Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Makundi ya urais 2015 yaitafuna UVCCM

Discussion in 'Jukwaa la Siasa' started by regam, Oct 10, 2011.

  1. regam

    regam JF-Expert Member

    #1
    Oct 10, 2011
    Joined: Jan 4, 2011
    Messages: 268
    Likes Received: 1
    Trophy Points: 35
    Mussa Juma, Arusha.

    MAKUNDI ya vigogo wanaowania urais mwaka 2015, ndani ya CCM yamezidi kuugawa Umoja wa Vijana wa chama hicho (UVCCM), baada ya Kaimu Mwenyekiti wake, Beno Malisa na viongozi wengine wa kitaifa kujikuta wakikwama kufungua matawi ya umoja huo mjini hapa jana.

    Malisa aliyekuwa ameambatana na Naibu Katibu Mkuu, Zanzibar, Jamal Ally, mbunge wa vijana CCM, Catherine Magige pamoja na vigogo kadhaa wa umoja huo, jana walikuwa wazindue matawi 16 ya vijana katika Manispaa ya Arusha, lakini uongozi wa UVCCM wilaya ukagoma.

    Viongozi wa UVCCM Wilaya ya Arusha, wakiongozwa na Mwenyekiti wao, Godfrey Mwalusamba walipinga ujio wa ghafla wa vigogo hao na kufanya kazi ya kuzindua matawi huku uongozi wa umoja huo wilaya ukiwa hauna taarifa.

    Mwalusamba pamoja na baadhi ya wajumbe wa Kamati ya Utekelezaji UVCCM Wilaya hiyo, walitoa uamuzi huo katika kikao kilichozua malumbano ambacho kilifanyika juzi, ofisi ya UVCCM Mkoa.

    Jana, Mwalusamba alithibitisha kupinga kazi ya ufunguaji matawi hayo ya UVCCM kwa maelezo kwamba, walikuwa hawana taarifa za kazi hiyo.

    "Wanasema mimi natumiwa na kundi moja la wanaogombea urais, hapana labda wao ndio wanatumiwa, itakuwaje wafike hadi wilayani kwangu na kufanya kazi kwenye kata, bila taarifa hata hizo kata hawana taarifa,"alisema Mwalusamba.Kazi ya uzinduzi wa matawi hayo, ulikuwa umepangwa kufanyika katika Kata za Sokone One,Sombetini, Kaloleni, Sekei na Elerai, lakini haikufanyika licha ya kuwa tayari mabango na baadhi ya vijana walikuwa wamejiandaa.


    Kauli ya UVCCM Mkoa Arusha
    Mjumbe wa Baraza la UVCCM Mkoa wa Arusha, Ally Benanga ambaye ni mmoja wa waliokuwa waandalizi wa kazi ya ufunguaji wa matawi, alituhumu baadhi ya viongozi wa Wilaya ya Arusha kutumiwa kukihujumu chama.

    "Hawa ni wasaliti, tulikuwa tayari tumewaandaa vijana, tumetengeneza mabango sasa wamegomea, tunajua wanatumiwa na kundi moja la urais na Chadema kudhoofisha CCM Arusha,"alisema Benanga.


    Hata hivyo, Katibu wa UVCCM Mkoa wa Arusha, Abdul Mpokwa alipotakiwa kuelezea mtafaruku huo, licha ya kukiri kuahirisha zoezi hilo, lakini alikataa kufafanua zaidi chanzo chake.

    "Ni kweli leo (jana) tulikuwa na kazi hiyo ila tumeahirisha na tutaifanya siku nyingine, "alisema Mpokwa.

    Katibu huyo, hata hivyo, alikataa kuelezea ni hatua zipi watachukuliwa viongozi wa UVCCM Wilaya ya Arusha ambao waligomea zoezi hilo kwa maelezo kuwa walikuwa hawana taarifa.

    "Naomba uwasiliane na Katibu wa Mkoa Mary Chatanda yeye ndiye msemaji wetu katika chama,"alisema Mpokwa.

    Malisa akana kutumiwa na makundi
    Akizungumza na mwandishi wa habari hizi jana jioni, Malisa alikiri kuahirishwa jana kufanyika kazi ya uzinduzi wa matawi hayo kwa kile kilichoelezwa siyo siku nzuri.


    Hata hivyo, alisema taarifa alizopewa na mkoa ni kuwa kazi hiyo itafanyika leo huku akikanusha kutumiwa na makundi. "Sidhani hapa kuna makundi, ufunguzi wa matawi ni kuimarisha chama na madai kuwa wilaya haina taarifa sisi haituhusu kwani uongozi wa Taifa unawasiliana na Mkoa,"alisema Malisa.


    Tangu kumalizika Uchaguzi Mkuu, CCM Mkoa wa Arusha kimekuwa katika vurugu kubwa za makundi ambayo yanadaiwa kusababisha kuangushwa kwa aliyekuwa mgombea wa ubunge Jimbo la Arusha, Dk. Batilda Burian.
    Source: Mwananchi 10/10/2011

     
  2. n

    nyamagaro JF-Expert Member

    #2
    Oct 10, 2011
    Joined: Feb 25, 2010
    Messages: 367
    Likes Received: 10
    Trophy Points: 35
    Hawa wajinga kila kitu kikiwashinda wanasingizia chadema.
     
  3. o

    oldonyo JF-Expert Member

    #3
    Oct 10, 2011
    Joined: Aug 11, 2011
    Messages: 554
    Likes Received: 1
    Trophy Points: 35
    sasa ivi chadema kimegeuka kuwa chama tawala,zamani vya vyama vya upinzani vilipalanganyika kutokana na ccm kuwagawa kwa pesa.sasa ni zamu yao kugawa kwa chadema kutokana na hoja nzito zinazo wafanya kuweweseka.
     
  4. s

    sigienet Member

    #4
    Oct 10, 2011
    Joined: Feb 25, 2011
    Messages: 57
    Likes Received: 0
    Trophy Points: 0
    Huu ni mwanzo tu. Adui mwembee njaa!
     
  5. Najijua

    Najijua JF-Expert Member

    #5
    Oct 10, 2011
    Joined: Nov 5, 2010
    Messages: 1,027
    Likes Received: 2
    Trophy Points: 135
    heeeeeeeeeeeeee heeeeeeeeeeeeeeeeeeee adui muombe njaaa atanyoosha mikono hata kama ni shuja
     
  6. DOUGLAS SALLU

    DOUGLAS SALLU JF-Expert Member

    #6
    Oct 10, 2011
    Joined: Nov 13, 2009
    Messages: 7,244
    Likes Received: 1,229
    Trophy Points: 280
    Yaani raha tupu hawa fisi wanavyoraruana.
     
  7. U

    Uwezo Tunao JF-Expert Member

    #7
    Oct 11, 2011
    Joined: Nov 14, 2010
    Messages: 6,948
    Likes Received: 8
    Trophy Points: 0
    Makundi yenye ndoto na urais CCM 2015 sasa kuanza kuchinjana wenyewe kwa wenyewe
     
  8. M

    Mbopo JF-Expert Member

    #8
    Oct 12, 2011
    Joined: Jan 29, 2008
    Messages: 2,532
    Likes Received: 3
    Trophy Points: 0
    Ni mambo ambayo hayaeleweki hata kidogo na si kazi ngumu kusoma dhamira mbaya ya mpango huu. Mahitaji ya kufungua matawi yalitakiwa kutoka ngazi za chini (wilayani) na wale wa juu wangeitwa tu ili kulipa tukio hili umuhimu au limelight ya kitaifa. Sasa leo mtu anatoka juu kuja kulazimisha kwamba yanahitajika matawi. Amejuaje mahitaji hayo? Katika hili, Halmashauri ya UVCCM ilikutana na kujadili kwamba hakuna umuhimu huo au taratibu hazikufuatwa. Sasa uhalali huo wameupata wapi akina Malisa?

    Malisa anaweza kubishia kila kitu anachohusishwa nacho, lakini kunapokuwa na ushahidi wa dhamira mbaya na kutumiwa kwa malengo ya kundi fulani kwa ajili ya 2015, hahitaji kukiri pia. Kila kitu kiko wazi na kila mtu sasa anajua kwamba huyu bwana ameshuka kutoka kuwa Mkubwa wa UVCCM mpaka kuwa kijana wa kazi na tarishi wa kundi fulani. Njaa bwana!
     
  9. MtamaMchungu

    MtamaMchungu JF-Expert Member

    #9
    Oct 12, 2011
    Joined: Apr 10, 2011
    Messages: 3,361
    Likes Received: 152
    Trophy Points: 160
    Mambo ya KANU haya. Gombaneni mtakuja shangaa wote mmekosa.
     
  10. M

    Mbopo JF-Expert Member

    #10
    Oct 12, 2011
    Joined: Jan 29, 2008
    Messages: 2,532
    Likes Received: 3
    Trophy Points: 0
    Tunasubiri watu walipwe kuzimia pale yatakapokuwa yametimia.
     
  11. Fredrick Sanga

    Fredrick Sanga JF-Expert Member

    #11
    Oct 12, 2011
    Joined: Jan 27, 2011
    Messages: 3,146
    Likes Received: 15
    Trophy Points: 135
    Ruksa, hapa hakuna tatizo. Ruksa
     
  12. M

    Mbopo JF-Expert Member

    #12
    Oct 12, 2011
    Joined: Jan 29, 2008
    Messages: 2,532
    Likes Received: 3
    Trophy Points: 0
    Ukimaanisha nini mkuu?
     
Loading...