Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Makamba aanza rasmi kuwapigia debe watoto wake ubunge

Discussion in 'Jukwaa la Siasa' started by Mwenda_Pole, Oct 18, 2009.

  1. Mwenda_Pole

    Mwenda_Pole JF-Expert Member

    #1
    Oct 18, 2009
    Joined: Jul 5, 2008
    Messages: 256
    Likes Received: 3
    Trophy Points: 35
    HARAKATI za kuwania ubunge kwenye majimbo mbalimbali mkoani Tanga zimeshika kasi, huku kukizuka malalamiko katika baadhi ya maeneo kuwa baadhi ya vigogo wa CCM wameanza mchezo mchafu; akiwemo Katibu Mkuu, Yusuf Makamba ambaye anadaiwa kumwandalia njia kijana wake.

    Makamba anadaiwa kuwa ameingia katika baadhi ya majimbo na kuendesha kampeni za kuwang'oa wabunge waliopo na kuwawekea mazingira ya ushindi watoto wake.

    Hata hivyo Makamba alikanusha kufanya kampeni hizo chafu kwa sababu yeye ni kiongozi wa juu wa chama na kwamba, wanaosema hivyo wamkome kabisa kumsingizia.

    Inadaiwa kuwa mtendaji mkuu huyo wa CCM ameandaa kundi maalumu linaloendesha kampeni kwa mgongo wa Jumuiya ya Vijana (UVCCM) likiwa na kauli mbiu ya kutaka majimbo yote ya Tanga yanyakuliwe na wabunge vijana.

    Malalamiko dhidi ya Makamba yameenea katika majimbo ya Bumbuli na Korogwe Vijijini ambako anadaiwa ameanza mikakati ya kumuandaa mtoto wake Januari Makamba, ili awanie ubunge katika moja ya majimbo hayo.

    Uchunguzi uliofanywa na Mwananchi Jumapili umebaini kwamba, mwezi uliopita Makamba aliandaa ziara ya kutembelea kata za Jimbo la Bumbuli, lakini akakumbana na vikwazo na kulazimika kubadilisha msimamo na kuondoka.

    Viongozi wa CCM waliopo wilayani Lushoto walidai kuwa akiwa katika jimbo hilo alikuwa akifanya mikutano ya ndani ya wanachama wa CCM akiwashawishi wasimchague Mbunge wa sasa,William Shellukindo katika uchaguzi ujao badala yake atamleta kijana wake Januari kuchukua nafasi hiyo.

    Inadaiwa kuwa katika mikutano hiyo ya ndani Makamba alieleza wazi kuwa asingependa Shellukindo apewe tena nafasi ya ubunge kwa kuwa yupo mstari wa mbele katika kuendesha mapambano dhidi ya mafisadi.

    Diwani wa Kata ya Baga CCM, Charles Ndege alisema mchezo unaofanywa na Makamba katika Jimbo la Bumbuli sio wa kuunyamazia kwa sababu unaleta mvurugano miongoni mwa wanachama wa CCM.

    Alisema wananchi wanashangaa kuona kiongozi kama Makamba, anaamua kucheza mchezo mchafu wa kupiga vita wanaopambana na ufisadi.

    "Hata nikipelekwa popote sitanyamaza, Makamba amefanya vikao vya siri katika kijiji cha Mahezangulu, Kwebaga na vijiji vingine, akimponda Shellukindo," alisema Ndege na kudai kuwa kundi la UVCCM linalopita vijijini linaongozwa na baadhi ya viongozi wake wa Wilaya ya Lushoto.

    Diwani huyo alisema miongoni mwa mambo yanayofanywa na timu hiyo ya vijana, ni kuonyesha picha ya Januari ambayo alipiga pamoja na Rais Jakaya Kikwete, wakidai kuwa rais ameagiza achaguliwe kuwa mbunge wa jimbo hilo.

    Mbali na Januari anadaiwa pia kumuandaa binti yake, ili awanie nafasi ya ubunge wa viti maalumu kupitia Jumuiya ya Wanawake (UWT), Mkoa wa Tanga.

    Alipohojiwa na Mwananchi Jumapili kuhusiana na taarifa hizo, Mbunge wa Jimbo la Bumbuli, William Shellukindo alisema hata yeye amesikia, lakini hana hofu kwa wagombea kwenda kuwania nafasi hiyo huku akisisitiza kuwa wafuate taratibu badala ya kutumia mchezo mchafu.

    "Hilo mimi nimelisikia wananchi wakilalamika, lakini ninachosema ni kwamba, kama wanajiamini hakuna haja ya kutumia mchezo mchafu wa kuanza kampeni kabla ya wakati, badala yake wasubiri muda ufike halafu wapige kura wataamua," alisema Shellukindo.

    Katika Jimbo la Korogwe Vijijini linaloshikiliwa na Lous Mhina, wanaCCM wamedai kuwa, Makamba amekuwa akipima upepo kuona iwapo mtoto wake Januari anaweza kulichukua.

    "Makamba anafanya vikao vya siri na kuwapanga wapiga debe maalumu kwa ajili ya mtoto wake huyo, lakini mbona anaanza kampeni mapema?

    Inakuwaje yeye ni kiongozi halafu anakuwa wa kwanza kuvunja utaratibu tuliojiwekea ndani ya chama," alisema kada mmoja wa CCM anayeishi Kata ya Mashewa wilayani Korogwe.

    Mwananchi Jumapili ilipozungumza na Mbunge wa jimbo hilo alisema siyo rahisi jimbo lake kutwaliwa na mtu mwingine kama baadhi ya watu wanavyodhani.

    "Mimi si mtu wa kujisifu, lakini kuna mambo mengi ya maendeleo nimeyafanya na wananchi wanatambua hilo. Makamba namheshimu kama Katibu Mkuu wangu wa CCM na pia mzee wangu; hivyo sitegemei kama atakuwa mstari wa mbele katika kuongoza mchezo mchafu. Lakini hayo nimeyasikia,"alisema Mhina.

    Alipoulizwa na gazeti hili kwa njia ya simu kuhusiana na tuhuma hizo, Makamba, alikanusha vikali na kusisitiza kuwaƂ yeye ni kiongozi wa ngazi za juu wa CCM, hivyo hawezi kushiriki katika kampeni za mchezo mchafu.

    "Mimi na Shellukindo ni kitu kimoja, huyu ni kada wetu muhimu sana bungeni na ni kiongozi anayeheshimika si kwa Tanzania pekee hata nje ya nchi, amesaidia mambo mengi katika taifa hili. Hao wanaosema hivyo wanikome," alisema Makamba.

    Kuhusu Jimbo la Korogwe Vijijini, Makamba alisema yeye ni mzaliwa wa huko na kutaja eneo la Mahezangulu kuwa ndipo nyumbani kwake na kwamba, huwa anakwenda huko wakati wowote hivyo si kufanya kampeni.

    "Mimi nilishasema sigombei ubunge, hili nilitangaza rasmi tena pale Korogwe, sasa suala la Januari kama anagombea, hilo mimi siwezi kumuingilia kwani naye ni mwanaCCM na ana matakwa yake," alisema Makamba.

    Chanzo: Mwananchi 17.10.2009
     
  2. Ulimbo

    Ulimbo JF-Expert Member

    #2
    Oct 18, 2009
    Joined: Aug 14, 2009
    Messages: 640
    Likes Received: 0
    Trophy Points: 33
    Ni tabia ya waafrika kurithishana madaraka.
     
  3. kui

    kui JF-Expert Member

    #3
    Oct 19, 2009
    Joined: Mar 2, 2009
    Messages: 5,663
    Likes Received: 3,223
    Trophy Points: 280
    Not fair
     
  4. Gudboy

    Gudboy JF-Expert Member

    #4
    Oct 19, 2009
    Joined: Aug 14, 2009
    Messages: 799
    Likes Received: 1
    Trophy Points: 33
    haya mambo tutayaona sana, je na sisi baba zetu wasio na title nchini mtetezi wetu ni nani au ndo tutaendelea kutawaliwa na hawa wanaorithishwa? kazi kweli kweli
     
  5. J

    JokaKuu Platinum Member

    #5
    Oct 19, 2009
    Joined: Jul 31, 2006
    Messages: 10,775
    Likes Received: 973
    Trophy Points: 280
    ..damu nzito kuliko maji.
     
  6. H

    HM Hafif JF-Expert Member

    #6
    Oct 19, 2009
    Joined: Aug 16, 2009
    Messages: 1,359
    Likes Received: 1
    Trophy Points: 0
    Mzee Makamba hana jipya wala sera. Sijui kizazi chake kitakuwaje?

    Anaepitishwa na mwizi nae lazima atakuwa mwizi.......
     
  7. FirstLady1

    FirstLady1 JF-Expert Member

    #7
    Oct 19, 2009
    Joined: Jul 29, 2009
    Messages: 16,200
    Likes Received: 104
    Trophy Points: 160
    dah kweli akina sie tutaendelea kubaki hivi hivi
     
  8. Barubaru

    Barubaru JF-Expert Member

    #8
    Oct 19, 2009
    Joined: Apr 6, 2009
    Messages: 7,163
    Likes Received: 10
    Trophy Points: 0
    Hata Makamba nae.......Mmh
     
  9. Juma Contena

    Juma Contena JF-Expert Member

    #9
    Oct 19, 2009
    Joined: May 21, 2009
    Messages: 1,195
    Likes Received: 8
    Trophy Points: 135
    let him do what he wants to do, akipenda hata aseme awe mgombea binafsi na amuwekee hela kumpigia campaign huyo jamaa, kumpigia kura ndio utakuwa upunguani wenyewe. Si yeye tu bali robo tatu ya wabunge wanaolipwa milioni saba kwa mwezi na amna lolote wanaolifanya.

    Its time to get rid of useless politicians OK Lowassa anatusumbua lakini kuna mijitu mingine tunaweza kuitoa kwa kutoichagua tena if only upinzani ungejifunza kuwa chama kimoja.
     
  10. Lambardi

    Lambardi JF-Expert Member

    #10
    Oct 19, 2009
    Joined: Feb 7, 2008
    Messages: 7,540
    Likes Received: 2,056
    Trophy Points: 280
    Wanataka waendeleze libeneke la kulindana..................tu
     
  11. Nduka

    Nduka JF-Expert Member

    #11
    Oct 19, 2009
    Joined: Dec 3, 2008
    Messages: 8,327
    Likes Received: 515
    Trophy Points: 280
    Kumbe walitakaje? ampigie debe mtoto wa Burn ambaye hamjui? nadhani hoja ingekuwa iwapo January Makamba anauwezo kuwa mbunge.
     
  12. Juma Contena

    Juma Contena JF-Expert Member

    #12
    Oct 19, 2009
    Joined: May 21, 2009
    Messages: 1,195
    Likes Received: 8
    Trophy Points: 135
    If he is that intelligent as the hype sorrounding him. he needs to prove his ability instead of letting daddy do the talking. We need intelligence at this moment in time, but prove your self. This is why i take my hat off to Zitto he is not scared of criticism and never shy away to defend himself.
     
  13. Nduka

    Nduka JF-Expert Member

    #13
    Oct 19, 2009
    Joined: Dec 3, 2008
    Messages: 8,327
    Likes Received: 515
    Trophy Points: 280
    you need to go and tell that to mzee kabwe in Mets Kigoma cause he is doing exactly the same thing mzee makamba is doing for January. my problem is i cant find anywhere where its written parents shoulnt support their children in whatever they are doing.
     
  14. Juma Contena

    Juma Contena JF-Expert Member

    #14
    Oct 19, 2009
    Joined: May 21, 2009
    Messages: 1,195
    Likes Received: 8
    Trophy Points: 135
    To what extent is a parent supposed to call the shots for his son. He/they need to prove their worthiness to us. Or else this is just a fisadi method of inheriting positions in our democracy. Therefore if voters have any intelligence we do not need this sort of cultural.

    It has stop before it takes off. Look at Zitto for instance he is not perfect, but not a coward like this fools who cower behind dads' backs.
     
  15. N

    Nyauba JF-Expert Member

    #15
    Oct 19, 2009
    Joined: Jul 10, 2008
    Messages: 1,099
    Likes Received: 2
    Trophy Points: 133
    tunayo nafasi badoo ni kujiamini na kuaminii mabadilikoo yanawezekanaa..

    Obama ameonyeshaa njiaa..
     
  16. Nduka

    Nduka JF-Expert Member

    #16
    Oct 19, 2009
    Joined: Dec 3, 2008
    Messages: 8,327
    Likes Received: 515
    Trophy Points: 280
    For your information, January doesnt need his dad's back on this, he can easily grab the constituency with his own influence. I think mzee Makamba is just being a parent, something that everyone would have done. Do you have anything against tyhis family?
     
  17. Juma Contena

    Juma Contena JF-Expert Member

    #17
    Oct 19, 2009
    Joined: May 21, 2009
    Messages: 1,195
    Likes Received: 8
    Trophy Points: 135
    No Sir. i have nothing against nobody. Matter of fact i like the young to take over, according to the post the dad is doing all the work. It appears to be the case, January doesnt say anything.

    If you ask me he is a tricky customer, what are his views on anything, he is going to run with a CCM ticket if anything we know what they represent. My argument are we breeding a future Fisadi or a politicians.

    the difference between the two is, one is just happy to receive and enjoy life (ridhwani) and the other receives but questions (Zitto), so where is January going to stand.
     
  18. Nduka

    Nduka JF-Expert Member

    #18
    Oct 19, 2009
    Joined: Dec 3, 2008
    Messages: 8,327
    Likes Received: 515
    Trophy Points: 280
    unfortunately i dont know him (January) personally to answer your question but in any case for his dad to stand on his side i dont see anything wrong. Good that you dont have anything against their family but i smell prejudice on ''watoto wa vigogo''
     
  19. Kaizer

    Kaizer JF-Expert Member

    #19
    Oct 19, 2009
    Joined: Sep 16, 2008
    Messages: 23,950
    Likes Received: 524
    Trophy Points: 280

    FL ulitaka kugombea? kwa move hii mbona tuliitegemea? kwa mtu kama yeye..sio kitu cha ajabu kabisa na anaona kawaida kabisa!
     
  20. m

    mchajikobe JF-Expert Member

    #20
    Oct 19, 2009
    Joined: Aug 14, 2009
    Messages: 1,971
    Likes Received: 296
    Trophy Points: 180
    It will be fair like it or not!!!
     
Loading...