Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Kweli Maandamano na Migomo ndiyo SULUHISHO ya matatizo yetu? Nini kifanyike?

Discussion in 'Great Thinkers' started by FairPlayer, Nov 11, 2011.

  1. FairPlayer

    FairPlayer JF-Expert Member

    #1
    Nov 11, 2011
    Joined: Feb 27, 2006
    Messages: 4,166
    Likes Received: 49
    Trophy Points: 145
    Wakuu,

    Ni muda sasa toka nianzishe mada yoyote hapa JF. Sababu zipo nyingi ila kubwa ni kukosa muda.

    Hivi kweli migomo ya mara kwa mara ndio suluhisho la matatizo ya wafanyakazi au wanafunzi au wafanyabiashara? Kwanini kusiwepo na sehemu au taasisi inayojitegemea kwa ajili ya kupelekea malalamiko yako?

    Maandamano ya vyama vya siasa. Maandamano hata yakiwa ya amani lazima kuna vibaka wanajichomeka mle ili mradi wapate riziki zao.
    Hivi hakuwezi haki kupatikana bila maandamano?, kwanini kusiwepo chombo ambacho ukitaka kuandamana au kugoma unapeleka maombi yako kisha polisi wanaitwa mnapingana kwa HOJA kisha hicho chombo kinaamua kuwa muandamane au hapana?

    Jamani naomba mawazo yenu ya nini tufanye. Kwa mwendo huu wa sasa tutaanza kupoteza maisha ya watu kwa mambo yanayotatulika.

    Asanteni kwa kuchangia positively.
     
  2. FairPlayer

    FairPlayer JF-Expert Member

    #2
    Nov 12, 2011
    Joined: Feb 27, 2006
    Messages: 4,166
    Likes Received: 49
    Trophy Points: 145
    Naona wachangiaji hamna. Hatutaki suluhisho tunataka CCM iondoke madarakani bila kujali kama ni wazuri au watajirekebisha au la.
    Hii ndo naita siasa uchwara.
    Poleni Mbeya, Udsm na Arusha. Kwa speed hii hatutofika
     
  3. Iza

    Iza JF-Expert Member

    #3
    Nov 16, 2011
    Joined: Jan 8, 2009
    Messages: 1,793
    Likes Received: 50
    Trophy Points: 145
    Kikubwa sio taasisi au jukwaa la kusuluhisha,kwanini nasema hivi.. kwa hali ilipofikia Serikali haiko tayari au kwa makusudi au bila kujua kushughulika na matatizo ya raia wake katika sehemu kwa wakati muafaka na sidhani kama wanaoandamana wanakuwa hawajapitia hatua zote muhimu mpaka wakafikia kuamua hayo.
    Suala je maandamano ni halali au sio halali? yawe ya kisiasa,kidini au kinamna yoyote ile? kama jibu ni ndiyo kwanini iwe ni haramu kwa kundi lolote lile linalotaka kuandamana kufanya hivyo na Jeshi la Polisi likatekeleza wajibu wake wa kulinda amani na usalama..Ni upotevu wa fedha na muda kama hiyo taasisi ikifia mahali ikaanzishwa bila kwanza watendaji wa serikali kuacha kujipendekeza na kuweka unafiki nyuma wakaacha sheria,kanuni na taratibu za nchi zichukue mkondo wake ama sivyo tutakuwa madikteta bila ya kujua na raia wanaweza kuamua vinginevyo..
     
  4. FairPlayer

    FairPlayer JF-Expert Member

    #4
    Nov 17, 2011
    Joined: Feb 27, 2006
    Messages: 4,166
    Likes Received: 49
    Trophy Points: 145
    Iza,

    Bado sikatai. Ila kwanini tunafikia hapo?. Kwanini Polisi inakataa watu wasiandamane?. Nini kifanyike?

    Thanks

    Fairplayer
     
  5. P

    Pascal Mayalla JF-Expert Member

    #5
    Dec 3, 2011
    Joined: Sep 22, 2008
    Messages: 20,547
    Likes Received: 6,157
    Trophy Points: 280
    Fair Player, maandamano ndio suluhisho!. Tuendelee kuandamana mpaka 2015. Yatatungiza hadi Ikulu kama Misri na Libya!.
     
  6. FairPlayer

    FairPlayer JF-Expert Member

    #6
    Jan 30, 2012
    Joined: Feb 27, 2006
    Messages: 4,166
    Likes Received: 49
    Trophy Points: 145
    Pasco,

    Angalia niliandika hii mada November mwaka jana. Wiki mbili mpaka sasa madaktari wanagoma. Waziri husika anapiga danadana katibu mkuu wa wizara naye kama kalogwa. Waziri mkuu naye anakurupuka.

    Hivi hii serikali imelogwa?

    BTW: umeona jamaa wameanza kuigilizia style yetu ya makanisani? nao wameanza, yaani sio wabunifu kabisa. Halafu wanaleta picha mbaya....

    mwingine naye akiibukia msikitini sitoshangaa.

    Ama kweli ....
     
  7. MwanajamiiOne

    MwanajamiiOne Platinum Member

    #7
    Jan 30, 2012
    Joined: Jul 24, 2008
    Messages: 10,479
    Likes Received: 57
    Trophy Points: 145
    Maandamano na migomo si suluhisho la matatizo yetu BALI ni NJIA ya kuyafikisha kwa nguvu matatizo yetu ili yaanza kutafutiwa ufumbuzi. Ni njia sahihi kabisa ya kudrtaw attention kutoka serikalini au kwa watu husika hasa wasiokubali mazungumzo ya kidiplomasia
     
  8. MAMMAMIA

    MAMMAMIA JF-Expert Member

    #8
    Jan 30, 2012
    Joined: Feb 26, 2008
    Messages: 3,823
    Likes Received: 11
    Trophy Points: 0
    Inasikitisha na inauma kusema kuwa Tanzania hatuna viongozi bali watawala, tena watawala wenyewe ni kama wanyapara wa kikoloni. Wao wanafikiria kuwa ufumbuzi wa matatizo yetu ni kwa kuwanyamazisha watu midomo kwa vitisho, kufukuza watu kazi, kutumia nguvu za dola katika kunyamazisha watu kwa mtutu na maji ya kuwasha, kumjadili mtu badala ya kujadili tatizo na kulipatia ufumbuzi.

    Tatizo zaidi ni kuwa hawajifunzi kutokana na uzoefu wa matukio ya nchi nyengine wala kwa nyakati tunazokwenda nazo. Inapofikia wakati ikawa wananchi hawana matumaini, hawana cha kupoteza zaidi ya maisha ambayo kwao hayana thamani tena, wanaweza kufanya lolote. Mnakumbuka mwanafunzi mhitimu wa Tunisia aliyejiripua baada ya polisi kumzuwia kufanya umachinga wakati alikuwa hana kazi yoyote ya kumpatia riziki? Mnakumbuka watoto wadogo wa Palestina wanaotumia mawe kupambana na mtutu wa bunduki za Israeli? Mnakumbuka vurugu za mwaka jana Uingereza, Italia, Ugiriki, Ufaransa, Occupy Wall Street?....yalitokea hayo na yataendelea kutokea kwa sababu viongozi badala ya kuwasikiliza wananchi, wanavisikiliza na kuvinufaisha vyombo vya fedha na wawekezaji na sio wananchi wao.

    Utamwambia nani akuamini kuwa serikali haina pesa wakati wabunge wanaongezwa posho, viongozi wanasafiri kama masaburi yanawauma kukaa nchini kwao, wanatibiwa India na kwengineko wakati wananchi wanashindwa kupata huduma za msingi za afya...?

    Ni kweli migomo na maandamano sio suluhisho la mwisho, lakini kwa kuwa hakuna suluhisho lolote, migomo na maandamano ndio suluhisho pekee.
     
Loading...