Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Magufuli aumbuliwa na Bodi ya Barabara DSM

Discussion in 'Jukwaa la Siasa' started by Paparazi Muwazi, Jan 11, 2012.

  1. P

    Paparazi Muwazi JF-Expert Member

    #1
    Jan 11, 2012
    Joined: Dec 23, 2007
    Messages: 309
    Likes Received: 1
    Trophy Points: 35
    Waziri wa Ujenzi John Magufuli jana ameumbuka kutokana na tuhuma zake. Hayo yametokea katika mkutano wa bodi ya barabara katika mkoa wa Dar es salaam uliofanyika mnazi mmoja.

    Mara baada ya Mkuu wa Mkoa Mecky Sadiq kufungua mkutano huo mbele ya waandishi wa habari, alimkaribisha katibu tawala wa mkoa huo (jina halijapatikana) kusoma kuanza ajenda ya kuthibitisha muktasari wa mkutano uliopita.

    Mbunge wa Ubungo, aliingilia kati na kutaka kwanza kikao kithibitishe ajenda na kutoa tuhuma kwamba ajenda moja imeingizwa kinyemela. Mnyika aliitaja ajenda hiyo kuwa ni ‘kupokea mapendekezo ya kupandisha hadhi barabara za Mkoa wa Dar es salaam" ambayo alieleza kuwa ikijadiliwa itaeleweka kuwa ndio sasa mkoa umeanza kushughulikia suala hilo.

    Mkuu wa Mkoa alitetea uamuzi huo akidai kwamba kuingizwa kwa ajenda hiyo kutaonyesha kwamba wabunge, madiwani na watendaji wa mkoa wa Dar es salaam wamelipa uzito zaidi suala hilo kufuatia kauli ya Waziri Magufuli.

    Hata hivyo Mnyika alisisitiza suala hilo lijitokeze kwenye yatokanayo ili badala ya kujadili mapendekezo taarifa itolewe kuhusu utekelezaji wa serikali baada ya mapendekezo kuwasilishwa kwa Wizara ya Ujenzi kwa nyakati mbalimbali.
    Msimamo huo uliungwa mkono na Meya wa Kinondoni Yusuph Mwenda na kumlazimu Mkuu wa Mkoa ambaye ndiye aliyekuwa Mwenyekiti wa Mkutano na kukubali kuiondoa ajenda hiyo ili ijadiliwe kama sehemu ya yatokanayo na mkutano uliopita wa bodi hiyo ya barabara.

    Katika ajenda hiyo ya yatokanayo suala hilo la kupandishwa kwa hadhi ya barabara za Mkoa wa Dar es salaam lilijadiliwa na wachangiaji wengi zaidi huku wajumbe wakielekea kukubaliana kwenye sehemu kubwa ya maoni na wakizungumza kwa hisia kali.


    Wa kwanza kuzungumzia ajenda hiyo kwa mara nyingine tena alikuwa ni mbunge wa Ubungo ambaye alidai kwamba tayari bodi ya barabara ilishapeleka mapendekezo ya kupandishwa hadhi kwa barabara za Dar es salaam katika mikutano ya mwezi Februari na Oktoba 2011 lakini Waziri wa Ujenzi hajatoa majibu yoyote hali ambayo imechelewesha ujenzi wa barabara za kupunguza foleni.


    Mnyika alisema kwamba suala hilo limesababisha Dar es salaam kutokutengewa Fedha za kutosha za ujenzi wa barabara, na akataka mwakilishi wa TANROADS na Wizara ya Ujenzi katika kikao hicho kueleza iwapo ni ukweli kwamba serikali inafedha za barabara kwa ajili ya Dar es salaam ambazo zimekaa bila kutumiwa kama alivyodai Waziri Magufuli. Mnyika alimalizia kwa kutaka vigezo vya kupandisha hadhi barabara vya mwaka 2009 vibadilishwe ili kuwe na vigezo maalum kwa ajili ya Dar es salaam ambavyo vitazingatia umuhimu wa jiji kitaifa na hali mbaya ya foleni ilivyo hivi sasa.


    Wapili kuzungumzia hoja hiyo alikuwa Mbunge wa Kigamboni Dr Ndugulile ambaye alisema kwamba kama Serikali kupitia kwa Waziri wa Ujenzi imesema kwamba ina Fedha za kutosha kwa ajili ya ujenzi wa barabara za Dar es salaam ni kwanini badala ya kuongeza hadhi ya barabara nyingi zaidi imeleta pendekezo jipya la kushusha hadhi za barabara na kuzirejesha kwa Manispaa. Dr Ndugulile alipinga mpango huo na badala yake alitaka Wizara ya Ujenzi ipandishe hadhi barabara zilizoombewa kwa muda mrefu kupandishwa hadhi.


    Mwigine aliyezungumzia jambo hilo kwa ukali ni kiongozi wa chama cha wasafirishaji aliyejitambulisha kwa jina moja la Mabruk alinukuu gazeti la habari leo ambalo lilomnukuu Waziri Magufuli akieleza kuwa Wizara ya Ujenzi iko tayari kuondoa tatizo la foleni Dar es salaam isipokuwa Manispaa za Jiji la Dar es salaam zinang'ang'ania barabara hizo na kutaka maelezo ya TANROADS na Mhandisi wa Mkoa. Katika maelezo yao waataalamu walioshiriki kikao hicho walieleza kuwa kikwazo cha kupandisha hadhi barabara nyingi zilizoko chini ya Manispaa kwa sasa ni vigezo. Mabruk aliingilia kati na kudai kuwa kama kikwazo ni vigezo ambavyo vimetengenezwa na Waziri, kwanini Waziri huyo huyo anazisingizia Manispaa badala ya kufanya kazi inavyostahili.


    Meya wa Manispaa ya Kinondoni alisisitiza kwa Manispaa hazijawahi kuwa kikwazo na kuitaka Wizara ya Ujenzi iongeze fungu kwa ajili ya ujenzi wa barabara, sisi ndio tunaochangia kwa zaidi ya asilimia 70 kwenye Fedha zinazotokana na kodi ya mafuta lakini barabara zetu zinatengewa Fedha kidogo. "Serikali inafanya kama vile Dar es salaam tunapaswa kupiga magoti na kuomba, wakati Wizara ya Ujenzi inapaswa kufanya kazi ya kuleta maendeleo na kutoa mgawo mkubwa kwa barabara zetu kwa kuwa ni haki yetu.", alisema Mwenda.


    Msimamo huo wa wajumbe ulifanya Mwenyekiti wa Mkutano aombe kwamba ajenda hiyo isiendelee na badala yake kuundwe kamati maalum ya kuonana na Waziri Mkuu Mizengo Pinda pamoja na Waziri Magufuli kuhusu barabara za Dar es salaam kupandishwa hadhi na kuongezewa Fedha za ujenzi. Pia, mkuu wa mkoa alisema kwamba hoja isiwe kiwango cha mapato kinachokusanywa toka Dar es salaam bali iwe ni umuhimu wa barabara za Dar es salaam na jiji lenyewe kwa kuwa zinatumiwa na wananchi wa kutoka maeneo mbalimbali nchini.


    Kufuatia kauli hiyo ya Mkuu wa Mkoa, Mnyika alitaka kwamba hoja kuu iwe ni hasara ya kifedha na athari za kiuchumi kutokana na matatizo ya msongamano wa magari, na kutaka wataalamu waandae hoja yenye kuonyesha tija ambayo nchi itapata iwapo barabara zote muhimu za kupunguza foleni zinapandishwa hadhi na kujengwa kwa pamoja kwa kipindi kifupi inavyowezekana.


    Ajenda nyingine iliyovuta hisia za wachangiaji ni taarifa ya utekelezaji ya miradi ya barabara katika kipindi cha miezi mitatu iliyopita ambapo wajumbe walihoji ufanisi wa kazi zinazofanywa na wakandarasi mbalimbali, kupungua kwa utawala wa sheria katika masuala ya barabara hali ambayo inachangia katika ongezeko la foleni na ajali na mpango mpya wa njia moja katika barabara za katikati ya mji ambao utazinduliwa karibuni baada ya kufanyika kwa mkutano na wadau.
     
  2. W

    WATANABE JF-Expert Member

    #2
    Jan 11, 2012
    Joined: Apr 13, 2011
    Messages: 1,091
    Likes Received: 8
    Trophy Points: 135
    Ni vyema mashabiki wote wa Magufuli wakatambua kuwa mtume wao ni mzushi na muongo na mpotosaji mkubwa.
     
  3. G

    Godwine JF-Expert Member

    #3
    Jan 11, 2012
    Joined: Jan 15, 2010
    Messages: 1,352
    Likes Received: 13
    Trophy Points: 135
    kuna kitu lazima waweke wazi kwani kupandisha barabara hadhi kutaendana na kuongezeka kwa eneo la hifadhi ya barabara. je wamejipangaje kulipa fidia wale wataopata madhara ya ongezeko la mita za kingo za barabara?
     
  4. PakaJimmy

    PakaJimmy JF-Expert Member

    #4
    Jan 11, 2012
    Joined: Apr 29, 2009
    Messages: 16,234
    Likes Received: 105
    Trophy Points: 160
    Eleza sasa hapo aliumbuliwaje?..Mimi naona kama ni mgongano wa namna ya utekelezaji tu wa ishu ya upatikanaji wa fedha!!
     
  5. W

    WildCard JF-Expert Member

    #5
    Jan 11, 2012
    Joined: Apr 22, 2008
    Messages: 7,451
    Likes Received: 25
    Trophy Points: 145
    Kama ambavyo mnaomchukia mnapaswa kuona mazuri anayoyafanya kwa NCHI hii. Binadamu aliyekamilika siku zote ni pande mbili. Baadhi yetu tunashabikia utendaji wake, uthubutu wake na ujasiri wake. Nimeisoma hiyo Post ya kwanza hapo juu. Mnyika kashikwa pabaya.
     
  6. Ringo Edmund

    Ringo Edmund JF-Expert Member

    #6
    Jan 11, 2012
    Joined: May 10, 2010
    Messages: 4,899
    Likes Received: 15
    Trophy Points: 0
    watusi bwana.
    saa nyingine waeleweke saa nyingine ni wababaishaji.
     
  7. jogi

    jogi JF-Expert Member

    #7
    Jan 11, 2012
    Joined: Sep 25, 2010
    Messages: 11,155
    Likes Received: 3,706
    Trophy Points: 280
    Pj mimi naona hatua ya sadiki kuzuia mjadala wa hoja husika na kupendekeza kuunda kamati/tume ya kumuona pinda na magufuli huku magufuli akiwepo kwenye kikao halali chenye uwezo wa kutoa maamuzi, ndiyo kuumbuka kwenyewe. kama vipi magufuli angetoa ufafanuzi toshelezi kwa hoja zilizowekwa mezani na mnyika kwa upande mmoja ikikinzana na wahandisi/wataalam wa tanroad. hakika ameumbuka kwa kutaka kama kawaida yake kujificha kwenye kivuli cha sheria.
     
  8. G

    Game Theory JF-Expert Member

    #8
    Jan 11, 2012
    Joined: Sep 5, 2006
    Messages: 8,575
    Likes Received: 44
    Trophy Points: 0
    Pia tusisahau kuwa Magufuli alipinga sana mradi wa daraja la kigamboni

    ushahidi ninao nipeni 1 hr hivi nitamwaga mboga zote

    [​IMG]
     
  9. Barubaru

    Barubaru JF-Expert Member

    #9
    Jan 11, 2012
    Joined: Apr 6, 2009
    Messages: 7,163
    Likes Received: 10
    Trophy Points: 0

    Mwandishi wa mada hii ulikuwapo katika kikao hicho au ulikuwa katibu wa kikao hicho.

    Kweli Tz hakuna maadili ya utawala na sheria za kazi. Mmambo ya vikaoni mpaka kwenye mitandao.

    kazi ipo.
     
  10. Igabiro

    Igabiro JF-Expert Member

    #10
    Jan 11, 2012
    Joined: Aug 2, 2010
    Messages: 242
    Likes Received: 0
    Trophy Points: 33
    Hapo nachelewa kuelewa Magufuri kaumbuka vipi? Maana hicho kililikuwa kikao cha mkoa wa DSM na wajumbe wake na hizo ni ajenda zao, sasa kuhumbuka kunatoka wapi?
     
  11. ATUGLORY

    ATUGLORY Senior Member

    #11
    Jan 11, 2012
    Joined: Mar 16, 2011
    Messages: 166
    Likes Received: 0
    Trophy Points: 33
    Hapo penye rangi nyekundu, Ni msamiati mpya ninaomba ufafanuzi ukizingatia kiswahili ni Lugha inayokua!!!!!!!!!!!:lol:
     
  12. n

    namimih Member

    #12
    Jan 11, 2012
    Joined: Jan 4, 2012
    Messages: 65
    Likes Received: 0
    Trophy Points: 0
    Mimi naona hili suala la upandishaji hadhi na upunguzaji ni kama porojo tu, kama kweli hawa viongozi wanatafuta njia ya kupunguza foleni za ajabu, basi ni kufikiria vipi wataweka fly-over kwenye barabara kuu na kusahau masuala ya mataa ya kuongozea magari, hiyo itaweza kusaidia kupunguza foleni kuliko huo mradi au porojo za kupandisha na kushusha hadhi barabara, ukijumlisha na ile story ya mabasi yaendayo kasi. Wenzangu tufikirie foleni ya ubungo ilivyo, naamini kama kungekuwa na barabara au daraja la juu au chini linaloweza kupitisha magari bila ya kusubiri mataa, mnadhani kungekuwa na biashara ya foleni pale, na kuendelea na mradi kwenye mataa kwengineko. Ni maoni tu,
     
  13. mgt software

    mgt software JF-Expert Member

    #13
    Jan 11, 2012
    Joined: Nov 1, 2010
    Messages: 9,814
    Likes Received: 941
    Trophy Points: 280
    kila mkiamka ni magufuri tu mbona wengine waongo wapo saaaaana hata kwenu wapo, acheni uchawi Dr. Lock asonge mbele
     
  14. Mwakalinga Y. R

    Mwakalinga Y. R Tanzanite Member

    #14
    Jan 11, 2012
    Joined: Oct 22, 2008
    Messages: 2,723
    Likes Received: 14
    Trophy Points: 135
    Mimi mpaka leo sijui sababu za makufuli kuruhusu kuuzwa kwa nyumba za serikali...Mungu ambariki kama aliwatendea haki watz.
     
  15. Nyamburi

    Nyamburi JF-Expert Member

    #15
    Jan 11, 2012
    Joined: Oct 28, 2011
    Messages: 306
    Likes Received: 1
    Trophy Points: 0
    Wafuasi wake uwa wanampa sifa sina nafikiri kutokana na ukalili wake anapotoa data kwy vyombo vya habari,amekutana na watu makini sasa anaanza kuonekana kumbe sio kwa jinsi alivyofikirika na wengi
     
  16. L

    LATTICE BOND JF-Expert Member

    #16
    Jan 11, 2012
    Joined: May 30, 2011
    Messages: 219
    Likes Received: 0
    Trophy Points: 0
    Kwa nini huu mgongano umekuwa wa Mnyika dhidi ya Wizara ya Ujenzi badala ya wabunge wa Dar dhidi ya Wizara husika?
    Angalau ingekuwa Mwenyekiti wa wabunge wa dar dhidi ya Magufuli kuliko ulivyo hivi sasa!!
    its unfair!!
     
  17. S

    Serayamajimbo Senior Member

    #17
    Jan 11, 2012
    Joined: Apr 15, 2009
    Messages: 191
    Likes Received: 0
    Trophy Points: 0
    Vikao vya bodi ya barabara huwa ni vya wazi, waandishi wa habari wanakuwepo muda wote.
     
  18. Sumba-Wanga

    Sumba-Wanga JF-Expert Member

    #18
    Jan 11, 2012
    Joined: Feb 2, 2011
    Messages: 5,385
    Likes Received: 7
    Trophy Points: 135
    Sio yeye, ni maazimio ya baraza la mawaziri, ambalo mwneyekiti wake alikuwa Mh Benjamini Mkapa.
     
  19. Sumba-Wanga

    Sumba-Wanga JF-Expert Member

    #19
    Jan 11, 2012
    Joined: Feb 2, 2011
    Messages: 5,385
    Likes Received: 7
    Trophy Points: 135
    Sikutambua hilo.
    Mimi napita tu.
     
  20. Ndachuwa

    Ndachuwa JF-Expert Member

    #20
    Jan 11, 2012
    Joined: Mar 8, 2006
    Messages: 4,138
    Likes Received: 286
    Trophy Points: 180
    SI-HA-SA

    Mnyie mnataka Mh Waziri aseme hadharani serikali haina pesa?
     
Loading...