Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Madaktari: Hiki ndicho kilichomuua Kanumba

Discussion in 'Celebrities Forum' started by Matola, Apr 10, 2012.

  1. Matola

    Matola JF-Expert Member

    #1
    Apr 10, 2012
    Joined: Oct 18, 2010
    Messages: 30,754
    Likes Received: 4,631
    Trophy Points: 280
    Daktari aeleza kilichomwua Kanumba

    NI BAADA YA JOPO LA MADAKTARI MUHIMBILI KUMFANYIA UCHUNGUZI, BABA YAKE AZUNGUMZA, WABUNGE WAANGUA KILIO

    Florence Majani na Suzzy Butondo | Mwananchi

    MSANII nyota wa filamu nchini, Steven Kanumba amefariki dunia kutokana na tatizo la mtikisiko wa ubongo linalojulikana kitalaamu kama Brain Concussion, taarifa za kitabibu zimeeleza.

    Taarifa hizo za ndani, zilizopatikana jana baada ya jopo la madaktari bingwa watano wa Hospitali ya Taifa Muhimbili kuufanyia uchunguzi mwili wa marehemu huyo, zimeeleza kuwa tatizo hilo linaweza kumfanya mtu apoteze maisha mara moja au baada ya siku kadhaa. Mmoja wa madaktari hao ambaye aliomba jina lake lisitajwe gazetini alisema waligundua tatizo hilo baada ya kumfanyia uchunguzi huo kwa zaidi ya saa mbili.

    "Tulianza kuufanyia uchunguzi mwili wa marehemu kuanzia saa 4:00 asubuhi hadi saa 6:45 mchana na tukagundua kuwa marehemu alifariki kutokana na mtikisiko wa ubongo kwa kitaalamu, Brain Concussion," alisema daktari huyo. Alisema Kanumba alipata mtikisiko wa ubongo ambao husababisha kufeli kwa mfumo wa upumuaji (cardio-respiratory failure) "Kilichomuua hasa ni mtikisiko wa ubongo, ambao endapo unatokea katika sehemu ya nyuma ya ubongo (cerebrum), huua kwa haraka" alisema daktari huyo na kuongeza kuwa mtikisiko wa ubongo wa nyuma, husababisha matatizo ya mfumo wa upumuaji na hilo limeonekana katika mwili wake.

    "Baada ya ubongo wake kutikiswa kwa nguvu, mfumo wa upumuaji ulifeli na ndiyo maana tumekuta kucha za Kanumba zikiwa na rangi ya bluu, huku mapafu yake yakiwa yamevilia damu na kubadilika kuwa kama maini, hizo ndizo dalili za kufeli kwa mfumo wa upumuaji."

    "Mtu aliyepata mtikisiko wa ubongo huweza kutokwa na mapovu mdomoni na hukoroma kabla ya kukata roho na ndivyo ilivyokuwa kwa Kanumba kabla hajafariki."

    Daktari mwingine aliyeshiriki katika uchunguzi huo ambaye pia aliomba jina lake lisitajwe alisema ubongo wa mwigizaji huyo ulikuwa umevimba na kushuka karibu na uti wa mgongo na hivyo kuathiri mfumo wa upumuaji.

    Alisema sehemu ya maini na majimaji ya machoni ya marehemu, vimepelekwa kwa Mkemia Mkuu wa Serikali ili kubaini endapo kuna sumu au kitu kingine katika mwili huo.

    Baba mzazi azungumza
    Baba mzazi wa mwigizaji huyo, Charles Musekwa Kanumba alisema kwamba alipata taarifa za kifo cha mwanawe Jumamosi saa 10:00 alfajiri baada ya kupigiwa simu na dada wa marehemu, Sara Kanumba. "Sara aliniuliza: ‘Una taarifa yoyote kuhusu mwanao Kanumba?' Nikamjibu kuwa sina taarifa yoyote, ndipo aliponieleza habari za kifo hicho. Aliniambia Kanumba hatupo naye tena amefariki kwa kuanguka, amekorofishana na mpenzi wake." alisema taarifa hizo zilimsababisha aishiwe nguvu kwa kuwa kilikuwa kifo cha ghafla… "Basi kuanzia hapo, nilianza kupigiwa simu za kupewa pole, ndipo nilipoamini kumbe mwanangu amefariki."

    Akizungumzia kuchelewa kufika msibani, alisema kumetokana na tatizo la mawasiliano. Awali, alikuwa amepanga mtoto wake Kanumba akazikiwe Mwanza kwa babu yake ndiyo maana hakufika mapema msibani. "Nilikuwa nimepanga apitishwe hapa kwangu Shinyanga aagwe, halafu tumpeleke Mwanza kwa babu yake kumzika huko lakini alipokuja mama yake alinishauri kuwa huko kutakuwa na nafasi ndogo kwa sababu watu ni wengi pia alikuwa na marafiki wengi, wengine wa kutoka nje ya nchi kwa hiyo alinishawishi na tukakubaliana kumzika Dar es Salaam," alisema.

    Pia alikanusha uvumi kuwa hajafika msibani kwa kuwa walikuwa na ugomvi na marehemu akisema walishamaliza tofauti zao. Alisema anatarajia kufika leo usiku tayari kushiriki mazishi hayo.

    Wabunge kilio Jana, baadhi ya wabunge waliofika nyumbani kwa marehemu Kanumba waliangua vilio wakati walipotoa salamu zao za rambirambi.

    Mbunge wa Viti Maalumu, Martha Mlata hakuzungumza na badala yake aliimba kipande cha wimbo uliozungumzia kifo na maneno ya wimbo huo yalionekana kuwagusa wafiwa na kusababisha vilio kuanza upya huku baadhi wakipoteza fahamu.

    Mbunge mwingine, Neema Mwinyimgaya aliongeza majonzi masibani hapo alipounganisha msiba huo na wa mama yake… "Mama yangu amefariki miezi mitatu iliyopita, huko uliko mama, nakuomba umpokee kijana mwenzetu," alisema mbunge huyo na kushindwa kuendelea.

    Wabunge wengine waliohudhuria msiba huo ni Ismail Aden Rage (Tabora Mjini), Aboud Juma (Kibaha Vijijini), Mussa Azan Zungu (Ilala), Abbas Mtemvu (Temeke), Peter Serukamba (Kigoma Mjini) na Ritha Kabati (Viti Maalumu).

    Kova na mchango wa Kanumba
    Kamanda wa Polisi Kanda Maalumu ya Dar es Salaam, Suleiman Kova alisema anakumbuka mchango wa Kanumba katika kuzuia uhalifu jijini.

    "Tulishirikiana naye pamoja na wasanii wengine kuandaa bonanza maalumu ambalo lilidhamiria kukabiliana na uhalifu hapa jijini na kwa kweli mchakato ule ulifanikiwa kwani uhalifu ulipungua kwa kiasi kikubwa" alisema Kova.

    "Kifo chake kimekuwa cha ghafla mno na nafikiri kujiweka tayari (kiimani) ni jambo ambalo kila mmoja anatakiwa kuwa makini nalo katika maisha yake," alisema Kova.

    Ratiba ya mazishi
    2:30 - Msafara kutoka Hospitali ya Taifa Muhimbili kupitia Barabara ya Umoja wa Mataifa na Ali Hassan Mwinyi hadi Viwanja vya Leaders Club.
    3:30 - Misa ya kumuombea na salamu mbalimbali.
    6:00 – Kuaga
    9:00 - Kuelekea Makaburi ya Kinondoni kupitia Barabara ya Tunisia


    SAHIHISHO
    Rais Jakaya Kikwete jana alilazimika kubadili ratiba yake ya safari za ndani ya nchi ili kwenda kujumuika na waombolezaji wengine katika msiba wa msanii nguli, Steven Kanumba na hakuwa na safari nje ya nchi kama ilivyoripotiwa na gazeti hili jana. Mhariri.
     
  2. P

    Papizo JF-Expert Member

    #2
    Apr 10, 2012
    Joined: Feb 24, 2008
    Messages: 4,237
    Likes Received: 138
    Trophy Points: 160
    Huyu dogo hii kesi kwake haitakuwa kubwa sana kama madaktari wameshasema hivyo, ataachiwa simple kama hata kama watamfunga then hawatamfunga kwa mda mrefu na hivi alisema kwamba alimuona kanumba kaanguka tu ghafla plus madoctor na wenyewe wametoa report hiyo hiyo then dogo lulu ataachiwa ila nadhani itabidi ahamishwe bongo akaishi nchi nyingine la sivyo atauliwa huyu mtoto
     
  3. B

    Bi nyakomba JF-Expert Member

    #3
    Apr 10, 2012
    Joined: Mar 23, 2012
    Messages: 384
    Likes Received: 9
    Trophy Points: 35
    papizo na wee usingizi umekata lol
     
  4. CHAI CHUNGU

    CHAI CHUNGU JF-Expert Member

    #4
    Apr 10, 2012
    Joined: Feb 20, 2012
    Messages: 7,165
    Likes Received: 73
    Trophy Points: 145
    Ahsante kwa taarifa mkuu!
     
  5. P

    Papizo JF-Expert Member

    #5
    Apr 10, 2012
    Joined: Feb 24, 2008
    Messages: 4,237
    Likes Received: 138
    Trophy Points: 160

    Aiseee umekata kabisaaa ndio maana nipo hapa naperuzi najuwa utanichukua tu
     
  6. Rejao

    Rejao JF-Expert Member

    #6
    Apr 10, 2012
    Joined: May 4, 2010
    Messages: 9,223
    Likes Received: 146
    Trophy Points: 160
    Madaktari wa bongo hawaaminiki. Hata tiba ya babu wa Loliondo waliibariki, kumbe ilikuwa feki!
     
  7. s

    stun Member

    #7
    Apr 10, 2012
    Joined: Nov 20, 2010
    Messages: 63
    Likes Received: 0
    Trophy Points: 0
    Rejao, usikurupuke kijana,..nitajie daktari wa kitanzania unayemjua aliyebariki tiba ya babu wa Loliondo. Nijuavyo mimi, chama cha madaktari kilitoa tamko mapema sana. Pole sana kama huwaamini madaktari wa Tanzania.
     
  8. Sumba-Wanga

    Sumba-Wanga JF-Expert Member

    #8
    Apr 10, 2012
    Joined: Feb 2, 2011
    Messages: 5,385
    Likes Received: 7
    Trophy Points: 135
    At least there is a light seen far, in the tunnel
     
  9. P

    Precise Pangolin JF-Expert Member

    #9
    Apr 10, 2012
    Joined: Jan 4, 2012
    Messages: 11,318
    Likes Received: 417
    Trophy Points: 180
    Sasa unataka waseme alilishwa sumu? naona bado umelewa ule ushindi mlioupata akeri
     
  10. Tai Ngwilizi

    Tai Ngwilizi JF-Expert Member

    #10
    Apr 10, 2012
    Joined: Apr 20, 2010
    Messages: 781
    Likes Received: 0
    Trophy Points: 33
    concussion iliyosababisha kifo cha hapo hapo...bila jeraha kichwani...

    according to J Murtagh, Principles of General practice; concussion is usually caused by significant blunt force trauma/injury to the head such as a fall, sports injury, car accident, or being hit/struck with hard object.
    bado huyu mtoto wa watu ana kesi ya kujibu...
     
  11. Wingu

    Wingu JF-Expert Member

    #11
    Apr 10, 2012
    Joined: Jan 14, 2011
    Messages: 4,326
    Likes Received: 10
    Trophy Points: 133
    Binti hana kesi ya kujibu.Ila watu watamwogopa kama ukoma
     
  12. kichwat

    kichwat JF-Expert Member

    #12
    Apr 10, 2012
    Joined: Mar 4, 2010
    Messages: 1,814
    Likes Received: 10
    Trophy Points: 135
    taarifa ya kitaalam kawaida hueleza CHANZO au SABABU ya mtikisiko huo. Ilivyowekwa hapa imekaa upande.
     
  13. PastorPetro

    PastorPetro Senior Member

    #13
    Apr 10, 2012
    Joined: Feb 25, 2008
    Messages: 187
    Likes Received: 1
    Trophy Points: 35
    Kama concussion huenda kweli alianguka mna kugonga kichwa chake au alipigwa na chupa ya pombe kichwani kama wanavyodai!
     
  14. Ukwaju

    Ukwaju JF Bronze Member

    #14
    Apr 10, 2012
    Joined: Oct 19, 2010
    Messages: 7,750
    Likes Received: 364
    Trophy Points: 180
    Du hapa kuna kesi ya kujibu SK hawezi kuanguka kwa nyuma (hata mlevi yoyote) lazima Lulu alimsukuma, asante kwa taarifa ingawa Madaktari hawajazungumzia kiasi cha pombe iliyokutwa mwilini inatisha km hakulewa kuna Murder wala sio tena Manslaughter ambayo ni tricked hasa ikiwemo poison
     
  15. M

    Mpemba asilia Member

    #15
    Apr 10, 2012
    Joined: Jul 21, 2011
    Messages: 97
    Likes Received: 0
    Trophy Points: 13
    Asante kwa taarifa hii mkuu!nami nimepata mwanga sasa.
     
  16. King'asti

    King'asti JF-Expert Member

    #16
    Apr 10, 2012
    Joined: Nov 26, 2009
    Messages: 27,047
    Likes Received: 1,247
    Trophy Points: 280
    Kama sio Lulu basi kuna mwingine mwenye kesi ya kujibu. Concussion haitokei bila kugongwa ama kujigonga. Ila ile story ya Kanumba alilegea akaanguka inaweza kumtoa (after walau 3 years). Akitoka huko atakuwa mkubwa, anaweza kugombea ubunge wa vijana ccm
     
  17. kookolikoo

    kookolikoo JF-Expert Member

    #17
    Apr 10, 2012
    Joined: Mar 9, 2012
    Messages: 2,511
    Likes Received: 6
    Trophy Points: 135
    analipiza kisasi mtei alipomshambulia baada ya tamko lake la kuwa tayari kugombea urais fursa ikijitokeza. ila ni hatari kulumbana na waasisi.
     
  18. King Kong III

    King Kong III JF-Expert Member

    #18
    Apr 10, 2012
    Joined: Oct 15, 2010
    Messages: 24,052
    Likes Received: 558
    Trophy Points: 280
    Tangia Jmosi mpaka J3 uchunguzi wa sumu haujafanyika? Tanzania zaidi ya uijuavyo,dogo ataozea jela huyu its murder case mpaka hapa!
     
  19. Nyangomboli

    Nyangomboli JF-Expert Member

    #19
    Apr 10, 2012
    Joined: Nov 24, 2010
    Messages: 1,658
    Likes Received: 150
    Trophy Points: 160
    ina maana hujaelewa ubongo ulitikisikate mkuu? Hapo ndipo huyu Dogo anatakiwa kueleza zaidi ilikuwaje kampigiza au kajipigiza mpaka ubongo utikisike.
     
  20. Nyangomboli

    Nyangomboli JF-Expert Member

    #20
    Apr 10, 2012
    Joined: Nov 24, 2010
    Messages: 1,658
    Likes Received: 150
    Trophy Points: 160
    chanzo mbona tunakijua ni kasukumwa. Kilichobaki ni majibu ya Lulu, kweli alimsukuma? Makusudi au kujihami? Na mengine mengi. Hapo ndipo atatokea au la.
     
Loading...