Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Makombora ya Dr Slaa yatua kwa Mkapa, Dr Kafumu

Discussion in 'Jukwaa la Siasa' started by EasyFit, Sep 9, 2011.

  1. EasyFit

    EasyFit JF-Expert Member

    #1
    Sep 9, 2011
    Joined: Jul 4, 2011
    Messages: 1,227
    Likes Received: 85
    Trophy Points: 145
    Mwenyekiti wa Chadema, Freeman Mbowe alisema Serikali ya CCM imeshindwa kazi hivyo haifai kuwa madarakani wala kuongezewa wabunge kwa kuwa itazidi kuwadidimiza wananchi.

    Alisema haiwezekani rais wa awamu ya nne apelekwe London kupimwa na kununuliwa suti halafu aweze kuwasimamia wananchi wenye matatizo mengi.

    “Eti Msemaji wa Ikulu anakanusha ukweli..., hii ni aibu kwa taifa,” alidai Mbowe na kuongeza:

    “Nchi inauzwa watu wanapewa suti hii ni mbaya, amekuwa akienda Marekani na akirudi anasema amekwenda huko kuwaona wakubwa watusaide neti..., wametuletea vyandarua hivyo tuvitumie kwa umakini…,” alibeza Mbowe.

    Alisema hii ni aibu kubwa kwa nchi ya Tanzania kuomba mgawo wa neti, wakati rasilimali zilizopo nchini zinaweza kutatua tatizo hilo la malaria.

    Source: Mwananchi
     
  2. Babuu blessed

    Babuu blessed JF-Expert Member

    #2
    Sep 9, 2011
    Joined: Oct 14, 2010
    Messages: 1,240
    Likes Received: 6
    Trophy Points: 135
    Sisiem wenyewe wanasema mbona miaka ming wamekuwa wakiwapa wanancha flana na kofia na kanga.nchi ya kitu kidogo bana kwa mtazamo wangu wanaume wangegoma kupokea flana walazimishe waletewe na kaptula au suruali mbona mkuu yeye kapewa vyote
     
  3. Baba Ziro

    Baba Ziro Senior Member

    #3
    Sep 9, 2011
    Joined: Apr 15, 2011
    Messages: 127
    Likes Received: 8
    Trophy Points: 35
    Kwa hizi tuhuma, kazi ipo sana. Anashindwa kujitokeza na kutetea hizo suti! Au kwa kuwa aliyesema ni bwana mkubwa mmarekani?
     
  4. taffu69

    taffu69 JF-Expert Member

    #4
    Sep 9, 2011
    Joined: Feb 26, 2007
    Messages: 2,090
    Likes Received: 0
    Trophy Points: 135
    Wakati wa ukoloni kuna chifu mmoja alipewa kipande cha nguo akakubali kutoa sehemu ya ardhi kwa wazungu!!! Mambo hayo bado yanaendelea kutokea mpaka sasa!!!
     
  5. magnificent

    magnificent Senior Member

    #5
    Sep 9, 2011
    Joined: Jun 25, 2011
    Messages: 110
    Likes Received: 0
    Trophy Points: 0
    AWATUHUMU KWA UFISADI,MKAPA KUWASHA MOTO LEO
    Boniface Meena, Igunga
    KAMPENI za uchaguzi mdogo jimbo la Igunga, mkoani Tabora zimeanza rasmi huku Chama cha Demokrasia na Maendeleo (Chadema) kikiwarushia makombora wagombea wa CCM, Dk Dalaly Peter Kafumu na Rais Mstaafu wa Awamu ya Tatu, Benjamin Mkapa.Wakati Chadema kilizindua kampeni hizo jana, CCM kinatarajiwa kuzindua kampeni zake huku Mkapa akitarajiwa kuongoza mashambulizi katika uzinduzi huo. Mkapa aliwasili Igunga jana kwa tambo za kuwasambaratisha wapinzani.

    Tuhuma za Mkapa
    Akizungumza katika mkutano wa uzinduzi wa kampeni za Chadema, Katibu Mkuu wa chama hicho, Dk Willibord Slaa alimtuhumu Mkapa kwamba alifanya biashara akiwa Ikulu kutokana na kuanzisha kampuni ya AnBen ambayo alidai kuwa imewaibia Watanzania chini ya mwamvuli wa Ikulu.

    "Akija hapa mdaini pango kwa kuwa alifanya biashara akiwa Ikulu wakati ile ni mali ya wananchi,” alisema Dk Slaa.
    Alifafanua kwamba, Mkapa akiwaeleza kuwa serikali imeleta maendeleo wana Igunga wamuulize kuhusu fedha ambazo zilitoka Ikulu kwa ajili ya biashara zake binafsi.

    Hata hivyo, madai hayo dhidi ya rais mstaafu Mkapa si mapya kwani tayari Dk Slaa alikwishayaibua na kuyatangaza katika maeneo mbalimbali nchini.

    Amgeukia Kafumu
    Kuhusu Dk Kafumu, Dk Slaa alisema mgombea huyo wa CCM alipaswa ajiuzulu kutokana na kashfa za rushwa zilizoikumba wizara ya Nishati na Madini ambako alikuwa akifanya kazi.

    Kabla ya kuteuliwa kugombea ubunge wa Igunga kupitia CCM, Dk Kafumu alikuwa Kamishana wa Madini.

    “Kafumu akiongezwa kule kwenye halmashauri ni sawasawa na kuongeza panya kwa kuwa walioko huko ni mapanya na wanaotafuna fedha za wananchi,” alidai Dk Slaa.

    Dk Slaa aliwataka wananchi waliokuwa wamefurika katika Uwanja wa Sokoine kumchagua mgombea wa Chadema, Joseph Kashindye, ili aweze kulinda rasilimali za wana-Igunga katika halmashauri.

    Alisema Dk Kafumu hawezi kuleta mabadiliko yoyote jimboni Igunga na taifa kwa ujumla, kutokana na mfumo mbovu wa CCM usioweza kusimamia maslahi ya wananchi.

    Dk Slaa alisema nchi inahitaji kutetewa na makamanda ili iweze kufanikiwa kwa kuwa CCM imeshindwa kazi ya kuwasaidia wananchi.

    Aliwaambia polisi wanaoagizwa kuwapiga mabomu wananchi wasifanye hivyo, kwa kuwa kazi ya Chadema ni kuwatetea polisi wadogo ambao wanapewa posho ndogo isiyokidhi mahitaji yao.

    Mbowe na suti za JK
    Mwenyekiti wa Chadema, Freeman Mbowe alisema Serikali ya CCM imeshindwa kazi hivyo haifai kuwa madarakani wala kuongezewa wabunge kwa kuwa itazidi kuwadidimiza wananchi.

    Alisema haiwezekani rais wa awamu ya nne apelekwe London kupimwa na kununuliwa suti halafu aweze kuwasimamia wananchi wenye matatizo mengi.

    “Eti Msemaji wa Ikulu anakanusha ukweli..., hii ni aibu kwa taifa,” alidai Mbowe na kuongeza:

    “Nchi inauzwa watu wanapewa suti hii ni mbaya, amekuwa akienda Marekani na akirudi anasema amekwenda huko kuwaona wakubwa watusaide neti..., wametuletea vyandarua hivyo tuvitumie kwa umakini…,” alibeza Mbowe.

    Alisema hii ni aibu kubwa kwa nchi ya Tanzania kuomba mgawo wa neti, wakati rasilimali zilizopo nchini zinaweza kutatua tatizo hilo la malaria.

    Kashindye ajifananisha na Nyerere
    Mgombea Chadema, Kashindye, aliwaambia wananchi wa Igunga kuwa, wakiona mwalimu anaachia chaki na kwenda kwenye siasa, wajue hali ni mbaya na taifa linahitaji ukombozi.

    “Hata mwalimu Nyerere aliachia chaki alipoona hali ni mbaya, akaamua kuingia kwenye siasa ili kuikomboa Tanzania tunayoishi leo,” alisema.

    Alisema kuwa, CCM wanadhani watumishi wa Serikali ni mali yao kitu ambacho si kweli na kwamba, ameamua kuingia Chadema ili kuwatetea wananchi wa Igunga na taifa kwa ujumla.

    “CCM ni chama kinachokufa, nisingeweza kuondoka na kuingia CCM kuwa mbunge wa kusinzia…,” alisema.

    Alisema mfumo mbaya wa utawala wa CCM umesababisha fedha nyingi za ujenzi wa barabara wilayani humo kuliwa. Aliongeza kuwa hali hiyo imesababisha wananchi kuendelea kupata mateso.

    “Nawaombeni mnitume niende huko bungeni nikawe spika ya Igunga ili nikaseme yote na tupate mafanikio,” alisema.

    Mnyika, Heche wanguruma
    Naye Mbunge wa Ubungo, John Mnyika, aliwataka wananchi wa jimbo hilo kutokumchagua Dk Kafumu kwa kuwa ameliingiza taifa katika hasara kubwa kutokana na mikataba mibovu ya madini aliyoingia akiwa Kamishna wa Madini.

    Mnyika alidai kuwa, haiwezekani mtu kama Dk Kafumu ambaye amekuwa dalali wa madini ya nchi awe mbunge wa Igunga, kwani atauza mali na almasi ya wana-Igunga.

    “Sheria mbovu za madini Kafumu ndiye aliyeziruhusu na ufisadi mkubwa umefanyika katika sekta ya madini chini ya usimamizi wake, alifanya udalali wa kuliibia taifa na amelitia hasara ya Sh2,000 bilioni kwa kuingia katika mikataba mibovu ya madini,” alidai Mnyika na kuongeza:

    “Mkapa akija mwambieni hatudanganyiki kwa kuwa wakati wa Serikali yake, ufisadi mkubwa ulifanyika akiwa pamoja na Dk Kafumu.”.
    alisema Mnyika.

    Naye Mwenyekiti wa Baraza la Vijana la Chadema (Bavicha), John Heche, alimshambulia Dk Kafumu kuhusiana na mikataba mibovu ya madini ambayo imeliingiza taifa katika migogoro mikubwa na umasikini.

    Alisema kuwa, Dk Kafumu hafai kuchaguliwa kwa kuwa yeye na chama chake wamekuwa wakifanya ufisadi ambao umewaweka wananchi katika maisha magumu wakati wao wakifurahia maisha mazuri ya kuwanyonya watanzania.

    Heche aliwataka polisi kutojiingiza kwenye shughuli za kisiasa kwa kuwa watasababisha vurugu. Naye Mbunge wa Viti Maalumu wa Chadema, Susan Kiwanga, alisema ni lazima Igunga wahakikishe chama hicho kinashinda kwa kumchagua Kashindye ili aweze kuwatetea bungeni.

    Mkapa atua, aanza tambo
    Wakati akirushiwa makombora hayo, Mkapa jana alitua Igunga na kueleza kwamba, amefika kupigana na kumnadi mgombea wa CCM.

    Rais huyo wa Awamu ya Tatu, alisema amejisikia faraja kusafiri katika barabara ya lami kutoka Dar es Salaam mpaka Mwanza ambayo ni matunda ya CCM.Akiwahutubia wananchi katika Kitongoji cha Makomero alisema ni muhimu wana Igunga wakavipuuza vyama vingine kwa kuwa CCM ikitoa ahadi inatimiza.

    "Nimewasili Igunga, wana-Igunga kazi ni moja, ni ushindi tu,” alisema Mkapa wakati akiwasalimia wananchi waliofika kumpokea katika kijiji cha Makomero, kilichoko kilometa nane kutoka mjini Igunga.

    "Nashukuru sana kuona kwamba, mara hii nimefika hapa Igunga kwa kupita barabara ya lami, mara ya mwisho nilipita ikiwa vumbi tu. Jamani, haya si maendeleo? alisema Mkapa huku akishangiliwa na wananchi.

    Mkapa aliwataka wananchi wa Igunga kujitokeza kwa wingi Oktoba 2, mwaka huu kupiga kura na kuhakikisha wanampigia mgombea wa CCM Dk Dalaly Kafumu na kwamba kwa kufanya hivyo watakuwa wamechagua maendeleo."La msingi ni hilo mengine nitawaambia tutakapokutana katika mikutano ya kampeni," alisema Mkapa.

    Mkapa alipokelewa na viongozi mbalimbali wa CCM, waliongozwa na Mratibu wa Kampeni za CCM jimboni humo, ambaye ni Katibu wa NEC, Uchumi na Fedha, Mwigulu Nchemba, Katibu wa Oganaizesheni wa NEC, Asha Abdallah Juma na Mwenyekiti wa CCM mkoa wa Tabora, Hassani Wakasuvi.

    Baada ya kusalimia wananchi msafara wa Mkapa ulielekea Igunga mjini ukiwa na magari kadhaa, yaliyozungukwa na vijana waendesha pikipiki na baiskeli.Uchaguzi mdogo wa Igunga unatarajiwa kufanyika Oktoba 2, mwaka huu kujaza nafasi iliyoachwa wazi na Rostam Aziz aliyeliongoza jimbo hilo kwa miaka 18.

    Hata hivyo, jana hakuna kiongozi wa Chadema aliyemgusa tofauti na miaka ya nyuma walipomtuhumu kwa ufisadi.
     
  6. BASHADA

    BASHADA JF-Expert Member

    #6
    Sep 9, 2011
    Joined: Jul 13, 2011
    Messages: 477
    Likes Received: 4
    Trophy Points: 35
    CCM ikishinda Igunga, sio kosa lao wala tusiwalaumu, bali wana Igunga ndo walaumiwe. Yaani ufisadi nje nje, na bado watu wanajipendekeza na kuuza kura zao kwa kupewa kofia na skafu!!! Umaskini bwana, wee acha tuu.
     
  7. Dio

    Dio JF-Expert Member

    #7
    Sep 9, 2011
    Joined: Feb 8, 2011
    Messages: 1,277
    Likes Received: 3
    Trophy Points: 135
    <br />
    <br />
    huyo ch&#305;fu al&#305;kuwa haju&#305; kusoma,wakamfany&#305;a kama kumlagha&#305;,
     
  8. RedDevil

    RedDevil JF-Expert Member

    #8
    Sep 9, 2011
    Joined: Apr 30, 2009
    Messages: 1,893
    Likes Received: 299
    Trophy Points: 180
    Mkapa atalazimisha ushindi kama Zanzibar mwaka jana.
     
  9. n

    nchasi JF-Expert Member

    #9
    Sep 9, 2011
    Joined: Nov 20, 2010
    Messages: 495
    Likes Received: 25
    Trophy Points: 45
    Ukinunua swala, unapewa nyongeza ya Tembo na nyati. Sioni ajabu hata mkuu wa kaya kuhadaika na mitumba kutoka nje na kuruhusu uporaji wa rasilimali.
    BORAYEESHEEEE!!!!
     
  10. Victoire

    Victoire JF-Expert Member

    #10
    Sep 9, 2011
    Joined: Jul 4, 2008
    Messages: 8,586
    Likes Received: 2,523
    Trophy Points: 280
    Nilijua tu barabara ndo itakuwa kisingizio.Hapo akiletwa magufuli akakandamiza kwa kisukuma ndo basi.
     
  11. Donyongijape

    Donyongijape JF-Expert Member

    #11
    Sep 9, 2011
    Joined: May 28, 2010
    Messages: 1,397
    Likes Received: 36
    Trophy Points: 145
    no way, ccm are out
     
  12. p

    politiki JF-Expert Member

    #12
    Sep 9, 2011
    Joined: Sep 2, 2010
    Messages: 2,313
    Likes Received: 32
    Trophy Points: 145
    Balozi wa USA alichokisema ni ukweli kwa sababu siku na majira aliyoyataja balozi, JK alikuwepo London na JK kama angetaka kuwa mkweli
    basi njia aliyotumia kukanusha ilikuwa siyo njia ya mtu anayetaka kuweka ukweli wazi kwani Press Release ya ikulu ikiwa haina kumbukumbu au record yoyote ndani yake haitoshi kama kweli JK angetaka ku mkweli angeuomba ubalozi wa Uingereza DSM utoe kumbukumbu za trip yake nzima za siku ile kwani wanazo zote watu wao wa usalama kule London na ndio hizo walizoshea na wamarekani na Kikwete analijua hilo lakini anajua kuwa Watanzania ni wajinga hatuwezi kulijua hilo.
     
  13. Mwanajamii

    Mwanajamii JF-Expert Member

    #13
    Sep 9, 2011
    Joined: Mar 5, 2008
    Messages: 7,082
    Likes Received: 6
    Trophy Points: 0
    Watanzania tumeshindwa kujitambua na kuchanganua mambo kimataifa na badala yake kudidimiza nchi kwa siasa zenye msukumo kutoka nchi za magharibi tujiandae kupata episode nyingine ya kupakana matope baada ya Rais Kikwete badala ya kujenga nchi. Tumeshindwa kutambua kuwa Madadiliko ya kiuchumi duniani, mabadiliko ya Tabia nchi na msukumo wa siasa za uvurugaji toka mataifa makubwa ni chanzo cha hali mbaya ya kiuchumi na hata vurugu katika nchi za dunia ya tatu.
     
  14. Shine

    Shine JF-Expert Member

    #14
    Sep 9, 2011
    Joined: Feb 5, 2011
    Messages: 11,516
    Likes Received: 8
    Trophy Points: 0
    Mkuu kuwa muwazi kidogo; sio kulazimisha ni kuiba kura
     
  15. p

    politiki JF-Expert Member

    #15
    Sep 9, 2011
    Joined: Sep 2, 2010
    Messages: 2,313
    Likes Received: 32
    Trophy Points: 145
    Barabara imejengwa kwa kodi za wananchi wote wa chadema, ccm, Cuf na wasio na vyama kwahiyo wananchi ndio wanastahili pongezi na siyo
    mwanasiasa au CCM. hii ni sawa na msimamizi wa ujenzi kujisifu kwa ujenzi wa nyumba badala ya mwenye nyumba ambaye pesa zake ndizo zilizotumika kujenga nyumba.
     
  16. Gajungi

    Gajungi Senior Member

    #16
    Sep 9, 2011
    Joined: Sep 4, 2011
    Messages: 189
    Likes Received: 2
    Trophy Points: 35
    WanaIgunga hebu wekeni historia mchagueni mwalimu mwingine huyo! Mungu Ibariki Tz Mungu Mbariki Mwl. Wangu Kashindye.
     
  17. Shine

    Shine JF-Expert Member

    #17
    Sep 9, 2011
    Joined: Feb 5, 2011
    Messages: 11,516
    Likes Received: 8
    Trophy Points: 0
    Kwahiyo ccm wamewaangalia woote wakaona mkapa ndo msafi kuliko wote akawafungulie kampeni na kama ndo hivyo basi nazidi kuamini ccm hawana mtu msafi hata kidogo ukiangalia wazee wa ccm ambao nilikua nikiamini ndo wachafu kuliko kawaida akina msekwa
     
  18. Apolinary

    Apolinary JF-Expert Member

    #18
    Sep 9, 2011
    Joined: Aug 30, 2011
    Messages: 4,681
    Likes Received: 31
    Trophy Points: 145
    ccm kwishney ushindi unakuja kwa chadema chama makini, viongozi makini,kwa watu makini. Nguvu ya umma.
     
  19. Rejao

    Rejao JF-Expert Member

    #19
    Sep 9, 2011
    Joined: May 4, 2010
    Messages: 9,223
    Likes Received: 146
    Trophy Points: 160
    Mkapa atua,
    Hii habari nimeisoma vizuri lakini kipengele hiki ndicho kipengele pekee kilichonikuna!


    Wakati akirushiwa makombora hayo, Mkapa jana alitua Igunga na kueleza kwamba, amefika kupigana na kumnadi mgombea wa CCM.

    Rais huyo wa Awamu ya Tatu, alisema amejisikia faraja kusafiri katika barabara ya lami kutoka Dar es Salaam mpaka Mwanza ambayo ni matunda ya CCM.Akiwahutubia wananchi katika Kitongoji cha Makomero alisema ni muhimu wana Igunga wakavipuuza vyama vingine kwa kuwa CCM ikitoa ahadi inatimiza.

    "Nimewasili Igunga, wana-Igunga kazi ni moja, ni ushindi tu," alisema Mkapa wakati akiwasalimia wananchi waliofika kumpokea katika kijiji cha Makomero, kilichoko kilometa nane kutoka mjini Igunga.

    "Nashukuru sana kuona kwamba, mara hii nimefika hapa Igunga kwa kupita barabara ya lami, mara ya mwisho nilipita ikiwa vumbi tu. Jamani, haya si maendeleo? alisema Mkapa huku akishangiliwa na wananchi.

    Mkapa aliwataka wananchi wa Igunga kujitokeza kwa wingi Oktoba 2, mwaka huu kupiga kura na kuhakikisha wanampigia mgombea wa CCM Dk Dalaly Kafumu na kwamba kwa kufanya hivyo watakuwa wamechagua maendeleo."La msingi ni hilo mengine nitawaambia tutakapokutana katika mikutano ya kampeni," alisema Mkapa.

    Mkapa alipokelewa na viongozi mbalimbali wa CCM, waliongozwa na Mratibu wa Kampeni za CCM jimboni humo, ambaye ni Katibu wa NEC, Uchumi na Fedha, Mwigulu Nchemba, Katibu wa Oganaizesheni wa NEC, Asha Abdallah Juma na Mwenyekiti wa CCM mkoa wa Tabora, Hassani Wakasuvi.

    Baada ya kusalimia wananchi msafara wa Mkapa ulielekea Igunga mjini ukiwa na magari kadhaa, yaliyozungukwa na vijana waendesha pikipiki na baiskeli.Uchaguzi mdogo wa Igunga unatarajiwa kufanyika Oktoba 2, mwaka huu kujaza nafasi iliyoachwa wazi na Rostam Aziz aliyeliongoza jimbo hilo kwa miaka 18.
     
  20. Mwanamayu

    Mwanamayu JF-Expert Member

    #20
    Sep 9, 2011
    Joined: May 7, 2010
    Messages: 5,766
    Likes Received: 465
    Trophy Points: 180
    Mimi ningekuwa Igunga ningemwuliza Mkapa hiyo siasa anaypiga ni ya CCM au yake binafsi? Kama ni ya CCM, je sio uchwara kwani Rostam alisema siasa za CCM ni uchwara? Kama ni yake binafsi, amefuata nini? Halafu je, siasa za vyama vingine ni siasa makini kwani Rostam alisema siasa za CCM na sio za Tanzania!?

    Chadema tafuteni video ya Rostam akitoa tamko la kujiuzulu ili kuongeza vionjo kwenye kampeni zenu - yaani muwe na projector na big screen kwa ajili ya kushindilia ukweli na kumtupia Mkapa nje ya ulingo. kama mtashindwa basi tengenezeni copies nying za DVD na VHS na kugawa bure ili watu wakumbushwe wakiwa kwenye bar, hotelini na majumbani kwao. Kwani watu wakiziona hizo na Rostam live akisema saisa za CCM ni uchwara basi zi-tareflesh memories zao kwa hali ya juu sana?

    Mchango wangu kwa ushindi wa Chadema pale Igunga ndio huu jamani!!!
     
Loading...