Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Lowassa: Nimechoka kuzushiwa

Discussion in 'Jukwaa la Siasa' started by Msharika, Nov 27, 2010.

  1. M

    Msharika JF-Expert Member

    #1
    Nov 27, 2010
    Joined: May 15, 2009
    Messages: 934
    Likes Received: 2
    Trophy Points: 35
    Lowassa: Nimechoka kuzushiwa
    • Mwanaye ajipanga kuchukua hatua za kisheria kujisafisha

    na Mwandishi wetu


    WAZIRI Mkuu mstaafu, Edward Lowassa, ameeleza kushangazwa na mwenendo wa kisiasa wa siku za hivi karibuni ambao unaliingiza jina lake katika matukio makubwa ya kisiasa yanayotokea.
    Mbali ya kueleza mshangao wake huo, Lowassa alikwenda mbele zaidi na kusema alikuwa amefikia hatua ya kuchoshwa na aina ya siasa zinazomhusisha na mambo yasiyo na ukweli wowote.
    “Nimechoka kukaa kimya kila mara zinapotengenezwa habari za uongo juu yangu. Imefika mahali sasa nimeamua kuchukua hatua za kisheria dhidi ya wale ambao kwa makusudi na kwa nia mbaya wanafinyanga uzushi dhidi yangu na wakati mwingine dhidi ya familia yangu,” alisema Lowassa aliyezungumza na Tanzania Daima kwa njia ya simu jana.
    Akitoa mfano, Lowassa ambaye alitafutwa ili kutoa maoni yake kuhusu muundo wa baraza jipya la mawaziri lililotangazwa hivi karibuni, alieleza kushangazwa na uamuzi wa baadhi ya watu kufikia hatua ya kumtuhumu kwamba alikuwa akishinikiza ateuliwe katika nafasi kadhaa za uwaziri jambo ambalo halina ukweli wowote.
    “Rais anaunda baraza la mawaziri kwa utashi wake na si kwa kushinikizwa na mtu yeyote. Jambo la kushangaza imefikia watu wanasema uongo wa wazi kwamba eti Lowassa alikuwa akishinikiza na wengine wakafikia hatua ya kudai kulikuwa na msukumo mkubwa wa kutaka niteuliwe. Huu wote ni uzushi,” alisema Lowassa.
    Alisema ni jambo la ajabu kwamba jina lake ndilo linaloonekana kuwa katikati ya mjadala wa uteuzi huo wakati kila mmoja akijua kuwa wako mawaziri wakuu wastaafu wengine ambao wangeweza kuteuliwa katika nafasi za ubunge na uwaziri ambao hawakuteuliwa ingawa majina yao hayatajwi.
    Ingawa Lowassa hakutaja jina la mtu yeyote, mawaziri wakuu wastaafu ambao wapo ni Frederick Sumaye, John Malecela, Joseph Warioba, Cleopa Msuya na Salim Ahmed Salim.
    Ukimuacha Malecela ambaye alionyesha dhamira ya kuendelea kuwa bungeni kabla ya kushindwa katika mchakato wa kura za maoni ndani ya Chama cha Mapinduzi (CCM), mawaziri wakuu wastaafu wengine wote wako nje ya wigo wa siasa za mikikimikiki.
    Kwa sababu hiyo, mwanasiasa huyo alieleza kusikitishwa na hatua ya watu aliowaita wachimvi waliofikia hatua ya kukielezea kitendo cha rais kutomteua katika nafasi yoyote ya uwaziri kuwa ni cha kumtosa kisiasa.
    “Mimi ni mbunge wa Monduli kwa tiketi ya CCM, ni Mjumbe wa Halmashauri Kuu ya Taifa, bado ninazo fursa nyingi za kuendelea kutoa mchango wangu wa kisiasa kwa chama changu na kwa taifa langu kwa njia nyingi.
    Nafasi za uongozi nilizonazo zimetokana na ridhaa ya chama changu. Haiingii akilini kusema nimetoswa au nimefikia ukomo wa kisiasa,” alisema Lowassa kwa masikitiko.
    Alisema iwapo Kikwete au CCM wangekuwa wamemtosa kisiasa, basi jina lake lisingeweza kupitishwa kugombea ubunge, kwani rais ndiye mwenyekiti wa taifa wa chama hicho.
    Mbali ya hilo, Lowassa alisema, watu wasiomtakia mema, ambao hata hivyo hakuwataja, wamefikia hatua ya kuanza kuipaka matope hata familia yake katika mambo ambayo si ya kweli.
    Lowassa alikuwa akizungumzia habari zilizomhusisha mtoto wake Frederick Lowassa katika tuhuma za kuchunguzwa na taasisi za ndani ya nchi na zile za nchini Uingereza kwa madai ya kusafirisha fedha nje ya nchi katika mazingira yenye utata.
    Habari hizo zilizoandikwa katika gazeti moja linalochapishwa mara moja kwa wiki, zilimhusisha Frederick na ununuzi wa nyumba yenye thamani ya pauni za Uingereza 475,000 (takriban shilingi bilioni moja) ambayo inatajwa katika maelezo ya awali iko mtaa wa Leinster Gardens, jijini London.
    “Habari hizo zinazomhusu Frederick na ambazo zililitaja pia jina langu hazina ukweli wowote. Nimechoka kuzushiwa na kushambuliwa kwa mambo ambayo si ya kweli. Nimekuwa kimya na sasa wameanza kuichafua hata familia yangu. “Nimewasiliana na Frederick mwenyewe ambaye amenihakikishia kuwa tayari ameshaanza kuchukua hatua za kulifikisha suala hilo mbele ya vyombo vya kimaadili na kisheria kama Baraza la Habari Tanzania (MCT) na mahakamani ili kulisafisha jina lake,” alisema Lowassa.


    Ujumbe: Ukiwa mashuhuri kuwapaka matope wenzio nawe ukipakwa matope uwe jasiri kuvumilia. Nguruwe pita sina mkuki. hahahahaha
     
  2. Kite Munganga

    Kite Munganga JF-Expert Member

    #2
    Nov 27, 2010
    Joined: Nov 19, 2006
    Messages: 1,297
    Likes Received: 61
    Trophy Points: 145
    Nanukuu tu.... "Haiingii akilini kusema nimetoswa au nimefikia ukomo wa kisiasa,"....yaelekea hajakata tamaa mang'ati huyu
     
  3. Kigogo

    Kigogo JF-Expert Member

    #3
    Nov 27, 2010
    Joined: Dec 14, 2007
    Messages: 19,245
    Likes Received: 33
    Trophy Points: 145
    dahh huyu mzee ana misukosuko sana
     
  4. Ndibalema

    Ndibalema JF-Expert Member

    #4
    Nov 27, 2010
    Joined: Apr 26, 2008
    Messages: 10,858
    Likes Received: 30
    Trophy Points: 145
    Ni kweli kwamba Lowasa hajakata tamaa na ana roho ya paka.
    Hakati tamaa kirahisi hata siku moja.
    Tutarajie mengi kutoka kwake kwani hajali kuchafuka kwake.
     
  5. Buchanan

    Buchanan JF Diamond Member

    #5
    Nov 27, 2010
    Joined: May 19, 2009
    Messages: 13,088
    Likes Received: 236
    Trophy Points: 160
    jamani mambo ya siasa utakimbilia mara ngapi mahakamani?
     
  6. G

    Gagnija JF-Expert Member

    #6
    Nov 27, 2010
    Joined: Apr 28, 2006
    Messages: 5,548
    Likes Received: 57
    Trophy Points: 145
    Alipotajwa kwenye orodha ya mafisadi hakwenda mahakamani, na nina hakika hata sasa hakuna kati yake au mtoto wake anayeweza kukanyaga mahakamani.
     
  7. M

    Mutu JF-Expert Member

    #7
    Nov 27, 2010
    Joined: Mar 30, 2008
    Messages: 1,333
    Likes Received: 2
    Trophy Points: 0
    Haahaaaaaaa walikuwa wakichafua wenzio sasa his turn anang'aka nini? kwanzani kuchafuliwa huku au kufichuliwa ....! tutajua
     
  8. The Son of Man

    The Son of Man JF-Expert Member

    #8
    Nov 27, 2010
    Joined: Feb 9, 2010
    Messages: 10,947
    Likes Received: 353
    Trophy Points: 180
    Hii ndo shida ya makanjanja wa bongo na wahariri wao, hivi mtu aliye jiuzuru kwa makosa yake ni Mstaafu? Kama sikosei tunao mawaziri wakuu wastaafu watano tu ambao ni SAS, Warioba, Malecela, Msuya na Sumaye, huyu Laiboni ni mharifu tu wala siyo mstaafu!
     
  9. Wambandwa

    Wambandwa JF-Expert Member

    #9
    Nov 27, 2010
    Joined: Dec 3, 2006
    Messages: 1,951
    Likes Received: 161
    Trophy Points: 160
     
  10. M

    Mp Kalix2 JF-Expert Member

    #10
    Nov 27, 2010
    Joined: Oct 4, 2010
    Messages: 4,444
    Likes Received: 545
    Trophy Points: 280
     
  11. Domhome

    Domhome JF-Expert Member

    #11
    Nov 27, 2010
    Joined: Jun 28, 2010
    Messages: 1,314
    Likes Received: 276
    Trophy Points: 180
    Mara baada ya Tume (NEC) kutangaza matokeo ya Uchaguzi mkuu mwaka huu Mh. EL, alimkejeli DR. SLAA kwa kusema......." hajui siasa za Tanzania....."

    Swali kwa Mh. EL, je, yeye anayezijua siasa za Tanzania analalamika nini????????
     
  12. Butola

    Butola JF-Expert Member

    #12
    Nov 27, 2010
    Joined: Jan 19, 2010
    Messages: 2,140
    Likes Received: 0
    Trophy Points: 0
    Nashawishika kuwa hawa pekee ndio Mawaziri Wakuu Wastaafu, waliacha kugombea ubunge wakati wakiwa Mawaziri Wakuu na hivyo kukiacha cheo cha Uwaziri Mkuu,hao wengine ni Mawaziri Wakuu wa Zamani unless tuwaite Waliostaafishwa kwa manufaa ya umma.
     
  13. Ndahani

    Ndahani JF-Expert Member

    #13
    Nov 27, 2010
    Joined: Jun 3, 2008
    Messages: 11,547
    Likes Received: 131
    Trophy Points: 160
    Namshauri this time awahi kukimbilia mahakamani. Kutishia nyau hakuna msaada wowote.
     
  14. Mtazamaji

    Mtazamaji JF-Expert Member

    #14
    Nov 27, 2010
    Joined: Feb 29, 2008
    Messages: 5,972
    Likes Received: 27
    Trophy Points: 0
    Edward Lowasa si waziri Mkuu mstaafu tu
    Edward Lowasa ni Waziri Mkuu mstaafu kwa maslahi ya Umma/Taifa.

    Akae akijua Hilo
     
  15. Ndachuwa

    Ndachuwa JF-Expert Member

    #15
    Nov 27, 2010
    Joined: Mar 8, 2006
    Messages: 4,136
    Likes Received: 281
    Trophy Points: 180
    Umemsahau Judge Warioba
     
  16. Omutwale

    Omutwale JF-Expert Member

    #16
    Nov 27, 2010
    Joined: Feb 4, 2008
    Messages: 1,423
    Likes Received: 9
    Trophy Points: 135
    To @ axn there is an = and opp rxn! Atambue kuwa yanayomsibu yeye na jk ni sehemu ya malipo ya dhambi walizowatendea kina SAS na wagombea wengine wa Urais. Mwambie nasi tumechoshwa na kuchoshwa kwake. Tunataka hasiichie kusema amechoka tu, aende mahakamani tena akianza na Dr. Slaa
     
  17. The Son of Man

    The Son of Man JF-Expert Member

    #17
    Nov 27, 2010
    Joined: Feb 9, 2010
    Messages: 10,947
    Likes Received: 353
    Trophy Points: 180
    Thanx mkuu ngoja nimuongeze!
     
  18. M

    Mdondoaji JF-Expert Member

    #18
    Nov 27, 2010
    Joined: Mar 17, 2009
    Messages: 5,102
    Likes Received: 38
    Trophy Points: 145
    Maskini mungu amsaidie ila tatizo akienda mahakamani siri nyingi zitaibuka anyway wacha tusubiri tuone.
     
  19. TIMING

    TIMING JF-Expert Member

    #19
    Nov 27, 2010
    Joined: Apr 12, 2008
    Messages: 21,797
    Likes Received: 53
    Trophy Points: 145
    Wakuu

    Lets be fair and grown ups!!!

    There were too many unnecessary rumors na hasa yale ya kusema kangangania wizara nne, sijui atakua PM etc

    We cant build our country through rumors
     
  20. M

    Msharika JF-Expert Member

    #20
    Nov 27, 2010
    Joined: May 15, 2009
    Messages: 934
    Likes Received: 2
    Trophy Points: 35
    ACID well noted
     
Loading...