Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Lowassa aweka mambo hadharani: Nitatoa uamuzi

Discussion in 'Jukwaa la Siasa' started by nngu007, Jul 14, 2011.

  1. nngu007

    nngu007 JF-Expert Member

    #1
    Jul 14, 2011
    Joined: Aug 2, 2010
    Messages: 15,874
    Likes Received: 28
    Trophy Points: 145
    Thursday, 14 July 2011


    * Lowassa aweka mambo hadharani

    JANE MIHANJI, DODOMA na Hamis Shimye, Dar

    MBUNGE wa Monduli, Edward Lowassa, amesema atatangaza uamuzi kuhusu nyadhifa zake ndani ya Chama Cha Mapinduzi (CCM), wakati muafaka ukifika. Amesema ameshitushwa na kitendo cha aliyekuwa mbunge wa Igunga, Rostam Aziz, kutangaza kuachia nafasi hiyo na ya ujumbe wa Halmashauri Kuu ya Taifa (NEC) ya CCM.

    Lowassa aliyewahi kuwa waziri mkuu wa Serikali ya Muungano, alisema hayo jana mjini hapa, baada ya kutakiwa kutoa maoni kuhusu uamuzi wa Rostam kujiuzulu nyadhifa hizo. "Ninachoweza kusema ni kuwa, Rostam kujiuzulu ni haki yake lakini nimeshituka kuona amejiuzulu na ubunge. Nimeguswa pia na wananchi wake walivyopokea uamuzi huo," alisema.

    Rostam akitangaza uamuzi wa kuachia ngazi juzi, alisema amefikia uamuzi huo ili kulinda maslahi ya Chama. Kwa upande wake, Lowassa alipoulizwa ana mpango gani wa yeye kujiuzulu alisema: "Nitazungumza wakati muafaka ukifika." Katibu Mkuu wa CCM, Wilson Mukama, kwa upande wake alisema kwa kufuata utaratibu wa kawaida ndani ya Chama, hakina taarifa za kujiuzulu Rostam. Hata hivyo, alisema jambo hilo litazungumzwa katika vikao vya juu vya Chama na baadaye taarifa zitatolewa.

    "Chama hakina taarifa yoyote, tumeona kwenye vyombo vya habari ametangaza kujiuzulu kwake akiwa Igunga," alisema Mukama na kuongeza kuwa, CCM bado inalihitaji jimbo la Igunga. Naye mbunge wa Kigoma Kaskazini, Kabwe Zitto (CHADEMA), jana aliibuka bungeni na kuomba muongozo wa Spika Anne Makinda, akitaka atangaze kuwa jimbo la Igunga lipo wazi. Spika Anne alisema hana taarifa rasmi kuhusu kujiuzulu kwa Rostam, na kama ilivyo kwa wengine ameona habari hizo kwenye mitandao.


    "Sisi tuna taratibu zetu, Rostam hajaniandikia barua, tutatoa taarifa wakati muafaka utakapowadia," alisema. Katika hatua nyingine, wanasiasa na wasomi nchini wameendelea kuwa na maoni tofauti kuhusu uamuzi wa Rostam, wengine wakipongeza hatua hiyo. Wakizungumza kwa nyakati tofauti jana, walisema uamuzi huo ni mzuri ingawa umechelewa.

    Mwenyekiti wa TLP na mbunge wa Vunjo, Augustino Mrema, alisema Rostam amechukua uamuzi mzuri. "Ni uamuzi mzuri ingawa amechelewa, hasa kutokana na tuhuma zake kuwa za muda mrefu,'' alisema.

    Mhadhiri wa Chuo Kikuu cha Dar es Salaam, Profesa Hajji Semboja, alisema Rostam anapaswa kupigiwa mfano na wafanyabiashara wengine.


    "Ni sawa tu kuondoka, nina hakika CCM haiwezi kuyumba, ikizingatiwa kuwa wameondoka wakongwe kama hayati Julius Nyerere na Mzee Rashidi Kawawa na CCM bado ipo,'' alisema. Alisema CCM ni chama chenye wanachama wengi, hivyo kinachopaswa kufanyika ni kwa wafanyabiashara wengine kujitoa na kuwaachia watu wa siasa. Mhadhiri wa Chuo Kikuu cha Mzumbe, Mohamed Bakari, alisema CCM inapaswa kuwa makini kutokana na Rostam kushika nafasi kubwa, hivyo ni lazima alikuwa na wafuasi. "Suala hili ni kubwa na lina faida na hasara, hivyo kinachotakiwa ni kujipanga vyema ili kuepusha matatizo yatakayoweza kujitokeza baadaye,'' alisema.
     
  2. nngu007

    nngu007 JF-Expert Member

    #2
    Jul 14, 2011
    Joined: Aug 2, 2010
    Messages: 15,874
    Likes Received: 28
    Trophy Points: 145
    Ameshtushwa na Rostam kuachia Ubunge... Wow
     
  3. Lambardi

    Lambardi JF-Expert Member

    #3
    Jul 14, 2011
    Joined: Feb 7, 2008
    Messages: 7,572
    Likes Received: 2,077
    Trophy Points: 280
    Mgombea urais ajaye ajipange mnnoo ku raise 42bil au zaidi maanna mfadhili out gharama zipo pale
     
  4. Lunyungu

    Lunyungu JF-Expert Member

    #4
    Jul 14, 2011
    Joined: Aug 7, 2006
    Messages: 8,827
    Likes Received: 54
    Trophy Points: 135
    Lowasa kuachia si rahisi na hana mpango huo .CCM wanaye tu mamvi .Huyu ni shoka lao ana ngozi ngumu na Mukama pale hagusi .Unafiki huu Jamaa kajiondoa na CCM wanasema hawana habari ? Ama kweli CCM ya maajabu .
     
  5. L

    Ledio Member

    #5
    Jul 14, 2011
    Joined: Jun 15, 2011
    Messages: 30
    Likes Received: 0
    Trophy Points: 0
    Mgombea wa CCM 2015 ajiandae kupiga kampeni za BMW.
     
  6. THINKINGBEING

    THINKINGBEING JF-Expert Member

    #6
    Jul 14, 2011
    Joined: Aug 9, 2010
    Messages: 2,354
    Likes Received: 589
    Trophy Points: 280
    Lowassa pia anapaswa kuchukua maamuzi magumu.
    Watanzania wanajua,dunia inajua.
     
  7. M

    Magarinza Senior Member

    #7
    Jul 14, 2011
    Joined: May 9, 2008
    Messages: 122
    Likes Received: 1
    Trophy Points: 35
    Huyu mfanyakazi wa hili gazeti mbona maadili sifuli.!!?? Unaiwekaje habari hewani hivi kabla ya kampuni yenye hii habari kufanya hivyo.!!
     
  8. Kabembe

    Kabembe JF-Expert Member

    #8
    Jul 14, 2011
    Joined: Feb 11, 2009
    Messages: 1,619
    Likes Received: 252
    Trophy Points: 180
    Now who is going to play the game to raise monies for the 2015 election? Manji? Mohamed dewji? Shubhash Patel or 'Ridhiwani'???
     
  9. Mwita25

    Mwita25 JF-Expert Member

    #9
    Jul 14, 2011
    Joined: Apr 15, 2011
    Messages: 3,840
    Likes Received: 4
    Trophy Points: 0
    Lowassa is politically more matured as compared to a neophyte Rostam. He has been in public service for more than three decades, enough time to make a reputable leader. Therefore he will, obviously, not hastily make a resignation move. And as he prepares to contend for 2015 elections, he needs an ample time to gather the essentials a canvasser is supposed to have.
     
  10. Arafat

    Arafat JF-Expert Member

    #10
    Jul 14, 2011
    Joined: Nov 17, 2009
    Messages: 2,582
    Likes Received: 25
    Trophy Points: 0
    CCM hawajui kama RA kajiuzulu alafu pengine wanasema wao ndio wamesababisha ajiuzulu! Ili uwe CCM unatakiwa kuwa taahira kidogo au uvute bangi.
     
  11. nngu007

    nngu007 JF-Expert Member

    #11
    Jul 14, 2011
    Joined: Aug 2, 2010
    Messages: 15,874
    Likes Received: 28
    Trophy Points: 145
    Nini Maana ya sifuli??
     
  12. Yericko Nyerere

    Yericko Nyerere Verified User

    #12
    Jul 14, 2011
    Joined: Dec 22, 2010
    Messages: 15,244
    Likes Received: 1,458
    Trophy Points: 280
    Nasubiri na kikwete ajiuzuru nyadhifa zote alizonazo chini ya ccm hapo ndio nitaamini ccm imedhamiria mabadiliko!!!
     
  13. Mwendabure

    Mwendabure JF-Expert Member

    #13
    Jul 14, 2011
    Joined: Mar 10, 2011
    Messages: 1,893
    Likes Received: 60
    Trophy Points: 145
    Utandawazi Mkuu!
     
  14. Mtazamaji

    Mtazamaji JF-Expert Member

    #14
    Jul 14, 2011
    Joined: Feb 29, 2008
    Messages: 5,972
    Likes Received: 27
    Trophy Points: 0
    • Msishangae Rosta katikisa kiberiti.
    • Msishangae CCM wakamzuia Rostam kuandika baarua ya kuachia ubunge ndani ya mwaka huu
    Kujivua magamba ni zoezi linaenda taratibu sana
     
  15. MKWECHE

    MKWECHE JF-Expert Member

    #15
    Jul 14, 2011
    Joined: Apr 8, 2011
    Messages: 299
    Likes Received: 2
    Trophy Points: 0
    Mzee Ngoyai Lowassa na Kuaminia!Usijiuzulu kwa Chochote mpaka muda wa Cheo Ulichoshika Umekwisha!
    Tumia muda wako kuangalia Wapiga Kura wako wanahitaji nini namna ya Kuendeleza Maasae Girlz na Moringe n.k n.k
    Wapiga kura wasome na wajikomboe!
    Swala la Richmond Halina Mashiko tena!Kwanza ulishatekeleza wajibu wako kwa Kujiuzulu kutokana na Mchezo wa Richmond!
    Na toka Umejiuzulu hakuna Umeme wa Uhakika hadi leo!
    Komaa Laigwanani Usikubali Kuchezewa,Sifa ya Kiongozi Shupavu na Waziri Mkuu wa Vitendo ipo pale pale!
     
  16. Ngaliba Dume

    Ngaliba Dume JF-Expert Member

    #16
    Jul 14, 2011
    Joined: Oct 6, 2010
    Messages: 1,402
    Likes Received: 561
    Trophy Points: 280
    Ni taarifa nzuri,inafanya JF kuwa chanzo kizuri...Walatini wanasema "hic et Nunc"="Here and Now" ....we get the informatn!Lakn in Moral Phlosophy ths z Unethical!hultendei vema gazet na kampuni yako!ungepost ata kuanzia usiku wa kati!kwa namna hii unapngza heshma ya Kampuni,gazeti na Mwandsh husika!...ni mtazamano tu
     
  17. Mwita25

    Mwita25 JF-Expert Member

    #17
    Jul 14, 2011
    Joined: Apr 15, 2011
    Messages: 3,840
    Likes Received: 4
    Trophy Points: 0
    Futa kauli mkuu kwasababu umemtukana mpaka Rais wa hii nchi
     
  18. u

    uporoto01 JF-Expert Member

    #18
    Jul 14, 2011
    Joined: May 23, 2008
    Messages: 4,743
    Likes Received: 9
    Trophy Points: 135
    CCM hawajapata barua rasmi kutoka kwa Rostam kama Spika nae hajapata barua ya kujiuzulu kwake haya ni mambo ya kiofisi hata nyie hamwezi simama nje ya mnapofanyia kazi mkasema mmejiuzulu inabidi muandike barua sasa hamjaelewa nini hapo ?
     
  19. Sizinga

    Sizinga JF-Expert Member

    #19
    Jul 14, 2011
    Joined: Oct 30, 2007
    Messages: 7,790
    Likes Received: 295
    Trophy Points: 180
    Kumbe nae yupo mbioni kujiachia!!haya drama kama kawa!!
     
  20. Mamzalendo

    Mamzalendo JF-Expert Member

    #20
    Jul 14, 2011
    Joined: Dec 29, 2010
    Messages: 1,664
    Likes Received: 3
    Trophy Points: 135
    haya na mkuu wetu aliye mapumziko serengeti amelipokeaje au ndio linamfanya aongeze siku za kupumzika?
     
Loading...