Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Kuisaka Maiti Ya Osama bin Laden Baharini

Discussion in 'Habari na Hoja mchanganyiko' started by kilimasera, Jun 14, 2011.

  1. kilimasera

    kilimasera JF-Expert Member

    #1
    Jun 14, 2011
    Joined: Dec 2, 2009
    Messages: 3,072
    Likes Received: 9
    Trophy Points: 135
    Kwa kuwa serikali ya Marekani imeshindwa kuwathibitishia watu kuuliwa kwa Osama bin Laden na maiti yake kuzikwa baharini kama wanavyodai, mtaalamu mmoja wa kupiga mbizi baharini wa nchini Marekani amepanga kutumia dola laki nne kuisaka maiti ya Osama bin Laden kwenye bahari ambayo maiti yake ilidaiwa kutupwa.

    Bill Warren ambaye ni mtaalamu wa kupiga mbizi baharini mwenye makazi yake mjini San Diego, California nchini Marekani, ameamua kuisaka maiti ya Osama bin Laden baharini ili kujua kama kweli Osama bin Laden aliuliwa na maiti yake ilitupwa baharini.

    Akitumia teknolojia za kisasa zilizotumika kuisaka meli ya Titanic, boti za wapiga mbizi na submarine, Warren ametenga dola laki nne kuusaka mwili wa Osama bin Laden baharini.

    Kazi ya kuusaka mwili wa Osama itaanza mapema mwezi ujao kwa kuanzia upande wa bahari ya Hindi magharibi mwa India.

    Warren mwenye umri wa miaka 59 alipoulizwa sababu ya kutumia pesa zake kuusaka mwili wa Osama alijibu kwa kusema "Nafanya hivi ili kujua kama kweli Osama aliuliwa, tunaamini rais Obama ameshindwa kuwathibitishia watu kuwa Osama bin Laden ameuliwa".

    "Nina mpenzi wangu Mrusi ambaye amekuwa akiniambia kuwa Majasusi wa Urusi hawaamini kama Osama bin Laden ameuliwa kweli, mimi simuamini rais Obama wala serikali yake", aliongeza Warren.

    "Serikali ya Obama ilitakiwa itoe picha kama ilivyofanya wakati alipouliwa Saddam Hussein", alisema Warren.

    Serikali ya Marekani imedai inazo picha za kuuliwa kwa Osama bin Laden ingawa ni wanasiasa wachache sana walichaguliwa kuonyeshwa picha hizo.
     
  2. Eliphaz the Temanite

    Eliphaz the Temanite JF-Expert Member

    #2
    Jun 14, 2011
    Joined: Jan 19, 2010
    Messages: 2,664
    Likes Received: 232
    Trophy Points: 160
    Source pls.
     
  3. MaxShimba

    MaxShimba JF-Expert Member

    #3
    Jun 15, 2011
    Joined: Apr 11, 2008
    Messages: 35,808
    Likes Received: 94
    Trophy Points: 145
    Mkuu wasomali watalipwa kiasi gani? Maana si ajabu teyari wapo baharini wanatafuta maiti ya OBL
     
Loading...