Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Maaskofu: Tanzania imeelemewa na vilema vya UFISADI

Discussion in 'Jukwaa la Siasa' started by Msanii, Dec 9, 2011.

  1. Msanii

    Msanii JF-Expert Member

    #1
    Dec 9, 2011
    Joined: Jul 4, 2007
    Messages: 6,223
    Likes Received: 62
    Trophy Points: 145
    [​IMG]

    KATIKA kuadhimisha miaka 50 ya Uhuru wa Tanganyika, Baraza la Maaskofu Tanzania (TEC), limesema taifa limepoteza dhana ya uwajibikaji, uzalendo safi na mtazamo chanya wa maendeleo na ustawi wa wananchi, badala yake nchi imetumbukia kwenye vilema vya kifisadi na ubinafsi uliopindukia.

    Kana kwamba hiyo haitoshi, TEC imeonya kwamba, kushamiri kwa matabaka ya watu wenye nacho na wasionacho, mmomonyoko wa maadili, ushabiki wa mambo usio na upeo wala kina, unahatarisha usalama na mshikamano mzuri wa nchi ulioachwa na Baba wa Taifa, Hayati Mwalimu Julius Kambarage Nyerere.

    Kauli hiyo imetolewa Jijini Mwanza na Rais wa Baraza hilo la Maaskofu Tanzania, Jude Thadaeus Ruwa'ichi, wakati alipokuwa akizungumza kwenye uzinduzi wa kitabu cha Miaka 50 ya Uhuru wa Tanzania Bara, uliofanyika Mwanza hoteli.

    Ruwa'ichi ambaye pia ni Askofu wa Kanisa Katoliki Jimbo Kuu la Mwanza, alikwenda mbali zaidi na kusema, Serikali inapaswa ijitathmini na kutoogopa kuchukuwa maamuzi magumu ambayo ni muhimu, kama ambavyo Baba wa Taifa, Nyerere alivyojiwekea wakati wa kutafuta na baada ya kupata uhuru Desemba 9, mwaka 1961.


    [​IMG]
    Rais wa Baraza la Maaskofu Tanzania (TEC), Jude Thaddaeus Ruwa'ichi (kushoto), akimpongeza mtunzi wa Kitabu cha miaka 50 ya Uhuru wa Tanzania Bara, John Kasembo (katikati), jana Mwanza Hoteli. Kulia ni Mkuu wa Wilaya ya Nyamagana jijini Mwanza, Said Ali Amanzi.
    [​IMG]
    Askofu Ruwa'ichi akisikiliza hotuba ya DC Amanzi.

    "Leo tunaposherehekea miaka 50 ya uhuru wa nchi yetu, yapo matatizo mengi yanayotupasa tujitafakari. Taifa letu limesakamwa na vilema vya kutisha vya ufisadi mkubwa na mdogo.

    "Dhana ya uwajibikaji na uzalendo safi vinaonekana kuanza kutoweka. Kuzuka kwa matabaka na hata yale ya ulaghai na kushamiri kwa umasikini unatishia na kuhatarisha amani na umoja wa taifa letu", alisema Ruwa'ichi.

    Hata hivyo, kiongozi huyo wa kiroho ambaye alitoa hotuba yake hiyo kali mbele ya Kaimu Mkuu wa mkoa wa Mwanza, Said Amanzi alisema, Watanzania wote wanapaswa kuielewa miaka 50 ya Uhuru wa nchi kama ngwe ndogo, katika safari ndefu ya kujiimarisha na tunu ya kimaendeleo.

    Kwa mujibu wa Rais huyo wa TEC, kila Mtanzania anao wajibu wa kuwa mchangiaji mzuri wa maendeleo ya taifa, na kwamba lazima uwepo utawala wa haki na bora, umoja, uswa na utamaduni unaozingatia maslahi ya watu wote na si kundi fulani.

    "Kila mmoja wetu anatakiwa awe mchangiaji hodari wa maendeleo ya taifa letu hili. amani, utawala wa haki na usawa lazima vizingatiwe", alisema Ruwa'ichi ambaye katika hotuba yake ilionekana kuwaliza baadhi ya watu ukumbini humo.

    Aidha, alitumia fursa hiyo kumpongeza mtunzi wa kitabu hicho cha Miaka 50 ya uhuru wa Tanzania Bara, John Kasembo (26), kwa kuandaa kitabu hicho chenye maudhui ya taifa hili lilikotoka, lilipo na linakoelekea.

    "Kwa niaba ya watu wote wenye mapenzi mema, nakupongeza kwa moyo wote kijana John Kasembo na nakukaribisha sana katika ulingo wa watafiti mahiri na waandishi bora", alisema Ruwa'ichi kisha kushangiliwa na umati uliohudhuria uzinduzi wa kitabu hicho.

    Naye Kaimu Mkuu wa mkoa wa Mwanza, ambaye pia ni Mkuu wa wilaya ya Nyamagana na Kaimu Mkuu wa wilaya ya Ilemela jijini hapa, Said Amanzi katika hotuba yake alikiri taifa kukumbwa na matendo mabaya ya kifisadi.


    CHANZO: http://www.fikrapevu.com/habari/maaskofu-tanzania-imeelemewa-na-vilema-vya-ufisadi
     

    Attached Files:

  2. PMNBuko

    PMNBuko JF-Expert Member

    #2
    Dec 9, 2011
    Joined: Dec 27, 2010
    Messages: 972
    Likes Received: 0
    Trophy Points: 0
    Kila kitu alichokisema Ruwa'ichi ni sahihi. Kila mtanzania mwenye akili timamu anaelewa ukali wa maisha. Baadaye tusubiri Tamko la Kupinga kutoka upande wa pili wa Dini..... Na hapa ndipo alipotufikisha JK.
     
  3. P

    Paul J Senior Member

    #3
    Dec 9, 2011
    Joined: Oct 25, 2010
    Messages: 193
    Likes Received: 1
    Trophy Points: 0
    Heri yao waonao maovu na kuyasemea na Ole wao tuyaonayo maouvu na kuyatetea kwa maslahi yetu binafsi na bila tafakari ya kina!
     
  4. N

    Ntambaswala JF-Expert Member

    #4
    Dec 9, 2011
    Joined: Dec 7, 2008
    Messages: 254
    Likes Received: 2
    Trophy Points: 35
    Hyu Ruwaichi inaonyesha ni kichwa sana...........
     
  5. d

    dada jane JF-Expert Member

    #5
    Dec 9, 2011
    Joined: Dec 8, 2011
    Messages: 566
    Likes Received: 0
    Trophy Points: 0
    Wenye kusema wanasema. Je wahusika wanayatendea kazi? Historia itakuja wahukumu sana watendaji wa awamu hii. Maana wanatahadhalishwa lkn kichwa ngumu. Kama enzi za baba wa Taifa watu waliogopa kumkosoa lkn analaumiwa sana sembuse zama hizi watu wanaonya na kutoa tahadhari lkn wapi.
     
  6. K

    KAPONGO JF-Expert Member

    #6
    Dec 9, 2011
    Joined: May 29, 2009
    Messages: 1,276
    Likes Received: 104
    Trophy Points: 160
    Ninapotafakari matatizo ya sasa fikra zinanirejesha miaka ya 1975 wakati watu walikuwa wanadamka usiku wa manane kwenda kupanga foleni duka la kaya ili kununua mkate, kipande cha sabuni aina ya magadi, huku nguop za mawingu kwa aliyebahatika kuzipata alionekana ameukata! LAKINI tunajifanya hatukumbuki hayo, na tunajidanganya kuwa matatizo yapo zama hizi tu!
     
  7. Job K

    Job K JF-Expert Member

    #7
    Dec 9, 2011
    Joined: Oct 4, 2010
    Messages: 5,566
    Likes Received: 1,291
    Trophy Points: 280
    Kapongo acha kupotosha! Foleni za sukari na sabuni tulianza kuzipanga miaka ya 80 baada ya vita vya kumng`oa nduli. kabla ya hapo maisha yalikuwa bomba!
     
  8. Daudi Mchambuzi

    Daudi Mchambuzi JF-Expert Member

    #8
    Dec 9, 2011
    Joined: Nov 25, 2010
    Messages: 21,118
    Likes Received: 11,379
    Trophy Points: 280
  9. T

    Topical JF-Expert Member

    #9
    Dec 9, 2011
    Joined: Dec 3, 2010
    Messages: 5,177
    Likes Received: 4
    Trophy Points: 0
    Hao nao na matamko ya kijinga.

    Wanahitaji mchango wa kanisa au ??
     
  10. M

    Molemo JF-Expert Member

    #10
    Dec 9, 2011
    Joined: Sep 24, 2010
    Messages: 13,252
    Likes Received: 334
    Trophy Points: 180
    toa upuuzi wako hapa jamvini.
     
  11. F

    FJM JF-Expert Member

    #11
    Dec 9, 2011
    Joined: Apr 11, 2011
    Messages: 8,091
    Likes Received: 76
    Trophy Points: 145
    Nahisi muda si mrefu maaskofu hawatakuwa na 'moral authority' ya kusema chochote kuhusu ufisadi. Wanatoa utakaso wakati wa michango baada ya hapo wananza kusema kuna ufisadi! upi? Shida haina adabu!
     
  12. T

    TONGINDI Senior Member

    #12
    Dec 9, 2011
    Joined: Nov 23, 2011
    Messages: 176
    Likes Received: 0
    Trophy Points: 33
    sina imani na kauli za askofu luwaichi juzi fisadi mmoja alikuwa kanisa katoliki mwanza, si alisafishwa kanisani? au ufisadi anaouzungumzia unafananaje?
     
  13. NGUVUMOJA

    NGUVUMOJA JF-Expert Member

    #13
    Dec 10, 2011
    Joined: Jul 1, 2011
    Messages: 1,355
    Likes Received: 6
    Trophy Points: 135
    Mbona Kwenye harambee wanawaalika hao hao wanaoitwa 'mafisadi' na kuwasafisha?. Maaskofu hawa wanachanganya pumba na mchele?
     
  14. Bornvilla

    Bornvilla JF-Expert Member

    #14
    Dec 10, 2011
    Joined: Feb 17, 2011
    Messages: 915
    Likes Received: 12
    Trophy Points: 35
    Maaskofu ndio serikali! Kwani wanalosema maaskofu serikali inafyata mkia na kutekeleza.Wakisema mafisadi halali serikali ambayo wameibana si inaendelea kufanya ufisadi. Hakuna tofauti kati ya serikali na kanisa.
     
Loading...