Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Kwanini hawatajwi mpaka leo?

Discussion in 'Habari na Hoja mchanganyiko' started by MmasaiHalisi, May 21, 2009.

  1. MmasaiHalisi

    MmasaiHalisi Senior Member

    #1
    May 21, 2009
    Joined: Jan 15, 2009
    Messages: 192
    Likes Received: 0
    Trophy Points: 0
    Vigogo dawa za kulevya watajwa
    Written by Mwananchi
    Monday, 18 September 2006
    *Majina yao yapelekwa kwa Rais Kikwete
    *Ni orodha ndefu ya majina ya watu 58
    *Wamo wafanyabishara, wanasiasa, viongozi wa dini
    *Mbinu wanazotumia nazo zaanikwa hadharani

    WITO wa Rais Jakaya Kikwete wa kutaka wananchi wajitokeze kutaja majina ya wahalifu nchini, umepata mwitikio mpya, safari hii watu kadhaa wakijitokeza
    kutaja majina ya vigogo wanaoongoza kwa biashara ya dawa za kulevya nchini.

    Majina hayo yako katika barua iliyoandikwa na wananchi 15 kwenda kwa Rais Kikwete, ambamo wanadai kwamba walikuwa wakitumiwa na vigogo hao kufanya biashara
    hiyo, lakini sasa wameamua kuachana nayo. Barua hiyo iliandikwa Septemba 8, mwaka huu na wahusika wanadai wamekwisha kuiwasilisha Ikulu.

    Kwa mujibu wa barua hiyo, majina 58 yameorodheshwa yakiwa katika makundi matatu makubwa, la kwanza likiwa ni waagizaji wakubwa wa dawa hizo; la pili ni
    wafadhili ambao majina yao hutumika kusafirisha dawa hizo; na la tatu ni wauzaji walioko Dar es Salaam, Tanga, Mwanza, Mbeya na Zanzibar.

    Katika orodha ya waandishi wa barua hiyo wanaodai kusukumwa na uzalendo na uchungu kwa nchi yao, yamo majina ya wafanyabiashara maarufu nchini na wanasiasa,
    wakuu wa taasisi nyeti, baadhi ya viongozi wa dini na maafisa wa juu serikalini.

    Kundi la kwanza lina majina 12, miongoni mwao ni wafanyabiashara maarufu katika miji ya Dar es Salaam, Morogoro, Zanzibar, Arusha na Bagamoyo na baadhi ya
    viongozi wa dini wa madhehebu fulani.

    Kundi hili linadaiwa kuwa linaingiza dawa za kulevya kwa njia mbalimbali zikiwamo, kutumia mipira ya kondomu, majokofu, vifaa vya hospitali, meli na
    marobota ya mitumba.

    Katika kundi la pili kuna watu 19, miongoni mwao wamo wanasiasa wakubwa nchini wakiongoza kundi hili, kutoka taasisi ya fedha nchini na wafanyabiashara maarufu wa
    Dar es Salaam na Zanzibar.

    Kundi la tatu lina majina 27, ambao si ya watu wenye majina makubwa, lakini ndio wanaotumika kusambaza mitaani kwa watumiaji wa dawa za kulevya.

    Mbali ya kushiriki katika kusambaza dawa za kulevya, kundi hili pia lina baadhi ya majina ya watu waliotajwa kushiriki katika kuingiza silaha nzito
    zinazotumika kwa ajili ya ujambazi kutoka nchi jirani.

    Ufukwe wa Pwani ya Bahari ya Hindi eneo la Muhoro wilayani Rufiji inaelezwa kuwa linatumika kuingizia silaha hizo kutoka nchi jirani pamoja na dawa za
    kulevya chini ya ufadhili wa mmoja wa wanasiasa nchini.

    Uwanja wa ndege wa Mwalimu J.K. Nyerere unatajwa kuwa unatumiwa na watu hawa kuingiza dawa hizo nchini kutokea nchi za nje, huku baadhi ya maafisa wa polisi
    watatu wakitajwa kuwa ndio wanaotoa ulinzi kwa watu wanaopitisha dawa hizo.

    Nyumba ya afisa wa juu mstaafu katika idara nyeti iliyopo jijini Dar es Salaam inatajwa kuwa inatumika katika kuhifadhi vijana wanaoingiza dawa za kulevya
    nchini, huku nyumba ya mfanyabiashara mmoja iliyopo Mikocheni jijini Dar es Salaam ikitajwa kuwa ndiyo inayotumika kama kituo cha kutolea pipi tumboni kwa
    vijana wanaotumika kuingiza dawa hizo kutoka nje ya nchi.

    Vile vile, katika kundi hili mwanamke mmoja anayefanya kazi katika taasisi moja ya fedha anatajwa kuwa anashiriki katika kuhujumu uchumi wa nchi kwa
    kusafirisha kwenda nje fedha nyingi za kigeni akitumiwa na mfanyabiashara mmoja maarufu wa dawa za kulevya nchini.

    Mipaka ya Tunduma mkoani Mbeya, Horohoro mkoani Kilimanjaro na Namanga mkoani Arusha, nayo imetajwa kuwa inatumika kupitisha dawa za kulevya kwa kutumia
    mabasi na magari mengine. Kuna kampuni mbili za mabasi nchini zinazotajwa kuongoza kutumika katika usafirishaji.

    Barua hiyo ya kurasa 10, pia inamtaja mwanamke mmoja ambaye anatumika kupitisha dawa za kulevya uwanja wa ndege wa Mwalimu Nyerere kuwa ni sugu; aliwahi
    kuhukumiwa kifungo cha miaka 35 jela kwa kosa la kupatikana na dawa za kulevya, lakini hivi sasa yupo mitaani kifungo chake akitumikia mtu mwingine.

    Alipoulizwa kutoa ufafanuzi wa suala hilo, Waziri wa Nchi ofisi ya Rais (Utawala Bora), Philip Marmo, alisema hajapata barua hiyo na kwamba atalizungumzia
    baada ya kuipata.

    Naye Waziri wa Usalama wa Raia, Bakari Mwapachu, alisema hana taarifa za kuwako kwa barua hiyo. Hata hivyo, alisema kuna tume ya dawa za kulevya iliyopo
    chini ya Ofisi ya Waziri Mkuu ndiyo inayoshughulikia zaidi suala hilo.

    Alisema Jeshi la Polisi linafanya kazi za kukamata watu wanaojihusisha na dawa hizo na kwamba mikakati mingine ya kupambana na watumiaji inafanywa na tume
    hiyo.

    Mwanzoni mwa mwaka huu, Rais Kikwete aliagiza Jeshi la Polisi liongezewe uwezo wa kupambana na uhalifu, ikiwa ni pamoja na kuwahamisha vituo vya kazi askari
    waliokaa kituo kimoja kwa muda mrefu.

    Pia alilitaka Jeshi hilo lijisafishwe lenyewe kutokana na madai kwamba polisi wanahusika na baadhi ya matukio ya uhalifu nchini.

    Rais alitoa wito kwa wananchi wenye taarifa zozote za uhalifu, na wanaojua waliko majambazi wazipeleke taarifa hizo kwake kama wanaogopa kuzipeleka polisi.
    Katika kuitikia wito huo, wananchi kadhaa waliandika barua iliyooroshesha majina ya polisi 20, wakiwamo baadhi ya makamanda wa polisi wa mikoa na kuikabidhi
    kwa Waziri wa Usalama wa Rais, Bakari Mwapachu.

    Tangu wakati huo, mabadiliko makubwa yameshuhudiwa yakifanywa kwenye jeshi hilo, hata hivyo hii ni mara ya kwanza kwa watu kujitolea kuandika barua yenye
    majina na maelezo ya kina kama hii kuhusu biashara ya kulevya na kuipeleka kwa Rais.
     
  2. H

    Haika JF-Expert Member

    #2
    May 21, 2009
    Joined: Mar 3, 2008
    Messages: 2,241
    Likes Received: 20
    Trophy Points: 135
    nina uhakika unajua ni kwanini.Ila tu haiingii akilini kuwa hata na wewe pia unadanganywa na unakubali, na huna cha kufanya!Habari ndio hiyo!!Sana sana kelele zikizidi, atatolewa mmoja kafara, kwa muda kiasi, halafu kesi itaisha basi, tutaendelea mbele na kudanganyika kwetu mimi na wewe.Ole wao kizazi cha watoto wasiosomeshwa, au wasiokuwa na nguvu na ujasiri, nawaonea huruma mama zao kilio kikavyokua, huo umasikini na ujinga utakao kiwapo!!!hayo magonjwa!! jamani watanzania tunaambizana tuamke, sasa tukishaamka tunafanya nini? au nitajuaje kama nimelala au nimamka?? Nataka kufanya kitu!!
     
  3. K

    Kamongo JF-Expert Member

    #3
    May 21, 2009
    Joined: Mar 20, 2009
    Messages: 494
    Likes Received: 6
    Trophy Points: 35
    hao wauza hayo madawa mbona wanajulikana nasikia mmoja wa mameya wa manispaa mojawapo hapa jijini dar ni kinara wa kuuza hayo madawa akishirikiana na madiwani kadhaa
     
  4. Lambardi

    Lambardi JF-Expert Member

    #4
    May 21, 2009
    Joined: Feb 7, 2008
    Messages: 7,558
    Likes Received: 2,061
    Trophy Points: 280
    hahaha by then tulikuwa hatujajua kuwa JK ameingia kwenye number of episodes za usanii tulidhani ni kweli mtendaji kumbe kama Queen of GB.Pres ni RA ndio ana take action
     
  5. m

    mmaroroi JF-Expert Member

    #5
    May 21, 2009
    Joined: May 8, 2008
    Messages: 2,534
    Likes Received: 15
    Trophy Points: 135
    Tushirikiane kuiondoa Serikali hii ya wauaji wa Watoto wetu.
     
  6. Msanii

    Msanii JF-Expert Member

    #6
    May 21, 2009
    Joined: Jul 4, 2007
    Messages: 6,223
    Likes Received: 62
    Trophy Points: 145
    Mshawahi kusoma kijitabu cha HEKAYA ZA ABUNUWASI????

    karibu tukate ishu
     
  7. Bluray

    Bluray JF-Expert Member

    #7
    May 21, 2009
    Joined: Mar 25, 2008
    Messages: 3,445
    Likes Received: 26
    Trophy Points: 135
    Naah,

    wengine tulimjua tangu kabla ya 95!
     
  8. Mau

    Mau Senior Member

    #8
    May 21, 2009
    Joined: Apr 8, 2009
    Messages: 176
    Likes Received: 1
    Trophy Points: 35
    si watajwe kwani nani asiyewajua hao wauza unga
     
  9. Black Jesus

    Black Jesus JF-Expert Member

    #9
    May 21, 2009
    Joined: Mar 7, 2008
    Messages: 258
    Likes Received: 1
    Trophy Points: 0
    Ebwa we Tafadhalki sana, sasa wewe unataka serekali na nchi ipate mtikisiko ?
     
  10. Kang

    Kang JF-Expert Member

    #10
    May 21, 2009
    Joined: Jun 24, 2008
    Messages: 4,698
    Likes Received: 204
    Trophy Points: 160
    Hiyo idea ya kuorodhesha majina ilikuwa mbovu tangu mwanzo, tatizo ni ushahidi sio kuwajua tu.
    Sana sana serikali itajikuta inawalipa fidia ikiwataja kuwa wanauza unga wakati hawana ushahidi wowote.
     
  11. Tiba

    Tiba JF-Expert Member

    #11
    May 21, 2009
    Joined: Jul 15, 2008
    Messages: 4,502
    Likes Received: 55
    Trophy Points: 145
    Mau, bahati mbaya mimi simjui hata mmoja. Kwa wana JF wanaowajua wauza unga, jamani la mgambo limelia tuwataje basi hapa JF forum hadharani kama tunavyowataja mafisadi. Kwa nini imeendelea kuwa siri mpaka leo wakati watoto wetu wanaendelea kuteketea. Naambiwa magorofa mengi yanayojengwa Dar ni matokeo ya biashara hii haramu ya madawa ya kulevya. Hebu tuwataje basi!!!!! Tusiishie kusema diwani fulani au meya fulani, weka wazi hapa!!!!

    1.
    2.
    3.

    Tiba
     
Loading...