Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Magari Yalioibwa Yapatikana

Discussion in 'Habari na Hoja mchanganyiko' started by X-PASTER, Jul 13, 2011.

  1. X-PASTER

    X-PASTER Moderator

    #1
    Jul 13, 2011
    Joined: Feb 12, 2007
    Messages: 11,651
    Likes Received: 75
    Trophy Points: 145
    Kikosi cha Polisi Kanda Maalumu ya Dar es Salaam, kimekamata magari 10 yaliyoibwa katika sehemu mbalimbali nchini, yakiwa safarini kuelekea mkoani Shinyanga na Mara kwa ajili ya kuuzwa.

    Akizungumza na waandishi wa habari Dar es Salaam, Kaimu Kamanda wa kanda hiyo, Abdul Nina, alisema magari hayo yalikamatwa juzi yakiwa yamebadilishwa rangi na yakiwa na namba za usajili za bandia.

    Nina aliyataja baadhi ya magari hayo kuwa Toyota Nadia lenye namba ya usajili T 889 BJJ, lenye rangi ya damu ya mzee na Toyota RAV4 namba T 488 AYY lenye rangi ya kijani. Alisema magari hayo yalikuwa ndani ya uzio wa nyumba ya kulala wageni ya Sane, inayomilikiwa na Richard Nchambi, mkazi wa Kahama.

    Kaimu kamanda alisema Juni 23, mwaka huu, gari lenye namba ya usajili T 796 BLZ, aina ya Toyota Spacio, lenye rangi nyeupe, lilikamatwa likimilikiwa na Musoma Anthony. Alisema watuhumiwa walipohojiwa walidai magari hayo waliyapata kutoka kwa Yusuph Ramadhani.

    Nina alisema uchunguzi wa awali unaonesha magari hayo yaliibwa Sinza, katika Baa ya JJ yalikokuwa yameegeshwa.

    Akasema jioni ya Juni 24, mwaka huu, polisi walikamata gari lenye namba ya usajili T 170 ABD, aina ya Toyota Corolla, lenye rangi nyekundu. Erick Yona, ambaye ni fundi mitambo wa kampuni ya tiGO tawi la Shinyanga, alikutwa na gari hilo akidai amelinunua kutoka kwa Yusuph Ramadhani. Gari jingine lililokamatwa ni Cresta GX100 ambalo liliuzwa mkoani Shinyanga.

    - via magazeti ya Mwananchi na Uhuru
     
  2. ndetichia

    ndetichia JF-Expert Member

    #2
    Jul 13, 2011
    Joined: Mar 18, 2011
    Messages: 27,534
    Likes Received: 120
    Trophy Points: 160
    duu shy noma itabidi waeleze kwa kina wameyapata wapi..
     
  3. Kalunguine

    Kalunguine JF-Expert Member

    #3
    Jul 13, 2011
    Joined: Jul 27, 2010
    Messages: 2,543
    Likes Received: 5
    Trophy Points: 135
    naona wizi wa magari umetinga tena tanzania, nilishaanzaga sahau sikia habari hizi.
     
Loading...