Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Majina yetu jamani

Discussion in 'Habari na Hoja mchanganyiko' started by Raia Fulani, Jun 14, 2009.

  1. Raia Fulani

    Raia Fulani JF-Expert Member

    #1
    Jun 14, 2009
    Joined: Mar 12, 2009
    Messages: 10,227
    Likes Received: 67
    Trophy Points: 145
    Kuna mambo ambayo ukitayatazama kijuujuu utaona kuwa ni madogo sana hasa katika kipindi hiki cha utandawazi. Hayo madogo kwa wingi wake ndio yanayofanya vitu vikubwa. Napenda kuzungumzia majina watu wanayopewa kutokana na jamii wanazotoka.

    Ukitazama au kusikiliza majina mengi ya raia wa kikongo, mengi ni ya asili. Sina sababu ya kuyataja kwani kila mtu anayajua. Sijajua kama bado wanawapa wanao majina ya asili. Ni kitu cha kujivunia. Hii ilikuwa ni kampeni ya kitaifa huko Congo. Hapa ninachoshangaa ni kwamba, Mobutu aliwezaje kuyakataa majina ya kizungu na akakubali kuwa kibaraka.

    Ukiangalia kwa undani zaidi na kuvuka mipaka ya Congo na Afrika, utafika Marekani. Wengi wa wamarekani weusi wana majina ya kizungu. Ukisikia jina tu bila ya kumwona mhusika hutajua asili yake. Niliposoma kitabu cha Booker T Washington- Up from slavery (uk. 24), niligundua kuwa wamarekani wengi walijipa majina wenyewe ama kupewa na ‘mabwana’ wao. Booker alijulikana kwa jina hilo tu ila alipoanza shule alikuta wenzake wana majina zaii ya moja, hivyo mwalimu alipomuuliza anaitwa nani alijropokea tu-Booker Washington. Na ndio yakawa majina yake. Halafu alikuja gundua kuwa mama yake alimpa jina la Taliaferro alipokuwa mdogo, akaliongeza na kujiita Booker Taliaferro Washington (Booker T Washington)

    Ikanikumbusha pia Kuntakinte. Kwamba, wazungu hawakuyapenda majina ya kibantu. Ni pale Kuntakinte alipokuwa akipigwa mijeledi ili akubali jina la kizungu (silikumbuki). Mwisho wa siku alilikubali baada ya kichapo kikali! Kuna wasaa ulinifanya nifadhaike sana. Nashukuru nilikuwa peke yangu wakati natazama hiyo filamu. Pale yule mzee alipomwambia pale chini alipolala kwa maumivu, naye akitokwa machozi, “No matter what they call you. You will remain Kuntakinte”. Nilifadhaika.

    Sasa najiuliza, hii kasumba ya majina ya kizungu ni ya nini? Mbona wao hawajiiti majina yetu ya kibantu? Watanzania wengi hubadilisha majina yao angalau yafanane na ya kizungu. Japo si katika maandishi, basi matamshi. Heko kwa wale walio na majina ya asili, au hata kama si ya asili basi yanayotamkika Kiswahili kama Joni, Samweli, Daudi, Yohana, Mariki n.k. nadhani majina ya kiitaliano huwa mnayasikia. Heko pia kwa wale wenye majina ya bandia ya kiasili. Napenda kutolea mifano humu jamvini. Nyani ngabu, Mziwanda, Mzee Mwanakijiji, Kibunango, Kichuguu, Bubu…, Mzizi mkavu, Mbu, Visenti, MwanaFA, Masanilo, Kuntakinte, Kizimkazimkuu, Msanii, Dingiswayo, (sitawamaliza)

    Changamoto kwa akina Invisible, Field Marshall, Wos, Next level, Pretty, Fidel, Allien, Sasha Fierce, Lazy dog, Game theory, na wengine wengi.

    Ningetamani kusikia wale wamarekani weusi wanajiita majina ya asili yao (Afrika). Na idadi kubwa ya watanzania tuwe na majina ya asili yetu. Tusijidanganye na majina ya magharibi nay a watakatifu na ya Mashariki ya kati. Ukarimu huanzia nyumbani.
     
  2. WomanOfSubstance

    WomanOfSubstance JF-Expert Member

    #2
    Jun 14, 2009
    Joined: May 30, 2008
    Messages: 5,467
    Likes Received: 44
    Trophy Points: 0

    Mziwanda hahahah.
    WoS siyo jina...laiti ningeweza kukutajia jina langu la kiasili.
     
  3. TIMING

    TIMING JF-Expert Member

    #3
    Jun 14, 2009
    Joined: Apr 12, 2008
    Messages: 21,796
    Likes Received: 53
    Trophy Points: 145
    Hebu litaje basi dada yetu na miye ntataja langu!!
     
  4. Raia Fulani

    Raia Fulani JF-Expert Member

    #4
    Jun 14, 2009
    Joined: Mar 12, 2009
    Messages: 10,227
    Likes Received: 67
    Trophy Points: 145
    Nimesema majina ya bandia. Cheki vizuri
     
  5. MwanaHaki

    MwanaHaki JF-Expert Member

    #5
    Jun 14, 2009
    Joined: Oct 17, 2006
    Messages: 2,349
    Likes Received: 74
    Trophy Points: 145
    Kuna hawa wenzetu huku uswahilini, utakuta dada mbantu mpingo kuliko mimi, anajiita Mary Francis. Mary si la asili yake na Francis si la asili yake. Namsifia sana dadangu Atuganile Enika Bukuku, ambaye anajulikana kwa jina lake moja maarufu, Enika! Angalau hajasahau asili yake.... ila sina ufahamu wa asili ya hili jina Enika. La wapi vile?

    Tehe tehe tehe tehe! LOOOOOL

    ./Mwana wa Haki
     
  6. B

    Babuyao JF-Expert Member

    #6
    Jun 14, 2009
    Joined: Jun 6, 2009
    Messages: 1,729
    Likes Received: 23
    Trophy Points: 135
    Mziwanda, umenena vema! Licha ya majina ya Kidini kuyaandika na kuyatamka kwa Kiingereza badala ya Kiswahili, kuna wengine hata yale majina yao ya asili (ya ukoo) siku hizi wameanza kuyaandika kwa Kiingereza. Mfano utakuta mtu badala ya kuandika "Mushi" anaandika "Mushy" au "Kalumanzila" anaandika "Kalumanziler". Tunaharibu majina yetu ya Kibantu.

    Nakumbuka wakati nikiwa mwanafunzi huko ng'ambo niliwahi kusoma na rafiki yangu mwenye asili ya Afrika kutoka Haiti. Huyu bwana alilipenda sana jina langu la Kibantu. Na mara nyingi alikuwa akiniambia kwa majonzi sana kuwa angependa kuwa na jina la Kibantu kama langu badala ya lake la aina ya "Booker". Ndugu zangu tupende majina yetu yanayoakisi utamaduni wenu, mila na desturi.
     
  7. Lole Gwakisa

    Lole Gwakisa JF-Expert Member

    #7
    Jun 14, 2009
    Joined: Nov 5, 2008
    Messages: 3,813
    Likes Received: 195
    Trophy Points: 160
    Ahsante sana Mkuu Mziwanda kwa hiyo impartial eye kuhusiana na majina ya kiafrika.Wengi wetu wamekuwa wakiyakana au kuyadharau au hata kuona ni ushamba kuitwa majina ya kwao.
    Utakuta mtu anaitwa jina la asili MAJAPA analibadili kuitwa MADJAPER! Kuna mifano mingi ya aina hiyo, lakini kimsingi ni kujidharau mwenyewe.
    Nilienda kwetu huko milima ya Nyanda za Juu kusini, kidogo nilifurahi, maana kila nyumba unaoingia ni ya Mwa-something kwa kwenda mbele!!!
     
  8. M

    MzalendoHalisi JF-Expert Member

    #8
    Jun 14, 2009
    Joined: Jun 24, 2007
    Messages: 3,842
    Likes Received: 91
    Trophy Points: 145
    Mzalendo Halisi Vipi? Sii la kibantu hilo?? Lol!
     
  9. Raia Fulani

    Raia Fulani JF-Expert Member

    #9
    Jun 14, 2009
    Joined: Mar 12, 2009
    Messages: 10,227
    Likes Received: 67
    Trophy Points: 145
    Ni kweli wandugu. Kama mtu huthamini chako ni mtumwa. Watu wanaogopa kabisa kutamka majina yao ya asili. Kuna dada mmoja ana jina la Kakenyi, akalibadilsha anajiita Kenny! So sad. Uzungu unatula
     
  10. Raia Fulani

    Raia Fulani JF-Expert Member

    #10
    Jun 14, 2009
    Joined: Mar 12, 2009
    Messages: 10,227
    Likes Received: 67
    Trophy Points: 145
    mkuu nilisema haya majina yako mengi nisingeweza kuyataja yote. We mzalendo, kaka
     
  11. Robweme

    Robweme Senior Member

    #11
    Jun 14, 2009
    Joined: May 20, 2009
    Messages: 178
    Likes Received: 2
    Trophy Points: 0
    Hii mada naikubali kabisa mkuu,
    Umesahahau kuwa siku hizi hata kuongea kiswahili matamshi ni kama kiingereza.
    Yaani mtu anatamka kiswahili kama vile kiingereza, sio hiyo tu hata kutembea miondoko ni ya kiinglish, mkuu, ndo sayansi na kutokujua(science & technology)
     
  12. Bluray

    Bluray JF-Expert Member

    #12
    Jun 14, 2009
    Joined: Mar 25, 2008
    Messages: 3,445
    Likes Received: 26
    Trophy Points: 135
    Ukikataa majina ya "kizungu" (ambayo mengi yana asili ya kiyahudi kwa kweli, wala si "kizungu") na kukumbatia dini za kigeni, ambazo ndizo hasa mzizi wa haya majina, utakuwa unaacha ugonjwa na kujaribu kutibu dalili.

    Kama unataka mabadiliko ya msingi katika fikra anzia kwenye dini, majina yatajibadilisha yenyewe.

    Mobutu aliwabadilisha Wazaire (then) wote majina kwa nguvu, kwa kuanzia na yeye mwenyewe, kutoka Joseph Mobutu kwenda Mobutu Sese Seko Nkuku Ngbendu wa Za Banga, lakini ikaja gundulika zilikuwa ilikuwa ni circus trick ku distract attention kutoka issues za kiuchumi.

    Juhudi za kuturudishia identity yetu kama watu kitamaduni ni lazima ziende sawa na juhudi za kuinua watu kiuchumi, ama sivyo itakuwa sawa na mambo ya Mobutu.
     
  13. Kaizer

    Kaizer JF-Expert Member

    #13
    Jun 14, 2009
    Joined: Sep 16, 2008
    Messages: 23,952
    Likes Received: 525
    Trophy Points: 280
    Mi hata sijui la kwangu asili yake ni wapi......ivo ivo tu
     
  14. Pretty

    Pretty JF-Expert Member

    #14
    Jun 14, 2009
    Joined: Mar 19, 2009
    Messages: 2,582
    Likes Received: 26
    Trophy Points: 135
    Jina ni jina tu liwe la kizungu au kibantu, ilimradi liwe na maana nzuri.
     
  15. M

    MzalendoHalisi JF-Expert Member

    #15
    Jun 14, 2009
    Joined: Jun 24, 2007
    Messages: 3,842
    Likes Received: 91
    Trophy Points: 145
    Pretty,

    No!! No!!

    Nchi nyigine lazima mtoto upewe jina linalokubalika na jamii yao!

    Lini umeenda Sweden ukakuta jina Zawadi?? Au China au japan ukakuta jina la kiswahili??

    Taabu kubwa ya Afrika tunaiga kila kitu na kudharau vya kwetu!

    Why can't we name our own children African names?? Why Europen names??
     
  16. Raia Fulani

    Raia Fulani JF-Expert Member

    #16
    Jun 14, 2009
    Joined: Mar 12, 2009
    Messages: 10,227
    Likes Received: 67
    Trophy Points: 145
    hii staili wanayo masistaduu zaidi mkuu
     
  17. Raia Fulani

    Raia Fulani JF-Expert Member

    #17
    Jun 14, 2009
    Joined: Mar 12, 2009
    Messages: 10,227
    Likes Received: 67
    Trophy Points: 145
    sure kaka. Utamaduni huendana na hali ya uchumi. Ila uzalendo hauwekewi mipaka na suala hilo
     
  18. Lole Gwakisa

    Lole Gwakisa JF-Expert Member

    #18
    Jun 15, 2009
    Joined: Nov 5, 2008
    Messages: 3,813
    Likes Received: 195
    Trophy Points: 160
    Ha ha ha unanikumbusha jamaa jina lake KAIZEREGE yeye akajiita KAISER-REGGY, very very european, lakini mweusi tiii !!!
     
  19. Pretty

    Pretty JF-Expert Member

    #19
    Jun 15, 2009
    Joined: Mar 19, 2009
    Messages: 2,582
    Likes Received: 26
    Trophy Points: 135
    hata mabrotherman wana style hii.
     
  20. Pretty

    Pretty JF-Expert Member

    #20
    Jun 15, 2009
    Joined: Mar 19, 2009
    Messages: 2,582
    Likes Received: 26
    Trophy Points: 135
    Vingapi mlivyoiga toka uzunguni? Halafu leo majina yawe tija.
     
Loading...