Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Kupenda kumbe ni kazi! .. kunakuja na machozi!

Discussion in 'Mahusiano, mapenzi, urafiki' started by Mzee Mwanakijiji, Sep 20, 2010.

  1. Mzee Mwanakijiji

    Mzee Mwanakijiji Platinum Member

    #1
    Sep 20, 2010
    Joined: Mar 10, 2006
    Messages: 30,402
    Likes Received: 2,478
    Trophy Points: 280
    Moyo ukija kupenda, wenda ukidundadunda,
    Mtu aanza kukonda, anapomkosa nyonda,
    Alalama kama konda, mwenzenu kumbe kapenda,
    Mtu akiisha kupenda, huogopa kuvurunda
    Kupenda kweli ni kazi, huko kwaja na machozi!

    Ukishampenda mtu, moyo usipate kutu
    Roho yako iwe kwatu, usilie mimi ‘mbwitu’
    Usilete katukatu, kwa kusikia ya watu
    Mwisho wajikuta fyatu, na penzi likawa butu,
    Kupenda kweli ni kazi, huko kwaja na machozi!

    Nilimpenda fulani, yule binti wa jirani,
    Kaniingia moyoni, penzi hadi mifupani,
    Leo kanuna jamani, amepata kisirani
    Kosa langu miye nini, najiuliza watani,
    Kupenda kweli ni kazi, huko kwaja na machozi

    Kusema nami hataki, akija kwangu habaki,
    Kwenye miadi hafiki, nikichekesha hacheki,
    Nisimuite rafiki, hata mpenzi hataki,
    Hata kudeka hadeki, vya kuvila haviliki
    Kupenda kweli ni kazi, huko kwaja na machozi!

    Nikimgusa aruka, kumbusu anan’gaka,
    Nyonda mbona washtuka, wanitatiza hakika,
    Lipi limevurugika, nambie wangu wa shoka,
    Ni vipi umekwazika, nitonye nikatonyeka,
    Kupenda kweli ni kazi, huko kwaja na machozi!

    Siku zikapitiliza, maswali najiuliza,
    Kuliza ameniliza, na majonzi kanijaza,
    Najikunyata nawaza, hadi nimepitiliza,
    Ni dogo amelikuza, au nikubwa sijaliwaza
    Kupenda kweli ni kazi, huko kwaja na machozi

    Nabaki nasubiria, nyonda kunihurumia,
    Na aje kuniambia, ni wapi nimechapia,
    Mwenzako ninaumia, ninavyokufikiria
    Fanya hima kunijia, kosa sitalirudia,
    Kupenda kweli ni kazi, huko kwaja na machozi.

    Nilichokuandikia, ni kweli nakuambia,
    Tafadhali fikiria, jibu nalisubiria
    Mikono nimeachia, niweze kukumbatia
    Ni mbali tumeanzia, si tayari kuachia
    Kupenda kweli ni kazi, huko kwaja na machozi.

    Nafunga ninafungana, ya leo siyo ya jana,
    Na wewe nafungamana, ee nyonda wangu mwanana,
    Zikongine zafanana, penzi tulilopeana,
    Fanya hima kuonana, nina hamu kukuona,
    Kupenda kweli ni kazi, huko kwaja na machozi!

    Na. M. M. Mwanakijiji (Sauti ya Kijiji)
     
  2. Remmy

    Remmy JF-Expert Member

    #2
    Sep 21, 2010
    Joined: Jun 9, 2009
    Messages: 4,581
    Likes Received: 33
    Trophy Points: 145
    Pole sana kwa kutoa chozi, pengine kapenda mwingine au umemkosea muulize polepole, kama vipi mpotezee.
     
  3. Mzee Mwanakijiji

    Mzee Mwanakijiji Platinum Member

    #3
    Sep 21, 2010
    Joined: Mar 10, 2006
    Messages: 30,402
    Likes Received: 2,478
    Trophy Points: 280

    sasa kama ni hivi si bora angesema? au ndio haya ya "huku ataka na kule ataka".. ?
     
  4. Abdulhalim

    Abdulhalim JF-Expert Member

    #4
    Sep 21, 2010
    Joined: Jul 20, 2007
    Messages: 16,463
    Likes Received: 16
    Trophy Points: 135
    Labda amestukia wewe ni mlaji ukishiba waeza tafuta mti mwengineo wenye matunda kesho yake.

    Ushauri: Jaribu
    kutangaza nia.
     
  5. T

    Tall JF-Expert Member

    #5
    Sep 21, 2010
    Joined: Feb 27, 2010
    Messages: 1,433
    Likes Received: 5
    Trophy Points: 0
    1.haya ni mapenzi original
    2.mapenzi kama haya ni adimu kuyapata.
    3.usanii kwenye mapenzi hivi sasa ndio unatawala kwa kiasi kikubwa.
     
  6. The Finest

    The Finest JF-Expert Member

    #6
    Sep 21, 2010
    Joined: Jul 14, 2010
    Messages: 21,710
    Likes Received: 33
    Trophy Points: 145
    Hii inaelekea kufanana na kisa fulani hivi, kweli kupenda ni kazi especially unapokuja kutoa machozi kwa mtu unayempenda halafu yeye haoni hilo ndio maana watu wengi wakiumizwa na mtu fulani kwenye mapenzi na yeye anaamua kuumiza wengi pia ambayo kwangu mimi huwa siaafiki kabisa lakini hayo ndio mapenzi na kupenda ni kazi tegemea lolote kukutokea.
     
  7. Z

    Zion Daughter JF-Expert Member

    #7
    Sep 21, 2010
    Joined: Jul 9, 2009
    Messages: 8,937
    Likes Received: 27
    Trophy Points: 145
    Mapenzi ya kwenye Tamthiliya........ shades etc.
     
  8. FirstLady1

    FirstLady1 JF-Expert Member

    #8
    Sep 21, 2010
    Joined: Jul 29, 2009
    Messages: 16,200
    Likes Received: 104
    Trophy Points: 160
    Pole mzeee MM wajua kupenda ni kazi ..wewe waweza penda binti fulani kumbe yeye kapenda kwingine .:confused2:
     
  9. BornTown

    BornTown JF-Expert Member

    #9
    Sep 21, 2010
    Joined: May 7, 2008
    Messages: 1,702
    Likes Received: 89
    Trophy Points: 145
    MMKJ kweli kupenda kazi na kwaitaji moyo
     
  10. kaburunye

    kaburunye JF-Expert Member

    #10
    Sep 21, 2010
    Joined: May 12, 2010
    Messages: 675
    Likes Received: 4
    Trophy Points: 0
    Usipokuwa makini, unaweza kuwa chizi
    Ukipenda kwa undani, utatokwa na machozi
    Unasumbukia nini, si uwaambie wazazi
    Mapenzi yanayo nguvu, tena yashinda mauti,
     
  11. Kaizer

    Kaizer JF-Expert Member

    #11
    Sep 21, 2010
    Joined: Sep 16, 2008
    Messages: 23,952
    Likes Received: 525
    Trophy Points: 280
    Hapa tupo ukurasa mmoja mkuu inawezekana kabisa hii....:confused2:
     
  12. WiseLady

    WiseLady JF-Expert Member

    #12
    Sep 21, 2010
    Joined: Jan 22, 2010
    Messages: 3,233
    Likes Received: 1
    Trophy Points: 0
    Kweli kupenda ni kazi,huwa najiuliza kwanini Mungu aliweka upendo wa mapenzi i wish usingekuwepo!! MM hapo penye red ni pagumu sana maana watu wengi ni selfish,full usanii utadhani wote wamepita bagamoyo!
     
  13. Gaijin

    Gaijin JF-Expert Member

    #13
    Sep 21, 2010
    Joined: Aug 21, 2007
    Messages: 11,849
    Likes Received: 17
    Trophy Points: 0
    wenzio walipokubwa na maswahiba kama yako walisema hivi

    si kitu kunipuuza, kwako tamaa sikati
    fikira sitogeuza, moyo wangu madhubuti
    ni lani utavyoweza, naapa sikubanduki


    anaependa kikweli, hachoki kuvumilia
    habadilishi kauli, japo ukimchukua



    wajua ninakupenda, ndo mana waniringia
    unanifanyia inda, mapenzi kuyasusia
    baada ya hiki kidonda, na moto unanitia

    anaependa kikweli, hachoki kuvumilia
    habadilishi kauli, japo ukimchukua


    nikimbie japo mwaka, nipo ninakungojea
    ukirudi nakutaka, wala sitoona haya
    ........................,........................


    anaependa kikweli, hachoki kuvumilia
    habadilishi kauli, japo ukimchukua


    Source: nyimbo moja ya zamani sana
     
  14. Kaizer

    Kaizer JF-Expert Member

    #14
    Sep 21, 2010
    Joined: Sep 16, 2008
    Messages: 23,952
    Likes Received: 525
    Trophy Points: 280
    Uwe na busara kama Wiselady
    Au na upendo kama FirstLady,
    Na ma "passion kama queenKammy
    Mapenzi bado yanatesa, 'kiyapatia unatesa!

    Na Ukipendwa kama Nyani Ngabu
    Watu hawakosi sababu!
    Ili mradi mapenzi tabu, na
    Mapenzi bado yanatesa, 'kiyapatia unatesa

    Mfikiriea Zion daughter,
    Kila kitu amepata,
    Naye JS amedata, kisa
    Mapenzi bado yanatesa, 'kiyapatia unatesa!

    Uwe mkarimu kama bacha
    Au Fidel80 wa kukacha,
    Na The Finest wa kuacha..bado
    Mapenzi yanatesa, 'kiyapatia unatesa

    Ukiwa mtulivu kama Asprin
    Au Mlokole kama Gaijin
    Bado utaikuta Acid! kisa?
    Mapenzi yanatesa, 'kiyapatia unatesa!

    Nilidhani katulia Teamo,
    Kumbe madhila yangalimo!
    Nikamuliza Masanilo! kanambia:
    Mapenzi yanatesa, 'kiyapatia unatesa

    Ni kwako Cheusimangala,
    Je waweza kugangamala?
    Manake hayana muamala,
    Mapenzi yanatesa, 'kiyapatia unatesa

    Alipata kusema Nyamayao,
    'kitusimulia ya kwao
    Kumbe ndio hayo hayo,
    Mapenzi yanatesa 'kiyapatia unatesa....
     
  15. Gaijin

    Gaijin JF-Expert Member

    #15
    Sep 21, 2010
    Joined: Aug 21, 2007
    Messages: 11,849
    Likes Received: 17
    Trophy Points: 0
    kaizer sikujua kama na wewe ni mmalenga ...............:smile-big:
     
  16. Kaizer

    Kaizer JF-Expert Member

    #16
    Sep 21, 2010
    Joined: Sep 16, 2008
    Messages: 23,952
    Likes Received: 525
    Trophy Points: 280
    am not, thanks anyways..malenga kuna Mwanakijiji and co bana sio mchezo...
     
  17. Smiles

    Smiles JF-Expert Member

    #17
    Sep 21, 2010
    Joined: Aug 24, 2009
    Messages: 1,231
    Likes Received: 5
    Trophy Points: 135
    Dah nimeipenda hii.....
    Very creative.....
     
  18. Beauty

    Beauty JF-Expert Member

    #18
    Sep 21, 2010
    Joined: Feb 6, 2008
    Messages: 537
    Likes Received: 1
    Trophy Points: 35
    mwanafasihi mzuri sana wewe Kaizer, vipaji mnavyo mnavikalia, au mnataka watu tuwahamasishe kwa campaign za shuka kwa shuka ili mvitoe vipaji vyenu hadharani?
     
  19. Raia Fulani

    Raia Fulani JF-Expert Member

    #19
    Sep 21, 2010
    Joined: Mar 12, 2009
    Messages: 10,227
    Likes Received: 67
    Trophy Points: 145
    Kweli we kiboko. Ushamtungia mistari yule dada anayempenda NN?
     
  20. WiseLady

    WiseLady JF-Expert Member

    #20
    Sep 21, 2010
    Joined: Jan 22, 2010
    Messages: 3,233
    Likes Received: 1
    Trophy Points: 0
    Kaizer nitakupeleka kurecord hiyo single, baada ya hapo utafanya featuring na Mwanakijiji so itakuwa full mautamu.Love it, hasa hapo kwa Fidel kukacha nikilinganisha na avatar yake mh,,:becky::eyebrows:
     
Loading...