Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Maafa ya wanataarabu wa FIVE STARS MODERN TAARAB................

Discussion in 'Jamii Photos' started by Rutashubanyuma, Mar 23, 2011.

  1. Rutashubanyuma

    Rutashubanyuma JF-Expert Member

    #1
    Mar 23, 2011
    Joined: Sep 24, 2010
    Messages: 61,381
    Likes Received: 490
    Trophy Points: 180
    [​IMG]
     
  2. Rutashubanyuma

    Rutashubanyuma JF-Expert Member

    #2
    Mar 23, 2011
    Joined: Sep 24, 2010
    Messages: 61,381
    Likes Received: 490
    Trophy Points: 180
    Baadhi ya wananchi waliofika eneo la ajali ya basi dogo lililokuwa limewabeba wasanii wa taarab wa kikundi cha Five Stars Modern Taarab wakipekua vitu mbalimbali ndani ya basi hilo usiku muda mfupi baada ya ajali hiyo kutokea katika kijiji cha Doma, Mvomero, Morogoro. (Picha na John Nditi)
     
  3. Rutashubanyuma

    Rutashubanyuma JF-Expert Member

    #3
    Mar 23, 2011
    Joined: Sep 24, 2010
    Messages: 61,381
    Likes Received: 490
    Trophy Points: 180
    Ukaidi wa dereva waua wasanii 11

    Imeandikwa na John Nditi, Morogoro; Tarehe: 22nd March 2011 @ 23:59 Imesomwa na watu: 673; Jumla ya maoni: 0


    <table align="right" border="0" cellpadding="0" cellspacing="0" width="310"> <tbody><tr> <td align="right" valign="top">
    </td></tr><tr> <td><table align="right" bgcolor="#eaedff" border="0" cellpadding="0" cellspacing="0" width="98%"> <tbody><tr> <td class="kaziBody" align="left" valign="top">
    </td> </tr> <tr> <td class="Marquee" align="left" valign="top">
    </td> </tr> </tbody></table></td> </tr> <tr> <td>
    <table align="right" bgcolor="#f0f0f0" border="0" cellpadding="0" cellspacing="0" width="98%"> <tbody><tr> <td class="kaziBody" align="left" valign="top">
    </td> </tr> <tr> <td class="Marquee" align="left" valign="top">
    </td> </tr> </tbody></table></td> </tr> </tbody></table> UKAIDI wa dereva wa basi dogo aina ya Coaster ndiyo uliosababisha vifo vya wasanii 13 wa kikundi cha taarabu cha Five Stars Modern Taarab cha Dar es Salaam.

    Inadaiwa kuwa dereva huyo aliyetajwa kwa jina moja la Chala alikaidi ushauri wa abiria waliomtaka apunguze mwendo, akalogonga lori la mizigo lililokuwa limeegeshwa pembeni mwa barabara kuu ya Iringa &#8211; Morogoro katika Hifadhi ya Taifa ya Mikumi.

    Basi hilo namba T 351 BGE lililokuwa katika mwendo mkali liligonga lori aina ya Scania namba T 848 APE lililokuwa na tela namba T559BDL lililokuwa limesheheni mbao na kuegeshwa katika kijiji cha Doma, wilayani Mvomero baada ya kuharibika.

    Katika ajali hiyo watu 12 walikufa papo hapo na mwingine aliaga dunia wakati akipatiwa matibabu katika Hospitali ya Mkoa wa Morogoro.

    Marehemu alikuwa mwimbaji katika bendi hiyo, ndugu zake wamemtambua kuwa ni Haji Mzaniwa ( 38).

    Miongoni mwa waliokufa ni pamoja na Meneja wa bendi hiyo, Nassoro Madenge , mwimbaji mahiri wa taarab, Issa Kijoti na wasanii wengine mashuhuri.

    Kijoti ndiye aliyeimba wimbo maarufu wenye maneno Nichumu Nichumu tena, Mwaah, amekufa siku yake ya kuzaliwa, alizaliwa Machi 21, 1985.

    Kamanda wa Kikosi cha Usalama Barabarani Mkoa wa Morogoro, Ibrahim Mwamakula, alisema ajali hiyo ilitokea saa 2.30 usiku.

    Kwa mujibu wa Kamanda huyo, dereva huyo aliligonga lori hilo wakati akijaribu kukwepa lori lingine lililokuwa likitoka mbele yake ambalo pia ni Scania lenye namba T 530 BHY na tela namba T 182 BKB.

    Baada ya kuona hali hiyo dereva alibabaika, basi likayumba na kujibamiza kwenye lori hilo na paa la basi hilo kung'oka.

    "Ni ajali mbaya iliyohusisha magari matatu, na waliokufa wote ni waliokuwa kwenye basi dogo la wasanii wa Five Stars na kusababisha majeruhi tisa kulazwa," alisema Mwamakula.

    Kati ya waliokufa 10 ni wanaume na watatu ni wanawake, ambapo majeruhi ambao wote ni wasanii waliolazwa katika Hospitali ya Mkoa ni pamoja na Mwanahawa Ally (55) wa Kundi la East African Melody ambaye alikuwa mwalikwa katika safari hiyo , Susana Benedict (32), Zena Mohamed (27), Samrla Rajab (22) na Mwanahawa Hamis ( 36) walioko wadi namba
    tatu.

    Akihojiwa jana akiwa hospitalini alikolazwa, Mwanahawa alisema, dereva alionywa na abiria kuhusu mwendo wake wa kasi, lakini akakaidi na kuendelea na uendeshaji wake mbovu uliowasababishia ajali.

    "Kwa kweli dereva wa gari letu alikuwa akiendesha kwa kasi tangu tulipokuwa kukiteremka kwenye milima ya Kitonga &#8230; niliingiwa na wasiwasi juu ya mwendo wake na ndipo tulipofika karibu na Doma, tumepata ajali mbaya sana, iliyosababisha wenzetu 13 kufa na sisi kama watu tisa kupata majeraha wengine ni makubwa," alisema Mwanahawa.

    Alithibitisha kuwa dereva wa gari lao alitaka kulipita lori lililoharibika, lakini ghafla kukawa na gari lingine likitoka mbele yao, "aliligonga hili lililobeba mbao na kuhama njia kwenda kujigonga usoni mwa lori lingine na kuangukia bondeni," alisema msanii huyo mkongwe wa muziki huo.

    Kwa mujibu wa Kamanda huyo wasanii wengine waliolazwa katika hospitali hiyo ni Ally Juma (25), Rajabu Kondo ( 25), Issa Hamis, Shaaban Hamis (41) na Msafiri Musa (22).

    Wakizungumza katika eneo la ajali usiku huyo, mashuhuda walioshuhudia ajali hiyo, Joseph Njiwa na Nania Msemwa, ambao walikuwa na gari kubwa la mizigo wakitoka Dar es Salaam kwenda Makambako, Iringa, kwa nyakati tofauti walisema ajali hiyo ilitokea saa mbili usiku.

    "Ni ajali ya kutisha, tumeshuhudia basi dogo hilo likigonga lori kwa nyuma na kuhama na kwenda kugonga kichwa cha lori lingine, na watu walikatika vichwa na viungo vyao &#8230; hata sisi tuliingiwa na hofu kubwa ya kutoa msaada, lakini tulikazimika kufanya hivyo," alisema Msemwa.

    Njiwa alisema, iwapo dereva wa basi dogo angekuwa na mwendo wa wastani , ajali hiyo ingeepukika kwa kusubiri lori hilo lililokuwa katika upande wake kupita na yenye kuendelea na safari hiyo.

    Hata hivyo alitoa lawama kwa lori lililoharibika eneo hilo kwa kushindwa kuweka alama za kuashiria kuharibika na hivyo kuepusha ajali hiyo.

    Baadhi ya ndugu wa marehamu waliwasili usiku wa manane siku ya tukio baada ya kuarifiwa na majeruhi na kuchukua hatua za kuchukua miili ya wasanii hao kwa ajili ya kusafirishwa hadi Dar es Salaam kwa mazishi.

    Hata hivyo miili ya marehemu hao ilihifadhiwa katika mochwari ya Hospitali ya Mkoa wa Morogoro kwa ajili ya utaratibu mwingine zaidi.

    Wakati huo huo, Rais Jakaya Kikwete amemtumia salamu za rambirambi Waziri wa Habari, Vijana, Utamaduni na Michezo, Emmanuel Nchimbi kutokana na vifo hivyo.

    "Binafsi nimeguswa na msiba huu kwa vile umetupotezea wasanii ambao walikuwa na mchango mkubwa katika kukuza na kuendeleza sanaa ya muziki wa taarab nchini kwetu. Hili ni pigo kubwa si kwa usanii wa taarab bali kwa Taifa letu zima la Tanzania," alisema Rais Kikwete katika salamu zake.

    Aliongeza: "Nakutaka Waziri kupitia kwako ufikishe salamu zangu hizi za rambirambi kwa ndugu wa wafiwa wote. Wajulishe kuwa moyo wangu uko nao katika wakati huu mgumu na kuwa msiba wao ni msiba wetu sote."

    Rais Kikwete alisema anamwomba Mwenyezi Mungu azilaze mahali pema peponi roho za marehemu wote huku akiwaomba waliopoteza wapendwa wao katika ajali hiyo mbaya kuwa na moyo wa uvumilivu, ujasiri na subira katika kipindi hiki kigumu cha maombolezo.

    Vilevile aliwaombea kwa Mwenyezi Mungu wote waliojeruhiwa kwenye ajali hiyo mbaya wapone haraka ili waweze kurejea katika hali yao ya kawaida na kuungana tena na familia, ndugu, jamaa na marafiki zao.

    Waziri Nchimbi amesema, amepokea kwa mshituko mkuvwa taarifa za ajali hiyo, na kwamba ni pigo kubwa kwa tasnia ya muziki wa taarab nchini.

    Baraza la Sanaa la Taifa (BASATA) limepokea kwa masikitiko makubwa taarifa ya ajali hiyo na linaungana na familia za wafiwa na wasanii wote nchini kwa maombolezo ya msiba huu mkubwa na wa kihistoria.

    "Kifo cha wasanii hawa ni pengo kubwa kwa familia na sekta ya sanaa nchini, kwani kupungukiwa na wasanii wabunifu 13 kumerudisha nyuma kimaendeleo sekta hii nchini na pengo hilo haliwezi kuzibika kwa njia yoyote iwayo," ilisema taarifa ya Basata.

    Baraza limetoa Sh. 500,000 za rambirambi kwa kundi la Five Star Modern Taarab ili zigawanywe kwa wafiwa na kusaidia shughuli za msiba huo mkubwa katika tasnia ya sanaa nchini.

    Mmoja wa waratibu wa shughuli za msiba huo, Kiongozi wa African Stars Entertainment (ASET), Asha Baraka amesema, wengi waliokufa alikuwa ni wasanii vijana, na kwamba, kabla ya kujiunga na bendi hiyo walikuwa katika bendi nyingine ya taarab iitwayo Jahazi Modern Taarab.

    Kiongozi wa Jahazi, Mzee Yusuf, amesema, vifo vya wasanii hao ni janga la taifa kwa kuwa vinawahusu hata wasiopenda muziki.

    "Hili janga si la Five Stars, ni letu sote Watanzania, wapenda muziki na wasiopenda muziki" amesema na kuongeza kuwa wote waliokufa aliwahi kufanya nao kazi kwa muda mrefu
     
  4. n

    naroka Member

    #4
    Mar 23, 2011
    Joined: Oct 19, 2010
    Messages: 47
    Likes Received: 0
    Trophy Points: 13
    Poleni sana wafiwa.Mwenyezi Mungu awalaze Mahali pema peponi.
     
  5. Rutashubanyuma

    Rutashubanyuma JF-Expert Member

    #5
    Mar 23, 2011
    Joined: Sep 24, 2010
    Messages: 61,381
    Likes Received: 490
    Trophy Points: 180
    Bwana ametoa Bwana ametwaa..................tuliwapenda sana lakini Bwana aliwapenda zaidi...................................the list goes on and on................................................
     
  6. Omukuru

    Omukuru JF-Expert Member

    #6
    Mar 26, 2011
    Joined: Nov 4, 2010
    Messages: 244
    Likes Received: 1
    Trophy Points: 35
    Mungu awarehemu walioaga dunia.

    Baraza limetoa Sh. 500,000 za rambirambi kwa kundi la Five Star Modern Taarab ili zigawanywe kwa wafiwa na kusaidia shughuli za msiba huo mkubwa katika tasnia ya sanaa nchini.

    Hii mbona kidogo sana ukizingatia wamefariki watu 13? Ni mshangao wangu tu.
     
  7. Emanuel Makofia

    Emanuel Makofia JF-Expert Member

    #7
    Mar 26, 2011
    Joined: Jan 5, 2010
    Messages: 3,817
    Likes Received: 2
    Trophy Points: 135
    Mimi binafsi nawashangaa sana wasanii kwenye kampeni za ccccccmmm wanakuwa mstari wa mbele lakini kwenye msiba kama huu wote
    kimya nilitegemae watunge hata nyimbo na harambee kwa wafiwa lakini wote kimyaaaa.
    ni aibu tena kubwa.mtizamo
     
  8. m

    munguwangu Member

    #8
    Mar 26, 2011
    Joined: Feb 17, 2011
    Messages: 5
    Likes Received: 0
    Trophy Points: 0
    Bila jitihada za dhati za mabadiliko katika madereva wetu watatumaliza jamani. Madereva wa nchi za nje kama ujerumani wanazingatia sana taratibu na sherea na ukizingatia akiwa amebeba abiria? Sisi tatizo liko wapi wanajamii? Tuwafanye nini hawa madereva? Hawajali utu ama nini?
     
  9. chobu

    chobu JF-Expert Member

    #9
    Mar 28, 2011
    Joined: Nov 5, 2010
    Messages: 276
    Likes Received: 2
    Trophy Points: 35
    Mwenyezi awalaze pema peponi!!!!!!!!
     
Loading...