 2007
    Messages: 25,512
    Likes Received: 1,596
    Trophy Points: 280
    Mchnga wa macho ndugu yangu huo....wajanja wengi wanaona kurudi 2010 ni kuwafwataa wakina mwakyembe baada ya kuona makamba nae kawageuka hao waache wapige porojo zao lakini ni walewale hao
     
  9. Mdau

    Mdau JF-Expert Member

    #9
    Oct 3, 2009
    Joined: Mar 29, 2008
    Messages: 1,624
    Likes Received: 105
    Trophy Points: 160
    nasikia kichefuchefu...........
     
  10. Ngambo Ngali

    Ngambo Ngali JF-Expert Member

    #10
    Oct 3, 2009
    Joined: Apr 17, 2009
    Messages: 3,122
    Likes Received: 55
    Trophy Points: 145
    Atuambie ni ibara gani ya katiba ina matatizo na kwa jinsi gani labda great thinkers can assist him in solving that small problem. Awe particular on that mambo ya kuongea kwa ujumla jumla tu hawasaiidia kwenda kwenye mzizi wa matatizo
     
  11. BAK

    BAK JF-Expert Member

    #11
    Oct 3, 2009
    Joined: Feb 11, 2007
    Messages: 49,916
    Likes Received: 9,474
    Trophy Points: 280
    Mkuu Kevo, ndiyo mafisadi walivyo siku zote huweka mbele maslahi yao badala ya yale ya Watanzania wote.
     
  12. Ngambo Ngali

    Ngambo Ngali JF-Expert Member

    #12
    Oct 3, 2009
    Joined: Apr 17, 2009
    Messages: 3,122
    Likes Received: 55
    Trophy Points: 145
    Kama unavyosema Katiba yetu ni katiba ambayo haiangalii maslahi ya wananchi hata kidigo, toka kutungwa 1977 mpaka leo kuna mabadiliko zaidi ya mara 14, mara zote hizo ni kuangalia maslahi yao tu na si ya wananchi. Wanasahau kabisa kuwa hii ni Katiba ya wananchi na sio ya viongozi.Zaidi ya hivyo kuna sheria nyingi tu ambazo zimetungwa ambazo zinajaribu kukwepa katiba ambayo waliitunga wenyewe. Mfano wa karibu ni wanaweka bill of rights katika katiba na kuzifanya justiciable wakazidiwa na wakatunga sheria ya Basic Rights and Duties Enforcement Act ambayo inapingana na concept yote ya kuwa na bills of rights ambazo inalindwa na mahakama.
     
  13. Mwazange

    Mwazange JF-Expert Member

    #13
    Oct 3, 2009
    Joined: Nov 16, 2007
    Messages: 1,044
    Likes Received: 3
    Trophy Points: 135
    Katika katiba yoote hiyo haina sehemu inayosema kuwa rushwa na uhujumu uchumi ni adui wa haki??? Kipengele hicho pekee kinatosha bila ya longa longa nyingine....
     
  14. Ngambo Ngali

    Ngambo Ngali JF-Expert Member

    #14
    Oct 3, 2009
    Joined: Apr 17, 2009
    Messages: 3,122
    Likes Received: 55
    Trophy Points: 145
    Kama nimemuelewa waziri ni kuwa serikali inshindwa kuyafanyia kazi maoni ya Tume ya Richmond kutokana na katiba, Muda waliopewa umefika sasa wanatafuta scapegoats walahi mbona vichekesho.Wabunge waikomalie serikali kwa kudharau bunge kama hawatatekeleza, kusiwe na visingizio.
     
Loading...