Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Mafisadi wa BOT na RDC ni Wahujumu Uchumi?

Discussion in 'Jukwaa la Siasa' started by Kubwajinga, Mar 6, 2008.

  1. Kubwajinga

    Kubwajinga JF-Expert Member

    #1
    Mar 6, 2008
    Joined: Jan 23, 2008
    Messages: 2,188
    Likes Received: 14
    Trophy Points: 135
    Wana JF,
    Ikiwa huyu mkurugenzi aliyechota Sh4 bilioni za NBC ameweza kushitakiwa kwa kosa kubwa la kuhujumu uchumi, hivi haitawezekana kwa wale walioiba za BOT na hata wale wa Richmond wakakamatwa na kushitakiwa kwa makosa kama hayo hayo ya kuhujumu uchumi? Kwa anayefahamu hukumu ya mhujumu uchumi ningeomba atupe maelezo kidogo, shukran.




    Mkurugenzi wa kampuni kortini kwa kuchota mabilioni benki
    Na Pauline Richard


    MKURUGENZI wa Kampuni ya Ujenzi ya jijini Dar es Salaam, amefikishwa katika Mahakama ya Wilaya ya Ilala kujibu mashtaka ya kuiibia Benki ya Biashara (NBC) Tawi la Corporate la jijini Dar es Salaam, zaidi ya Sh4 bilioni.


    Mwendesha Mashtaka Mkuu wa Mahakama hiyo, Mrakibu Mwandamizi wa Polisi, Naima Msangi alimtaja mshtakiwa huyo mbele ya Hakimu Samwel Maweda kuwa ni mkazi wa Mikocheni 'B', David Mapunda (57).


    Msangi alidai kuwa, mshtakiwa huyo mbali ya kujipatia kiasi hicho cha fedha kwa njia ya udanganyifu, anakabiliwa na mashtaka mengine mawili ya kuongoza kufanya njama, kuhujumu uchumi na kuiibia benki hiyo.


    Alidai kuwa kati ya Februari 4 na 22 mwaka huu, mshtakiwa huyo, akiwa mkurugenzi na mmiliki wa akaunti namba 011103000537 kwa makusudi kusababisha upotevu kwa fedha hizo mali ya benki hiyo.


    Awali ilidaiwa katika mahakama hiyo kuwa, Januari 25 na Februari 22, mwaka huu, katika benki hiyo, mshtakiwa huyo aliiba kiasi hicho cha fedha baada ya kuweka hundi hiyo, kwenye akaunti ambayo haikuwa na fedha.


    Mshtakiwa huyo, hakutakiwa kujibu chochote kwa kuwa mahakama hiyo haina uwezo wa kusikiliza kesi kama hiyo ya uhujumu uchumi, hadi atakapofikishwa Mahakama Kuu.


    Kabla ya mahakama hiyo kuahirisha kesi hiyo, wakili anayemtetea mshtakiwa huyo, Peter Swai aliiambia mahakama kuwa, mteja wake ana matatizo ya shinikizo la damu na kuiomba kumruhusu kupelekwa mahabusu na dawa.


    Ombi la wakili huyo, lilikubaliwa na upande wa mashtaka na mahakama kuahirisha kesi hiyo, hadi Machi 10, mwaka huu, kesi hiyo, itakapotajwa tena. Mshtakiwa huyo alipelekwa rumande.


    Matukio ya wizi katika mabenki nchini, yamekuwa yakitokea mara kwa mara na hivyo kusababisha hasara kubwa katika benki hizo.


    Oktoba 23, mwaka jana , wafanyakazi watatu wa Benki ya CRDB Tawi la Azikiwe, nao walifikishwa katika mahakama hiyo, kujibu mashtaka ya wizi wa Sh922milioni mali ya benki hiyo.
     
  2. BabaH

    BabaH JF-Expert Member

    #2
    Mar 6, 2008
    Joined: Jan 25, 2008
    Messages: 704
    Likes Received: 1
    Trophy Points: 35
    Huyu kakosea, amewaibia wasausi kabla ya kuongea na vigogo (Mafisadi), alitakiwa kuwasomesha Mafisadi wakuu wa serikalini kwanza, na kuwa mwana mtandao, hapo angekuwa amemaliza. na ukiona hivyo ujue kuna LijiFisadi hapo limetoswa kwenye hiyo dili ndo maana, maana pesa hizo hazitokei hivi hivi
     
  3. Kubwajinga

    Kubwajinga JF-Expert Member

    #3
    Mar 6, 2008
    Joined: Jan 23, 2008
    Messages: 2,188
    Likes Received: 14
    Trophy Points: 135
    Nakubaliana na wewe mkuu kuwa, kuna fisadi aliyenyimwa kitu kidogo.


    Lakini sasa wale wa BOT, hasa hawa wanaojulikana wakirudisha hizo pesa, kwa nini wasidakwe wakapigwa nao mhuri wa UHUJUMU UCHUMI??
     
  4. BabaH

    BabaH JF-Expert Member

    #4
    Mar 6, 2008
    Joined: Jan 25, 2008
    Messages: 704
    Likes Received: 1
    Trophy Points: 35
    Ndo maana nikakujibu kuwa kuna Fisadi katoswa hapo ndo maana
    Serikali yetu imejaa mafisadi watupu, na viongozi, wote ni Mafisadi tu
    Angalia mahakamani, yanayofanya na majaji wetu, Ebu kumbuka Ditto alifanya nini mahakamani na wakamuacha!!
    Muangalie Mwema, Fisadi Kabisa
    Muangalie mwanasheria Mkuu wa serikali
    Muangalie Mkurugenzi wa PCCB
    Angalia Mawaziri wote waliopo sasa hivi

    Sasa unategemea ni nani hatawashitaki hao, wakati wote ni Mafisadi

    Tanzania kuna mchezo mchafu wa kula ulipo na kupokezana kijiti, na ndo unaosababisha mpasuko ndani ya CCM kuu, kwa sababu watu wote wanajua kuwa wote ni Mafisadi na wanajua kila mtu kafanya ufisadi wapi, na ndo maana wanataka kufanya Azimio la Butiama ili kuweka mambo safi sasa hivi

    Fisadi awezi kumshitaki Fisadi ndo maaana unaona wanatanua tu mtaani na kujiachia tu
     
Loading...