Magufuli hajasema kweli; Anaficha Udhaifu wa Serikali na Wizara yake

[WATANABE]

wewe ndiye usiyejua kabisa nini maana ya uwakilishi kama ni hivyo tusingekuwa na wabunge zaidi ya mmoja dsm, kama definition yako ya mbunge ndio hiyo. Wanapokuja kwenye kampeni zao hayo ndio mambo wanayoahidi, hivi unafikiri jimbo la ubungo litampima mh.mnyka kwa mafanikio ya kutetea watu wa kigamboni? Acha kukurupuka!!

Sasa wewe ndio umeanza kubaini matatizo ya Tanzania yapo wapi? Kwanza tambua katika kutatua mataizo ya Tanzania hayahusu ubunge wa Mnyika na jinsi atakavyopimwa. Nafikiri tunakubaliana kuwa mbinge ndio msimamzi mkuu wa Serikali katika utendaji wake iwe ni ukusanyaji wa mapato yaani kodi na mapato yatokanayo na raslimali zetu. Pia mbunge ana jukumu kubwa la kusimamia Serikali katika upangaji wa matumizi yake na mwisho katika matumiz ya fedha na raslimali k.m magari na mali zinginezo.

Utakabalina na mimi kuwa hili ni jukumu kubwa sana na linawalazimu wabunge wetu kufanya utafiti na kusoma sana taarifa mbali mbali, macapisho na ripoti, Hivyo muda wa kuleta maendelo jimboni hupo kabisa.

Matatizo na umaskini wa Tanzania chimbuko lake ni Serikali ya CCM kuwaaminish wananchi kuwa mbunge hupimwa kwa maendelo anayoleta jimboni badala ya jinsi anavyoisimamia Serikali, Katika mkakati huu Serikali ya CCM ikafanikiwa kujpunguzia au kujiondolea usimamizi wa bunge kwa kuwageuza wabunge kuwa matarishai wa maendelo ya jimbo badala ya wasimamizi wa Serikali.

Ili tutoke hapa ni lazima wapenda mabadiliko tuwe wa kwanza kusacrifice maendeleo ya majimbo yetu ili wabunge wetu wakafanya kazi za usimamzi wa Serikali na tuwaelimishe wananchi wenzetu.

Definition ya uwakilishi ni kuwa watu kadhaa wa jimbo fulani tunapatiwa nafasi moja ya kuismamia Serikali katika hayo niliyoyataja hapo juu na sio nafasi ya kupeleka tarishi wa kutubebea maendeleo toka Serikalini.

Hoja ya nini wanchosema wakati wa kampeni, hayo ni matokeo ya kuwa taifa la watu wasiokuwa na elimu ya uraia. Ni wazi kuwa wapinzani wamegundua udhaifu huo na kuutumia lakini kwa maoni yangu nafikiri haikuwa strategu nzuri sana kwani itawacost very soon.

 

[Rockabie]

Nimesoma gazeti la Majira la jana 9/1/2012 Mh. ukimkabili Magufuli kwa kudai kivuko ni huduma na si biashara. Naomba weka huo mstari wa kutenganisha kati ya huduma na biashara na kama ni kwa kigezo cha kuwatoza wananchi ebu zitazame Hospitali za Umma, Mashirika ya Umma ya Huduma za maji (kama Dawasa/dawasco,Moruwasa,Duwasa n.k) Shule na vyuo vya serikali na tujiulize ipi ni huduma muhimu zaidi na ipi inalipiwa zaidi. Mh. Mnyika wewe ni Mbunge ambaye ukisimama mtu yeyote makini lazima awe attention na ukisemacho so u better play your politics good in this!

 

[WATANABE]

Nimesoma gazeti la Majira la jana 9/1/2012 Mh. ukimkabili Magufuli kwa kudai kivuko ni huduma na si biashara. Naomba weka huo mstari wa kutenganisha kati ya huduma na biashara na kama ni kwa kigezo cha kuwatoza wananchi ebu zitazame Hospitali za Umma, Mashirika ya Umma ya Huduma za maji (kama Dawasa/dawasco,Moruwasa,Duwasa n.k) Shule na vyuo vya serikali na tujiulize ipi ni huduma muhimu zaidi na ipi inalipiwa zaidi. Mh. Mnyika wewe ni Mbunge ambaye ukisimama mtu yeyote makini lazima awe attention na ukisemacho so u better play your politics good in this!

Kwa hili wala Mnyika hastahili kukujibu. Kama nchi ndogo kama Kenya isiyo na madini na raslimali kama TZ inaweza kuwapatiwa wananchi wake huduma ya vivuko bure kama wananchi wengine wanavyovuka madaraja yaliyojengwa na serikali katika barabara bali mbali, iweje Tanzania na madini yote tuliyo nayo na raslimali zote tulizonazo tushindwe kuwapatia wananchi hudma hii bure. Mbaya zaidi mbabe mmoja aigeuze hudma hii kutozwa katika viwango vya kibiashara?

Kwani wewe binafsi unaishi wapi na kutoka kwako unavuka madarakja mangapi na hunalipa shilingi ngapi katika kila draja?

 

[TOWNSEND]

una chuki binafsi na mnyika au labda huelewi pesa za serikali maana yake nini...kodi za direct na in direct kila mtu analipa ndizo zinatakiwa kufanya hizo kazi makufuli kakudanganya au mtueleze kodi zetu zinaenda wapi hata mafuriko yakitokea mpaka wasamaria wema wachange? bara bara kwa hisani ya watu wa japani nk nk inatia aibu

 

[songambele2012]

NAONA DR. POMBE KAINGIA CHOO CHA KIKE! Ntarudi...............

 

[mndeme]

Kuna tofauti kubwa sana kati ya Mnyika na Maghufuli. Nitazitaja baadhi:
-Maghufuli ni mwanasiasa MTENDAJI, Mnyika ni mwanasiasa MUONGEAJI.
-Maghufuli ni msimamiaji mzuri wa sheria na maamuzi, Mnyika hajui kusimamia sheria wala kuamua. Anapenda watu wafurahi. Wamshangilie.
-Maghufuli ni mtu wa matokeo. Anafuatlia hadi mwisho. Mnyika ana "pending issues" kibao. Hajui atazimalizaje. Mfano:
-Maji Jimboni kwake. Hana alilofanikisha. Kelele za hapa na pale tu.
-Matatizo ya wanafunzi wa UDSM iliyoko Jimboni kwake. Wamefukuzwa 43. Sijamsikia.
-Mnyika ni MTIIFU sana kwa mamlaka za juu yake. Maghufuli ni tofauti kidogo.

mambo mengi uliyoongea kuwa mnyika hajayatekeleza; ni kuwa na wewe umeingia katika mkumbo wa propaganda za magufuli kwa sabb ishu ya wanafunzi waliofukuzwa UDSM alishaandikia mamlaka barua na pia kutoa tamko, kuhusu maji yapo maeneo mengi mathalani ya kimara tangi bovu, mabibo, msigani na mbezi ambayo kwa miaka zaidi ya saba yalikuwa hayapati maji lakini kwa ufuatiliaji wa mbunge maji yanatoka angalau hata kwa mgawo, yapo mambo mengi aliyotekeleza na mashahidi ni wananchi na taarifa rasmi itatolewa sio nyie wengine mko kwenye pay roll ya watu flani kuanza kuongea uongo dhidi yake.

 

[ram]

Siasa na wanasiasa, nimepita tu jamani

 

[Alfred Daud Pigangoma]

TAARIFA KWA UMMA


​

UTANGULIZI

Tarehe 4 na 5 Januari 2011 Waziri wa Ujenzi Mheshimiwa John Magufuli alinukuliwa na vyombo mbalimbali vya habari akitoa madai mbalimbali juu yangu wakati akijibu kauli za Wabunge wa Dar es salaam juu ya ongezeko la nauli katika vivuko vya Kigamboni na maeneo mengine nchini.Toka Waziri Magufuli atoe kauli zisizokuwa za kweli dhidi yangu badala ya kujibu hoja za msingi nilizotaka maelezo toka wizara yake na serikali kwa ujumla sikutoa tamko kwa kuwa nilikuwa katikati ya kazi mbalimbali jimboni Ubungo na majukumu mengine ya kitaifa.

Hata hivyo, kuna msemo kwamba ‘uongo ukiachwa ukarudiwa rudiwa unaweza kuaminika kuwa ndio ukweli’; hivyo naomba kutoa taarifa kwa umma kujibu madai hayo kwa lengo la kuweka rekodi sahihi.Namheshimu Waziri Magufuli, hata hivyo kauli alizozitoa dhidi yangu zinadhirisha kuwa ameanza kulewa sifa kwa kiwango cha kuwa mpotoshaji na mzushi. Ni vyema umma ukachukua tahadhari kwamba imani ya wananchi juu yake ameanza kuitumia vibaya kulinda uzembe, ubabe na ufisadi.Aidha, ni muhimu akawa anajielekeza kujibu madai ya msingi ya wananchi badala ya kuibua masuala mengine kwa lengo la kuhamisha mjadala; hivyo nitarudia tena masuala ambayo nilitaka ayatolee maelezo na vielezo kwa maslahi ya umma.

KUHUSU KIINGILIO KATIKA KITUO KIKUU CHA MABASI UBUNGO (UBT)

Waziri Magufuli amezusha na kupotosha kwamba sijawahi kuhoji kupandishwa kwa kiingilio katika Kituo Kikuu cha Mabasi cha Ubungo (UBT) cha 200. Ukweli ni kwamba kama ambavyo napinga ongezeko holela la nauli za vivuko nchini, nilipinga ongezeko la kiingilio katika Kituo Kikuu cha Mabasi Ubungo kwa maslahi ya wananchi wa jimbo letu na ya wasafiri wote nchini wanaotumia kituo hicho. Ukweli zaidi ni kwamba viingilio vya Kituo Kikuu cha Mabasi Ubungo pamoja na ongezeko lake vilipitishwa kwa kutungiwa sheria ndogo (by law) na jiji kabla ya mimi kuchaguliwa kuwa mbunge.

Hata hivyo, pamoja na kuwa sikuwa mbunge wakati kiingilio kinawekwa mara baada ya kuwa mbunge niliendelea na harakati nilizozianza kabla ya kuwa mbunge za kupinga ufisadi wa mapato katika kituo hicho. Tarehe 28 Januari 2011 nilifanya ziara ya kituoni hapo kama sehemu ya kutimiza wajibu wa kibunge ambapo pamoja na mambo mengine nilikutana na mawakala wa kituo kusikiliza malalamiko yao ikiwemo kuhusu kiingilio. Kufuatia kupinga huko Tarehe 11 Mei 2011 Kamati ya Fedha na Uongozi ya Jiji la Dar es salaam ilipitisha azimio la kupendekeza kwamba utekelezaji wa sheria ndogo iliyoongeza kiingilio usitishwe.

Kwa kuwa sheria ndogo imetungwa na baraza la madiwani, nilikwenda mbele zaidi kupinga kiwango cha kiingilio na ufisadi katika Kituo cha Mabasi Ubungo kwa kuwasilisha hoja binafsi Tarehe 15 Mei 2011. Kutokana na ukubwa wa hoja ya ufisadi katika kituo hicho kwa mujibu wa vyanzo vyetu na ripoti ya Mkaguzi Mkuu wa Hesabu za Serikali suala hilo limekuwa likichukua muda kushughulikiwa na nimeendelea kupinga na kuhoji kwenye vikao vya jiji, kupitia vyombo vya habari na hata bungeni Waziri Magufuli akisikia.

Kwa sasa tayari jiji limekubaliana na hoja hiyo kinachofuata ni baraza la madiwani kupitisha azimio la kufanya mabadiliko husika. Hivyo, Waziri Magufuli hakusema ukweli alipodai kwamba sijawahi kupinga ongezeko la kiingilio katika Kituo Kikuu cha Mabasi cha Ubungo. Jaribio lake dhaifu la kutaka kuonyesha kwamba nimeacha ya kwetu nakwenda kushughulikia ya wengine hatimaye litashindwa ukweli utakapotamalaki.

KUHUSU MADAI KWAMBA SIJAWAHI KUPENDEKEZA BARABARA ZA KUPANDISHWA HADHI NA KUFANYIWA KAZI KWA AJILI YA KUPUNGUZA FOLENI

Waziri Magufuli amezusha na kupotosha kwamba sijawahi kupendekeza barabara za kupandishwa hadhi ili zishughulikiwe na serikali kuu kwa ajili ya kupunguza foleni katika jimbo la Ubungo na Dar es salaam kwa ujumla. Ukweli ni kwamba mara baada ya kuchaguliwa katika kikao changu cha kwanza kabisa kushiriki cha Bodi ya Barabara ya Mkoa mwezi Februari 2011 ambacho chombo cha Wizara yake cha utendaji cha Wakala wa Barabara (TANROADS) kikiwepo nilitoa mapendekezo ya barabara husika na hatua ambazo serikali ilipaswa kuchukua katika maandalizi ya kupandisha hadhi na pia katika bajeti, hatimaye orodha ya barabara husika za kupandishwa hadhi ziliwasilishwa na kupitishwa katika vikao vilivyofuatia.

Pia, nimeandika barua rasmi mbili zenye mapendekezo mahususi kwa TANROADS na Waziri wa Ujenzi barabara za kushughulikiwa kupunguza foleni (Aprili na Mei 2011); lakini Waziri Magufuli hajawahi kujibu barua hata moja huku miezi zaidi ya sita ikiwa imepita. Baada ya ukimya kwa kutokutekelezwa kwa mapendekezo ya kikao cha bodi ya barabara na kutokujibiwa kwa barua nilichukua hatua za kuwasilisha mapendekezo bungeni ya barabara muhimu kwa ajili ya kupunguza foleni na kutaka majibu ya kuzipandisha hadhi barabara husika wakati nachangia kwenye mjadala wa Mpango wa Taifa wa Miaka Mitano Tarehe 14 Juni 2011.

Nikaeleza zaidi hatua zinazopaswa kuchukuliwa na serikali kupunguza foleni jimbo la Ubungo na Dar es salaam kwa ujumla Tarehe 2 Agosti 2011 wakati nachangia mjadala wa bajeti ya Wizara ya Ujenzi ikiwemo kuhusu kupandisha hadhi barabara husika na kuongeza kiwango cha bajeti. Waziri Magufuli kuzusha na kupotosha kwamba sijawahi kupendekeza kupandishwa hadhi kwa barabara inadhirisha kwamba amekuwa msahaulifu na amefanya jaribio dhaifu la kunichonganisha na wananchi wa jimbo letu kuwa sifuatilii masuala yetu. Ukweli ni kwamba foleni inaendelea kuwepo kwa sababu ya uzembe wa Wizara ya Ujenzi na serikali kwa ujumla kushindwa kutenga Fedha za kutosha kwa ajili ya kulimaliza tatizo pamoja na kupata hasara ya mabilioni kila siku, kiwango ambacho kimetengwa kwa ajili ya barabara za pembezoni za kupunguza msongamano ikiwemo za Ubungo na Dar es salaam nzima kwa mwaka wa Fedha 2011/2012 ni bilioni tano tu; hivyo suala la msingi ambalo Waziri Magufuli anapaswa kulijibu ni iwapo serikali imekubaliana na ushauri wangu wa kufanya mapitio ya bajeti na kuongeza Fedha kwenye mkutano ujao wa bunge kwa ajili ya mkakati wa kuondoa foleni Dar es salaam.

KUHUSU MADAI YA KUSHINDWA KUJA NA WAZO LA KUSHIRIKISHA WAKALA WA NYUMBA (TBA) KWENYE KUTAFUTA SULUHISHO LA MALAZI KWA WANAFUNZI WA VYUO VIKUU:

Waziri Magufuli amezusha suala tofauti la madai ya kushindwa kuja na wazo la kushirikisha Wakala wa Nyumba (TBA) kwenye kutafuta suluhisho la malazi kama sehemu ya nyingine ya jaribio lake dhaifu la kuhamisha mjadala na kujaribu kutafuta huruma ya kuungwa mkono na wanafunzi wa vyuo vikuu jimboni Ubungo. Ukweli ni kwamba kazi kubwa ya TBA ambayo iko chini ya Wizara ya Ujenzi na kujenga nyumba za watumishi wa umma, na katika mwaka wa Fedha 2011/2012 ina rasilimali chache za kumalizia miradi iliyopo na kutafuta viwanja vya kujenga nyumba za serikali.

Kwa hiyo, katika kufanya kazi za kibunge kuhusu TBA ninachofuatilia kwa sasa ni nyumba za watumishi wa umma na masuala ya malazi ya wanafunzi nayafuatilia kwa vyombo na mamlaka nyingine. Ingekuwa TBA ina fursa hiyo anayodai Waziri Magufuli angeiwezesha kuwepo katika harambee iliyofanywa na Rais Jakaya Kikwete jimboni Ubungo kwa ajili ya Kituo cha Wanafunzi wa Chuo Kikuu cha Dar es salaam (UDSM) ambao taasisi na watu mbalimbali tulichangia kwa ajili ya ustawi wa wanafunzi. Katika hali ya sasa, TBA haina uwezo wa kuanza kujenga maeneo ya malazi ya wanafunzi wakati haijaweza hata kuziba pengo la nyumba za serikali zilizouzwa kinyemela kwa uratibu wa Waziri Magufuli.

Wanafunzi wa Vyuo Vikuu hawawezi kupotoshwa na Waziri Ujenzi kwamba ana dhamira ya kuwajengea maeneo ya malazi wakati ambapo amesababisha mpaka mawaziri na watumishi wenzake wa umma kukaa mahotelini au kupanga kwa gharama kubwa kwa sababu ya watangulizi wao akiwemo Magufuli kujiuzia nyumba za serikali kwa upendeleo. Waziri Magufuli anapaswa kuwaeleza wanafunzi wa vyuo vikuu na watanzania kwa ujumla kiwango cha ubadhirifu na madeni kwa taifa kinachopunguza uwezo wa serikali kuwapatia mikopo ya elimu ya juu, kuwajengea maeneo ya malazi na kutekeleza miradi mingine ya msingi ya maendeleo na athari ambazo TBA imepata kutokana na kuuzwa kiholela kwa nyumba za serikali.

KUHUSU KUKUTANA KUZUNGUMZIA MAAFA YA MAFURIKO YALIYOLIKUMBA JIJI LA DAR ES SALAAM

Waziri Magufuli amezusha na kupotosha kwamba hatujawahi kukutana kwa ajili ya kuzungumzia maafa ya mafuriko. Ukweli ni kuwa kauli kuhusu suala la kivuko tulizitoa tukiwa tunajiandaa kuingia kwenye kikao cha kamati ya maafa ya mkoa kujadili masuala ya mafuriko, na kabla ya siku hiyo wabunge tumejumuika kwenye vikao vingine vya maafa katika Mkoa wetu. Aidha, toka maafa ya mafuriko yatokee Tarehe 20 Disemba 2011 nimeshiriki kwa hali na mali katika hatua zote ikiwemo hatua aliyoitaja Waziri Magufuli ya kupendekeza njia bora za kuwasaidia wanaoishi mabondeni. Hivyo, kauli hii ni jaribio linguine dhaifu la kujaribu kujenga hisia kuwa hatujali matatizo ya msingi ya wananchi ya wakati huu ili kuhamisha mjadala.

KUHUSU MADAI KWAMBA NILIPASWA KUSHUGHULIKIA MAMBO YA UBUNGO NA SI YA KIGAMBONI

Waziri Magufuli amejaribu kujenga dhana potofu kwamba nilipaswa kushughulikia masuala ya jimbo letu la Ubungo na si kujiingiza kwenye kero za jimbo linguine. Ukweli ni kuwa kero zote tatu alizodai kuwa nimeziacha jimboni bila kuzifuatilia za kiingilio cha Ubungo, kupandisha hadhi barabara za kupunguza foleni na suala la kutumia TBA katika kupata suluhisho la malazi ya wanafunzi wa vyuo vikuu nimezitolea maelezo yenye kuonyesha kwamba nimetimiza wajibu husika wa kibunge.

Maelezo hayo yanayonyesha kwamba ili tuweze kushughulikia kwa haraka zaidi kero za msingi za wananchi mabadiliko ya mfumo wa utendaji kazi yanahitajika kufanya serikali na viongozi wake waweze kuwajibika ipasavyo. Hii inahitaji kuunganisha nguvu ya wengine na mamlaka zingine katika kuisimamia serikali suala ambalo haliwezi kutimia kwa kazi za ndani ya jimbo pekee. Ukweli ni kwamba mbunge pamoja na kuwakilisha wananchi wa jimbo waliomtuma, anawajibika vile vile kwa nchi, kwa chama na kwa nafasi yake. Hivyo, katika kutimiza majukumu ya kibunge yanatokana mamlaka ya bunge ya kuisimamia serikali kwa mujibu wa Ibara ya 63; mbunge anapaswa kuwasimamia mawaziri na serikali kwa ujumla. M

atokeo ya kuwezesha mabadiliko ya kiutendaji na uwajibikaji yanatija kwa wananchi wote ikiwemo wa jimbo la Ubungo. Aidha, kama katibu wa wabunge wa Mkoa wa Dar es salaam nina wajibu wa kushughulikia suala lolote linalomgusa mbunge yoyote wa Mkoa wetu iwapo linahitaji nguvu ya pamoja kwa maslahi ya umma. Izingatiwe pia, mwingiliano wa Dar es salaam wapo wananchi wa Ubungo wanaofanya kazi ama kufanya biashara Kigamboni ambao nao wametaka niwawakilishe kwenye suala hili kama ninavyofanya kwa mengine. Pia, ifahamike kwamba kilichotukutanisha wabunge siku tuliyotoa kauli ni kikao na kamati ya maafa ya mkoa tofauti na madai potofu aliyotoa kwamba wabunge hatujawahi kukutana kwa ajili ya masuala ya maafuriko yaliyoukumbuka mkoa wa Dar es salaam.

KUHUSU KIWANGO CHA UPANDISHWAJI WA NAULI KATIKA KIVUKO CHA KIGAMBONI NA VIVUKO VINGINE NCHINI

Waziri Magufuli ameamua kupotosha kwamba nilichompinga na kupanda kwa nauli kutoka shilingi 100 mpaka 200, na kuacha kujibu hoja kuu ambazo nilitaka azitolee maelezo na vielelezo. Ukweli ni kuwa nilichotaka kisitishwe ni utekelezaji wa agizo kupitia gazeti la serikali (GN 367) ya tarehe 4 Novemba 2011 na kuanza kutumika kwa nauli mpya kwa ujumla wake kutokana na kukiukwa kwa misingi ya utawala bora na pia baadhi ya viwango kutokuzingatia hali halisi. Kwa upande wa kupanda kwa nauli nilisisitiza kuwa kero kuu sio kupanda nauli ya mtu mzima toka shilingi 100 mpaka 200 bali kupandishwa kupindukia kwa nauli za vyombo vya usafiri na usafirishaji hali ambayo itasababisha kupanda kwa bei ya bidhaa katika eneo la Kigamboni na kuathiri watu wengi zaidi.

Mathalani, Baskeli za matairi matatu (Guta) toka Tsh 200 hadi Tsh 1800 (Asilimia 800); bei ambayo ni kubwa kuliko ya gari ndogo; bajaj zimepanda toka Tsh 300 hadi Tsh 1300 (Asilimia 333); mikokoteni imeongezeka toka Tsh 200 hadi Tsh 1500 (Asilimia 650) na mizigo nayo inatozwa kati ya shilingi 200 mpaka 500. Sasa kwa kuwa utekelezaji wa agizo unafanyika kwa ujumla, nikataka viwango vipya kwa ujumla wake visitishwe mpaka kwanza serikali itoe maelezo na vielezo vya msingi wa kufanya ongezeko kubwa la kiwango hicho. Nilitaka serikali itoe maelezo ikizingatia kwamba vivuko ni huduma sio biashara kwa kuwa maeneo mengi yenye vivuko yalipaswa kuwa na madaraja kwa ajili ya vyombo hivyo vya usafiri na wananchi kuweza kupita.

Nilieleza wazi kwamba kazi ya msingi ya Wizara ya Ujenzi ni kujenga barabara, madaraja na miundombinu mingine sio kufanya biashara ya vivuko hivyo, ongezeko la kuangalia soko linaweza kushawishi ucheleweshaji wa ujenzi wa madaraja. Ieleweke kwamba kazi kuu ya Wakala wa Ufundi na Umeme (TEMESA) sio kuendesha vivuko na kama tunataka suala hili kuwa ndio kipaumbele tunayo Wizara ya Uchukuzi ambayo inahusika pia na uchukuzi majini na inashirika la meli. Kumekuwepo na kukosekana na uwazi na udhibiti wa kutosha wa mapato na matumizi ya kivuko hivyo tulitaka serikali ieleze kwa mchanguo badala ya kauli za ujumla kuhusu suala hili ili kujenga uhalali wa kupandisha nauli husika kwa hoja ya kupanda kwa gharama za uendeshaji. Nilipinga ongezeko kubwa la bei ya umeme kwa kisingizio hicho hicho, kwa kuwa mchakato ulikuwa shirikishi naamini kutokana na maoni ya wadau yako ambayo yatarekebishwa na TANESCO tofauti na mapendekezo yao ya awali.

Haiwezekani suluhisho la kupanda kwa gharama za maisha kwa wabunge ikawa kujiongezea posho za vikao na suluhisho kwa taasisi za umma kama Wizara ya Ujenzi na TEMESA ikiwa ni kijiongeza mapato kwa kuongeza nauli bila kuzingatia kubana matumizi na kumjali mtanzania wa kipato cha chini ambaye anabeba mzigo mkubwa wa kupandwa kwa gharama za maisha na sasa anapindishiwa hata na serikali yake nauli za vyombo vya usafiri kuvuka tu kwenye kivuko. Hivyo, Wizara ya Ujenzi kupitia vyombo vyake inapaswa kuhusisha mapato yanayokusanywa kwenye barabara na ujenzi wa miundombinu na uendeshaji wa vivuko vya muda wakati miundombinu inasubiriwa.

Pia, pamoja na nauli, msingi wa uendeshaji wa vivuko unapaswa pia kuwa mapato kutoka kwenye barabara na vyanzo vingine. Badala ya kujibu hoja ya msingi, Waziri Magufuli amejikita katika ongezeko la shilingi 100 mpaka 200 na kulinganisha pia na mazingira yasiyoendana baina ya kivuko cha Kigamboni na vivuko vingine nchini ambavyo vinatofautiana umbali, muda na gharama za uendeshaji.

KUHUSU SHERIA NA UTARATIBU AMBAO UMETUMIKA KUPANDISHA VIWANGO HUSIKA
Waziri Magufuli amezusha na kupotosha kwamba nilisema amekiuka sheria ya uendeshaji wa vivuko. Ukweli ni kwamba katika kauli yangu nilisema wazi kwamba Waziri Magufuli amepandisha viwango vya kivuko hicho kwa mamlaka aliyopewa na sheria mbovu ya vivuko (Ferries Act), hata hivyo nilisisitiza kwamba mamlaka hayo ameyatumia kibabe na kwa kutozingatia misingi ya utawala bora. Nilisema kwamba Waziri Magufuli anapaswa kuzingatia kwamba nchi haiongozwi kwa sheria moja, na ikiwa anataka kutumia sheria moja basi sheria mama ni katiba ya nchi.

Nilisema kwamba kwa mujibu wa ibara ya 8 ya katiba ya taifa letu wananchi ndio msingi wa mamlaka, ibara ya 18 inataka wananchi wapewe taarifa wakati wote kuhusu matukio mbalimbali kwa maisha na shughuli zao na ibara ya 21 inatoa haki ya kushiriki katika shughuli za utawala wa nchi ama moja kwa moja au kupitia wawakilishi. Hivyo, katika kutekeleza sheria ya vivuko na kanuni zake badala ya kutumia ubabe Waziri Magufuli alipaswa kuzingatia misingi hiyo muhimu lakini hakufanya hivyo kwa sababu nauli zimepandishwa bila kuwa na uwazi wala ushirikishwaji. Wananchi na wadau hawakushirikishwa katika kutoa maoni kuhusu suala linalowahusu kama ambavyo mamlaka zingine za kiserikali zinafanya wakati wa michakato ya kupandisha bei, mathalani mashirika ya umma ya umeme, mafuta na gesi hufanya michakato hiyo kupitia EWURA.

Nikasema kwamba pamoja na kuwa sheria hailekezi kwa kina jambo hili, Waziri Magufuli na Wakala wa Serikali wa Ufundi na Umeme (TAMESA) walipaswa kuonyesha mfano hasa kwa kuwa walishaombwa kufanya hivyo kwa barua ya mwaka 2011 mwanzoni ambayo wizara yake haikutimiza wajibu hata wa walau kujibu. Nikaeleza kwamba Serikali imeweka mfumo kama huu kwa usafiri wa nchi kavu na majina kupitia SUMATRA kwa upande wa watoe huduma wengine, hivyo ilipaswa na yenyewe kuonyesha mfano. Ndio msingi wa kusema kwamba kwa kuwa suala hili limelalamikiwa na wananchi na wabunge ni vizuri agizo likasitishwa na taratibu shirikishi zikatumika kwa kushauriana na SUMATRA.

Nilieleza kwamba suala hili linatokana na udhaifu wa mifumo yetu ya utendaji na uendeshaji ambapo taasisi za kiserikali zinahodhi michakato muhimu ya kitaifa na linakuwa zito zaidi kwa kuwa halikuelezwa bayana hata wakati bunge linajadili makadirio ya mapato na matumizi ya serikali bungeni ya Wizara ya Ujenzi Tarehe 1 na 2 Agosti 2011. Nikaeleza kwamba mjadala huu ni muhimu kwa taifa kwa ajili ya kubadili sheria na taratibu husika pamoja na kuweka mfumo mzuri zaidi wa utendaji na uwajibikaji bila kuwa na mivutano kwenye masuala ambayo kama yangekuwepo mawasiliano na mashauriano yasingefikia hatua ya kuwa malumbano. Hivyo, tukiachia hali hii ikiendelea bila uwazi, ushirikishaji na uwajibikaji itaendelea kwenye masuala yanayowagusa wananchi wa maeneo mengine nchini ikiwemo wa jimbo letu la Ubungo. Kwa hiyo, kuunga kwangu mkono suala hili ilikuwa ni sehemu ya kutekeleza ahadi ambayo niliwaahidi wananchi wa Ubungo wakati wa uchaguzi kwamba nitasimamia vyombo vyote vinavyohusika na masuala ya usafiri na mengine ya huduma za msingi wa umma.

KUHUSU KAULI ZISIZOZINGATIA MISINGI YA UONGOZI NA UTAWALA BORA

Nilipinga kauli za Waziri Magufuli zisizozingatia uongozi na utawala bora mathalani kuwaambia wananchi wapige mbizi au kumshambulia mbunge katika jambo ambalo kama Waziri Magufuli na TEMESA wangezingatia misingi ya utendaji bora kwa kujibu barua lisingefikia kuwa na malumbano hadharani. Waziri Magufuli angeweza kabisa kujenga hoja bila kuzusha vioja visivyo vya lazima, kisingizio cha kauli ya watendaji wa Wizara yake kwamba alifanya hivyo baada ya kuzomewa na wananchi hakiwezi kuhalalisha misingi muhimu ya uongozi wa busara na unyenyekuvu badala ya ubabe na uropokaji. Jambo hili lisingekuwa na uzito kama ingekuwa ni makosa ya mara ya kwanza, hata hivyo nililazimika kutoa kauli ya kumtaka aombe radhi nikikumbuka pia kauli zake ambazo mpaka sasa hajawahi kuomba radhi kwa umma wakati akijibu wananchi na viongozi waliokuwa wakilalamikia uuzwaji holela wa nyumba za serikali kwamba ‘nyie mwaona wivu’ ama ‘mlie tu’. Hivyo, ameendeleza tu hulka yake na sitarajii kwamba itabadilika hata baada ya taarifa hii kwa umma kuhusu masuala ambayo amezusha na kupotosha juu yangu. Kwa heshima niliyonayo kwake natarajia kwamba atabadilika, na natarajia utakubali ndani ya wiki moja kunijibu kukubali kupokea changamoto hizi na kuzifanyia kazi. Asipofanya hivyo, tutakutana bungeni na nitafuatilia mabadiliko ya kisheria, kikanuni, kimfumo na kiutendaji katika Wizara yake kwa karibu zaidi kwa ajili ya maendeleo ya miundombinu ya wananchi wa Jimbo la Ubungo na Taifa kwa ujumla.Wenu katika utumishi wa umma,

John Mnyika (Mb)
08/01/2012

Kwa kirefu nimekuelewa zaidi. Cha msingi ni kwamba hawa ndugu zetu wanaoishi katika fikra za MAGAMBA ni wanaozani bado tupo katika dhama za "ZIDUMU FIKRA ZA MWENYEKITI" hata kama sio za kiustaarabu. Watu wamechoka na porojo zao kinachotakiwa ni utendaji uliotukuka.

Ukweli ni kwamba hakuna atakae chomoka katika wimbi hili la kuwaondoa madarakani kwani MAGAMBA wote wanajihusisha kwenye ufisadi wao zaidi ya kuwahudumia wananchi waliowatuma ndo maana wakimuona mbunge anafanya kazi katika jimbo lake na kuwatetea watu wake basi huzusha kashfa ya kumgombanisha na wananchi.

Rai yangu kwa walio DSM; Mwambieni mbunge wangu RAGE (ijapokuwa sikumchagua) hapo alipojificha kwenye club ya SIMBA wananchi wake wanamhitaji aje ajibu mwaswali ya msingi.


Ni hayo tu!!!

 

[trachomatis]

Wildcard... Is always necessary to take issues personal? Or is it necessary that,because someone represents opposition,then a job is derived as to oppose and challenge whatever you hear about opposition representative?

 

[Serayamajimbo]

Wewe hujui majukumu ya mbunge kasome Katiba jukumu la mbunge nikusimamia na kuishauri Serikali. Ni kutokana na wapiga kura kama ninyi mnaotaka wabunge waje kuwatengenezea barabara zenu ndio maana madini na raslimali za Tanzania hazina msimamizi. Wabunge wanatakiwa kutumia muda wao waote wakilinda raslimali kwa maana ya kuisimamia Serikali ili nchi iweze kupata mapato yatakayotumika kutengeneza hizo barabara. Hali hii ya Serikali kukosa usimamizi wa kutosha toka kwa wabunge kwa kuwa wanajitahidi kuwaridhisha wapiga kura wao ikiendelea ufisadi hauwezi kukoma kamwe. Na Mnyika ni mmoja wa wabunge wachache sana wanaotimiza jukumu la kuisimamia Serikali.

Watanabe, sio kusimamia mapato tu, mbunge bora anapaswa kusimamia matumizi ya serikali ili kuleta maendeleo.

serayamajimbo

 

[Nyunyu]

Mmajenti wa mcc wakali hao!! Heri ya new yeaz ritz na sobby!!

 

[Alwatan]

Mnyika kaingizwa choo cha kike na wabunge wa vijiweni kina Zungu na Mtemvu,... Wenyewe wako pembeni wanacheka jinsi alivyoingia mzimamzima.

 

[Tabutupu]

TYCHICUS Umakini gani unaouzungumzi ni kule kwa Serikali nzima kushindwa kupanga vipaumbele vya matimizi ya fedha za Serikali na hivyo kutumia mabavu kuwa[andishia wananchi gharama za maisha pasio kutazam mpato yao. Au ni kule kugeuza huduma za kijamii kama vile vivuko kuwa za kibiashara? Kama nchi ndogo kama Kenya na isiyo na raslimali kama Tanzania inaweza kutoa huduma za vivuko bure ni umakini gani unaousifia wewe kwa Tanzania yenye madini na raslimli lukuki kugeuza huduma ya vivuko kuwa biashara na kuwatoza wananchi gharama kubwa pasipo kujali ugumnu wa maisha?

Madai kuw anchi inahitaji akina Magufuli 200 ni maoni yako tu, lakini kwa wengi wetu Magufuli hafa hata kupea ukatibu kata. Ni mtu mzushi, muongo na mpotoshaji kama tulivyoonyesha hapo juu kwa vieleelzo vya kisheria.

mbona makonda wa daladala wanapandisha bei mara mbili kila siku na hawaja sema chochote. Au wanasubiri magufuri apitishe panga kwa wote watakao pandisha nauli nao waanze kelele tena??

 

[Tabutupu]

mambo mengi uliyoongea kuwa mnyika hajayatekeleza; ni kuwa na wewe umeingia katika mkumbo wa propaganda za magufuli kwa sabb ishu ya wanafunzi waliofukuzwa UDSM alishaandikia mamlaka barua na pia kutoa tamko, kuhusu maji yapo maeneo mengi mathalani ya kimara tangi bovu, mabibo, msigani na mbezi ambayo kwa miaka zaidi ya saba yalikuwa hayapati maji lakini kwa ufuatiliaji wa mbunge maji yanatoka angalau hata kwa mgawo, yapo mambo mengi aliyotekeleza na mashahidi ni wananchi na taarifa rasmi itatolewa sio nyie wengine mko kwenye pay roll ya watu flani kuanza kuongea uongo dhidi yake.

Hakuna kitu hapo

 

[Mwanajamii]

kila kitu ni siasa na ndio mahali pa kujipatia umaarufu kwa ku capitalize mambo hayo kisiasa kama hapa kwenye maelezo ya mnyika.hebu mh mnyika taja hizo barabara ulizopendekeza zifanyiwe kazi na pia sema ulichokifanya tangu uwe mbunge zaidi ya kulalamika tu kila siku.you are mentioning the word ufisadi ili tukuone una uchungu?

swali kwako.ivi posho una saini au husaini.
pili.mbona siku hizi una shavu dodo (umenenepa) tofauti na wakati sio mbunge.umeridhika na maisha?
ni upi msimamo wako kuhusu ushoga.

ntafrahi kupata majibu kwa niaba ya watanzania kwa ujumla

 

[Chapakazi]

mhh...

 

[Shine]

una chuki binafsi na mnyika au labda huelewi pesa za serikali maana yake nini...kodi za direct na in direct kila mtu analipa ndizo zinatakiwa kufanya hizo kazi makufuli kakudanganya au mtueleze kodi zetu zinaenda wapi hata mafuriko yakitokea mpaka wasamaria wema wachange? bara bara kwa hisani ya watu wa japani nk nk inatia aibu

Hii inaonyesha kodi zetu zinaishia mifukoni mwa watu wachache kwa manufaa yao binafsi. Namuunga mkono mchangiaji mmoja hapo juu anadai chimbuko la umasikini wa nchi yetu ni serikali ya ccm ni kweli kabisa na nadhani wanalitambua na wakati ni sasa wenye nchi tumeamka tunataka mtuachie nchi yetu kwa amani kabla ya kuidai kwa nguvu

 

[Shine]

NAONA DR. POMBE KAINGIA CHOO CHA KIKE! Ntarudi...............

Ameanza kuwa mpayukaji kama magamba wenzake, nimeamini samaki mmoja akioza ktk kapu moja wote wameoza nilidhani magufuli ndiye pekee aliyebaki ccm kumbe fikra zangu hazikuwa sahihi

 

[Limbaluko28]

Hodi wana JF, ndio kwanza naingia, lakini nimesha fuatilia hii glob kwa muda wa miaka mitatu sasa, kwa hiyo karibu wote humu ndani nawajua. Nimefurahishawa na michango yenu, hasa habari za Bongo, sababu nipo mbali kidogo na Bongo

 

[dazu]

I see mipasho and contradictions





Which is which sir?

Itabadilika na Atabadilika ni tofauti mzee. Usikurupuke soma kwa hatua.