Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Kweli wadada hiii ni sahihi?????????

Discussion in 'Mahusiano, mapenzi, urafiki' started by Akili Unazo!, Sep 11, 2012.

  1. Akili Unazo!

    Akili Unazo! JF-Expert Member

    #1
    Sep 11, 2012
    Joined: Feb 18, 2009
    Messages: 1,235
    Likes Received: 11
    Trophy Points: 135
    wadau nimiwekaa hapa kama muathirika alivyoiweka nilikoitoa hivyo sikutaka hata kupunguza chochote.Samahanini kama nitakuwa nimkosea ila fuatilini kisa hiki cha ukweli halafu tujiulize kama ww ni Mkaka ni sahihi kumfanyia mke wa mkaka mwenzio hivyo.na kama ni mdada je ni sahihi kumficha mwenzi wako????
    ---------------------------------------------------------------------------------------
    Nilienda kumzika ibilisi wangu! Ilikuwa ni ajali kubwa na hata mimi sijui niliweza vipi kupona. Dereva na mke wangu walifia pale pale kwenye eneo la tukio. Tulikuwa tukitokea Chalinze kurudi Dar es salaam baaada ya kukagua shamba ambalo ilikuwa tulinunue katika kijiji cha Msata wilayani Bagamoyo. Mbele kidogo ya mji wa Chalinze ndipo ajali hiyo ilipotokea . Dereva wetu alikuwa akijaribu kulipita lori fulani lakini wakati huo huo gurudumu la mbele la gari letu lilipasuka na kusababisha gari kuyumba ambapo lililivaa lile lori. Kufuatia kuligonga huko, gari letu lilirudishwa katikati ya barabara ambapo liligongana uso kwa uso na gari lingine lililokuwa linakuja mbele yetu. Sikujua kilichotokea hadi baada ya siku mbili Muhimbili.


    Nilipopata fahamu ilinichukua muda kukumbuka kidogo kilichotokea. Nilipouliza kuhusu mke wangu hakuna aliyesema kitu kati ya wale ndugu na jamaa zangu waliokuwa pale kando ya kitanda changu. Pamoja na maumivu yangu nilijua kilichokuwa kimetokea. Nilianza kulia, hata kabla hawajaniambia chochote. Kaka yangu aliponiambia "jikaze ni kazi ya Mungu, shemeji mama Rehema ametutoka." Nilipoteza fahamu. Nilipopata fahanu na kukubali kuipokea taarifa ile, niliambiwa kuwa mke wangu alifia pale kwenye eneo la ajali pamoja na dereva. Mimi nilikuwa nimevunjika mguu wa kushoto, mkono wa kushoto na mbavu mbili na kubanwa kifuani. Hali yangu kwa kweli haikuwa nzuri lakini nililazimika kujikaza. Mke wangu alikuwa amekufa, haikuwa rahisi kukubali.

    Nilikuwa nampenda na yeye pia alikuwa ananipenda. Ukweli ni kwamba tulikuwa tukiaminiana sana na mke wangu ambaye nitamwita Sia {Jina linalokaribiana na jina lake halisi }. Tulikuwa tumeshibana kiasi kwamba, kulikuwa hakuna ambaye alikuwa hajui. Nilikumbuka kwamba kwa miaka minane ya ndoa yetu tulikuwa hatujawahi kukorofishana, ukiacha kusigishana kwa hapa na pale. Nilikuwa sijawahi kumsaliti na hata yeye pia. Nilijaribu kukumbuka ahadi zetu kwa kila mmoja na kuhusu watoto wetu wawili mmoja wa kiume na mwingine wa kike. Kwa kweli ilinichukuwa muda wa saa kadhaa kukubali kwamba nilikuwa sina mke, mwili wa yule nimpendaye ulikuwa ukiganda mochuari. Nilijikuta nikiinuka kwa nguvu na kupiga yowe nikitaka kwenda kumfufua mke wangu. Nilikuwa nimechanganyikiwa kwa kweli! Ndugu zangu na jamaa waliokuwepo pale wodini walinishika na kunituliza.

    Ilibidi waombe msaada kwa madaktari ambapo nilichomwa sindano iliyonipa utulivu na usingizi. Nilipoamka jioni sana , nilikuwa na utulivu kidogo, kaka yangu aliniomba nijikaze na kumrudia mungu, Aliniambia nijaribu kuukubali ukweli na hali halisi. Nilijikaza na aliniambia kwamba mazishi ya mke wangu ingebidi yafanyike kesho, kwa mujibu wa makubaliano ya ndugu wa pande zote. Aliniambia dereva wangu alikuwa amezikwa tayari na ndugu zake. Nilimwomba kaka wauache mwili wa mke wangu ili niwe nae karibu kwa muda fulani. Kaka alinishawishi sana nikubali kwa sababu, kama mwislamu ninajua inavyokatazwa kuuweka mwili wa marehemu bila kuuzika kwa muda mrefu, bila sababu.

    Hatimaye nilikubaliana naye, lakini nilisema ni lazima nami niende kuzika. Kaka alinimbia kwa hali yangu nisingeruhusiwa na madaktari na wala nisingeweza kumudu kwenda makaburini Kinondoni. Nilimwambia kaka katika yote ningemkubalia lakini sio hilo la kutomzika mke wangu. Nilimwambia, habari ya madaktari aachane nayo na kuhusu mimi kumudu ningemudu tu. Nilikataa katakata hata kusikiliza ilibidi kaka aondoke pale bila muafaka. Walikuja ndugu zangu wengine kunishawishi lakini niligoma kabisa, hadi ikabidi wakubaliane nami.

    Lakini walijua ingekuwa ngumu sana kutokana na hali yangu. Kesho yake walikuwa tayari wamepata ufumbuzi. Walikubaliana na uongozi wa hospitali kwamba nipelekwe makaburini kwa gari la wagonjwa. Ni kweli nilikwenda kuzika. Pamoja na kuwa waislamu huwa hatutoi heshima za mwisho kwa kuuona mwili wa marehemu, mimi nililazimisha hadi nikaonyeshwa mwili wa mke wangu. Alikuwa hana alama hata moja usoni kwani alikuwa ameumia miguuni hadi kifuani. Nilipomwona nilipoteza fahamu………… Tulimzika mke wangu na nikarudishwa hospitalini.

    Nilitoka hospitalini baada ya mwezi mmoja na kurejea nyumbani. Nyumba yangu mwenyewe ilinitisha na nilihisi simanzi kubwa kuwa mle ndani. Watoto wangu walinisikitisha zaidi. Lakini nilishaamua kuikubali hali halisi. Nilikuwa nimekubali kuanza upya maisha. Siku ya Tatu tangu kurejea nyumbani niliamua kupangua ili kuvipanga upya vitu vya marehemu. Nilipanga nguo zake na mapambo mengine ya kike. Halafu ilibidi kupanga vitu vilivyokuwa kwenye droo zake ambazo funguo zake alikuwa nazo mwenyewe marehemu. Kwa sababu sikuwa najua alipokuwa ameweka funguo za droo zile mbili ilibidi nizivunje moja baada ya nyingine.

    Droo ya kwanza ilikuwa na barua na karatasi mbali mbali za mawasiliano na mambo mengine. Hapo nilianza kuzisoma barua. Barua ya kwanza ilikuwa ni kutoka kwa mpenzi wake. Haikuwa ni barua ya zamani, kwani ilikuwa imetumwa kwake miezi minne tu kabla ya kifo chake. Ilitumwa na bwana aliyekuwa ametuuzia ile gari iliyohusika kwenye ajali iliyomuua. Sehemu ya barua ile ilikuwa imeandikwa:

    Kuhusu hilo ni sawa mpenzi wangu.
    Wewe mwambie nitawauzia kwa mkopo, tena kwa bei rahisi sana . Lakini hizo fedha utazichukua wewe. Kuhusu kwenda Harare nitakufahamisha, jaribu kwa upande wako kumwambia kwamba utakuwa na semina huko, April. Najua kufika Aprili tutaelekea huko. Nataka tuwe mahali huru na salama ili niufaidi mwili wako na wewe uumiliki wangu.

    Barua hiyo ilijaa upuuzi mwingi……

    Nilipomaliza kuisoma nilihisi kama ninayeota au ambaye nitaugua kichaa. Ni kweli huyu jamaa ndiye aliyetuuzia lile gari iliyochukua maisha ya mke wangu kwa bei ya chini sana . Gari Nissan Pajero kwa shilingi milioni 7.5 nzuri tu, hata kama imetumika! Kumbe ulikuwa ni mpango wake na mke wangu wa kuipatia familia yangu gari. Nilienda kupekua barua na hati kadhaa. Niligundua hati ya nyumba kwa jina la mke wangu.

    Nyumba hii ilikuwa Kijitonyama. Nilipata barua nyingine. Hii ilikuwa ni ya bwana wake wa zamani lakini ilikuwa imeandikwa mwaka mmoja tu nyuma, ilikuwa ikimlaumu mke wangu kwamba hakuwa mkweli Sehemu muhimu katika barua hiyo ilikuwa imeandikwa:

    Ninajua wazi huyo Rehema ni mwanangu na hata rafiki yangu Mudy amesema tunafanana sana . kama umeamua kunidanganya , ni sawa, lakini kumbuka hiyo ni damu yangu.
    Sitamchukua wala kumdai lakini kujua ukweli ni muhimu kwangu.

    Nilipomaliza kusoma barua ile nilishikwa na kizunguzungu. Nilitulia hapo kitandani kwa muda. Halafu niliendelea kupekua kwenye karatasi hizo. Niliona barua kadhaa na kadi za mapenzi.

    Kadi mbili zilikuwa zinatoka kwa bosi wake. Barua moja ilikuwa ikitoka Uingereza kwa mtu aliyeitwa P Hughes. Huyu ni wazi alikuwa ni mpenzi wa mke wangu kwa muda mfupi, alipokwenda Uingereza miaka miwili nyuma kwa kozi fupi ya miezi sita. Barua yake ilikuwa imejaa sifa nyingi, akimsifia mke wangu kwa kuwa na mwili mzuri na kuwa mtaalamu wa mapenzi na ilisifia shanga zake pia.

    Nilihisi nikibana kifua na mapigo ya moyo wangu yalikuwa kama yamesimama. Bila shaka siku ile ndipo yalipoanzia maradhi yangu ya shinikizo la chini la damu, ambayo ninayo hadi sasa. Nilivunja ile droo ya pili ambayo ilikuwa na picha kadhaa. Zote zilikuwa ni picha za mapenzi. Nilitazama mbili za kwanza, nikatoka chumbani mle nikiyumba.

    Naomba nisiseme sana kuhusu picha hizi, kwa sababu, hata kama mtu sio mke wako, ni mwanamke unayemfahamu tu, ukiona picha zake akiwa kwenye hali kama ile, utatahayari sana . Picha unazoziona kwenye mikanda ya ibilisi au kwenye mtandao wa inteneti ndizo zilizokuwa pale kwenye droo, zikiwa ni za mke wangu na wanaume watatu tofauti.

    Yule aliyejifanya kutuuzia gari na nyingine za wanaume wawili ambao sikuweza kuwafahamu. Baadae mchana baada ya kupata nguvu nilimpigia simu kaka mkubwa wa marehemu na kumwomba apite nyumbani. Huyu ni mtu wa hekima sana na hadi sasa tunaelewana sana.Alipofika nyumbani nilimwomba radhi na kumwonyesha barua na picha zile. Alizitazama kidogo na kunirudishia, alikaa kwa muda na kusema,
    "Huyu sio dada yangu niliyekuwa namfahamu mimi, hii ni aibu kubwa sana shemeji." Hakuweza kusema chochote baada ya hapo, Alipoondoka kwa huzuni kubwa nilichukua nguo zote za mke wangu, barua, picha na vitu vingine vyote ambavyo vingenipa kumbukumbu yake na kwenda kuvichoma moto.

    Nilivichomea moto shambani kwangu, Kiwangwa Bagamoyo na kufukia majivu yake. Tangu siku ile hadi leo sijakanyaga kaburini kwake, watoto wake wanakwenda na huwa nawahimiza kufanya hivyo. Yule mkubwa anajua mengi hivi sasa baada ya kusimuliwa na baadhi ya ndugu. Nilimwambia kwamba maneno yale hayana ukweli.

    Lakini najua anafahamu kuwa yana ukweli, kwani kuna siku aliniiuliza, mbona haoni picha za mama yake ukutani. Nilimwambia, zinanitia uchungu zaidi. Ilibidi niende Afrika Kusini kupima DNA, ili kujua kama yule mtoto mdogo ni wangu kweli.

    Bahati nzuri ilionesha kwamba ni wangu kwa asilimia kubwa sana. Hii ilinipa moyo sana . Kilichonitokea kimenifanya nisiwe na hamu hata ya kuwa karibu na mwanamke, achilia mbali kuoa.

    Mtu ambaye umemuamini kuliko binadamu mwingine, kumbe ndiye anayefanya uasi usio na kipimo gizani. Nasema hivi mnapaswa kuwaamini wapenzi au wake zenu. Kilichonitokea mimi ni bahati mbaya na ninaamini kama marehemu angeendelea kuishi ni lazima ningekuja kumnasa.


    Rgds,
     
  2. Scofied

    Scofied JF-Expert Member

    #2
    Sep 11, 2012
    Joined: Jun 5, 2012
    Messages: 1,956
    Likes Received: 133
    Trophy Points: 160
    dah! Pole sana mkuu..maisha ndivyo yalivyo..machozi yamenitoka nikiimagine ka ndo mimi vile..we real dont have to trust hawa viumbe aisee...am so sorry brother..
     
  3. Anne Maria

    Anne Maria JF-Expert Member

    #3
    Sep 11, 2012
    Joined: Mar 22, 2012
    Messages: 404
    Likes Received: 0
    Trophy Points: 0
    this is very sad and touching na painful sana pole zake nyingi huyo mkaka, ila asiendelee kuumiza moyo wake kwani mlengwa mwenyewe bahati mbaya ameshafariki,, afanye mambo yake alee watoto lakini moyo wake pia asiuzibe kabisa kwani hajui ya Mungu anaweza mletea wa kuponya vidonda vyake,,, i really feel for him,, pole nyingi kwakweli....
     
  4. SnowBall

    SnowBall JF-Expert Member

    #4
    Sep 12, 2012
    Joined: Sep 13, 2011
    Messages: 3,067
    Likes Received: 14
    Trophy Points: 135
    Moyo wa mtu ni kiza kinene..
    Maishani nimejifunza sana kutousemea moyo wa mtu mwingine!..
    Inasikitisha lakini ndio huwezi kuzuia watu wasioe wala kuolewa!
     
  5. Eiyer

    Eiyer JF-Expert Member

    #5
    Sep 12, 2012
    Joined: Apr 17, 2011
    Messages: 27,212
    Likes Received: 716
    Trophy Points: 280
    Hujui kama Mtambuzi ameshaileta hapa hii?
     
    Last edited by a moderator: Jan 4, 2016
  6. K

    KENTUS Member

    #6
    Sep 12, 2012
    Joined: Jan 24, 2012
    Messages: 92
    Likes Received: 0
    Trophy Points: 13
    Dah! Ama kweli maisha ni siri kubwa na ndoa ni siri kuu kutoka kwa mungu!
     
  7. Lokissa

    Lokissa JF-Expert Member

    #7
    Sep 12, 2012
    Joined: Nov 20, 2010
    Messages: 6,981
    Likes Received: 78
    Trophy Points: 145
  8. Varbo

    Varbo JF-Expert Member

    #8
    Sep 12, 2012
    Joined: Aug 14, 2012
    Messages: 906
    Likes Received: 51
    Trophy Points: 45
    hakuna ukweli wowote hio ni story tu mtu umeolewa huwezi hifadhi picha na barua anyway aksante kwa story nzuri
     
  9. hovyohovyo

    hovyohovyo JF-Expert Member

    #9
    Sep 12, 2012
    Joined: Jul 8, 2012
    Messages: 531
    Likes Received: 12
    Trophy Points: 35
    Sasa kama hii si fictional, basi kwenye ndoa kuna mambo. Huenda labda kama isingekuwa ajali ya gari, labda mume angekuja kugundua, na angeua kwa hasira. Fate!
     
  10. King'asti

    King'asti JF-Expert Member

    #10
    Sep 12, 2012
    Joined: Nov 26, 2009
    Messages: 27,048
    Likes Received: 1,255
    Trophy Points: 280
    Umekosea sana. Kuinyofoa stori (tena iliyoibiwa humu jf) na kuibandika na contacts za mwizi wetu! Silas nae akili za kupulizia, cha kuweka contacts hadi za babu yake kwenye ma-junk email ya ku-forward!
     
  11. U

    Ubungo JF-Expert Member

    #11
    Sep 12, 2012
    Joined: Apr 7, 2012
    Messages: 1,239
    Likes Received: 2
    Trophy Points: 0
    Pole mkuu, hii thread imerudiwa.
     
  12. S

    Swae24 Member

    #12
    Sep 12, 2012
    Joined: Mar 23, 2012
    Messages: 45
    Likes Received: 0
    Trophy Points: 0
    Pole sana kaka,jaribu kuachilia kwa maana ya kumsamehe japo hayupo ili uwe huru zaidi...
     
  13. Nambe

    Nambe JF-Expert Member

    #13
    Sep 12, 2012
    Joined: Jan 18, 2011
    Messages: 1,456
    Likes Received: 3
    Trophy Points: 0
    duh....choka kabisa.....
     
  14. sinafungu

    sinafungu JF-Expert Member

    #14
    Sep 12, 2012
    Joined: Feb 13, 2010
    Messages: 1,169
    Likes Received: 265
    Trophy Points: 180
    duuuuuh hii umecopy na kupaste, MTAMBUZI ALIISHA ITOA HII SIKU KADHAA NYUMA HUKO.
     
  15. Kaunga

    Kaunga JF-Expert Member

    #15
    Sep 12, 2012
    Joined: Nov 28, 2010
    Messages: 12,582
    Likes Received: 710
    Trophy Points: 280
    It has been here before, mods iunganisheni na 'original' iliyopostiwa na Mtambuzi if possible.
     
  16. LEARNED BROTHER

    LEARNED BROTHER JF-Expert Member

    #16
    Sep 12, 2012
    Joined: Mar 7, 2012
    Messages: 249
    Likes Received: 50
    Trophy Points: 45
    Ilishaletwa hapa
     
  17. King Kong III

    King Kong III JF-Expert Member

    #17
    Sep 12, 2012
    Joined: Oct 15, 2010
    Messages: 24,163
    Likes Received: 670
    Trophy Points: 280
    Pitia sredi za mtambuzi utapata story nyingi sana.
     
  18. HAZOLE

    HAZOLE JF-Expert Member

    #18
    Sep 12, 2012
    Joined: Feb 25, 2011
    Messages: 1,314
    Likes Received: 43
    Trophy Points: 145
    ni sahihi kama haujakamatwa
     
  19. O

    Otorong'ong'o JF-Expert Member

    #19
    Sep 12, 2012
    Joined: Aug 17, 2011
    Messages: 23,403
    Likes Received: 2,530
    Trophy Points: 280
    Hii stori ilishawekwa hapa...
     
  20. f

    feyshizzo Member

    #20
    Sep 12, 2012
    Joined: Aug 14, 2012
    Messages: 18
    Likes Received: 0
    Trophy Points: 0
    pole sana kwa matatizo
     
Loading...