Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Machozi

Discussion in 'Habari na Hoja mchanganyiko' started by X-PASTER, Sep 16, 2011.

  1. X-PASTER

    X-PASTER Moderator

    #1
    Sep 16, 2011
    Joined: Feb 12, 2007
    Messages: 11,651
    Likes Received: 75
    Trophy Points: 145
    Machozi

    Kila kitaka yafuta, mengine yanasogea
    Chozi churuta churuta, Nguoni yanaingia
    Walokufa hawajafata, nasaba nilozaliwa

    Wamekufa zinjibari, pahala tulozaliwa
    imewabana bahari, hawana pakukimbia
    wengi wakitafakari, mauti yanawajia

    Mauti ni machungu, hakuna anokataa
    huzidi yakiwa chungu, kwa sababu soyofaa
    tamaa ya ulimwengu, ndio watu yahadaa

    Msiba huu jamani, ukubwa sijaujua
    Umeathiri wandani, mpaka nje ya dunia
    Roho zetu mefundani, Mola tatuhukumia

    Hukumu itapitishwa, wasiwasi tusitia
    Mtoto wa miaka sita, baharini aelea
    jaketi yeye kavishwa, mama mtu kajifia

    nduguye kamkamata, miwili hajatimia
    waelea usiku kutwa, macho wazi wakodoa
    Nugwi bahari waikata, malaika wawapepea

    hapa ndio tunaona, uwezo wa subuhana
    watoto hawa wapona, bahari ya maulana
    Rabi wape yalomema, duniani na kiyama

    Tupoe wazanzibari, msiba ulotufikia
    haya si yetu khiyari, tungeweza yazuwia
    alipangalo jalali, katu kulipangua

    Rabi warehemu, waja walotangulia
    Uwatie peponi, moya baada ya moya
    huko wende kaonani, na zao familia

    ©Intisar Al'Abri
     
Loading...