Kutoka CHADEMA: Updates juu ya msiba wa Mheshimiwa Regia Estelatus Mtema

Tumaini Makene

JF-Expert Member
Jan 6, 2012
2,642
6,070
TANZIA


Chama Cha Demokrasia na Maendeleo (CHADEMA) kimepatwa na majonzi makubwa na kinasikitika sana kwa kifo cha Mjumbe wa Kamati Kuu ya Chama Taifa, Mheshimiwa Regia Mtema ambaye pia ni Mbunge wa Viti Maalum na Waziri Kivuli wa Kazi na Ajira. Mheshimiwa Regia Mtema amefariki leo tarehe 14 Januari 2011 kwa ajali ya gari katika eneo la Ruvu darajani.

Katika uhai wake marehemu Regia Mtema amefanya kazi mbalimbali za kisiasa na kijamii katika taifa. Marehemu Regia Mtema amezaliwa tarehe 21 mwezi Aprili mwaka 1980 na kusoma shule za sekondari kidato cha kwanza mpaka cha sita katika shule ya sekondari ya Forodhani na Shule ya Wasichana ya Sekondari ya Machame. Marehemu Regia Mtema alipata shahada yake ya kwanza (Bsc Home Economics and Human Nutrition) katika Chuo Kikuu cha Kilimo cha Sokoine.

Mara baada ya kuhitimu masomo yake marehemu Regia Mtema alifanya kazi katika taasisi mbalimbali kabla ya kujiunga na CHADEMA na kuteuliwa kuwa Afisa Mwandamizi katika Kurugenzi ya Vijana ya CHADEMA na baadaye kuteuliwa kuwa Afisa Mwandamizi katika Kurugenzi ya Mafunzo ya CHADEMA nafasi ambayo aliishikilia hadi mwaka 2010 alipoteuliwa kuwa mbunge wa viti maalum.

Viongozi wakuu wa CHADEMA wakiongozwa na Mwenyekiti Freeman Mbowe ambaye pia ni kiongozi wa kambi rasmi ya upinzani bungeni, Katibu Mkuu Dr. Wilbroad Slaa, wajumbe wa kamati kuu, wakurugenzi wa chama makao makuu na wabunge wamejumuika hivi sasa na familia ya marehemu katika kipindi hiki kigumu.

CHADEMA inatoa pole kwa familia ya marehemu Regia Mtema, wananchi wa Mkoa wa Morogoro hususani wa Jimbo la Kilombero, wanachama wote wa CHADEMA, jamii ya watu wenye ulemavuTanzania na Watanzania wote kwa ujumla, kutokana na msiba huu wa ghafla katika wakati ambapo mchango wake ukihitajika kwa chama na kwa taifa.

Taarifa zaidi kuhusu taratibu za maziko, itatolewa mara baada ya kukamilisha majadiliano baina ya familia ya marehemu, chama na Ofisi ya Bunge la Jamhuri ya Muungano wa Tanzania.

Mipango ya mazishi ya marehemu inapangwa nyumbani kwa Baba wa Marehemu Regia Mtema, Ndugu Estelatus Mtema, Tabata Chang'ombe. Ratiba ya maziko itatolewa baada ya kukamilika kwa taratibu zinazopangwa na familia ya marehemu, Ofisi ya Bunge na chama.

Mungu ailaze roho ya Marehemu Regia Mtema, mahali pema peponi. Amina.

Imetolewa na:

John Mnyika(Mb)
Mkurugenzi wa Habari na Uenezi
 
Ni majonzi makubwa sana.Sisi tulimpenda lakini Mungu kampenda zaidi.Jina la bwana lihimidiwe.
 
Lakini kwa nini mapema hivi dada Regia?kapumzike kwa amani mpendwa wetu!tuko nyuma yako
 
Poleni sana CHADEMA na familia ya marehemu. RIP Regia Mtema!
 
Poleni sana wanaChadema. Mwenyezi Mungu ailaze roho ya marehemu mahala pema peponi,, Amen
 
Dificult 2blv on this sad news! Kichwa knaniuma coz of ths! Duh, my God z t true that, ma sisy Regy z no longer wit us! W ril nid ua mecy and comfort kwa kpnd hk kgumu! CDM, Mungu ka2nyanganya jembe! R.I.P our lvly sister, 2taonana tena paradiso! Bye, bye byee. Oooh my GOD!
 
poleni sana cdm lakini hasa familia, tunaungana nanyi ktk kipindi hk kgm kwa kuomboleza, cha muhimu ni kuendeleza mshikamano wa vyama vyote kuifariji familia ya mh, Regina mtema, bwana alitoa na bwana ametwaa jila bwana libarikiwe Aamen.
 
Tulikupenda sana lakini Mungu kakupenda zaidi.Mungu amlaze pema peponi mpambanaji Regia Mtema
 
Raha ya milele umpe eeh bwana na mwanga wa milele umuangazie..apumzike kwa amani!
 
jaman poleni sana ndugu zangu,Mungu mwema awatie Nguv sana,jaman ril ver ver sor Chadema,Mh.Mbowe na wote.
 
19 Reactions
Reply
Back
Top Bottom