Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Marehemu alipwa mshahara kwa miaka 3,2009 alipandishwa cheo

Discussion in 'Habari na Hoja mchanganyiko' started by Rutunga M, Mar 25, 2010.

  1. Rutunga M

    Rutunga M JF-Expert Member

    #1
    Mar 25, 2010
    Joined: Mar 16, 2009
    Messages: 1,406
    Likes Received: 32
    Trophy Points: 145
    [​IMG]
    Nimesoma kwenye gazeti moja litolewalo mkoani kagera,liitwalo malengo yetu juu ya mtumishi aliyekufa kuendelea kulipwa mshahara na kupandishwa cheo,hivi ufisadi kama huu nani anautazama ?


    Na Anthony Mayunga-Bunda.
    HALMASHAURI ya wilaya ya Bunda imeingia kwenye kashifa kubwa baada ya
    kubainika kumlipa mshahara Mwalimu aliyekufa mwaka 2007 na
    amepandishwa daraja mwaka 2009 huku fedha yake haijulikani
    anayeichukua.

    Kashifa hiyo iliyoibuliwa juzi kwenye kikao cha kawaida cha baraza la
    madiwani na kuwaacha wajumbe wakiwa na mshangao ,inazidi kuonyesha
    wazi kuwa tume iliyopita kuhakiki watumishi hewa haikufanya kazi kama
    ilivyotakiwa .

    Akiongea kwa masikitiko katika kikao hicho diwani wa kata ya Kibara
    Venance Kamonyore alisema kuwa anashangazwa na kitendo cha ofisi ya
    mkurugenzi kuendelea kupokea mshahara wa Marehemu Mwalimu Charles
    Mwijarubi aliyekuwa shule ya msingi Namibu kata ya Kibara aliyekufa
    mwaka 2007.

    “Niliwahi kumuuliza mkurugenzi inakuwaje mtu amekufa mwaka 2007
    mshahara wake unaendelea kuja mpaka sasa ,la kushangaza mwaka 2009
    alipandishwa daraja na mshahara kuongezeka,ndugu zake wanataka kujua
    nani anachukua fedha zao,”alihoji diwani.

    Alisema kuwa ndugu zake walikuwa tayari kwenda wizarani kudai hizo
    fedha na ufisadi wa kutumia jina la marehemu kujipatia fedha hizo
    ambazo familia yake hazijazipata.

    “Toka nimeongea na Ded sijapata majibu ,hivi kweli fedha hizo
    zinarudoshwa hazina na kwa nini jina hilo liendelee kuonekana kama
    yuko kazini ili hali amekufa sasa ni mwaka wanne?”alihoji.
    Hoja hiyo iliyosisimua baraza ilimfanya mkurugenzi mtendaji Cyprian
    Oyier kujitutumua kuijibu,akikiri kuwa aliambiwa na diwani na
    kufuatilia ili jina hilo liondolewe na mshahara usiwe unakuja.

    “Nilimweleza Dt ahakikishe wanawaandikia hazina jina hilo
    liondolewe,yuko hapa atajibu,kama mshahara huo unakwenda wapi,maana
    kama jina halijaondolewa utaendelea kuja,”alisema mkurugenzi.
    Hata hivyo kaimu mweka hazina Stela Msangya hakuweza kujibu tuhuma
    hiyo mpaka mwisho wa kikao hali ambayo inazidisha mashaka juu ya
    tuhuma hiyoiliyoibuliwa ghafla .

    Kaka wa Marehemu aliyejitambulisha kwa jina moja la Mwalimu mstaafu
    Mwijarubi akiongea na gazeti kwa njia ya simu alisema kuwa wao
    wanafuatilia kuona ufisadi huo wa kutumia majina ya marehemu kupata
    fedha.

    “Huo ni mpango wa hao wataalam maana haiwezekani kumpandisha marehemu
    daraja tena akiwa na miaka miwili amekufa ,na wakijua kama haku na
    hujuma hapo ,huu ni mchezo uliozoeleka na si mara ya kwanza lazima
    tujue kiini chake,”alisema.

    Alidai kuwa mpaka risti za mishahara ya mwezi januari ipo na wanayo na
    kuwa mrithi wa mali za marehemu ambaye ni kijana wake James Charles
    Mwijarubi alimfikia diwani mwezi februari baada ya kupata taarifa na
    katika ufuatiliaji walibaini ukweli wa mambo.

    Baadhi ya madiwani walisikitishwa na mchezo huo ambao walidai ni
    kashifa kubwa kwa halmashauri huku wakidai kuwa tume zinazoundwa
    kuchunguza watumishi hewa hazijazaa matunda kwa kuwa majina hewa bado
    yapo sekta za elimu na afya.

    CHANZO:Gazeti Malengo Yetu,toleo la jumanne ya wiki hii
     

    Attached Files:

Loading...