Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Kumbe sheria inamruhusu mke kukopa mahitaji bila ridhaa ya mume na mume aje kulipa...!

Discussion in 'Jukwaa la Sheria (The Law Forum)' started by Mtambuzi, Feb 6, 2012.

  1. Mtambuzi

    Mtambuzi Platinum Member

    #1
    Feb 6, 2012
    Joined: Oct 29, 2008
    Messages: 8,572
    Likes Received: 692
    Trophy Points: 280
    Kifungu cha sheria ya ndoa ya Tanzania ya mwaka 1971 kinaruhusu mke kukopa vitu ambavyo mumewe atakuja kuvilipa ilimradi tu vitu hivyo viwe ni muhimu kwa maisha ya familia. Hali inaweza kuwa tofauti kama mke akikopa dhahabu, manukato na nguo za kujipamba au pia kama angekopa vitu vya thamani kubwa kuliko ambavyo mumewe anaweza kuvilipa au vitu vingine ambavyo sio muhimu kwa ajili ya maisha yake na ya familia. Sheria hii inawabana zaidi wale wanaume wanaosafiri kwa muda mrefu huku wakiwa hawajaacha fedha za matumizi zinazokidhi mahitaji ya hapo nyumbani kwa kipindi chote watakachokuwa wako safarini. Au wale wanaotelekeza familia zao kwa muda mrefu bila kujulikana walipo na pale wanaporejea na kukutana na deni baada ya wake zao kukopa, wanakuwa hawana budi kulilipa, kwani sheria inawabana.

    Hata hivyo kifungu hicho kimetoa tetezi mbalimbali ambazo mume anaweza kuzitumia ili kumuepusha na wajibu wa kulipa deni hilo. Mume anaweza kuepuka kulipa deni kama tu angekuwa ameshaachana na na mkewe au akiweza kuthibitisha kuwa mkewe anaishi maisha ya waziwazi ya uzinzi. Mfano, kama mume akithibitisha kuwa mkewe anatembea na huyo mwenye duka alipokopa na mtaa mzima unafahamu juu ya hilo, basi hatowajibika kulipa deni hilo. Pia kama akithibitisha kwamba alimpatia mkewe fedha za kutosha kukidhi mahitaji kwa kipindi chote alichokuwa amesafiri au kulikuwa na bidhaa za kutosha kwa ajili ya matumizi ya nyumbani kwake au kama bidhaa zilizochukuliwa ni nyingi kuzidi uwezo wake wa kulipa, na hapa kiasi cha bidhaa kinaweza kuthibitishwa kwa rekodi aliyokuwa anaiweka mmiliki wa duka kwa bidhaa alizokuwa anamkopesha huyo mke mkopaji.

    Sheria hii ni muhimu sana kwa sababu, inalinda familia kutoka kwa mume asiyetaka kutimiza majukumu yake ya kifamilia. Lakini mapungufu katika sheria hii ni kuwa imelalia upande mmoja kwa sababu, haimpi mwanaume uwezo wa kukopa pale mwanamke anapokataa kutimiza majukumu yake ya kifamilia. Labda itaonekana ni jambo la kuchekesha kidogo kwa wasomaji wa JF, lakini sheria hii hii ya ndoa ya Tanzania ya mwaka 1971 katika kifungu cha 63 (b) inampa haki mwanaume kulelewa na mkewe (maintenance) pale anapokuwa hana uwezo wa kuitunza familia kutokana na mapungufu kimwili, kiakili, au inapothibitika kuwa afya yake ni ya mgogoro na inapothibitika kuwa mkewe ana uwezo wa kutunza familia hiyo. Sasa inakuwaje pale mwanamke huyo anapokwepa wajibu wake huo?


    Naomba Mods wasiipeleke hii thread kule jukwaa la sheria kwa sababu inawahusu wanandoa na ndio maana nikaiweka hapa MMU kwa faida ya wengi.
     
  2. kopuko

    kopuko Senior Member

    #2
    Feb 6, 2012
    Joined: Oct 24, 2011
    Messages: 178
    Likes Received: 1
    Trophy Points: 35
    uonevu mkubwa sana
    hasa kwenye kipindi hiki cha haki sawa
     
  3. Tutafika

    Tutafika JF-Expert Member

    #3
    Feb 6, 2012
    Joined: Nov 4, 2009
    Messages: 1,384
    Likes Received: 83
    Trophy Points: 160
    Aisee Mangi, utaniambia ilikuaje we uibebe familia yangu mwaka mzima wakati mi sipo!, siwezi kulipa aloo, labda kidogo nitafikiria kama mwenye duka ni mwanamke (napo nitaangalia alivyo alivyo, asijekua msagaji). Taratibu za makabila mengi, ikitokea unatakiwa uwataarifu ndugu pande zote waangalie utakavyoishi, ukikimbilia kwa bwashee, nikirudi ni taraka!
     
  4. Mtambuzi

    Mtambuzi Platinum Member

    #4
    Feb 6, 2012
    Joined: Oct 29, 2008
    Messages: 8,572
    Likes Received: 692
    Trophy Points: 280
    Bora hata akope kwa Mangi aiseee, je ikiwa ni kwa Mpemba.......................!
     
  5. Mtambuzi

    Mtambuzi Platinum Member

    #5
    Feb 6, 2012
    Joined: Oct 29, 2008
    Messages: 8,572
    Likes Received: 692
    Trophy Points: 280
    Si umeona jinsi inavyoshangaza eh..................Hizi sheria hazina mashiko wakati mwingine hasa pale inapohusu haki za mwanamke.
     
  6. Nyani Ngabu

    Nyani Ngabu Platinum Member

    #6
    Feb 6, 2012
    Joined: May 15, 2006
    Messages: 65,182
    Likes Received: 16,164
    Trophy Points: 280
    Ni moja ya sheria zilizo za kijinga sana kupita hata maelezo!
     
  7. Mtambuzi

    Mtambuzi Platinum Member

    #7
    Feb 6, 2012
    Joined: Oct 29, 2008
    Messages: 8,572
    Likes Received: 692
    Trophy Points: 280
    Hata mimi sheria hii imenishangaza kidogo, nikaona niwashirikishe wanaume wenzangu ili tutafakari kwa pamoja. Nashawishika kusema sheria hii inabidi ipitiwe upya. sijui hilo nalo ni kosa la kisheria kutaka sheria ipitiwe upya?
     
  8. Gaijin

    Gaijin JF-Expert Member

    #8
    Feb 6, 2012
    Joined: Aug 21, 2007
    Messages: 11,849
    Likes Received: 17
    Trophy Points: 0
    Sheria nzuri sana hiyo, na wanawake wengi zaidi wanapaswa kuifahamu


    * naruhusiwa kukopa hadi asilimia ngapi ya kipato cha mume? :D
     
  9. Kongosho

    Kongosho JF-Expert Member

    #9
    Feb 6, 2012
    Joined: Mar 21, 2011
    Messages: 36,152
    Likes Received: 177
    Trophy Points: 145
    Ni sheria nzuri inasaidia kina mama

    Sasa unasema inamnyima mwanamme fursa ya kukopa, mwanamme naye akope nini? sasabu ndo anategemewa kutunza familia. Akope uhausi?
     
  10. platozoom

    platozoom JF-Expert Member

    #10
    Feb 6, 2012
    Joined: Jan 24, 2012
    Messages: 6,897
    Likes Received: 1,543
    Trophy Points: 280
    Ni sheria nzuri kwa upande mmoja (mwanamke),lakini pia ni sheria mbaya kwa upande wa mwanaume.Kifupi kwa ujumla wakwe ni sheria yenye mapungufu lakini si mbaya mojamoja.Maudhui yaliomo kama - kuzuia kukopa kupita kipato cha wastani cha mwanaume,kukopa kwa nidhamu na uaminifu mwanaume anapokuwa mbali ni jambo zuri,ila kinachotakiwa ni kudai pia kiongezwe kipengele kama hicho kwa upande wa mwanaume lakini waongeze kwamba mwanaume anaweza kukopa bia kuanzia 1 mpaka 3...kwa sababu inampa akili ya kutafakari mwelekeo wa familia.

    Kwa mwanamke liongezwe sharti la kutokopa vocha dukani na kutonunua vyakula vya anasa kama burger,mayonnaise,popcorn na sosage.Kwa mwanaume unayejali hebu gonga like kwa kila mwenye wazo kama hili ili kuboresha sheria kandamizi kama hii.

    Asante Mtambuzi kwa kuleta mada nzuri.
     
  11. Mtambuzi

    Mtambuzi Platinum Member

    #11
    Feb 6, 2012
    Joined: Oct 29, 2008
    Messages: 8,572
    Likes Received: 692
    Trophy Points: 280
    Una akili sana wewe.....................!
     
  12. Nyani Ngabu

    Nyani Ngabu Platinum Member

    #12
    Feb 6, 2012
    Joined: May 15, 2006
    Messages: 65,182
    Likes Received: 16,164
    Trophy Points: 280
    Hiyo sheria ni bomu na inaendeleza dhana ya mwanamke kuwa chini ya mwanamme!
     
  13. c

    christer Senior Member

    #13
    Feb 7, 2012
    Joined: Feb 12, 2010
    Messages: 131
    Likes Received: 0
    Trophy Points: 0
    fuul kukopa vitu na kuviuza kwa majirani
     
Loading...